European flag

Il-Ġurnal Uffiċjali
tal-Unjoni Ewropea

MT

Is-serje C


C/2026/2823

28.5.2026

Pubblikazzjoni tal-komunikazzjoni ta’ emenda standard approvata ta’ speċifikazzjoni tal-prodott ta’ indikazzjoni ġeografika f’konformità mal-Artikolu 5(4) tar-Regolament Delegat tal-Kummissjoni (UE) 2025/27 (1)

(C/2026/2823)

KOMUNIKAZZJONI TAL-APPROVAZZJONI TA’ EMENDA STANDARD

(Artikolu 24 tar-Regolament (UE) 2024/1143)

“Mont Caume”

Numru ta’ referenza UE: PGI-FR-A1206-AM02 — 4.3.2026

1.   Isem il-prodott

Mont Caume

2.   Tip ta’ indikazzjoni ġeografika

☐

DOP

☑

IĠP

☐

IĠ

3.   Settur

☐

Prodotti agrikoli

☑

Inbejjed

☐

Xarbiet spiritużi

4.   Pajjiż li għalih tappartjeni ż-żona ġeografika

Franza

5.   Awtorità tal-Istat Membru li tikkomunika l-emenda standard

Isem

Il-Ministeru għall-Agrikoltura u għas-Sovranità tal-ikel, id-Direttorat Ġenerali għall-Prestazzjoni Ekonomika u Ambjentali tal-Intrapriżi

6.   Kwalifika bħala emenda standard

L-awtoritajiet Franċiżi jqisu li l-applikazzjoni tissodisfa r-rekwiżiti tar-Regolamenti (UE) Nru 1308/2013 u (UE) 2024/1143.

L-emendi ta’ din l-ispeċifikazzjoni tal-prodott huma emendi standard kif definiti fl-Artikolu 24(4) tar-Regolament (UE) 2024/1143.

L-applikazzjoni għal emenda tadl-IĠP ma tinvolvi l-ebda waħda mit-tliet sitwazzjonijiet li jikkostitwixxu emenda tal-Unjoni; speċifikament, ma:

(a)

tinkludix bidla fl-isem jew fl-użu tal-isem, jew fil-prodotti jew fil-kategoriji ta’ prodotti definiti mill-indikazzjoni ġeografika;

(b)

tirriskjax li xxejjen ir-rabta maż-żona ġeografika;

(c)

tinvolvix aktar restrizzjonijiet fuq il-kummerċjalizzazzjoni tal-prodott.

Għalhekk, l-awtoritajiet Franċiżi jqisu li l-applikazzjoni hija għal emenda standard.

7.   Deskrizzjoni tal-emenda/i standard approvata/i

Titolu

Żoni ġeografiċi li fihom isiru l-operazzjonijiet

Deskrizzjoni

Il-Kapitolu I tal-ispeċifikazzjoni tal-prodott ġie ssupplimentat fil-punt 4 – “Żoni ġeografiċi li fihom isiru l-operazzjonijiet”, il-punt 4.1 – “Żona ġeografika” u l-punt 4.2 – “Żona fil-viċinanza immedjata” biex tiġi inkluża referenza għall-Kodiċi Ġeografiku Uffiċjali tal-2024, u biex tiġi aġġornata, mingħajr ma tinbidel, il-lista ta’ muniċipalitajiet li jiffurmaw iż-żona ġeografika.

Din l-emenda editorjali tippermetti li ż-żoni ġeografiċi jiġu identifikati b’referenza għall-verżjoni tal-2024 tal-Kodiċi Ġeografiku Uffiċjali ppubblikat mill-Istitut Nazzjonali tal-Istatistika u tal-Istudji Ekonomiċi (INSEE, Institut national de la statistique et des études économiques), biex tipprovdi ċertezza legali lid-definizzjoni taż-żoni ġeografiċi.

L-istess referenza ddaħħlet fid-dokument uniku taħt l-intestaturi “Żona ġeografika” u “Rekwiżiti oħra – żona fil-viċinanza immedjata”.

☑

L-emenda taffettwa d-dokument uniku.

Titolu

Varjetajiet tal-vinji

Deskrizzjoni

Il-Kapitolu I tal-ispeċifikazzjoni tal-prodott ġie ssupplimentat fil-punt 5 “Varjetajiet ta’ dwieli” biex jiżdiedu żewġ varjetajiet mal-lista ta’ varjetajiet eliġibbli għall-IĠP.

Dawn il-varjetajiet huma l-Mourvèdre blanc B u l-Mourvèdre gris G, mutazzjonijiet spontanji tal-Mourvèdre noir, il-varjetà ta’ għeneb tradizzjonali tad-dipartiment ta’ Var. Dawn huma reżistenti għall-mard u għan-nixfa, u għalhekk huma adattati sew għall-klima tan-Nofsinhar li tikkaratterizza ż-żona tal-produzzjoni.

Dawn il-varjetajiet ġew inklużi b’reazzjoni għat-tħassib ambjentali, kemm f’termini tat-tisħin globali kif ukoll tal-adattament għall-pressjonijiet tal-pesti.

Dawn iridu jiżdiedu mal-lista ta’ varjetajiet tal-għeneb tal-inbid fid-dokument uniku.

☑

L-emenda taffettwa d-dokument uniku.

Titolu

Rekwiżiti tad-dikjarazzjoni

Deskrizzjoni

Fil-Kapitolu 2 tal-ispeċifikazzjoni tal-prodott, il-punt 1 – “Rekwiżiti ta’ dikjarazzjoni” ġie emendat billi żdiedet id-data tal-31 ta’ Jannar tas-sena ta’ wara l-ħsad bħala l-iskadenza għad-dikjarazzjoni tal-ħsad u/jew għad-dikjarazzjoni tal-produzzjoni. Il-volumi ddikjarati sa dik id-data jikkostitwixxu l-volum massimu eliġibbli għall-IĠP.

Din l-iskadenza għad-dikjarazzjoni tal-ħsad li għandha titqies hija komuni għall-IĠP kollha fir-reġjun u hija maħsuba biex tistabbilizza s-segment tal-IĠP fil-livell reġjonali u tiżgura aktar ċarezza fir-rigward tal-volumi introdotti fis-suq.

Din l-emenda ma taffettwax id-dokument uniku.

☐

L-emenda taffettwa d-dokument uniku.

DOKUMENT UNIKU

Denominazzjonijiet ta’ oriġini u indikazzjonijiet ġeografiċi tal-inbid

“Mont Caume”

Numru ta’ referenza UE: PGI-FR-A1206-AM02 — 4.3.2026

1.   Isem/Ismijiet

Mont Caume

2.   Tip ta’ indikazzjoni ġeografika

☐

DOP

☑

IĠP

☐

IĠ

3.   Pajjiż li għalih tappartjeni ż-żona ġeografika definita

Franza

4.   Klassifikazzjoni tal-prodott agrikolu f’konformità mal-intestatura u l-kodiċi tan-Nomenklatura Magħquda, kif imsemmi fl-Artikolu 6(1) tar-Regolament (UE) 2024/1143

2204 – Inbid tal-għeneb frisk, inkluż l-inbejjed imqawwija; most tal-għeneb għajr dak tal-intestatura 2009

5.   Kategoriji ta’ prodotti tad-dwieli kif elenkati fil-Parti II tal-Anness VII tar-Regolament (UE) Nru 1308/2013

1.

Inbid

5.

Inbid spumanti ta’ kwalità

6.   Deskrizzjoni tal-inbid jew tal-inbejjed

Prodott tad-dwieli

Inbejjed ħomor, rożè u bojod bla gass

Karatteristiċi organolettiċi

Apparenza viżiva

L-inbejjed rożè huma ta’ kulur roża ċar delikat.

L-inbejjed ħomor huma intensi.

L-inbejjed bojod huma vivaċi.

Aroma

L-inbejjed ħomor huma b’saħħithom.

L-inbejjed rożè għandhom aroma ta’ frott u huma raffinati.

L-inbejjed bojod għandhom aromi ta’ fjuri u ta’ frott.

Togħma

L-inbejjed ħomor huma ġeneralment strutturati u robusti.

L-inbejjed [rożè] għandhom togħma ta’ frott u huma raffinati.

L-inbejjed bojod huma pjuttost vivaċi b’aromi ta’ fjuri u ta’ frott.

Informazzjoni addizzjonali dwar il-karatteristiċi organolettiċi

Għall-kuntrarju ta’ produzzjoni oħra fid-dipartiment, fejn il-proporzjon tal-inbejjed rożè huwa ta’ madwar 80 %, l-inbejjed rożè tal-IĠP Mont Caume jirrappreżentaw inqas minn 55 % tal-volumi tal-produzzjoni. Min-naħa l-oħra, u din il-karatteristika hija speċifika għall-indikazzjoni ġeografika protetta inkwistjoni, il-produzzjoni tal-inbid aħmar hija iżjed importanti għaliex din dejjem tirrappreżenta bejn 40 % u kważi 50 % tal-volum, skont il-vendemmja. Il-produzzjoni tal-inbid abjad, li jikkostitwixxi l-iżgħar proporzjon, tirrappreżenta madwar 5 % tal-produzzjoni tal-inbid bla gass, skont il-vendemmja.

L-inbejjed rożè bla gass huma prodotti l-aktar mill-varjetajiet Grenache N, Cinsault N u Carignan N, filwaqt li l-inbejjed ħomor huma prodotti l-aktar mill-varjetajiet Mourvèdre N, Carignan N u Grenache N. Fost l-inbejjed bojod, tingħata preferenza lill-varjetajiet Bourboulenc B, Ugni Blanc B u Clairette B.

L-inbejjed ħomor huma kkaratterizzati mill-istruttura u mill-intensità tagħhom.

L-inbejjed rożè huma kkaratterizzati mill-kulur roża ċar delikat tagħhom u mill-aromi tagħhom ta’ frott.

L-inbejjed bojod huma kkaratterizzati min-natura vivaċi u mill-aromi ta’ fjuri u ta’ frott tagħhom.

Karatteristiċi analitiċi

Qawwa alkoħolika totali massima (f’% tal-volum):

—

Qawwa alkoħolika effettiva minima (f’% tal-volum):

10

Aċidità totali minima:

—

Unità ta’ aċidità totali minima:

—

Aċidità volatili massima (f’milliekwivalenti għal kull litru):

—

Total massimu ta’ diossidu tal-kubrit (f’milligrammi għal kull litru):

—

Informazzjoni addizzjonali dwar il-karatteristiċi analitiċi

—

☑

Kwalunkwe karatteristika analitika li mhijiex indikata f’din it-taqsima hija fil-limiti stipulati mil-leġiżlazzjoni applikabbli tal-UE.

Prodott tad-dwieli

Inbejjed spumanti ta’ kwalità, ħomor, rożè u bojod

Karatteristiċi organolettiċi

Apparenza viżiva

L-inbejjed rożè huma ta’ kulur roża ċar delikat.

L-inbejjed ħomor huma intensi.

L-inbejjed bojod huma vivaċi.

Aroma

L-inbejjed ħomor huma b’saħħithom.

L-inbejjed rożè għandhom aroma ta’ frott u huma raffinati.

L-inbejjed bojod għandhom aromi ta’ fjuri u ta’ frott.

Togħma

L-inbejjed ħomor huma ġeneralment strutturati u robusti.

L-inbejjed rożè għandhom aroma ta’ frott u huma raffinati.

L-inbejjed bojod huma pjuttost vivaċi b’aromi ta’ fjuri u ta’ frott.

Informazzjoni addizzjonali dwar il-karatteristiċi organolettiċi

L-inbejjed spumanti ta’ kwalità prodotti fiż-żona ġeografika tal-IĠP huma l-aktar bojod (Clairette B, Ugni Blanc B) u rożè (Grenache u Cinsault).

Dawn huma kkaratterizzati mill-eleganza tagħhom u mill-aromi ta’ frott jew ta’ fjuri tipiċi tal-inbejjed bla gass tal-IĠP.

L-inbejjed ħomor huma kkaratterizzati mill-istruttura u mill-intensità tagħhom.

L-inbejjed rożè huma kkaratterizzati mill-kulur roża ċar delikat tagħhom u mill-aromi tagħhom ta’ frott.

L-inbejjed bojod huma kkaratterizzati min-natura vivaċi tagħhom u mill-aromi ta’ fjuri u ta’ frott tagħhom.

Karatteristiċi analitiċi

Qawwa alkoħolika totali massima (f’% tal-volum):

—

Qawwa alkoħolika effettiva minima (f’% tal-volum):

—

Aċidità totali minima:

—

Unità ta’ aċidità totali minima:

—

Aċidità volatili massima (f’milliekwivalenti għal kull litru):

—

Total massimu ta’ diossidu tal-kubrit (f’milligrammi għal kull litru):

—

Informazzjoni addizzjonali dwar il-karatteristiċi analitiċi

—

☑

Kwalunkwe karatteristika analitika li mhijiex indikata f’din it-taqsima hija fil-limiti stipulati mil-leġiżlazzjoni applikabbli tal-UE.

7.   Prattiki tal-produzzjoni tal-inbid

7.1.   Prattiki enoloġiċi speċifiċi użati biex isir l-inbid jew l-inbejjed u r-restrizzjonijiet rilevanti għall-produzzjoni tagħhom

Prattiki tal-produzzjoni tal-inbid

—

Tip ta’ prattika enoloġika

Prattiki enoloġiċi speċifiċi

Deskrizzjoni

Il-prattiki enoloġiċi użati biex isiru l-inbejjed iridu jikkonformaw mal-leġiżlazzjoni tal-UE.

7.2.   Rendimenti massimi

L-inbejjed/kategoriji/varjetajiet/tipi kollha

Inbejjed spumanti bla gass u ta’ kwalità

Rendiment massimu:

Rendiment massimu:

90

Unità ta’ rendiment massimu:

ettolitri għal kull ettaru

8.   Indikazzjoni tal-varjetà jew tal-varjetajiet ta’ għeneb tal-inbid li minnhom jiġi prodott l-inbid jew jiġu prodotti l-inbejjed

—

Agiorgitiko N

—

Alicante Henri Bouschet N

—

Aligoté B

—

Alphonse Lavallée N

—

Altesse B

—

Aramon N

—

Aramon blanc B

—

Aramon gris G

—

Aranel B

—

Arbane B

—

Arinarnoa N

—

Arriloba B

—

Arrouya N

—

Artaban N

—

Assyrtiko B

—

Aubin B

—

Aubin Vert B

—

Aubun N – Murescola

—

Auxerrois B

—

Bachet N

—

Barbaroux Rs

—

Baroque B

—

Biancu Gentile B

—

Blanc Dame B

—

Bouchalès N

—

Bouillet N

—

Bouquettraube B

—

Bourboulenc B – Doucillon blanc

—

Brachet N – Braquet

—

Brun Fourca N

—

Brun Argenté N – Vaccarèse

—

Béclan N – Petit Béclan

—

Béquignol N

—

Cabernet Franc N

—

Cabernet Sauvignon N

—

Caladoc N

—

Calitor N

—

Camaralet B

—

Carcajolo N

—

Carcajolo blanc B

—

Carignan N

—

Carignan blanc B

—

Carmenère N

—

Castets N

—

Chardonnay B

—

Chasan B

—

Chatus N

—

Chenanson N

—

Chenin B

—

Cinsaut N – Cinsault

—

Clairette B

—

Clairette rose Rs

—

Clarin B

—

Claverie B

—

Codivarta B

—

Colombard B

—

Colombaud B – Bouteillan

—

Corbeau N – Douce noire

—

Côt N – Malbec

—

Couderc noir N

—

Counoise N

—

Courbu B – Gros Courbu

—

Courbu noir N

—

Couston N

—

Crouchen B – Cruchen

—

César N

—

Duras N

—

Durif N

—

Egiodola N

—

Ekigaïna N

—

Elbling B

—

Etraire de la Dui N

—

Fer N – Fer Servadou, Braucol, Mansois, Pinenc

—

Feunate N

—

Floreal B

—

Folignan B

—

Folle Blanche B

—

Fuella nera N

—

Furmint B

—

Gamaret N

—

Gamay N

—

Gamay de Bouze N

—

Gascon N

—

Genovèse B

—

Gewurztraminer Rs

—

Goldriesling B

—

Gouget N

—

Graisse B

—

Gramon N

—

Grassen N – Grassenc

—

Grenache N

—

Grenache blanc B

—

Grenache gris G

—

Gringet B

—

Grolleau N

—

Grolleau gris G

—

Gros Manseng B

—

Gros vert B

—

Joubertin

—

Jurançon blanc B

—

Jurançon noir N – Dame noire

—

Knipperlé B

—

Lauzet B

—

Lilaro N

—

Liliorila B

—

Listan B – Palomino

—

Lledoner pelut N

—

Macabeu B – Macabeo

—

Mancin N

—

Manseng noir N

—

Marsanne B

—

Marselan N

—

Maréchal Foch N

—

Mauzac B

—

Mauzac rose Rs

—

Mayorquin B

—

Melon B

—

Merlot N

—

Merlot blanc B

—

Meslier Saint-François B – Gros Meslier

—

Meunier N

—

Milgranet N

—

Molette B

—

Mollard N

—

Monarch N

—

Mondeuse N

—

Mondeuse blanche B

—

Monerac N

—

Montils B

—

Morrastel N – Minustellu, Graciano

—

Moschofilero Rs

—

Mourvaison N

—

Mourvèdre N – Monastrell

—

Mourvèdre blanc B

—

Mourvèdre gris G

—

Mouyssaguès

—

Muresconu N – Morescono

—

Muscadelle B

—

Muscardin N

—

Muscaris B

—

Muscat Ottonel B – Muscat, Moscato

—

Muscat cendré B – Muscat, Moscato

—

Muscat d’Alexandrie B – Muscat, Moscato

—

Muscat de Hambourg N – Muscat, Moscato

—

Muscat à petits grains blancs B – Muscat, Moscato

—

Muscat à petits grains roses Rs – Muscat, Moscato

—

Muscat à petits grains rouges Rg – Muscat, Moscato

—

Mérille N

—

Müller-Thurgau B

—

Nero d’Avola N

—

Nielluccio N – Nielluciu

—

Noir Fleurien N

—

Négret de Banhars N

—

Négrette N

—

Oberlin noir N

—

Ondenc B

—

Orbois B

—

Pagadebiti B

—

Pascal B

—

Perdea B

—

Persan N

—

Petit Courbu B

—

Petit Manseng B

—

Petit Meslier B

—

Petit Verdot N

—

Picardan B – Araignan

—

Pineau d’Aunis N

—

Pinot Blanc B

—

Pinot Gris G

—

Pinot Noir N

—

Piquepoul blanc B

—

Piquepoul gris G

—

Piquepoul noir N

—

Plant de Brunel N

—

Plant droit N – Espanenc

—

Portan N

—

Portugais bleu N

—

Prior N

—

Prunelard N

—

Précoce Bousquet B

—

Précoce de Malingre B

—

Raffiat de Moncade B

—

Ribol N

—

Riesling B

—

Riminèse B

—

Rivairenc N – Aspiran noir

—

Rivairenc blanc B – Aspiran blanc

—

Rivairenc gris G – Aspiran gris

—

Rosé du Var Rs

—

Roublot B

—

Roussanne B

—

Rousseli Rs

—

Roussette d’Ayze B

—

Sacy B

—

Saint Côme B

—

Saint-Macaire N

—

Saint-Pierre doré B

—

Sauvignac B

—

Sauvignon B – Sauvignon blanc

—

Sauvignon Gris G

—

Sciaccarello N

—

Segalin N

—

Seinoir N

—

Select B

—

Semebat N

—

Semillon B

—

Servanin N

—

Solaris B

—

Soreli B

—

Souvignier Gris B

—

Sylvaner B

—

Syrah N – Shiraz

—

Tannat N

—

Tempranillo N

—

Terret blanc B

—

Terret gris G

—

Terret Noir N

—

Tibouren N

—

Tourbat B

—

Tressot N

—

Téoulier N

—

Ugni Blanc B

—

Valdiguié N

—

Varousset N

—

Velteliner rouge précoce Rs

—

Verdejo B

—

Verdesse B

—

Vermentino B – Rolle

—

Vidoc N

—

Villard blanc B

—

Villard noir N

—

Viognier B

—

Voltis B

—

Xarello B

—

Xinomavro N

9.   Definizzjoni qasira taż-żona ġeografika definita

Il-ħsad tal-għeneb u l-produzzjoni u l-ipproċessar tal-inbejjed tal-IĠP Mont Caume jseħħu fit-territorju tal-muniċipalitajiet li ġejjin fid-dipartiment ta’ Var, fuq il-bażi tal-Kodiċi Ġeografiku Uffiċjali tal-2024:

Bandol, Le Beausset, La Cadière-d’Azur, Le Castellet, Evenos, Ollioules, Le Revest-les-Eaux, Saint-Cyr-sur-Mer, Saint-Mandrier-sur-Mer, Sanary-sur-Mer, La Seyne-sur-Mer u Six-Fours-les-Plages.

10.   Rabta maż-żona ġeografika

Ir-rabta kawżali mal-oriġini ġeografika hija bbażata fuq:

☑

reputazzjoni

☑

kwalità speċifika

☑

karatteristiċi oħra

Kategorija ta’ prodotti tad-dwieli

1.

Inbid

Sommarju tar-rabta

Iż-żona ġeografika, li tinsab fid-dipartiment ta’ Var fix-Xlokk ta’ Franza fir-reġjun ta’ Provence-Alpes-Côte d’Azur, fiż-żona kostali ta’ bejn il-konurbazzjonijiet ta’ Toulon (lejn il-Lvant) u Saint-Cyr-sur-Mer (lejn il-Punent), tkopri t-territorji ta’ 12-il muniċipalità fix-Xlokk tad-dipartiment u toffri ċerta konsistenza morfoloġika.

Din iż-żona tista’ titqabbel ma’ anfiteatru, b’medja ta’ madwar 10 kilometri wisa’ u mdawwar b’għoljiet żgħar (massimu ta’ 200 sa 300 metru), u tiftaħ fuq il-baħar f’Saint-Cyr-sur-Mer. Iċ-ċentru huwa mmarkat minn numru ta’ elevazzjonijiet (l-għoljiet ta’ Castellet, Cadière d’Azur, Bandol, Migoua u Gros Cerveau de Croupatier). Madwar din iż-żona, il-pajsaġġ lejn it-Tramuntana huwa ddominat mill-plateaux għolja ta’ Sainte Baume (iktar minn 600 metru), lejn il-Lvant mix-xaqlibiet ta’ Mont Caume (b’altezza ta’ 801 metru), lejn il-Punent mill-plateaux, simili għal deżert, taż-żona interna ta’ Marsilja, u lejn il-Majjistral mill-plateau ta’ Siou Blanc.

Il-ħamrija li tinsab fil-perimetru ta’ din iż-żona tmur lura għall-perjodu Triassiku, u minn banda tifforma linja li taqsam mill-Punent għal-Lvant bejn Saint-Cyr u Bandol u, min-naħa l-oħra, fergħa li testendi għan-Nofsinhar ta’ Beausset. Il-ġebla tar-ramel ħamra u t-tafal jippredominaw, u b’saffi tal-ġebla tal-ġir kompatta xi kultant. Is-sodda tal-blat ħolqot ħamrija kemxejn baxxa (70 sa 80 cm), b’sawra ftit jew wisq ramlija, taflija, u tal-ġebla tal-ġir.

Il-vitikulturi ħadmu dan it-terren billi adattaw il-morfoloġija tax-xaqlibiet fuq dawn ir-ridges u l-għoljiet sabiex jinħolqu diversi “restanques” (artijiet imtarrġin), li l-wisa’ u l-profondità tagħhom tiċkien iktar ma jogħlew (minn 30 metru għal 5 metri).

Minħabba l-prossimità tiegħu, il-baħar jipprovdi effett ta’ bilanċ tipiku tal-klima kostali Mediterranja, billi jtaffi varjazzjonijiet kbar fit-temperatura. Iż-żona hija fost l-iktar xemxin matul il-kosta ta’ Provence (b’medja ta’ 3 000 siegħa fis-sena). Il-fetħa lejn ix-Xlokk tiffavorixxi d-dħul taż-żiffa tal-baħar, u tipprovdi nżul ta’ xita suffiċjenti (bejn 650 u 800 mm fis-sena) mifrux bejn il-ħarifa u x-xitwa. Ir-riħ Mistral kiesaħ u xott jonfoħ mit-Tramuntana u jaffettwa l-klima taż-żona. Dan it-terran imħarbat, li joħloq mikroklimi, joffri kundizzjonijiet ideali għall-kultivazzjoni tad-dwieli, billi jillimita r-riskji matul il-perjodu taż-żahar billi joffri l-espożizzjoni neċessarja għax-xemx iżda wkoll protezzjoni min-nixfa.

Fis-sitt seklu QK, il-Foċej stabbilew kolonja magħrufa bħala Torroeis fil-viċinanzi tar-raħal kurrenti ta’ Castellet. Dawn stabbilew vinja hemmhekk, imqassma f’artijiet imtarrġin, li r-Rumani żammew. Il-vitikultura għandha għeruq fermi f’dan il-post speċjali u dejjem kienet il-pedament tal-ekonomija lokali. Minn 2 400 ha potezjali ta’ dwieli mħawlin fi ħdan dan il-perimetru, l-IĠP Mont Caume bħalissa hija prodotta fuq 220 ettaru u tirrappreżenta 10 000 hl fis-sena. Il-Vins de Pays du Mont Caume ġew irrikonoxxuti b’digriet tal-31 ta’ Jannar 1982. Għall-kuntrarju ta’ produzzjoni oħra fid-dipartiment, fejn il-proporzjon tal-inbejjed rożè huwa ta’ madwar 80 %, l-inbejjed rożè tal-IĠP Mont Caume jirrappreżentaw inqas minn 55 % tal-volumi tal-produzzjoni. Min-naħa l-oħra, u din il-karatteristika hija speċifika għall-indikazzjoni ġeografika protetta inkwistjoni, il-produzzjoni tal-inbid aħmar hija iżjed importanti għaliex din dejjem tirrappreżenta bejn 40 % u kważi 50 % tal-volum, skont il-vendemmja. Il-produzzjoni tal-inbid abjad, li jikkostitwixxi l-iżgħar proporzjon, tirrappreżenta madwar 5 % tal-produzzjoni tal-inbid bla gass, skont il-vendemmja.

L-inbejjed rożè bla gass huma prodotti l-aktar mill-varjetajiet Grenache N, Cinsault N u Carignan N, filwaqt li l-inbejjed ħomor huma prodotti l-aktar mill-varjetajiet Mourvèdre N, Carignan N u Grenache N. Fost l-inbejjed bojod, tingħata preferenza lill-varjetajiet Bourboulenc B, Ugni Blanc B u Clairette B. L-inbejjed ħomor huma kkaratterizzati mill-istruttura u mill-intensità tagħhom. L-inbejjed rożè huma kkaratterizzati mill-kulur roża ċar delikat tagħhom u mill-aromi tagħhom ta’ frott. L-inbejjed bojod huma kkaratterizzati min-natura vivaċi u mill-aromi ta’ fjuri u ta’ frott tagħhom.

Il-produzzjoni annwali tal-indikazzjoni ġeografika protetta Mont Caume jaf tidher modesta, biss xorta waħda kisbet ċerta reputazzjoni. L-IĠP tibbenefika minn network ta’ distribuzzjoni lokali primarjament organizzata fil-kantini tal-inbid. L-inbejjed għandhom prezz favorevoli. Kull sena, l-inbejjed tal-Pays du Mont Caume jiġu rrikonoxxuti fuq livell nazzjonali fil-“Concours Général Agricole de Paris” u fil-livell tad-dipartiment fil-“Concours des Soleils” għall-inbejjed prodotti fir-reġjun ta’ Var.

F’wieħed mid-dipartimenti l-iktar turistiċi fi Franza, l-indikazzjoni ġeografika Mont Caume stabbiliet b’suċċess ir-reputazzjoni tagħha fis-settur lokali tal-inbid. Apparti minn hekk, mhux inqas minn 22 estate u tliet katini tal-inbid kooperattivi joffru dawn l-inbejjed bħala rispons għad-domanda tal-konsumatur. L-influwenza benefiċjali tal-Mistral tiżgura ventilazzjoni tajba tal-vinji, anke wara nżul ta’ xita qalila, u għaldaqstant tikkontribwixxi għal għeneb f’saħħtu fl-irqajja’. L-effett tal-klima kostali Mediterranja flimkien mal-pożizzjoni tal-vinji fuq xaqlibiet tal-ħamrija baxxa tal-ġebla tal-ġir jagħtu lill-inbejjed ħomor l-istruttura u l-intensità partikolari tagħhom, u lill-inbejjed bojod u rożè l-freskezza u l-karattru tagħhom ta’ frott u ta’ fjuri.

Kategorija ta’ prodotti tad-dwieli

5.

Inbid spumanti ta’ kwalità

Sommarju tar-rabta

Illum il-ġurnata, l-inbejjed spumanti fiż-żona ġeografika tal-IĠP jiġu prodotti minn estate waħda u minn kooperattiva tal-inbid waħda, li jipproduċu 33 000 flixkun fis-sena ta’ nbejjed primarjament bojod (Clairette, Ugni blanc) u rożè (Grenache u Cinsault).

L-inbejjed spumanti ta’ kwalità huma kkaratterizzati mill-eleganza tagħhom u mill-aromi ta’ frott jew ta’ fjuri tipiċi tal-inbejjed bla gass tal-IĠP.

L-effett tal-klima kostali Mediterranja flimkien mal-pożizzjoni tal-vinji fuq xaqlibiet tal-ħamrija baxxa tal-ġebla tal-ġir jagħtu lill-inbejjed ħomor l-istruttura u l-intensità partikolari tagħhom, u lill-inbejjed bojod u rożè l-freskezza u l-karattru tagħhom ta’ frott u ta’ fjuri li huwa tipiku tal-inbejjed spumanti ta’ kwalità.

11.   Rekwiżiti oħra applikabbli

Titolu tar-rekwiżit/tad-deroga

Żona fil-prossimità immedjata

Qafas legali

Leġiżlazzjoni nazzjonali

Tip ta’ rekwiżit/deroga ulterjuri

Deroga dwar il-produzzjoni fiż-żona ġeografika definita

Deskrizzjoni tar-rekwiżit/tad-deroga

Iż-żona fil-prossimità immedjata, iddefinita b’deroga għall-produzzjoni u għall-iżvilupp ta’ nbejjed tal-IĠP Mont Caume, hija magħmula mill-muniċipalitajiet li ġejjin, f’konformità mal-Kodiċi Ġeografiku Uffiċjali tal-2024:

—

Fil-Punent, il-muniċipalitajiet li ġejjin li jmissu mad-dipartiment ta’ Bouches-du-Rhône:

Allauch, Aubagne, Auriol, Belcodène, La Bouilladisse, Cadolive, Carnoux-en-Provence, Cassis, Ceyreste, La Ciotat, Cuges-les-Pins, La Destrousse, Gémenos, Marseille, La Penne-sur-Huveaune, Peypin, Plan-de-Cuques, Roquefort-la-Bédoule, Roquevaire, Saint-Savournin u Septèmes-les-Vallons.

—

Fil-Lvant, il-muniċipalitajiet li ġejjin li jmissu mad-dipartiment ta’ Var, f’konformità mal-Kodiċi Ġeografiku Uffiċjali tal-2024:

Les Adrets-de-l’Estérel, Aiguines, Ampus, Les Arcs, Artignosc-sur-Verdon, Artigues, Aups, Bagnols-en-Forêt, Bargème, Bargemon, Barjols, La Bastide, Baudinard-sur-Verdon, Bauduen, Belgentier, Besse-Sur-Issole, Bormes-les-Mimosas, Le Bourguet, Bras, Brenon, Brignoles, Brue-Auriac, Cabasse, Callas, Callian, Camps-la-Source, Le Cannet-des-Maures, Carcès, Carnoules, Carqueiranne, Cavalaire-sur-Mer, La Celle, Châteaudouble, Chateauvert, Chateauvieux, Claviers, Cogolin, Collobrières, Comps-sur-Artuby, Correns, Cotignac, La Crau, La Croix-Valmer, Cuers, Draguignan, Entrecasteaux, Esparron, La Farlède, Fayence, Figanières, Flassans-sur-Issole, Flayosc, Forcalqueiret, Fox-Amphoux, Fréjus, La Garde, La Garde-Freinet, Garéoult, Gassin, Ginasservis, Gonfaron, Grimaud, Hyères, Le Lavandou, La Londe-les-Maures, Lorgues, Le Luc, La Martre, Les Mayons, Mazaugues, Méounes-les-Montrieux, Moissac-Bellevue, La Môle, Mons, Montauroux, Montferrat, Montfort-Sur-Argens, Montmeyan, La Motte, Le Muy, Nans-les-Pins, Néoules, Ollières, Pierrefeu-du-Var, Pignans, Plan-d’Aups-Sainte-Baume, Plan-de-la-Tour, Pontevès, Pourcieux, Pourrières, Le Pradet, Puget-Sur-Argens, Puget-Ville, Ramatuelle, Rayol-Canadel-Sur-Mer, Régusse, Rians, Riboux, Rocbaron, Roquebrune-Sur-Argens, La Roquebrussanne, La Roque-Esclapon, Rougiers, Saint-Antonin-du-Var, Sainte-Anastasie-sur-Issole, Sainte-Maxime, Saint-Julien, Saint-Martin-De-Pallières, Saint-Maximin-la-Sainte-Baume, Saint-Paul-en-Forêt, Saint-Raphaël, Saint-Tropez, Saint-Zacharie, Salernes, Les Salles-sur-Verdon, Seillans, Seillons-Source-d’Argens, Signes, Sillans-la-Cascade, Solliès-Pont, Solliès-Toucas, Solliès-Ville, Tanneron, Taradeau, Tavernes, Le Thoronet, Toulon, Tourrettes, Tourtour, Tourves, Trans-en-Provence, Trigance, Le Val, La Valette-du-Var, Varages, La Verdière, Vérignon, Vidauban, Villecroze, Vinon-sur-Verdon u Vins-sur-Caramy.

Titolu tar-rekwiżit/tad-deroga

Tikkettar

Qafas legali

Leġiżlazzjoni nazzjonali

Tip ta’ rekwiżit/deroga ulterjuri

Dispożizzjonijiet addizzjonali dwar it-tikkettar

Deskrizzjoni tar-rekwiżit/tad-deroga

L-indikazzjoni ġeografika protetta Mont Caume tista’ tiġi ssupplimentata bl-isem ta’ varjetà ta’ għeneb waħda jew aktar.

L-indikazzjoni ġeografika protetta Mont Caume tista’ tiġi ssupplimentata bit-termini “primeur” [bikri] jew “‘nouveau’” [ġdid]. It-termini “primeur” u “nouveau” huma rriżervati biss għall-inbejjed bla gass.

Il-logo tal-IĠP tal-Unjoni Ewropea jrid jidher fuq it-tikketta jekk it-terminu “indication géographique protégée” [indikazzjoni ġeografika protetta] jiġi sostitwit bit-terminu tradizzjonali “Vin de pays”.

Referenza elettronika (URL) għall-pubblikazzjoni tal-ispeċifikazzjoni tal-prodott

https://info.agriculture.gouv.fr/boagri/document_administratif-3626f5ca-9286-44ac-b913-aa217430384e


(1)  Ir-Regolament Delegat tal-Kummissjoni (UE) 2025/27 tat-30 ta’ Ottubru 2024 li jissupplimenta r-Regolament (UE) 2024/1143 tal-Parlament Ewropew u tal-Kunsill b’regoli dwar ir-reġistrazzjoni u l-protezzjoni ta’ indikazzjonijiet ġeografiċi, speċjalitajiet tradizzjonali garantiti u termini tal-kwalità mhux obbligatorji u li jħassar ir-Regolament Delegat (UE) Nru 664/2014 (ĠU L, 2025/27, 15.1.2025, ELI: http://data.europa.eu/eli/reg_del/2025/27/oj).


ELI: http://data.europa.eu/eli/C/2026/2823/oj

ISSN 1977-0987 (electronic edition)