(1)

Ir-Regolament tal-Kummissjoni (UE) Nru 142/2011 (2) jistabbilixxi regoli ta’ implimentazzjoni għar-Regolament (KE) Nru 1069/2009, inklużi rekwiżiti dwar it-traċċabbiltà ta’ prodotti sekondarji tal-annimali u prodotti derivati minnhom.

(2)

F’konformità mal-Artikolu 7(2) tar-Regolament (KE) Nru 1069/2009, il-prodotti derivati jibqgħu kklassifikati fl-istess kategorija bħall-prodotti sekondarji tal-annimali li minnhom jidderivaw. Madankollu, taħt ċerti kundizzjonijiet, iż-żjut tal-ħut u l-ħut mitħun jista’ jkun fihom ċerti residwi f’livelli ogħla minn dawk tal-ħut jew tal-prodotti tas-sajd li jkunu tajbin għall-konsum mill-bniedem li minnhom ikunu ġew estratti, u b’hekk ikunu jirrikjedu proċess ta’ detossifikazzjoni qabel l-użu fl-għalf għall-annimali.

(3)

Ir-Regolament tal-Kummissjoni (UE) 2015/786 (3) jiddefinixxi l-kriterji ta’ aċċettabilità għall-proċessi ta’ detossifikazzjoni applikati għal prodotti maħsuba għall-għalf tal-annimali. Ir-rekwiżiti u l-kriterji ta’ aċċettabilità għall-proċessi ta’ detossifikazzjoni taż-żjut tal-ħut u tal-ħut mitħun tal-materjali tal-Kategorija 3 previsti fir-Regolament (UE) 2015/786 jenħtieġ li jiżguraw li ż-żejt tal-ħuta u l-ħut mitħun detossifikati tal-materjali tal-Kategorija 3 fl-għalf ma jipperikolawx is-saħħa pubblika u tal-annimali u l-ambjent u li l-karatteristiċi tal-għalf ma jkunux mibdula b’mod negattiv mill-proċess ta’ detossifikazzjoni. Għalhekk, l-awtorità kompetenti tista’ tawtorizza d-detossifikazzjoni fit-territorju tal-Istat Membru tagħha filwaqt li ma hemmx regoli armonizzati għad-dispaċċ ta’ dawn il-materjali għal detossifikazzjoni fi Stat Membru ieħor.

(4)

Sabiex tiġi awtorizzata d-detossifikazzjoni ta’ ċerti żjut tal-ħut u ħut mitħun maħsuba għat-tagħlif ta’ annimali tar-razzett, jenħtieġ li jiġu stabbiliti rekwiżiti għad-dispaċċ ta’ żjut tal-ħut u ħut mitħun b’livelli eċċessivi ta’ residwi lejn Stat Membru ieħor għad-detossifikazzjoni f’impjanti approvati skont ir-Regolament (KE) Nru 183/2005 tal-Parlament Ewropew u tal-Kunsill (4). Għalhekk, l-Istati Membri jenħtieġ li, fejn meħtieġ, wara valutazzjoni tar-riskju, jawtorizzaw it-trasport ta’ żjut tal-ħut u ħut mitħun maħsub għall-produzzjoni ta’ materjali tal-għalf u li jkun fihom livell(i) eċċessiv(i) ta’ diossini u/jew poliklorobifenili (PCBs) skont it-tifsira tad-Direttiva 2002/32/KE tal-Parlament Ewropew u tal-Kunsill (5) minn Stati Membri oħra lejn impjanti rreġistrati jew approvati għad-detossifikazzjoni fit-territorju tagħhom.

(5)

Madankollu, iż-żjut tal-ħut u l-ħut mitħun tal-materjal tal-Kategorija 3 li diġà tqiegħdu fis-suq u rriżultaw pożittivi fit-test għal livell(i) eċċessiv(i) ta’ diossini u/jew poliklorobifenili (PCBs) waqt il-kontrolli uffiċjali, jenħtieġ li ma jkunux soġġetti għad-detossifikazzjoni prevista f’dan ir-Regolament.

(6)

L-Artikolu 21 u l-Anness VIII tar-Regolament (UE) Nru 142/2011 jenħtieġ li jiġu emendati skont dan, b’rekwiżiti għad-dispaċċ ta’ prodotti derivati maħsuba għad-detossifikazzjoni fi Stat Membru ieħor.

(7)

Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

fl-Artikolu 21, jiżdied il-paragrafu li ġej:

(*1)  Ir-Regolament tal-Kummissjoni (UE) 2015/786 tad-19 ta’ Mejju 2015 li jiddefinixxi l-kriterji ta’ aċċettabilità għall-proċessi ta’ detossifikazzjoni applikati għal prodotti maħsuba għall-għalf tal-annimali stipulati fid-Direttiva 2002/32/KE tal-Parlament Ewropew u tal-Kunsill (ĠU L 125, 21.5.2015, p. 10).”"

(2)

L-Anness VIII huwa emendat skont l-Anness ta’ dan ir-Regolament.