<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-01-202501C128202302530-00-TRA-DOC-MT-CONCL-C-0253-23-202407996-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="16/12/2024 15:01:36" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="H5cloJ5Tut+Jf3sXk+VQfEkN0DPmgEvdjtzccaZMW2olchNSS6W/uBLX/8BSnMqFeJAyUAkmrOT3eHt1RvJmT3tULgBmzk0fLeJsEkda4178XYD8rt+Z98Kx1KFsMxu6osu3syR0lwLeXjRRp4iXM2ZFjolGslQqjs+Ga+nw/f4=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="garroen" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="b4503013-fb57-43c4-adda-3a9366969bcf" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0253" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="garroen" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 30-08-24 09:26:46" name="Created"/>
    <meta content="" name="Canevas3_Vademecum"/>
    <meta content="2024-09-24T14:10:09Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="7fa64641f32a4b118a9ca609aa2d92ce" name="DocumentIdentifier"/>
    <meta content="0253" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Konklużjonijiet Szpunar – Kawża C‑253/23</div>
      <div id="rId21" style="default">ASG 2</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      SZPUNAR
    </p>
    <p class="C36Centre" id="para-3" title="page-1">
      ippreżentati fid‑19 ta’ Settembru 2024  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑253/23
    </p>
    <p class="C37Centregras" id="para-5" title="page-1">
      ASG 2 Ausgleichsgesellschaft für die Sägeindustrie Nordrhein-Westfalen GmbH
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Land Nordrhein-Westfalen,
    </p>
    <p class="C37Centregras" id="para-8" title="page-1">
      fil-preżenza ta’
    </p>
    <p class="C37Centregras" id="para-9" title="page-1">
      Otto Fuchs Beteiligungen KG,
    </p>
    <p class="C37Centregras" id="para-10" title="page-1">
      Bundeskartellamt
    </p>
    <p class="C39Centreespacement" id="para-11" title="page-1">
      (talba għal deċiżjoni preliminari mressqa mil-Landgericht Dortmund (il-Qorti Reġjonali ta’ Dortmund, il-Ġermanja))
    </p>
    <p class="C71Indicateur" id="para-12" title="page-1">
      “Rinviju għal deċiżjoni preliminari – Kompetizzjoni – Azzjonijiet għal kumpens għad-dannu kkawżat minn ksur tar-regoli tal-kompetizzjoni – Direttiva 2014/104/UE – Irkupru kollettiv ta’ talbiet għad-danni – Validità ta’ trasferimenti lil fornitur ta’ servizzi legali – Inapplikabbiltà tad-dritt nazzjonali li jipprekludi l-validità ta’ tali trasferimenti”
    </p>
    <p class="C02AlineaAltA" id="para-13" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Il-ħolqien ta’ atturi ġudizzjarji li għandhom l-għan li jiġbru flimkien l-assi bbażati fuq drittijiet ta’ kumpens li jirriżultaw minn ksur tad-dritt tal-kompetizzjoni tal-Unjoni ma jikkostitwixxix fenomenu kompletament ġdid  (<span class="note footnote notemarker">
<a id="c-2" href="#t-2">2</a>
</span>). Madankollu, din il-kawża toffri lill-Qorti tal-Ġustizzja okkażjoni ġdida sabiex tiddeċiedi dwar il-konformità mad-dritt tal-Unjoni ta’ projbizzjoni tal-irkupru minn tali atturi ġudizzjarji tal-krediti relatati mad-danni kkawżati minn akkordju permezz tal-mekkaniżmu ta’ trasferiment ta’ kreditu. B’mod iktar preċiż, l-okkażjoni li tiddeċiedi dwar il-konformità ta’ tali projbizzjoni mal-Artikolu 101 TFUE, mad-Direttiva 2014/104/UE  (<span class="note footnote notemarker">
<a id="c-3" href="#t-3">3</a>
</span>) u mal-ewwel paragrafu tal-Artikolu 47 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">L-Artikolu 1(1) tad-Direttiva 2014/104 jipprovdi:</p>
</td>
</tr>
</table>
    <p class="C02AlineaAltA" id="para-19" title="page-3">
      “Din id-Direttiva tistipula ċerti regoli meħtieġa biex ikun żgurat li kwalunkwe persuna li ġarrbet ħsara kkawżata minn ksur tal-liġi tal-kompetizzjoni minn impriża jew minn assoċjazzjoni ta’ impriżi, tista’ b’mod effettiv teżerċita d-dritt li titlob għal kumpens sħiħ għal dik il-ħsara minn dik l-impriża jew assoċjazzjoni. Tistabbilixxi regoli li jrawmu l-kompetizzjoni mhux imxekkla fis-suq intern u li jneħħu l-ostakoli għall-funzjonament tajjeb tagħha billi jiżguraw protezzjoni ekwivalenti fl-Unjoni kollha għal dawk li jkunu ġarrbu tali ħsara.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">L-Artikolu 2 ta’ din id-Direttiva jipprovdi:</p>
</td>
</tr>
</table>
    <p class="C02AlineaAltA" id="para-21" title="page-3">
      “Għall-finijiet ta’ din id-Direttiva, japplikaw id-definizzjonijiet li ġejjin:
    </p>
    <p class="C02AlineaAltA" id="para-22" title="page-3">
      […]
    </p>
    <p class="C09Marge0avecretrait" id="para-23" title="page-4">
      4) ‘azzjoni għad-danni’ tfisser azzjoni skont il-liġi nazzjonali li permezz tagħha pretensjoni għad-danni titressaq quddiem il-qorti nazzjonali minn parti li allegatament ġarrbet ħsara, minn xi ħadd li jaġixxi f’isem wieħed jew aktar partijiet li allegatament ġarrbu ħsara meta l-liġi tal-Unjoni jew dik nazzjonali tipprevedi għal dik il-possibbiltà, jew minn persuna fiżika jew ġuridika li tkun is-suċċessur tad-dritt tal-parti li allegatament ġarrbet il-ħsara, inkluża l-persuna li akkwistat il-pretensjoni;
    </p>
    <p class="C09Marge0avecretrait" id="para-24" title="page-4">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">L‑Artikolu 3 tal-imsemmija direttiva, intitolat “Dritt għal kumpens sħiħ”, jipprevedi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-26" title="page-4">
      “L-Istati Membri għandhom jiżgura li kwalunkwe persuna fiżika jew ġuridika li tkun ġarrbet ħsara kkawżata minn ksur tal-liġi tal-kompetizzjoni tkun tista’ titlob u tikseb kumpens sħiħ għal dik il-ħsara.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Skont l-Artikolu 4 tal-istess direttiva, intitolat “Prinċipji ta’ effettività u ekwivalenza”</p>
</td>
</tr>
</table>
    <p class="C02AlineaAltA" id="para-28" title="page-4">
      “F’konformità mal-prinċipju ta’ effettività, l-Istati Membri għandhom jiżguraw li r-regoli u l-proċeduri nazzjonali kollha rigward l-eżerċizzju ta’ talbiet għal kumpens għad-danni jkunu mfassla u applikati b’mod li ma jagħmlux prattikament impossibbli jew diffiċli żżejjed l-eżerċizzju tad-dritt tal-Unjoni għal kumpens sħiħ għall-ħsara kkawżata minn ksur tal-liġi tal-kompetizzjoni. F’konformità mal-prinċipju tal-ekwivalenza, ir-regoli jew il-proċeduri nazzjonali rigward azzjonijiet għad-danni li jirriżultaw minn ksur tal-Artikoli 101 u 102 TFUE ma għandhomx ikunu inqas favorevoli għall-partijiet li allegatament ikunu ġarrbu l-ħsara minn dawk li jirregolaw azzjonijiet simili għal danni li jirriżultaw minn ksur ta’ liġi nazzjonali.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 9(1) tad-Direttiva 2014/104 jipprovdi:</p>
</td>
</tr>
</table>
    <p class="C02AlineaAltA" id="para-30" title="page-4">
      “L-Istati Membri għandhom jiżguraw li ksur tal-liġi tal-kompetizzjoni misjub b’deċiżjoni finali ta’ awtorità nazzjonali tal-kompetizzjoni jew minn qorti tal-appell, jiġi meqjus li hu stabbilit b’mod inkontestabbli għall-finijiet ta’ azzjoni għad-danni mressqa quddiem il-qrati nazzjonali tagħhom skont l-Artikoli 101 jew 102 TFUE jew taħt il-liġi nazzjonali dwar il-kompetizzjoni.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id-dritt Ġermaniż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Skont l-Artikolu 1(1) tal-Gesetz über außergerichtliche Rechtsdienstleistungen (il-Liġi dwar is-Servizzi Legali Extraġudizzjarji) tat‑12 ta’ Diċembru 2007  (<span class="note footnote notemarker">
<a id="c-4" href="#t-4">4</a>
</span>), kif emendat bil-Liġi tal‑10 ta’ Marzu 2023  (<span class="note footnote notemarker">
<a id="c-5" href="#t-5">5</a>
</span>) (iktar ’il quddiem ir-“RDG”):</p>
</td>
</tr>
</table>
    <p class="C02AlineaAltA" id="para-33" title="page-5">
      “Din il-liġi tirregola l-awtorizzazzjoni għall-provvista ta’ servizzi legali extraġudizzjarji fir-Repubblika Federali tal-Ġermanja. L-għan tagħha huwa li tipproteġi lill-partijiet f’kawża, ir-relazzjonijiet ġuridiċi kif ukoll l-ordinament ġuridiku minn servizzi legali li ma jiġux ipprovduti minn persuni kkwalifikati. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">L-Artikolu 2 tar-RDG, intitolat “Kunċett ta’ servizz legali”, jipprovdi:</p>
</td>
</tr>
</table>
    <p class="C02AlineaAltA" id="para-35" title="page-5">
      “1) Jikkostitwixxi servizz legali kull attività fi kwistjonijiet konkreti ta’ ħaddieħor, hekk kif din teħtieġ eżami legali tal-każ partikolari.
    </p>
    <p class="C02AlineaAltA" id="para-36" title="page-5">
      2) Indipendentement mill-kundizzjonijiet stabbiliti fil-paragrafu 1, jikkostitwixxi servizz legali l-irkupru ta’ krediti ta’ ħaddieħor jew ta’ krediti ittrasferiti għall-finijiet ta’ rkupru f’isem ħaddieħor, meta l-attività ta’ rkupru ta’ krediti tkun tikkostitwixxi attività distinta, inkluż fir-rigward tal-eżami u l-konsulenza legali relatati mal-irkupru (servizz ta’ rkupru). Il-krediti ttrasferiti ma humiex ikkunsidrati, fir-rigward tal-ewwel kreditur, bħala krediti ta’ ħaddieħor.
    </p>
    <p class="C02AlineaAltA" id="para-37" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">Skont l-Artikolu 3 tar-RDG, intitolat “Awtorizzazzjoni għall-provvista ta’ servizzi legali extraġudizzjarji”:</p>
</td>
</tr>
</table>
    <p class="C02AlineaAltA" id="para-39" title="page-5">
      “Il-provvista, b’mod indipendenti, ta’ servizzi legali extraġudizzjarji hija permessa biss sa fejn awtorizzat minn din il-liġi, minn liġijiet oħra jew fuq il-bażi ta’ liġijiet oħra.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">L-Artikolu 10 tar-RDG jipprovdi b’mod partikolari:</p>
</td>
</tr>
</table>
    <p class="C02AlineaAltA" id="para-41" title="page-5">
      “1) Il-persuni fiżiċi u ġuridiċi kif ukoll il-kumpanniji li ma għandhomx personalità ġuridika, irreġistrati mal-awtorità kompetenti (persuni rreġistrati), jistgħu jipprovdu, fuq il-bażi ta’ għarfien espert partikolari, servizzi legali fl-oqsma li ġejjin:
    </p>
    <p class="C09Marge0avecretrait" id="para-42" title="page-5">
      1. servizzi ta’ rkupru […]”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">L-Artikolu 11 tar-RDG, intitolat “Għarfien espert, denominazzjonijiet professjonali”, jipprovdi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-44" title="page-5">
      “Is-servizzi ta’ rkupru jeħtieġu għarfien espert fl-oqsma ta’ dritt rilevanti għall-attività mitluba, b’mod partikolari dawk tad-dritt ċivili, tad-dritt kummerċjali, tad-dritt dwar it-titoli u tad-dritt tal-kumpanniji, tad-dritt tal-proċedura ċivili, inkluż tad-dritt tal-eżekuzzjoni forzata u tad-dritt tal-insolvenza kif ukoll tad-dritt dwar il-kosti u l-ispejjeż.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">L-Artikolu 12 tar-RDG jistabbilixxi l-kundizzjonijiet għar-reġistrazzjoni u għall-awtorizzazzjoni regolatorja. Fih jissemma l-għarfien espert teoretiku u prattiku fil-qasam imsemmi fl-Artikolu 10(1) ta’ din il-liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Skont l-Artikoli 2 u 4 tar-Rechtsdienstleistungsverordnung (ir-Regolament dwar is-Servizzi Legali)  (<span class="note footnote notemarker">
<a id="c-6" href="#t-6">6</a>
</span>), il-prova tal-għarfien espert teoretiku meħtieġ skont l-Artikolu 12 tar-RDG tista’ tirriżulta, inter alia, minn ċertifikat tat-tlestija ta’ taħriġ ta’ mill-inqas 120 siegħa li jista’ jippermetti l-kisba tal-konoxxenzi kollha neċessarji għar-reġistrazzjoni msemmija fl-Artikolu 10 tar-RDG.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Il-fatti li wasslu għall-kawża prinċipali, il-proċedura quddiem il-Qorti tal-Ġustizzja u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Fil‑31 ta’ Marzu 2020, ASG 2 Ausgleichsgesellschaft für die Sägeindustrie Nordrhein-Westfalen GmbH (iktar ’il quddiem “ASG 2”) ippreżentat rikors quddiem il-qorti tar-rinviju, il-Landgericht Dortmund (il-Qorti Reġjonali ta’ Dortmund, il-Ġermanja), abbażi tad-drittijiet li kienu ttrasferewlha 32 segerija stabbiliti fil-Ġermanja, fil-Belġju u fil-Lussemburgu. ASG 2 titlob danni minħabba d-dannu kkawżat minn akkordju. F’din il-proċedura, qiegħed jiġi lmentat li l-Land ta’ Nordrhein-Westfalen (il-Ġermanja), bi ksur tal-Artikolu 101 TFUE, tal-inqas matul il-perijodu mit‑28 ta’ Ġunju 2005 sat‑30 ta’ Ġunju 2019, armonizza l-prezzijiet tal-virguni koniferi (iktar ’il quddiem l-“injam tond”) għalih innifsu kif ukoll għal proprjetarji tal-foresti oħra stabbiliti f’dan il-Land.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Il-qorti tar-rinviju tispjega li l-Bundeskartellamt (l-Awtorità Federali tal-Kompetizzjoni, il-Ġermanja) kienet investigat din il-prattika qabel il-preżentata tar-rikors fil-kawża prinċipali. Fl‑2009, abbażi tal-Artikolu 32b tal-Gesetz gegen Wettbewerbsbeschränkungen (il-Liġi kontra r-Restrizzjonijiet għall-Kompetizzjoni, iktar ’il quddiem il-“GWB”), din l-awtorità kienet adottat deċiżjoni ta’ impenji bbażata fuq id-dritt Ġermaniż u l-Artikolu 101 TFUE fir-rigward tal-Land ta’ Nordrhein-Westfalen kif ukoll tal-Länder l-oħra involuti b’mod simili fil-kummerċjalizzazzjoni tal-injam tond (iktar ’il quddiem id-“deċiżjoni ta’ impenji tal‑2009”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Fl‑2012, l-Awtorità Federali tal-Kompetizzjoni fetħet investigazzjoni ġdida dwar il-kundizzjonijiet tas-suq ikkonċernat, fir-rigward tal-Land ta’ Baden-Württemberg (il-Ġermanja). Abbażi tal-konklużjonijiet ta’ din l-investigazzjoni, din l-awtorità annullat id-deċiżjoni ta’ impenji tal-2009 u ħarġet, skont l-Artikolu 32 tal-GWB, ordni ta’ waqfien, li madankollu ġiet sussegwentement annullata mill-Bundesgerichtshof (il-Qorti Federali tal-Ġustizzja, il-Ġermanja). Fir-rigward tal-Land ta’ Nordrhein-Westfalen, ma teżistix deċiżjoni oħra minbarra d-deċiżjoni ta’ impenji tal-2009.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Is-segeriji kkonċernati issa qegħdin jitolbu lil-Land ta’ Nordrhein-Westfalen kumpens għad-dannu mġarrab mit‑28 ta’ Ġunju 2005 relatat mal-prezzijiet allegatament eċċessivi li bihom huma xtraw injam tond li joriġina mil-Land ta’ Nordrhein-Westfalen, minħabba l-akkordju inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Kull waħda mis-segeriji kkonċernati inkarigat lil ASG 2 sabiex tinvoka d-dritt tagħha għal kumpens, dritt li huma ttrasferewlha għal dan l-għan. ASG 2 għandha, bħala “fornitur ta’ servizzi legali”, fis-sens tar-RDG, awtorizzazzjoni bis-saħħa ta’ din il-liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">ASG 2 invokat id-drittijiet taċ-ċedenti f’isimha u bi spejjeż tagħha stess, iżda għan-nom taċ-ċedenti, b’mod kollettiv, l-ewwel permezz ta’ mezzi extraġudizzjarji u, sussegwentement, permezz ta’ rimedju ġudizzjarju quddiem il-qorti tar-rinviju, permezz ta’ avukat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Il-kreditu għal kumpens għad-dannu kkawżat mill-akkordju joriġina minn diversi mijiet ta’ eluf ta’ euro ta’ xiri ta’ injam tond mis-segeriji kkonċernati. Għal kull ċedent, l-ammont ta’ dan ix-xiri jammonta għal diversi eluf, jew saħansitra għexieren ta’ eluf ta’ tranżazzjonijiet. Bħala korrispettiv, iċ-ċedenti wegħdu lil ASG 2 il-ħlas ta’ onorarji f’każ ta’ suċċess.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Il-Land ta’ Nordrhein-Westfalen jikkontesta r-rikors f’dak li jirrigwarda kemm il-mertu kif ukoll il-locus standi ta’ ASG 2. Fil-fatt, it-trasferimenti favur ASG 2 qiegħed jingħad li saru bi ksur tar-RDG u, konsegwentement, huma nulli bis-saħħa tad-dritt Ġermaniż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Il-qorti tar-rinviju donnha taqbel mal-pożizzjoni tal-Land ta’ Nordrhein-Westfalen u tqis li, fid-dawl tad-dritt Ġermaniż, it-trasferimenti inkwistjoni fil-kawża prinċipali huma vvizzjati b’nullità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Fil-fatt, din il-qorti tispjega li, fid-dritt Ġermaniż, id-drittijiet tal-partijiet fil-kawża jistgħu jinġabru flimkien sabiex sussegwentement jiġu invokati quddiem qorti permezz tal-mekkaniżmu ta’ trasferiment ta’ kreditu (“Abtretungsmodelle”), ikklassifikat ukoll bħala “azzjoni kollettiva ta’ rkupru” (“Sammelklage-Inkasso”). Fil-kuntest ta’ dan il-mekkaniżmu, persuni allegatament leżi jittrasferixxu l-krediti preżunti tagħhom lil fornitur ta’ servizzi legali li jkun irċieva l-awtorizzazzjoni prevista mir-RDG u li jinvoka dawn il-krediti kollettivi f’ismu u bi spejjeż tiegħu stess għan-nom taċ-ċedenti, inkambju għal kummissjoni f’każ ta’ suċċess.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Skont il-qorti tar-rinviju, l-azzjoni kollettiva għal irkupru hija aċċettata mill-ġurisprudenza tal-Bundesgerichtshof (il-Qorti Federali tal-Ġustizzja) f’diversi oqsma legali, jiġifieri fid-dritt tal-kiri, għat-talbiet ibbażati fuq id-drittijiet tal-passiġġieri tal-ajru kif ukoll għall-azzjonijiet għad-danni magħmula fil-kuntest tal-iskandlu magħruf bħala “dieselgate”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Il-qorti tar-rinviju tirrileva li l-Bundesgerichtshof (il-Qorti Federali tal-Ġustizzja) għad ma kellhiex l-opportunità li tesprimi ruħha dwar il-problema tal-konformità ta’ azzjoni kollettiva għall-irkupru fil-kuntest speċifiku tal-kumpens għad-dannu kkawżat minn akkordju. Min-naħa l-oħra, tali azzjoni ma hijiex ammessa mill-qrati inferjuri f’dan il-kuntest speċifiku, u b’mod iktar partikolari fil-każ ta’ azzjonijiet indipendenti mill-konstatazzjonijiet eventwali tal-awtoritajiet tal-kompetizzjoni (azzjonijiet imsejħa “stand-alone”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Fil-fatt, skont dawn il-qrati, il-kumpens għad-dannu kkawżat minn akkordju huwa partikolarment kumpless u jeżisti riskju ta’ kunflitt ta’ interessi. Barra minn hekk, minkejja l-obbligu legali li jiċċertifikaw l-għarfien espert tagħhom, il-fornituri tas-servizzi ta’ rkupru li jaqgħu fil-kamp ta’ applikazzjoni tar-RDG rarament ikunu esperti f’dan il-qasam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Skont il-qorti tar-rinviju, dawn il-karatteristiċi tal-kumpens għad-dannu kkawżat minn akkordju huma partikolarment importanti fil-kuntest ta’ azzjoni indipendenti (“stand-alone”). Fil-fatt, fl-assenza ta’ konstatazzjoni ta’ ksur tad-dritt tal-kompetizzjoni, tali azzjoni timplika l-eżami ta’ diversi elementi li ma jaqgħux prinċipalment taħt id-dritt ċivili u li huwa “impossibbli li jiġi kkontrollat minn qabel u mingħajr diffikultajiet”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Il-qorti tar-rinviju ssostni li, fl-assenza ta’ tali konstatazzjoni ta’ ksur, ir-rikors għal azzjoni kollettiva għall-irkupru bl-għan li jinkiseb kumpens għad-dannu kkawżat minn akkordju b’hekk imur nettament lil hinn mill-kuntest tal-attivitajiet extraġudizzjarji li jistgħu jaqgħu taħt il-kunċett ta’ “servizzi ta’ rkupru”, fis-sens tal-Artikolu 2(2) tar-RDG, jiġifieri s-servizzi limitati għal eżami ġuridiku tal-krediti u għal konsulenza minn espert, li l-għan tiegħu huwa l-irkupru tal-krediti, fis-sens tal-Artikoli 2 u 11 tar-RDG, moqrija flimkien mal-Artikoli 2 u 4 tar-Regolament dwar is-servizzi legali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Il-qorti tar-rinviju ssostni li, f’dawn iċ-ċirkustanzi, it-trasferimenti inkwistjoni fil-kawża prinċipali huma nulli u li, għaldaqstant, l-azzjoni kollettiva għall-irkupru li hija bbażata fuqhom għandha tiġi miċħuda mingħajr eżami tal-mertu, minħabba n-nuqqas ta’ locus standi. Barra minn hekk, din l-azzjoni lanqas ma għandha effett sospensiv tal-preskrizzjoni fir-rigward taċ-ċedenti, li għalhekk ma jkunux iktar f’pożizzjoni li jinvokaw it-talbiet tagħhom fil-kuntest ta’ rikors ippreżentat abbażi ta’ dritt proprju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Barra minn hekk, il-qorti tar-rinviju tispjega li d-dritt Ġermaniż ma jipprevedix rimedji ekwivalenti oħra sabiex tiġi żgurata l-implimentazzjoni effettiva tad-dritt għal kumpens ta’ “ħsara tal-massa” jew ta’ “ħsara mifruxa” fil-kawżi dwar akkordji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">F’dan ir-rigward, qabelxejn, il-qorti tar-rinviju tosserva li parti importanti mill-mekkaniżmi previsti fid-dritt Ġermaniż ma hijiex applikabbli għall-azzjonijiet għal kumpens magħmulin mill-impriżi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Sussegwentement, il-qorti tar-rinviju tindika li, ċertament, fid-dritt Ġermaniż jeżisti trasferiment ta’ kreditu fil-forma ta’ fatturazzjoni “vera”, jiġifieri mhux trasferiment sempliċement fiduċjarju iżda trasferiment sħiħ tal-kreditu ta’ terz. Madankollu, fid-dawl tal-ispeċifiċitajiet tal-kumpens għal dannu fil-qasam tal-akkordji, dan il-mekkaniżmu ma jikkostitwixxix għażla valida. Id-determinazzjoni tal-prezz tax-xiri u l-valutazzjoni kontabbli jqajmu diffikultajiet kbar, sa fejn l-ammont tal-kumpens ma jkunx magħruf. Għaldaqstant, il-krediti jistgħu jinbiegħu għal frazzjoni tal-valur nominali tagħhom, b’mod li l-partijiet leżi jkollhom it-tendenza li jirrinunzjaw kompletament għal kull prospett ta’ tpaċija. Tali trasferiment ta’ kreditu għalhekk ma jippermettix realment li jiġu rkuprati l-krediti għal kumpens.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Fl-aħħar nett, il-qorti tar-rinviju ssostni li l-ġabra flimkien ta’ krediti fil-kuntest ta’ skema ta’ litisconsortium, jiġifieri fil-forma ta’ rikors komuni ta’ diversi ċedenti, lanqas ma jikkostitwixxi għażla valida. Fil-fatt, minn naħa, tali rikors ikun diffiċilment konċepibbli fl-assenza ta’ fornitur li jiżgura l-organizzazzjoni tiegħu. Min-naħa l-oħra, azzjoni ppreżentata skont skema ta’ litisconsortium twassal biss għal għaqda formali tar-rikorsi, peress li dawn jistgħu jkunu sseparati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Il-qorti tar-rinviju tindika madankollu li, għar-raġunijiet imsemmija fil-punti 26 sa 28 ta’ dawn il-konklużjonijiet, u minkejja l-assenza ta’ għażla valida oħra, hija għandha tikkunsidra li t-trasferimenti inkwistjoni fil-kawża prinċipali huma nulli u tiċħad ir-rikors ippreżentat quddiemha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Huwa f’dan il-kuntest li tqum il-kwistjoni dwar jekk id-dritt tal-Unjoni jipprekludix l-interpretazzjoni tar-RDG mogħtija mill-qorti tar-rinviju, li għandha l-effett li tipprojbixxi l-irkupru tad-danni kkawżati minn akkordju permezz tal-mekkaniżmu ta’ trasferiment ta’ kreditu (iktar ’il quddiem il-“projbizzjoni inkwistjoni fil-kawża prinċipali”). Fil-fatt, jekk id-dritt tal-Unjoni jipprekludi interpretazzjoni tar-RDG li għandha tali effett, il-qorti tar-rinviju jkollha tħalli din il-liġi mhux applikata, b’tali mod li t-trasferimenti jkollhom jitqiesu li huma validi. Din il-qorti tqis li interpretazzjoni tar-RDG konformi mad-dritt tal-Unjoni ma hijiex possibbli, sa fejn din l-interpretazzjoni tkun contra legem.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Għall-qorti tar-rinviju, l-interpretazzjoni tar-RDG li għandha l-effett il-projbizzjoni inkwistjoni fil-kawża prinċipali tista’ tkun f’kunflitt mad-Direttiva 2014/104 kif ukoll mal-prinċipji ta’ effettività tad-dritt tal-Unjoni u tal-protezzjoni ġudizzjarja effettiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">B’mod iktar konkret, fl-ewwel lok u fir-rigward tad-Direttiva 2014/104, id-dubji tal-qorti tar-rinviju jikkonċernaw l-Artikolu 3(1) u t-tielet xenarju tal-punt 4 tal-Artikolu 2 ta’ din id-direttiva. Skont din il-qorti, dawn id-dispożizzjonijiet jikkonfermaw id-dritt tal-persuni leżi li jiksbu l-kumpens sħiħ għad-dannu kkawżat minn akkordju u jestendu dan id-dritt għall-persuni “li [jkunu] is-suċċessur[i] tad-dritt tal-parti li allegatament ġarrbet il-ħsara, inkluża l-persuna li akkwistat il-pretensjoni”. Barra minn hekk, fir-rigward tat-tielet xenarju imsemmi fil-punt 4 tal-Artikolu 2 tal-imsemmija direttiva, dan jirrigwarda preċiżament il-mekkaniżmu ta’ trasferiment inkwistjoni fil-kawża prinċipali u l-istess direttiva ma tħalli ebda marġni ta’ evalwazzjoni lill-Istati Membri. Il-qorti tar-rinviju ssostni li, filwaqt li t-tieni xenarju msemmi fil-punt 4 tal-Artikolu 2 jirreferi għad-dritt intern ta’ Stat Membru (“xi ħadd li jaġixxi f’isem wieħed jew aktar partijiet li allegatament ġarrbu ħsara meta l-liġi tal-Unjoni jew dik nazzjonali tipprevedi għal dik il-possibbiltà”  (<span class="note footnote notemarker">
<a id="c-7" href="#t-7">7</a>
</span>)), it-tielet xenarju ma jinkludix riferiment komparabbli għal dak li jirrigwarda t-trasferiment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Fit-tieni lok, il-qorti tar-rinviju tindika li għandha dubji fir-rigward tal-konformità mal-Artikolu 101 TFUE u mal-Artikolu 4(3) TUE tal-projbizzjoni inkwistjoni fil-kawża prinċipali. Għalkemm, kif tipprovdi l-ġurisprudenza  (<span class="note footnote notemarker">
<a id="c-8" href="#t-8">8</a>
</span>) “kull persuna” tista’ titlob kumpens sħiħ għad-dannu li tkun ġarrbet minħabba ksur tal-liġi dwar l-akkordji, l-Istati Membri għandhom jiżguraw l-effettività ta’ dan id-dritt u, b’mod partikolari, ma jagħmlux l-eżerċizzju tiegħu impossibbli jew eċċessivament diffiċli. Il-qorti tar-rinviju tosserva li l-Qorti tal-Ġustizzja diġà kkonstatat, fir-rigward tad-drittijiet tal-awtur, li l-persuni leżi ma għandhomx jiġu mċaħħda mill-possibbiltà, “mifruxa f’diversi oqsma tad-dritt”, li jittrasferixxu d-drittijiet tagħhom għal kumpens lil impriżi speċjalizzati, b’mod partikolari minħabba diffikultajiet li dawn il-persuni jista’ jkollhom sabiex jirkupraw huma stess dawn il-krediti  (<span class="note footnote notemarker">
<a id="c-9" href="#t-9">9</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Fl-aħħar nett, fit-tielet lok, il-qorti tar-rinviju għandha dubji dwar il-kompatibbiltà tal-projbizzjoni inkwistjoni fil-kawża prinċipali mal-prinċipju ta’ protezzjoni ġudizzjarja effettiva stabbilit fl-ewwel paragrafu tal-Artikolu 47 tal-Karta. Dan il-prinċipju jagħti lil kull persuna d-dritt għal rimedju effettiv li jkun realment ta’ natura li jiżgura r-rispett tas-sitwazzjoni legali protetta mid-dritt tal-Unjoni. Kull persuna għandu jkollha l-possibbiltà li tieħu parir, ikollha difiża u tkun irrappreżentata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Il-qorti tar-rinviju tirrikonoxxi li, skont is-sentenza Alassini et  (<span class="note footnote notemarker">
<a id="c-10" href="#t-10">10</a>
</span>) ksur tad-dritt għal protezzjoni ġudizzjarja effettiva jista’ eċċezzjonalment jiġi kkunsidrat, “bil-kundizzjoni li [l-interferenza tirrispondi] effettivament għal għanijiet ta’ interess ġenerali sabiex jintlaħqu l-miżuri inkwistjoni u ma jikkostitwixxux, fir-rigward tal-għan imfittex, intervent sproporzjonat u intollerabbli li jista’ jippreġudika s-sustanza stess tad-drittijiet iggarantiti”. Madankollu, skont il-qorti tar-rinviju, il-projbizzjoni inkwistjoni fil-kawża prinċipali ma tissodisfax dawn il-kundizzjonijiet. Fil-fatt, minn naħa, wieħed jista’ jimmaġina miżuri inqas restrittivi mill-projbizzjoni totali tal-irkupru tad-danni. Min-naħa l-oħra, il-projbizzjoni inkwistjoni fil-kawża prinċipali taffettwa d-dritt għal protezzjoni ġudizzjarja effettiva fis-sustanza tagħha, peress li kull protezzjoni effettiva hija rrifjutata lil persuni li jistgħu jkunu leżi minn akkordju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Huwa f’dawn iċ-ċirkustanzi li l-Landgericht Dortmund (il-Qorti Reġjonali ta’ Dortmund) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-76" title="page-11">
      “1) Id-dritt tal-Unjoni, b’mod partikolari l-Artikolu 101 TFUE, l-Artikolu 4(3) TUE, l-Artikolu 47 tal-[Karta], u l-punt 4 tal-Artikolu 2 u l-Artikolu 3(1) tad-[Direttiva 2014/104], għandu jiġi interpretat b’tali mod li jipprekludi interpretazzjoni u applikazzjoni tad-dritt ta’ Stat Membru li jipprevjeni lil persuna li setgħet ġarrbet ħsara bi ksur tal-Artikolu 101 TFUE, ibbażat fuq l-Artikolu 9 tad-direttiva msemmija iktar ’il fuq jew id-dispożizzjonijiet nazzjonali li jittrasponuh u jagħtuh effett vinkolanti, milli jeżerċita l-pretensjonijiet tiegħu, b’mod partikolari f’każijiet ta’ ħsara tal-massa jew ħsara mifruxa, lil fornitur ta’ servizzi legali awtorizzat fuq bażi fiduċjarja sabiex dan il-fornitur ikun jista’ jiġi magħqud ma’ pretensjonijiet ta’ partijiet oħra li allegatament sofrew dannu permezz ta’ azzjoni ta’ segwitu, jekk ma jeżistux għażliet oħra legali jew kuntrattwali ekwivalenti sabiex talbiet għad-danni jiġu miġbura flimkien, b’mod partikolari għaliex ma jwasslux għal sentenzi ta’ kundanna jew ma humiex prattikabbli għal raġunijiet proċedurali oħra, jew huma oġġettivament irraġonevoli għal raġunijiet ekonomiċi, u għalhekk b’mod partikolari l-prosekuzzjoni ta’ danni minuri tkun prattikament impossibbli jew għall-inqas eċċessivament diffiċli?
    </p>
    <p class="C09Marge0avecretrait" id="para-77" title="page-11">
      2) Id-dritt tal-Unjoni għandu jiġi interpretat b’dan il-mod fi kwalunkwe każ jekk it-talbiet għad-danni inkwistjoni jkunu saru mingħajr deċiżjoni minn qabel mill-Kummissjoni Ewropea jew mill-awtoritajiet nazzjonali fir-rigward tal-ksur allegat li jkollha effett vinkolanti fis-sens tad-dispożizzjonijiet nazzjonali bbażati fuq l-Artikolu 9 tad-Direttiva 2014/104 (l-hekk imsejħa ‘azzjoni awtonoma’), jekk ma jeżistux għażliet legali jew kuntrattwali ekwivalenti oħra sabiex talbiet għad-danni jiġu miġbura flimkien għall-prosekuzzjoni ċivili għar-raġunijiet diġà msemmija fl-ewwel domanda, u b’mod partikolari, jekk ma jkun hemm l-ebda prosekuzzjoni għal ksur tal-Artikolu 101 TFUE, jiġifieri la permezz ta’ ‘infurzar pubbliku’ u lanqas permezz ta’ ‘infurzar privat’?
    </p>
    <p class="C09Marge0avecretrait" id="para-78" title="page-11">
      3) Fil-każ li għall-inqas waħda miż-żewġ domandi tingħata risposta fl-affermattiv, l-istandards korrispondenti tad-dritt Ġermaniż għandhom, fil-każ li tiġi eskluża interpretazzjoni konformi mad-dritt Ewropew, jibqgħu mhux applikati, bil-konsegwenza li l-assenjazzjonijiet ikunu effettivi għall-inqas minn din il-perspettiva u l-infurzar effettiv tal-liġi jsir possibbli?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Osservazzjonijiet bil-miktub ġew ippreżentati mill-partijiet fil-kawża prinċipali, mill-Gvern Ġermaniż u mill-Kummissjoni. Bl-eċċezzjoni ta’ Otto Fuchs Beteiligungen KG (iktar ’il quddiem “Otto Fuchs”), dawn il-partijiet kollha pparteċipaw fis-seduta tas‑7 ta’ Mejju 2024.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">F’din il-kawża, il-qorti tar-rinviju ressqet tliet domandi preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">L-ewwel żewġ domandi jirrigwardaw il-konformità mad-dritt tal-Unjoni tal-interpretazzjoni tad-dritt nazzjonali li għandha l-effett li tipprojbixxi l-irkupru tad-danni kkawżati minn akkordju permezz tal-mekkaniżmu ta’ trasferiment ta’ kreditu. Fir-rigward tat-tielet domanda, din tirrigwarda l-kwistjoni dwar jekk il-qorti tar-rinviju tistax tħalli mhux applikati dispożizzjonijiet nazzjonali li ma humiex konformi mad-dritt tal-Unjoni. Din l-aħħar domanda tressqet biss fil-każ li l-Qorti tal-Ġustizzja tirrispondi fl-affermattiv għal mill-inqas waħda mill-ewwel żewġ domandi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Qabel ma nindirizza l-mertu ta’ dawn iż-żewġ domandi, jidher neċessarju li nagħmel xi rimarki preliminari qosra dwar l-ammissibbiltà tat-talba għal deċiżjoni preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">L-ewwel u t-tieni domanda preliminari – il-mekkaniżmu ta’ trasferiment ta’ kreditu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Fuq l‑ammissibbiltà</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">a)</p>
</td>
<td valign="top">
<p class="normal">Fuq l‑ewwel domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Otto Fuchs, il-Land ta’ Nordrhein-Westfalen u l-Kummissjoni jsostnu li, sa fejn il-qorti tar-rinviju ma hijiex adita b’azzjoni “follow-on”, iżda b’azzjoni indipendenti, l-ewwel domanda ma hijiex ammissibbli, peress li manifestament ma għandha ebda rabta mar-realtà jew mas-suġġett tat-tilwima fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">Jiena naqbel ma’ dan l-argument.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Hija ġurisprudenza stabbilita li d-domandi preliminari li jirrigwardaw id-dritt tal-Unjoni jgawdu minn preżunzjoni ta’ rilevanza. Il-Qorti tal-Ġustizzja tista’ tirrifjuta li tiddeċiedi fuq talba għal deċiżjoni preliminari mressqa minn qorti nazzjonali biss jekk ikun jidher b’mod manifest li l-interpretazzjoni mitluba tad-dritt tal-Unjoni ma għandha ebda relazzjoni mar-realtà jew mas-suġġett tal-kawża prinċipali, meta l-problema tkun ta’ natura ipotetika jew inkella meta l-Qorti tal-Ġustizzja ma jkollhiex il-punti ta’ fatt jew ta’ dritt sabiex tirrispondi b’mod utli għad-domandi li jkunu sarulha  (<span class="note footnote notemarker">
<a id="c-11" href="#t-11">11</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Huwa fid-dawl ta’ din il-ġurisprudenza stabbilita sew li għandhom jiġu eżaminati l-argumenti dwar l-inammissibbiltà tad-domandi preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">F’dan il-każ, il-qorti tar-rinviju tagħmel distinzjoni bejn l-ewwel domanda u t-tieni domanda billi tagħmel riferiment għall-Artikolu 9 tad-Direttiva 2014/104. Fil-fatt, filwaqt li l-ewwel domanda tirrigwarda s-sitwazzjoni fejn azzjoni għad-danni titressaq wara l-konstatazzjoni “b’mod vinkolanti”, fis-sens ta’ din id-dispożizzjoni, ta’ ksur tad-dritt tal-kompetizzjoni permezz ta’ deċiżjoni definittiva ta’ awtorità nazzjonali tal-kompetizzjoni jew qorti tal-appell (azzjoni “follow-on”), it-tieni domanda tirrigwarda s-sitwazzjoni fejn azzjoni għad-danni titressaq fl-assenza ta’ tali deċiżjoni (azzjoni “stand-alone”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">F’dawn iċ-ċirkustanzi, fid-dawl tal-fatt li ASG 2 ippreżentat rikors uniku quddiem il-qorti tar-rinviju li jikkonċerna l-istess ksur tad-dritt tal-kompetizzjoni, waħda mill-ewwel żewġ domandi ma tikkorrispondi la mar-realtà u lanqas mas-suġġett tal-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">F’dan ir-rigward, bis-saħħa tal-Artikolu 9(1) tad-Direttiva 2014/104, l-Istati Membri għandhom jiżguraw li ksur tad-dritt tal-kompetizzjoni kkonstatat minn deċiżjoni definittiva ta’ awtorità nazzjonali tal-kompetizzjoni jew minn qorti tal-appell titqies li hija stabbilita b’mod inkonfutabbli għall-finijiet ta’ azzjoni għad-danni mressqa quddiem il-qrati nazzjonali tagħhom skont l-Artikolu 101 jew 102 TFUE jew skont id-dritt nazzjonali dwar il-kompetizzjoni. Barra minn hekk, skont il-punt 11 tal-Artikolu 2 ta’ din id-direttiva, “deċiżjoni dwar ksur” tikkostitwixxi deċiżjoni ta’ awtorità tal-kompetizzjoni jew ta’ qorti tal-appell li tikkonkludi l-eżistenza ta’ ksur tad-dritt tal-kompetizzjoni. Il-punt 12 tal-Artikolu 2 tal-imsemmija direttiva jispjega li tali deċiżjoni hija definittiva meta ma tkunx tista’ tiġi appellata iktar permezz tar-rimedji ordinarji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Il-qorti tar-rinviju tindika li, fir-rigward tal-Land ta’ Nordrhein-Westfalen, ma teżisti ebda deċiżjoni oħra ħlief id-deċiżjoni ta’ impenji tal‑2009  (<span class="note footnote notemarker">
<a id="c-12" href="#t-12">12</a>
</span>). Għaldaqstant, għandu jiġi ddeterminat jekk din id-deċiżjoni tikkonkludix li jeżisti ksur u, minħabba f’hekk, tipproduċix l-effetti legali deskritti fl-Artikolu 9(1) tad-Direttiva 2014/104.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Skont id-deċiżjoni tar-rinviju, l-Awtorità Federali tal-Kompetizzjoni stabbilixxiet, fid-deċiżjoni ta’ impenji tal‑2009, għal-Land ta’ Nordrhein-Westfalen, limiti konkreti fil-qasam tal-kooperazzjoni għall-kummerċjalizzazzjoni tal-injam kif ukoll miżuri intiżi sabiex jirrestrinġu l-pożizzjoni tiegħu fis-suq. Barra minn hekk, din il-qorti tirrileva li l-imsemmija deċiżjoni ttieħdet abbażi tal-Artikolu 32b tal-GWB.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Għalkemm l-Artikolu 32b tal-GWB ma huwiex riprodott fit-talba għal deċiżjoni preliminari, għandu madankollu jiġi kkonstatat li l-formulazzjoni tiegħu tikkorrispondi, kif tammetti l-Awtorità Federali tal-Kompetizzjoni, għal dik tal-Artikolu 9 tar-Regolament (KE) Nru 1/2003  (<span class="note footnote notemarker">
<a id="c-13" href="#t-13">13</a>
</span>). Fil-fatt, din id-dispożizzjoni tad-dritt Ġermaniż tipprevedi, bħall-ewwel sentenza tal-Artikolu 9(1) ta’ dan ir-regolament, li meta impriża toffri, fil-kuntest ta’ proċedura mmexxija minn din l-awtorità, impenji ta’ natura li jindirizzaw it-tħassib li l-imsemmija awtorità tkun informatha dwarhom fl-evalwazzjoni preliminari tagħha, l-istess awtorità tista’, permezz ta’ deċiżjoni, tirrendi dawn l-impenji obbligatorji għall-impriżi  (<span class="note footnote notemarker">
<a id="c-14" href="#t-14">14</a>
</span>). Barra minn hekk, kif tipprevedi t-tieni sentenza tal-Artikolu 9(1) tal-imsemmi regolament, l-effetti ta’ tali deċiżjoni jistgħu jiġu limitati ratione temporis  (<span class="note footnote notemarker">
<a id="c-15" href="#t-15">15</a>
</span>) iżda hija tikkonkludi, fi kwalunkwe każ, li ma għadx hemm lok li l-awtorità kkonċernata taġixxi  (<span class="note footnote notemarker">
<a id="c-16" href="#t-16">16</a>
</span>). Fl-aħħar nett, l-Awtorità Federali tal-Kompetizzjoni tista’ tirrevoka d-deċiżjoni tagħha fi kważi l-istess sitwazzjonijiet bħal dawk elenkati fl-Artikolu 9(2) tar-Regolament Nru 1/2003 u tiftaħ mill-ġdid tal-proċedura  (<span class="note footnote notemarker">
<a id="c-17" href="#t-17">17</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Deċiżjoni ta’ impenji adottata abbażi tal-Artikolu 9 tar-Regolament Nru 1/2003 ma tinkludix konstatazzjoni definittiva dwar ksur tal-Artikoli 101 u 102 TFUE. Fil-fatt, l-għeluq tal-proċedura ta’ ksur mibdija kontra impriżi wara deċiżjoni ta’ impenji jippermettilhom jevitaw il-konstatazzjoni ta’ ksur tad-dritt tal-kompetizzjoni u l-eventwali impożizzjoni ta’ multa  (<span class="note footnote notemarker">
<a id="c-18" href="#t-18">18</a>
</span>). F’din il-linja ta’ ħsieb, kif tiċċara l-premessa 13 tar-Regolament Nru 1/2003, tali deċiżjonijiet għandhom jikkonstataw li ma hemmx iktar lok li l-Kummissjoni taġixxi, “mingħajr ma tikkonkludi jekk kienx hemm jew għadx hemm xi ksur”. Għaldaqstant, fil-kuntest ta’ proċedura mibdija skont l-Artikolu 9 ta’ dan ir-regolament, il-Kummissjoni hija meħlusa mill-obbligu li tikklassifika u li tikkonstata l-ksur, peress li r-rwol tagħha huwa limitat għall-eżami u għall-aċċettazzjoni eventwali tal-impenji proposti mill-impriżi kkonċernati, fid-dawl tal-problemi li hija identifikat fl-evalwazzjoni preliminari tagħha u fid-dawl tal-għanijiet tagħha  (<span class="note footnote notemarker">
<a id="c-19" href="#t-19">19</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Ċertament, il-Qorti tal-Ġustizzja ppreċiżat li l-qrati nazzjonali ma jistgħux jinjoraw id-deċiżjonijiet ta’ impenji adottati mill-Kummissjoni u li “l-għan ta’ applikazzjoni effettiva u uniformi tad-dritt tal-kompetizzjoni tal-Unjoni jirrikjed[i] li l-qorti nazzjonali tikkunsidra l-evalwazzjoni preliminari tal-Kummissjoni u li tikkunsidraha bħala indizju, jew saħansitra bħala provi prima facie, tan-natura antikompetittiva tal-ftehim inkwistjoni fid-dawl tal-Artikolu 101(1) TFUE”  (<span class="note footnote notemarker">
<a id="c-20" href="#t-20">20</a>
</span>). Madankollu, din is-silta ma tistax tinftiehem fis-sens li deċiżjoni ta’ impenji tinkludi kwalunkwe konstatazzjoni ta’ ksur tad-dritt tal-kompetizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">Fil-fatt, l-imsemmija silta ma tirrigwardax xi deċiżjoni ta’ impenji, iżda “l-evalwazzjoni preliminari” tal-Kummissjoni li, jekk ikun il-każ, tista’ tesponi fatti ta’ ċertu valur probatorju għal azzjoni għad-danni mressqa quddiem qorti nazzjonali. Kif spjegat il-Qorti tal-Ġustizzja stess, dan il-valur probatorju huwa paragunabbli ma’ dak ta’ indizju jew ta’ prova prima facie, mingħajr madankollu ma hija prova li, meħuda waħedha, tippermetti li tiġi konkluża l-eżistenza ta’ ksur tad-dritt tal-kompetizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Xejn ma jissuġġerixxi li, fid-dritt Ġermaniż, deċiżjoni ta’ impenji adottata abbażi tal-Artikolu 32b tal-GWB tipproduċi effetti li jmorru lil hinn minn dawk ta’ deċiżjoni meħuda mill-Kummissjoni fuq il-bażi tal-Artikolu 9 tar-Regolament Nru 1/2003. Għalhekk, bla ħsara għall-verifiki li jaqgħu taħt il-ġurisdizzjoni tal-qorti nazzjonali, sa fejn id-deċiżjoni ta’ impenji tal‑2009 ma tikkonkludix li jeżisti ksur tad-dritt tal-kompetizzjoni, din id-deċiżjoni ma tistax tipproduċi l-effetti msemmija fl-Artikolu 9(1) tad-Direttiva 2014/104. Għaldaqstant, hemm lok li jiġi kkunsidrat li l-ewwel domanda ma tikkorrispondix mar-realtà u lanqas mas-suġġett tal-kawża prinċipali u li għalhekk hija inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">Din il-kunsiderazzjoni ma hijiex ikkontestata mill-argument tal-Awtorità Federali tal-Kompetizzjoni li, minħabba l-eżistenza tad-deċiżjoni ta’ impenji tal‑2009 kif ukoll minħabba l-proċeduri mibdija quddiem il-qrati Ġermaniżi b’rabta ma’ din id-deċiżjoni, il-kawża prinċipali tikkostitwixxi azzjoni ta’ segwitu ibrida. Skont din l-awtorità, tali azzjoni tinsab bejn azzjoni ta’ segwitu (azzjoni “follow-on”) u azzjoni indipendenti (azzjoni “stand-alone”). Issa, l-imsemmija awtorità tammetti li, fil-kuntest ta’ tali azzjoni ta’ segwitu ibrida, il-prova tad-dannu hija ffaċilitata mill-eżistenza ta’ deċiżjoni preċedenti ta’ awtorità nazzjonali għal fatti paragunabbli, totalment jew parzjalment, ma’ dawk inkwistjoni fil-kawża prinċipali. Madankollu, il-partijiet fil-kawża prinċipali ma jistgħux jibbażaw ruħhom fuq l-effett vinkolanti ta’ deċiżjoni ta’ awtorità nazzjonali, fis-sens tal-Artikolu 9 tad-Direttiva 2014/104.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Għaldaqstant, għandu jiġi kkunsidrat li l-ewwel domanda preliminari hija inammissibbli. Bla ħsara għall-argument dwar in-natura indipendenti tal-azzjoni għad-danni inkwistjoni fil-kawża prinċipali, li għadni kif analizzajt, l-argumenti l-oħra ta’ Otto Fuchs u tal-Land ta’ Nordrhein-Westfalen ma humiex ta’ natura li jwasslu għall-konstatazzjoni tal-inammissibbiltà tal-ewwel domanda. Madankollu, ser nanalizza dawn l-argumenti sa fejn, minn naħa, l-eżami tagħhom jista’ jkun utli għall-każ fejn il-Qorti tal-Ġustizzja ma taqbilx mal-pożizzjoni tiegħi dwar l-inammissibbiltà tal-ewwel domanda u, min-naħa l-oħra, tressqu insostenn tal-argument li t-tieni domanda lanqas ma hija ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">b)</p>
</td>
<td valign="top">
<p class="normal">Fuq it‑tieni domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Otto Fuchs u l-Land Nordrhein-Westfalen ressqu sensiela ta’ argumenti insostenn tal-argument li t-tieni domanda preliminari ma hijiex ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">F’dan ir-rigward, fl-ewwel lok, dawn il-partijiet jaffermaw li, sa fejn il-qorti tar-rinviju ma tifformulax domanda miftuħa, flimkien mad-diversi risposti previsti, hija ma għandha ebda dubju dwar l-interpretazzjoni tad-dritt tal-Unjoni. Fil-fatt, din il-qorti tibbaża ruħha fuq interpretazzjoni tad-dritt tal-Unjoni li tippermettilha tikkunsidra li l-leġiżlazzjoni nazzjonali ma hijiex konformi magħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Dan l-argument għandu jiġi miċħud. It-tieni domanda preliminari tirrigwarda l-interpretazzjoni tad-dritt tal-Unjoni u hija marbuta mal-kawża prinċipali. Hija biss il-qorti tar-rinviju li għandha tiddetermina jekk għandhiex bżonn tikseb kjarifiki mill-Qorti tal-Ġustizzja dwar din il-kwistjoni. Il-formulazzjoni kategorika ta’ ċerti kunsiderazzjonijiet ta’ din il-qorti lanqas ma tikkontesta l-ammissibbiltà tad-domanda preliminari tagħha. Fil-fatt, fid-deċiżjoni tar-rinviju tagħha, qorti nazzjonali tista’ wkoll tindika b’mod konċiż l-opinjoni tagħha dwar ir-risposta li għandha tingħata għad-domandi preliminari magħmula  (<span class="note footnote notemarker">
<a id="c-21" href="#t-21">21</a>
</span>), mingħajr ir-riskju li d-deċiżjoni tagħha tiġi miċħuda bħala inammissibbli. F’dan il-każ, dan huwa eżattament dak li għamlet il-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">Fit-tieni lok, lanqas ma hemm lok li jintlaqa’ l-argument li t-tieni domanda hija ipotetika sa fejn din tirreferi għal danni msejħa “mifruxa” u hija bbażata fuq l-ipoteżi li l-“prosekuzzjoni ta’ danni minuri tkun prattikament impossibbli jew għall-inqas eċċessivament diffiċli” jekk it-talbiet għal kumpens ibbażati fuq id-dritt tal-akkordji ma jkunux jistgħu jitressqu b’mod kollettiv permezz ta’ azzjoni kollettiva ta’ rkupru, filwaqt li l-kawża prinċipali la għandha bħala suġġett danni mifruxa u lanqas danni ta’ ammont żgħir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">F’dan ir-rigward, għandi nirrileva li l-kunċetti ta’ dannu “mifrux” jew “ta’ ammont żgħir” ma jikkostitwixxux kunċetti tad-dritt tal-Unjoni. Fid-deċiżjoni tar-rinviju, dawn il-kunċetti huma ta’ natura deskrittiva u l-qorti nazzjonali biss għandha ġurisdizzjoni sabiex tikkonstata u tevalwa l-fatti tal-kawża prinċipali. Fil-fatt, il-kunċett ta’ “danni mifruxa” (“Streuschäden”) huwa ddefinit, mill-qorti tar-rinviju, bħala li jirreferi għad-danni li l-karatteristika tagħhom hija li jirrappreżentaw, għall-persuna leża, dannu minimu, iżda li l-ammont tagħhom ikun għoli meta jingħaddu flimkien il-persuni leżi kollha. Il-kunċett ta’ “danni tal-massa” (“Massenschäden”), użat ukoll fid-domandi preliminari, ma huwiex iddefinit minn din il-qorti, iżda jidher li jirreferi għas-sitwazzjoni li fiha diversi persuni jallegaw li sofrew dannu fil-forma ta’ telf ikkawżat mill-istess fatt kawżali. Id-duttrina ssostni li d-danni tal-massa huma distinti mid-danni mifruxa wkoll minħabba l-portata tad-danni mġarrba minn kull persuna individwalment. Id-danni tal-massa huma sinjifikattivi biżżejjed sabiex kull individwu jkollu interess li jitlob kumpens għad-dannu mġarrab. Madankollu, il-proċedura għall-kisba tagħhom hija kumplessa u għalja għal kull persuna leża  (<span class="note footnote notemarker">
<a id="c-22" href="#t-22">22</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Fit-tielet lok, Otto Fuchs u l-Land ta’ Nordrhein-Westfalen jikkritikaw lill-qorti tar-rinviju talli bbażat id-deċiżjoni tar-rinviju tagħha fuq l-ipoteżi li, minn naħa, ma teżistix għażla oħra ħlief l-azzjoni kollettiva għall-irkupru u li, min-naħa l-oħra, li kieku t-talbiet għal kumpens ibbażati fuq id-dritt tal-akkordji ma setgħux jiġu eżerċitati b’mod kollettiv permezz ta’ tali azzjoni kollettiva għall-irkupru, ikun prattikament impossibbli jew, fi kwalunkwe każ, eċċessivament diffiċli li tiġi eżerċitata azzjoni għad-danni ta’ ammont żgħir u l-ebda azzjoni bbażata fuq il-ksur tal-Artikolu 101 TFUE ma tkun ippreżentata, la fil-kuntest tal-implimentazzjoni tar-regoli tad-dritt tal-kompetizzjoni mill-isfera pubblika, u lanqas fil-kuntest tal-implimentazzjoni tagħhom mill-isfera privata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">F’dan ir-rigward, ċertament, il-konstatazzjonijiet dwar il-kuntest fattwali u leġiżlattiv huma premessi li fuqhom huma bbażati d-domandi preliminari. Huwa minnu wkoll li wħud mill-partijiet għamlu rimarki intiżi sabiex jikkompletaw jew jikkontestaw il-kuntest fattwali u leġiżlattiv tal-kawża prinċipali. Essenzjalment, dawn il-partijiet jikkritikaw il-konstatazzjoni tal-qorti tar-rinviju li, fid-dritt Ġermaniż, ma teżisti ebda għażla, bħala rimedju effettiv, minbarra l-mekkaniżmu ta’ trasferiment ta’ krediti li jippermetti li tiġi żgurata l-protezzjoni tad-drittijiet tal-persuni leżi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Issa, l-evalwazzjoni tal-eżistenza ta’ mekkaniżmi oħra li jippermettu lill-persuni leżi jeżerċitaw id-drittijiet tagħhom kontra l-awtur ta’ ksur tad-dritt tal-kompetizzjoni taqa’ taħt l-interpretazzjoni tad-dritt nazzjonali. F’dan ir-rigward, fil-kuntest tat-tqassim tal-kompetenzi bejn il-qrati tal-Unjoni u l-qrati nazzjonali, meta l-qorti tar-rinviju tkun iddefinixxiet il-kuntest fattwali u leġiżlattiv tad-domandi magħmula minnha, ma hijiex il-Qorti tal-Ġustizzja li għandha tivverifika l-eżattezza tagħhom  (<span class="note footnote notemarker">
<a id="c-23" href="#t-23">23</a>
</span>). Bl-istess mod, fir-rigward tal-kritika dwar il-kuntest fattwali u leġiżlattiv tad-deċiżjoni tar-rinviju inkwistjoni f’dan il-każ, il-Qorti tal-Ġustizzja lanqas ma tista’ tissostitwixxi lilha nnifisha għal qorti nazzjonali u tirrispondi għaliha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Madankollu, sa fejn il-konstatazzjonijiet dwar il-kuntest fattwali u leġiżlattiv li jinsabu fid-deċiżjoni tar-rinviju jikkostitwixxu premessi li fuqhom huma bbażati d-domandi preliminari, jiena tal-fehma li l-Qorti tal-Ġustizzja għandha tiġbed l-attenzjoni tal-qorti tar-rinviju fuq din il-kritika, sabiex tippermettilha tiddetermina kif tapplika d-dritt tal-Unjoni kif interpretat mill-Qorti tal-Ġustizzja. Fil-fatt, il-fatt li l-Qorti tal-Ġustizzja hija obbligata tiddeċiedi dwar id-deċiżjoni tar-rinviju huwa bla ħsara għall-possibbiltà, għall-qorti tar-rinviju, li tipproċedi, jekk ikun il-każ, għall-verifika tal-premessi li fuqhom huma bbażati d-domandi preliminari tagħha  (<span class="note footnote notemarker">
<a id="c-24" href="#t-24">24</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Bla ħsara għal dak li ntqal iktar ’il fuq, għandu jiġi kkunsidrat li t-tieni domanda hija ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Fuq il‑mertu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72.</p>
</td>
<td valign="top">
<p class="normal">Permezz tat-tieni domanda preliminari tagħha, il-qorti tar-rinviju tistaqsi, essenzjalment, jekk l-Artikolu 101 TFUE, il-punt 4 tal-Artikolu 2, l-Artikolu 3(1) u l-Artikolu 4 tad-Direttiva 2014/104 tagħha kif ukoll l-Artikolu 47 tal-Karta għandhomx jiġu interpretati fis-sens li jipprekludu l-interpretazzjoni tad-dritt nazzjonali li għandha l-effett li teskludi, fl-assenza ta’ deċiżjoni definittiva li tikkonkludi li jeżisti ksur tad-dritt tal-kompetizzjoni, it-trasferiment fuq bażi fiduċjarja tad-drittijiet għal kumpens għad-danni kkawżati minn akkordju minn persuni allegatament leżi lil fornitur awtorizzat ta’ servizzi legali, sabiex dan jinvoka dawn id-drittijiet b’mod kollettiv, meta ma jeżistux possibbiltajiet legali jew kuntrattwali oħra ta’ ġabra flimkien ta’ djun kumpensatorji li jistgħu jiġu kkunsidrati bħala ekwivalenti, bil-konsegwenza, minn naħa, li jkun prattikament impossibbli jew, tal-inqas, eċċessivament diffiċli li tiġi eżerċitata azzjoni għal danni ta’ ammont żgħir u, min-naħa l-oħra, ebda azzjoni bbażata fuq il-ksur tal-Artikolu 101 TFUE ma tkun ippreżentata, la fil-kuntest tal-implimentazzjoni tar-regoli tad-dritt tal-kompetizzjoni mill-isfera pubblika, u lanqas fil-kuntest tal-implimentazzjoni tagħhom mill-isfera privata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">a)</p>
</td>
<td valign="top">
<p class="normal">Fuq id‑dispożizzjonijiet rilevanti</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73.</p>
</td>
<td valign="top">
<p class="normal">It-tieni domanda tirrigwarda l-interpretazzjoni tal-Artikolu 101 TFUE, tal-Artikolu 47 tal-Karta kif ukoll tad-dispożizzjonijiet tad-Direttiva 2014/104. Sa fejn din id-domanda tikkonċerna l-interpretazzjoni ta’ din id-direttiva, hemm lok li jiġi eżaminat il-kamp ta’ applikazzjoni ratione temporis tagħha. Sussegwentement, ser nanalizza fil-qosor ir-rilevanza tal-Artikolu 4(3) TUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74.</p>
</td>
<td valign="top">
<p class="normal">Il-qorti tar-rinviju titlaq mill-premessa li l-punt 4 tal-Artikolu 2, l-Artikolu 3(1) tad-Direttiva 2014/104, li l-interpretazzjoni tiegħu hija mitluba, huma applikabbli f’dan il-każ, indipendentement mill-kwistjoni dwar jekk dawn id-dispożizzjonijiet humiex regoli proċedurali jew sostantivi. Fil-fatt, konformement mal-Artikolu 22(2) ta’ din id-direttiva, id-dispożizzjonijiet rilevanti tagħha huma applikabbli għall-azzjonijiet għad-danni mressqa wara s‑26 ta’ Diċembru 2014. Barra minn hekk, din il-qorti tfakkar li r-rikors fil-kawża prinċipali jirrigwarda aġir allegatament ipprattikat sat‑30 ta’ Ġunju 2019, ħafna wara l-iskadenza tat-terminu għat-traspożizzjoni tal-imsemmija direttiva. Għaldaqstant, b’applikazzjoni tas-sentenza Volvo u DAF Trucks  (<span class="note footnote notemarker">
<a id="c-25" href="#t-25">25</a>
</span>) ir-regoli sostantivi tal-istess direttiva għandhom jiġu applikati mhux biss għall-parti tal-perijodu ta’ akkordju wara l-iskadenza tat-terminu għat-traspożizzjoni, iżda wkoll għall-perijodu kollu tal-akkordju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75.</p>
</td>
<td valign="top">
<p class="normal">Għalkemm inqis li d-dispożizzjonijiet imsemmija fit-tieni domanda preliminari huma applikabbli fil-kawża prinċipali, ma iniex konvint mill-analiżi tal-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76.</p>
</td>
<td valign="top">
<p class="normal">Infakkar li r-rikors ġie ppreżentat fil‑31 ta’ Marzu 2020 u jirrigwarda l-kumpens għad‑danni kkawżati minn prattiki allegati li seħħew bejn it‑28 ta’ Ġunju 2005 u t‑30 ta’ Ġunju 2019.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77.</p>
</td>
<td valign="top">
<p class="normal">It-terminu għat-traspożizzjoni tad-Direttiva 2014/104 ġie stabbilit għas‑27 ta’ Diċembru 2016 (Artikolu 21(1)). Barra minn hekk, il-miżuri nazzjonali ta’ traspożizzjoni tad-dispożizzjonijiet sostantivi ta’ din id-direttiva ma jistgħux japplikaw retroattivament (Artikolu 22(1)), filwaqt li r-regoli nazzjonali ta’ traspożizzjoni ta’ dispożizzjonijiet oħra tal-imsemmija direttiva, jiġifieri d-dispożizzjonijiet proċedurali, ma jistgħux japplikaw għal azzjonijiet għad-danni li tressqu quddiem qorti nazzjonali qabel is‑26 ta’ Diċembru 2014 (Artikolu 22(2))  (<span class="note footnote notemarker">
<a id="c-26" href="#t-26">26</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78.</p>
</td>
<td valign="top">
<p class="normal">Għalhekk, a priori, sabiex tiġi ddeterminata l-applikabbiltà ratione temporis tad-dispożizzjonijiet tad-Direttiva 2014/104, għandu jiġi stabbilit jekk id-dispożizzjoni kkonċernata hijiex jew le dispożizzjoni sostantiva. Madankollu, fir-rigward tal-kwistjoni tal-applikazzjoni ratione temporis tad-dispożizzjonijiet ta’ din id-direttiva, għandha ssir distinzjoni skont jekk dawn id-dispożizzjonijiet jirriżultawx, fid-dawl tal-ġurisprudenza, mill-Artikolu 101 TFUE stess jew jekk jirriżultawx biss mill-imsemmija direttiva, li joħloq l-obbligu li tiġi eżaminata l-applikabbiltà ratione temporis tagħhom fid-dawl tal-Artikolu 22 tal-istess direttiva  (<span class="note footnote notemarker">
<a id="c-27" href="#t-27">27</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79.</p>
</td>
<td valign="top">
<p class="normal">Id-dritt għal kumpens sħiħ għal dannu li jirriżulta minn ksur tad-dritt tal-kompetizzjoni ma ġiex stabbilit mid-Direttiva 2014/104, iżda jirriżulta direttament mid-dispożizzjonijiet tad-dritt primarju kif interpretat mill-Qorti tal-Ġustizzja fil-ġurisprudenza tagħha preċedenti għall-adozzjoni ta’ din id-direttiva. Diversi premessi tal-imsemmija direttiva jikkonfermaw din il-kunsiderazzjoni  (<span class="note footnote notemarker">
<a id="c-28" href="#t-28">28</a>
</span>). Konsegwentement, skont il-Qorti tal-Ġustizzja, il-miżuri nazzjonali ta’ traspożizzjoni tal-Artikolu 3(1) tal-istess direttiva “għandhom neċessarjament japplikaw b’effett immedjat għall-azzjonijiet kollha għal danni li jaqgħu fil-kamp ta’ applikazzjoni tal-istess direttiva, kif ikkonfermat mill-Artikolu 22(2) ta’ din”  (<span class="note footnote notemarker">
<a id="c-29" href="#t-29">29</a>
</span>). F’dan ir-rigward, fid-dawl tad-data tal-preżentata tar-rikors fil-kawża prinċipali, jiġifieri l‑31 ta’ Marzu 2020, sew wara l-iskadenza tat-terminu għat-traspożizzjoni ta’ din id-direttiva, l-azzjoni inkwistjoni fil-kawża prinċipali tidħol mingħajr dubju fil-kamp ta’ applikazzjoni ratione temporis tagħha. Konsegwentement, l-Artikolu 3 tal-imsemmija direttiva japplika fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80.</p>
</td>
<td valign="top">
<p class="normal">Il-kwistjoni tal-applikazzjoni ratione temporis tal-punt 4 tal-Artikolu 2 tad-Direttiva 2014/104 fil-kawża prinċipali hija iktar problematika. Fil-fatt, l-imsemmi Artikolu 2 jinkludi, kif jindika t-titolu tiegħu, id-definizzjonijiet tal-kunċetti użati f’din id-direttiva. Mad-daqqa ta’ għajn, definizzjoni ta’ kunċett legali użat f’att tad-dritt tal-Unjoni ma hijiex ta’ natura sostanzjali jew proċedurali. In-natura tiegħu hija pjuttost iddeterminata mid-dispożizzjoni speċifika li magħha huwa marbut dan il-kunċett.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81.</p>
</td>
<td valign="top">
<p class="normal">Madankollu, it-tieni domanda hija bbażata fuq qari tal-punt 4 tal-Artikolu 2 tad-Direttiva 2014/104 li jgħid li din id-direttiva tiddetermina min jista’ jinvoka dritt għal kumpens sħiħ għal dannu li jirriżulta minn ksur tad-dritt tal-kompetizzjoni tal-Unjoni jew eventwalment b’liema mod jista’ jiġi invokat tali dritt. Barra minn hekk, il-qorti tar-rinviju tidher li tqis li l-effett iggarantit minn din id-dispożizzjoni jirriżulta mill-Artikolu 101 TFUE, kif interpretat mill-Qorti tal-Ġustizzja fil-ġurisprudenza tagħha. Għalhekk nipproponi li jiġi kkunsidrat li l-punt 4 tal-Artikolu 2 tad-Direttiva 2014/104 huwa applikabbli fil-kawża prinċipali, konformement mas-soluzzjoni mogħtija mill-Qorti tal-Ġustizzja fil-ġurisprudenza tagħha dwar l-applikazzjoni ratione temporis tad-dispożizzjonijiet tal-istess direttiva li jikkonfermaw is-soluzzjonijiet li jirriżultaw mid-dritt primarju  (<span class="note footnote notemarker">
<a id="c-30" href="#t-30">30</a>
</span>). Fi kliem ieħor, l-interpretazzjoni li ser nippreżenta iktar ’il quddiem tikkonċerna kemm l-Artikolu 101 TFUE kif ukoll id-dispożizzjonijiet tad-Direttiva 2014/104.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82.</p>
</td>
<td valign="top">
<p class="normal">Fit-tieni domanda tagħha, il-qorti tar-rinviju tirreferi wkoll għall-Artikolu 4(3) TUE. Il-qari tad-deċiżjoni tar-rinviju jissuġġerixxi li din il-qorti tassimila din id-dispożizzjoni mal-prinċipju ta’ effettività jew mal-effett utli tal-Artikolu 101 TFUE. Madankollu, huwa biżżejjed li din l-aħħar dispożizzjoni tiġi interpretata sabiex tkun tista’ tingħata deċiżjoni kemm dwar il-prinċipju ta’ effettività kif ukoll dwar l-effettività tagħha  (<span class="note footnote notemarker">
<a id="c-31" href="#t-31">31</a>
</span>). Barra minn hekk, taħt id-Direttiva 2014/104, huwa l-Artikolu 4 tagħha li jinkludi l-prinċipju ta’ effettività u għalhekk hemm lok li din id-dispożizzjoni tiġi interpretata wkoll. Konsegwentement, nipproponi li jiġi kkunsidrat li, permezz tat-tieni domanda tagħha, il-qorti tar-rinviju tirreferi għall-Artikolu 101 TFUE, l-Artikolu 47 tal-Karta u l-punt 4 tal-Artikolu 2 tad-Direttiva 2014/104 kif ukoll l-Artikolu 3(1) u l-Artikolu 4 tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">b)</p>
</td>
<td valign="top">
<p class="normal">Fuq il‑projbizzjoni tal‑mekkaniżmu ta’ trasferiment ta’ kreditu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Osservazzjonijiet ġenerali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83.</p>
</td>
<td valign="top">
<p class="normal">Sabiex tingħata risposta għat-tieni domanda preliminari, għandu jiġi ddeterminat minn qabel jekk l-interpretazzjoni tad-dritt nazzjonali li għandha l-effett li teskludi, fl-assenza ta’ deċiżjoni definittiva li tikkonkludi li jeżisti ksur tad-dritt tal-kompetizzjoni, it-trasferiment fuq bażi fiduċjarja tad-drittijiet għal kumpens għad-danni kkawżati minn akkordju minn persuni allegatament leżi lil fornitur awtorizzat ta’ servizzi legali, tirrigwardax aspett irregolat direttament mid-dritt tal-Unjoni jew kwistjoni li taqa’ taħt l-ordinament ġuridiku ta’ kull Stat Membru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84.</p>
</td>
<td valign="top">
<p class="normal">F’dan ir-rigward, għandu jiġi ppreċiżat li l-projbizzjoni inkwistjoni fil-kawża prinċipali ma ċċaħħadx lill-persuna li ġarrbet dannu kkawżat minn akkordju mill-kwalità tagħha ta’ vittma ta’ ksur tad-dritt tal-kompetizzjoni. Min-naħa l-oħra, din il-projbizzjoni tirriżulta min-nullità tat-trasferiment tad-dritt ta’ din il-persuna lil fornitur awtorizzat ta’ servizzi legali li, f’ismu stess u bi spejjeż tiegħu stess, iżda għan-nom taċ-ċedenti, jinvoka d-drittijiet taċ-ċedenti b’mod kollettiv. Sabiex tingħata risposta għad-domanda preliminari, għandu jiġi stabbilit jekk il-kundizzjonijiet tal-validità tat-trasferiment tad-dritt għal kumpens għad-dannu humiex irregolati mid-dritt tal-Unjoni jew mid-dritt nazzjonali applikabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">Id‑distinzjoni bejn il‑kundizzjonijiet li jikkostitwixxu d‑dritt għal kumpens għad‑dannu u l‑modalitajiet ta’ eżerċizzju ta’ dan id-dritt</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85.</p>
</td>
<td valign="top">
<p class="normal">Jidhirli li huwa opportun li titfakkar id-distinzjoni magħmula mill-Avukati Ġenerali Kokott u Wahl bejn, minn naħa, il-kundizzjonijiet li jikkostitwixxu responsabbiltà għal ksur tad-dritt tal-kompetizzjoni tal-Unjoni, jiġifieri l-kundizzjonijiet li jikkostitwixxu d-dritt li jintalbu danni u, min-naħa l-oħra, il-modalitajiet tal-eżerċizzju tad-dritt għall-kumpens għad-dannu kkawżat mill-ksur tad-dritt tal-kompetizzjoni. Essenzjalment, skont dawn l-Avukati Ġenerali, filwaqt li tal-ewwel jaqgħu direttament taħt id-dritt tal-Unjoni, b’tali mod li miżura nazzjonali li tmur kontra l-effett dirett tiegħu għandha tiġi eskluża, tat-tieni jaqgħu taħt id-dritt nazzjonali u huma suġġetti għal-limitazzjonijiet klassiċi tal-awtonomija proċedurali tal-Istati Membri  (<span class="note footnote notemarker">
<a id="c-32" href="#t-32">32</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86.</p>
</td>
<td valign="top">
<p class="normal">Jiena naqbel ma’ din l-interpretazzjoni għar-raġunijiet li ġejjin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87.</p>
</td>
<td valign="top">
<p class="normal">Fl-ewwel lok, din id-dikotomija tirriżulta mit-tqassim tal-kompetenzi bejn l-Unjoni u l-Istati Membri. Minn naħa, skont l-Artikolu 3(1)(b) TFUE, l-Unjoni għandha kompetenza esklużiva fir-rigward tar-regoli tal-kompetizzjoni neċessarji għall-funzjonament tas-suq intern. Min-naħa l-oħra, regoli oħra applikabbli fil-qasam tal-kompetizzjoni li ma jaqgħux fil-kamp ta’ din il-kompetenza esklużiva jaqgħu, fl-assenza ta’ regoli tad-dritt tal-Unjoni, taħt il-kompetenza tal-Istati Membri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88.</p>
</td>
<td valign="top">
<p class="normal">L-Artikolu 101 TFUE jaqa’ taħt ir-regoli tal-kompetizzjoni li, bħal dawk imsemmija fl-Artikolu 3(1)(c) TFUE, huma neċessarji għall-funzjonament tas-suq intern  (<span class="note footnote notemarker">
<a id="c-33" href="#t-33">33</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89.</p>
</td>
<td valign="top">
<p class="normal">Issa, id-dritt għal kumpens għal dannu kkawżat minn ksur tal-Artikolu 101 TFUE jmur lil hinn mis-sempliċi kumpens għad-dannu mġarrab mill-persuni leżi, peress li jsaħħaħ, b’mod iktar ġenerali, in-natura operattiva tar-regoli tal-kompetizzjoni tal-Unjoni u huwa ta’ natura li jiskoraġġixxi l-ftehimiet jew il-prattiki, spiss moħbija, li jistgħu jirrestrinġu jew joħolqu distorsjoni tal-kompetizzjoni, u b’hekk jikkontribwixxi għaż-żamma ta’ kompetizzjoni effettiva fl-Unjoni  (<span class="note footnote notemarker">
<a id="c-34" href="#t-34">34</a>
</span>). L-implimentazzjoni tad-dritt tal-kompetizzjoni mill-isfera privata hija wkoll neċessarja għall-funzjonament tas-suq intern. Għaldaqstant, l-istabbiliment tal-kundizzjonijiet li jiddeterminaw l-eżistenza u l-kontenut essenzjali tad-dritt għal kumpens għad-dannu kkawżat minn ksur tal-Artikolu 101 TFUE għandu jaqa’ taħt il-kompetenza esklużiva tal-Unjoni. Min-naħa l-oħra, huwa kull Stat Membru li għandu jindika l-qrati kompetenti u li għandu jirregola l-modalitajiet proċedurali tar-rikorsi intiżi sabiex jiżguraw il-ħarsien tad-drittijiet li l-individwi jisiltu mill-effett dirett tad-dritt tal-Unjoni  (<span class="note footnote notemarker">
<a id="c-35" href="#t-35">35</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90.</p>
</td>
<td valign="top">
<p class="normal">Fit-tieni lok, minkejja li ma rrikonoxxietx espressament id-distinzjoni magħmula mill-Avukati Ġenerali, il-Qorti tal-Ġustizzja tirreferi għaliha fil-ġurisprudenza tagħha. B’mod partikolari, hija indikat li, b’differenza mir-regoli dwar l-evalwazzjoni tal-provi u l-livell ta’ prova meħtieġ, li jaqgħu, fl-assenza tar-regoli tal-Unjoni f’dan il-qasam, taħt l-awtonomija proċedurali tal-Istati Membri, l-elementi kostituttivi tal-ksur kellhom jiġu ssodisfatti sabiex jiġi kkonstatat li impriża hija responsabbli għal prattika miftiehma  (<span class="note footnote notemarker">
<a id="c-36" href="#t-36">36</a>
</span>). F’din il-linja ta’ ħsieb, il-Qorti tal-Ġustizzja regolarment eżaminat il-kwistjoni dwar min jista’ jinvoka d-dritt għal kumpens għal dannu kkawżat minn tali ksur mill-perspettiva tal-effett utli tal-Artikolu 101 TFUE  (<span class="note footnote notemarker">
<a id="c-37" href="#t-37">37</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91.</p>
</td>
<td valign="top">
<p class="normal">Fit-tielet lok, id-Direttiva 2014/104 tikkorrobora dan il-qari. Fil-fatt, l-Artikolu 4 ta’ din id-direttiva, intitolat “Prinċipji ta’ effettività u ekwivalenza”, jippreċiża li, konformement mal-prinċipju ta’ effettività, l-Istati Membri għandhom jiżguraw li r-regoli u l-proċeduri nazzjonali kollha dwar l-eżerċizzju tad-dritt li jintalab kumpens għad-danni jkunu mfassla u applikati b’tali mod li ma jagħmlux prattikament impossibbli jew eċċessivament diffiċli l-eżerċizzju tad-dritt, mogħti mill-Unjoni, għal kumpens sħiħ għad-dannu ikkawżat minn ksur tal-liġi tal-kompetizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92.</p>
</td>
<td valign="top">
<p class="normal">F’dawn iċ-ċirkustanzi, għandu jitqies li d-dritt tal-Unjoni jiddetermina l-kundizzjonijiet li jikkostitwixxu d-dritt għal kumpens għad-dannu kkawżat minn tali ksur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93.</p>
</td>
<td valign="top">
<p class="normal">Ġeneralment, fid-dritt privat, bla ħsara għas-sitwazzjoni fejn dispożizzjoni speċifika tillimita ċ-ċirku ta’ persuni li jistgħu jitqiesu li huma l-vittmi ta’ ksur ta’ dispożizzjoni legali, il-kwistjoni dwar min għandu dritt għal kumpens tirriżulta mill-applikazzjoni magħquda tal-kundizzjonijiet li jikkostitwixxu r-responsabbiltà, jiġifieri r-realtà tad-dannu, rabta kawżali bejn id-dannu u l-aġir allegat kif ukoll l-illegalità tal-aġir allegat. Huwa abbażi ta’ dawn il-kundizzjonijiet li tista’ tiġi stabbilita l-identità tal-persuna leża li għandha dritt għall-kumpens għad-dannu. F’din il-linja ta’ ħsieb, id-dritt tal-Unjoni jiddetermina min jista’ jinvoka d-dritt għall-kumpens għad-dannu kkawżat minn ksur tal-Artikolu 101 TFUE permezz tal-kundizzjonijiet li jikkostitwixxu r-responsabbiltà għal ksur tad-dritt tal-kompetizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94.</p>
</td>
<td valign="top">
<p class="normal">Għalkemm id-dritt tal-Unjoni jiddetermina min jista’ jinvoka d-dritt għal kumpens sħiħ tad-dannu kkawżat minn ksur tad-dritt tal-kompetizzjoni, wieħed għandu jistaqsi wkoll jekk jiddeterminax ukoll in-natura trasferibbli ta’ tali dritt għal kumpens u l-kundizzjonijiet tal-validità ta’ trasferiment tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">Il‑kundizzjonijiet għall‑validità tat‑trasferiment</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95.</p>
</td>
<td valign="top">
<p class="normal">It-trasferibbiltà ta’ kreditu  (<span class="note footnote notemarker">
<a id="c-38" href="#t-38">38</a>
</span>), jew anki ta’ dritt, hija waħda mill-karatteristiċi li tiddetermina jekk dan id-dritt jistax ikun is-suġġett ta’ trasferiment. Essenzjalment, fil-qasam tad-dritt privat, il-maġġoranza tad-drittijiet pekunjarji ta’ natura ġenerali jistgħu jkunu s-suġġett ta’ trasferiment  (<span class="note footnote notemarker">
<a id="c-39" href="#t-39">39</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96.</p>
</td>
<td valign="top">
<p class="normal">Fir-rigward tal-kwistjoni dwar jekk it-trasferiment ta’ kreditu għad-danni kontra l-Unjoni huwiex validu, il-Qorti tal-Ġustizzja qieset li tali kreditu seta’ jkun is-suġġett ta’ trasferiment, iżda li, skont il-prinċipju ġenerali komuni għad-drittijiet tal-Istati Membri applikabbli fl-ordinament ġuridiku tal-Unjoni, trasferiment abbużiv ma jistax jiġi invokat kontra l-awtoritajiet ikkonċernati  (<span class="note footnote notemarker">
<a id="c-40" href="#t-40">40</a>
</span>). Madankollu, minn din il-kunsiderazzjoni ma jistax jiġi dedott li d-dritt tal-Unjoni jiddetermina l-kundizzjonijiet ta’ validità ta’ kull dritt għal kumpens ibbażat fuq id-dritt tal-Unjoni. Fil-fatt, skont it-tieni paragrafu tal-Artikolu 340 TFUE, ir-responsabbiltà mhux kuntrattwali tal-Unjoni hija rregolata mill-prinċipji ġenerali komuni fid-drittijiet tal-Istati Membri. Għaldaqstant, il-kwistjoni tat-tqassim tal-kompetenzi bejn l-Unjoni u l-Istati Membri ma tqumx bl-istess mod fil-kuntest ta’ din ir-responsabbiltà u fil-każ fejn id-dritt tal-Unjoni jiddetermina biss, bħal f’dan il-każ, il-kundizzjonijiet li jikkostitwixxu l-kreditu kkonċernat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97.</p>
</td>
<td valign="top">
<p class="normal">Reċentement, fil-kuntest tad-dritt għal kumpens tal-passiġġieri tal-ajru ggarantit mir-Regolament (KE) Nru 261/2004  (<span class="note footnote notemarker">
<a id="c-41" href="#t-41">41</a>
</span>) il-Qorti tal-Ġustizzja ddeskriviet it-trasferiment ta’ dan id-dritt lil terz, li jsir sabiex jiġu evitati diffikultajiet u spejjeż li jistgħu jiddiswadu lill-passiġġier milli jieħu passi personali, bħala modalità tal-eżerċizzju tal-imsemmi dritt għal kumpens  (<span class="note footnote notemarker">
<a id="c-42" href="#t-42">42</a>
</span>). Fl-istess ħin, il-Qorti tal-Ġustizzja indikat li l-passiġġier seta’ jittrasferixxi l-kreditu tiegħu lil terz “meta dan ikun previst mid-dritt nazzjonali rilevanti”  (<span class="note footnote notemarker">
<a id="c-43" href="#t-43">43</a>
</span>). Din il-kunsiderazzjoni tista’ tiġi trasposta għal din il-kawża, sa fejn minnha jirriżulta li t-trasferiment ta’ dritt għal kumpens jista’ jikkostitwixxi modalità tal-eżerċizzju tiegħu u li l-limitazzjonijiet ta’ tali trasferiment huma ddeterminati mid-dritt nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98.</p>
</td>
<td valign="top">
<p class="normal">Fil-fatt, jista’ ċertament jitqies li t-trasferibbiltà tad-dritt għal kumpens, bħala tali, tirriżulta min-natura stess ta’ dan id-dritt u għalhekk direttament mid-dritt tal-Unjoni. Madankollu, din il-kawża tikkonċerna l-kundizzjonijiet tal-validità tat-trasferiment tad-dritt għal kumpens li l-persuni allegatament leżi jisiltu, bħall-passiġġieri tal-ajru, direttament mid-dritt tal-Unjoni. Għalhekk, it-trasferiment ta’ dritt għal kumpens sħiħ għad-dannu kkawżat minn ksur tad-dritt tal-kompetizzjoni jikkostitwixxi, huwa wkoll, modalità ta’ eżerċizzju ta’ dan id-dritt mill-individwu li jibbenefika minnu. Il-kundizzjonijiet li taħthom tali trasferiment jista’ jseħħ huma għalhekk iddeterminati mid-dritt nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99.</p>
</td>
<td valign="top">
<p class="normal">Kuntrarjament għall-osservazzjonijiet li saru mill-qorti tar-rinviju fit-talba tagħha għal deċiżjoni preliminari  (<span class="note footnote notemarker">
<a id="c-44" href="#t-44">44</a>
</span>) din l-interpretazzjoni ma hijiex ikkontestata mill-insenjament li wieħed jista’ jislet mill-punt 4 tal-Artikolu 2 tad-Direttiva 2014/104.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4)</p>
</td>
<td valign="top">
<p class="normal">Il‑punt 4 tal‑Artikolu 2 tad‑Direttiva 2014/104</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100.</p>
</td>
<td valign="top">
<p class="normal">Il-fatt li l-punt 4 tal-Artikolu 2 tad-Direttiva 2014/104 jirreferi, fit-tielet każ imsemmi f’din id-dispożizzjoni, għat-talbiet imressqa minn “persuna fiżika jew ġuridika li tkun is-suċċessur tad-dritt tal-parti li allegatament ġarrbet il-ħsara, inkluża l-persuna li akkwistat il-pretensjoni” ma jimplikax li d-dritt tal-Unjoni jimponi fuq l-Istati Membri forma ta’ mekkaniżmu ta’ trasferiment jew il-kundizzjonijiet speċifiċi ta’ validità ta’ tali trasferiment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101.</p>
</td>
<td valign="top">
<p class="normal">Fil-fatt, dan ir-riferiment jinsab f’dispożizzjoni li tiddefinixxi l-kunċett ta’ “azzjoni għad-danni” għall-finijiet tad-Direttiva 2014/104. Għaldaqstant, hija tneħħi d-dubji marbuta mal-kwistjoni dwar jekk id-dispożizzjonijiet ta’ din id-direttiva japplikawx ukoll għall-proċeduri mibdija minn persuni li jkunu s-suċċessuri fid-drittijiet tal-persuni leżi  (<span class="note footnote notemarker">
<a id="c-45" href="#t-45">45</a>
</span>). Min-naħa l-oħra, kif issostni l-Kummissjoni fl-osservazzjonijiet bil-miktub tagħha, din id-definizzjoni legali ta’ kunċett ma tinkludi ebda obbligu għall-Istati Membri li jintroduċu l-mekkaniżmu ta’ trasferiment fil-livell tad-dritt sostantiv. Għaldaqstant, din id-definizzjoni lanqas ma tiddetermina jekk, u lanqas taħt liema kundizzjonijiet, id-dritt għal kumpens sħiħ għad-dannu kkawżat minn ksur tad-dritt tal-kompetizzjoni jkunx jista’ jiġi ttrasferit minn persuna li tkun ġarrbet tali dannu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102.</p>
</td>
<td valign="top">
<p class="normal">Barra minn hekk, lanqas ma jista’ jiġi dedott l-obbligu li jiġi rrikonoxxut il-mekkaniżmu ta’ trasferiment tar-riferiment għad-dritt nazzjonali li jinsab fit-tieni xenarju imsemmi fil-punt 4 tal-Artikolu 2 tad-Direttiva 2014/104. Ċertament, huwa minnu li dan ix-xenarju jinkludi riferiment għad-dritt nazzjonali (“minn xi ħadd li jaġixxi f’isem wieħed jew aktar partijiet li allegatament ġarrbu ħsara meta l-liġi tal-Unjoni jew dik nazzjonali tipprevedi għal dik il-possibbiltà”  (<span class="note footnote notemarker">
<a id="c-46" href="#t-46">46</a>
</span>)), filwaqt li tali riferiment ma jidhirx fit-tielet xenarju dwar is-suċċessjoni fid-drittijiet tal-parti allegatament leża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103.</p>
</td>
<td valign="top">
<p class="normal">Madankollu, minn naħa, waqt is-seduta, il-Kummissjoni spjegat l-assenza ta’ riferiment għad-dritt nazzjonali fit-tielet xenarju imsemmi fil-punt 4 tal-Artikolu 2 tad-Direttiva 2014/104 bil-fatt li, waqt l-adozzjoni ta’ din id-direttiva, l-Istati Membri kollha kienu jirrikonoxxu l-possibbiltà li jittrasferixxu l-kreditu għal kumpens. Fil-fatt, kif diġà indikajt  (<span class="note footnote notemarker">
<a id="c-47" href="#t-47">47</a>
</span>), it-trasferiment ta’ kreditu li joriġina minn fatt illegali huwa aċċettat fl-ordinament ġuridiku tal-Unjoni peress li jirrifletti prinċipju ġenerali komuni għal-liġijiet tal-Istati Membri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104.</p>
</td>
<td valign="top">
<p class="normal">Min-naħa l-oħra, il-fatt li, b’differenza mit-tielet xenarju, it-tieni xenarju previst fil-punt 4 tal-Artikolu 2 tad-Direttiva 2014/104 jirreferi għad-dritt tal-Unjoni u għad-dritt nazzjonali, għandu jiġi interpretat fid-dawl tal-premessa 13 ta’ din id-direttiva. Fil-fatt, din il-premessa tistabbilixxi li d-dritt għal kumpens huwa rrikonoxxut lil kull persuna fiżika jew ġuridika, billi ssemmi f’dan il-kuntest l-“konsumaturi, [l]-impriżi u [l]-awtoritajiet pubbliċi”, iżda li l-imsemmija direttiva ma għandhiex teżiġi li l-Istati Membri jistabbilixxu mekkaniżmi ta’ rimedju kollettiv għall-finijiet tal-implimentazzjoni tal-Artikoli 101 u 102 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105.</p>
</td>
<td valign="top">
<p class="normal">Issa, attwalment, ir-rikorsi kollettivi jaqgħu fil-kamp ta’ applikazzjoni tad-Direttiva (UE) 2020/1828  (<span class="note footnote notemarker">
<a id="c-48" href="#t-48">48</a>
</span>). Din id-Direttiva tiddeskrivi r-rikors kollettiv bħala azzjoni mressqa minn entità kwalifikata f’isem il-konsumaturi  (<span class="note footnote notemarker">
<a id="c-49" href="#t-49">49</a>
</span>). Il-kwistjoni tal-inklużjoni fil-kamp ta’ applikazzjoni tal-imsemmija direttiva tal-ksur tad-dritt tal-kompetizzjoni kienet is-suġġett ta’ dibattiti waqt ix-xogħol preparatorju tagħha. Minħabba dubji dwar it-triq ’il quddiem, din l-inklużjoni ġiet finalment skartata  (<span class="note footnote notemarker">
<a id="c-50" href="#t-50">50</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106.</p>
</td>
<td valign="top">
<p class="normal">Il-fatt li, matul ix-xogħol preparatorju, dehru kunċetti opposti dwar ir-regolamentazzjoni fil-livell tad-dritt tal-Unjoni ta’ rikorsi kollettivi dwar il-ksur tad-dritt tal-kompetizzjoni juri li, b’differenza mit-trasferiment ta’ kreditu li joriġina minn fatt illegali, ġeneralment aċċettat fl-ordinamenti ġuridiċi tal-Istati Membri  (<span class="note footnote notemarker">
<a id="c-51" href="#t-51">51</a>
</span>), forma speċifika ta’ tali rikors ma kinitx aċċettata b’mod unanimu fi ħdan l-Unjoni. Fil-fehma tiegħi, din iċ-ċirkustanza tispjega għaliex il-leġiżlatur għamel riferiment, fil-punt 4 tal-Artikolu 2 tad-Direttiva 2014/104, għad-dritt nazzjonali u għad-dritt tal-Unjoni fir-rigward tad-disponibbiltà ta’ rimedji kollettivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, għandu jiġi kkunsidrat li t-trasferiment tad-dritt għal kumpens għad-dannu kkawżat minn ksur tad-dritt tal-kompetizzjoni lil fornitur awtorizzat ta’ servizzi legali li, f’ismu stess u bi spejjeż tiegħu, iżda għan-nom taċ-ċedenti, jinvoka d-drittijiet tagħhom b’mod kollettiv, jikkostitwixxi modalità ta’ eżerċizzju ta’ dan id-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">c)</p>
</td>
<td valign="top">
<p class="normal">Fuq il‑konformità mad‑dritt tal‑Unjoni tal‑projbizzjoni tal‑mekkaniżmu ta’ trasferiment ta’ kreditu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108.</p>
</td>
<td valign="top">
<p class="normal">Il-kundizzjonijiet għall-validità ta’ trasferiment tad-dritt għal kumpens għad-dannu kkawżat minn ksur tad-dritt tal-kompetizzjoni lil fornitur awtorizzat ta’ servizzi legali ma humiex irregolati mid-dritt tal-Unjoni, iżda mid-dritt nazzjonali applikabbli. Madankollu, skont il-prinċipju ta’ awtonomija proċedurali, dawn il-kundizzjonijiet ma jistgħux ikunu inqas favorevoli minn dawk li jikkonċernaw talbiet simili ta’ natura interna (prinċipju ta’ ekwivalenza) u lanqas ma jistgħu jiġu applikati b’mod li jirrendu l-ksib tal-kumpens impossibbli jew eċċessivament diffiċli fil-prattika (prinċipju ta’ effettività)  (<span class="note footnote notemarker">
<a id="c-52" href="#t-52">52</a>
</span>). Sa fejn id-deċiżjoni tar-rinviju tirrigwarda biss il-prinċipju ta’ effettività, ser niffoka fuq dan il-prinċipju. Qabel ma jsir l-eżami ta’ dan il-prinċipju, għandu jiġi rrilevat li t-tieni domanda tirrigwarda kemm il-prinċipju ta’ effettività kif ukoll l-Artikolu 47 tal-Karta. Għalhekk, il-kwistjoni hija dwar jekk il-projbizzjoni inkwistjoni fil-kawża prinċipali għandhiex tiġi analizzata mill-perspettiva tal-prinċipju ta’ effettività jew minn dik tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Il‑prinċipju ta’ protezzjoni ġudizzjarja effettiva</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">109.</p>
</td>
<td valign="top">
<p class="normal">Il-Kummissjoni tenfasizza li l-projbizzjoni inkwistjoni fil-kawża prinċipali tirrestrinġi waħda mill-modalitajiet ta’ aċċess għall-ġustizzja billi timponi limiti għat-trasferiment ta’ drittijiet għad-danni bbażati fuq id-dritt tal-kompetizzjoni. Hija teżamina din il-projbizzjoni mill-perspettiva tal-prinċipju ta’ effettività u tal-Artikolu 47 tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">110.</p>
</td>
<td valign="top">
<p class="normal">F’dan ir-rigward, filwaqt li l-ewwel paragrafu tal-Artikolu 47 tal-Karta ċertament jistabbilixxi dritt ta’ natura proċedurali  (<span class="note footnote notemarker">
<a id="c-53" href="#t-53">53</a>
</span>) mill-perspettiva tal-persuna leża minn ksur tal-Artikolu 101 TFUE, il-projbizzjoni inkwistjoni fil-kawża prinċipali tirriżulta min-nullità tat-trasferiment fuq il-livell tad-dritt sostantiv u għalhekk tikkonċerna l-mekkaniżmu ta’ trasferiment li jseħħ qabel proċedura ġudizzjarja. A priori, wieħed jista’ jargumenta li din ma hijiex limitazzjoni tad-dritt għal protezzjoni ġudizzjarja effettiva tal-persuna leża minn ksur tad-dritt tal-kompetizzjoni. F’din il-linja ta’ ħsieb, l-implikazzjonijiet proċedurali ta’ din in-nullità, jiġifieri n-nuqqas ta’ locus standi, huma biss, fir-rigward ta’ ċessjonarju, il-konsegwenzi tan-nullità tal-kuntratti ta’ trasferiment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">111.</p>
</td>
<td valign="top">
<p class="normal">Madankollu, l-Artikolu 47 tal-Karta jistabbilixxi l-idea tal-eżistenza ta’ rabta bejn id-dritt proċedurali għal rimedju effettiv u d-dritt ibbażat fuq id-dritt tal-Unjoni. Fil-fatt, skont il-formulazzjoni stess ta’ din id-dispożizzjoni, id-dritt għal rimedju effettiv jikkonċerna s-sitwazzjoni fejn id-drittijiet u l-libertajiet iggarantiti mid-dritt tal-Unjoni jkunu nkisru. Ma hemm l-ebda dubju li dawn tal-aħħar jistgħu jkunu ta’ natura materjali. Fil-fatt, huwa paċifiku li l-vittmi allegati ta’ ksur tal-Artikolu 101 TFUE jistgħu jinvokaw id-dritt għal smigħ xieraq, iggarantit mill-Artikolu 47 tal-Karta  (<span class="note footnote notemarker">
<a id="c-54" href="#t-54">54</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">112.</p>
</td>
<td valign="top">
<p class="normal">Barra minn hekk, il-Qorti tal-Ġustizzja rrikonoxxiet li leġiżlazzjoni nazzjonali li tipprevedi li ħaddiem għal żmien determinat li l-kuntratt ta’ xogħol tiegħu jiġi xolt b’avviż tat-temm ta’ impjieg ma jkunx immedjatament informat bil-miktub dwar ir-raġunijiet għal din it-tkeċċija, tillimita l-aċċess għal tali ħaddiem għal żmien determinat għal azzjoni ġudizzjarja, li l-garanzija tagħha hija stabbilita b’mod partikolari fl-Artikolu 47 tal-Karta. Fil-fatt, skont il-Qorti tal-Ġustizzja, dan il-ħaddiem huwa, b’dan il-mod, imċaħħad minn informazzjoni importanti sabiex tiġi evalwata l-eventwali natura inġustifikata tat-tkeċċija tiegħu u, jekk ikun il-każ, sabiex jipprepara rikors ġudizzjarju intiż li jikkontestaha  (<span class="note footnote notemarker">
<a id="c-55" href="#t-55">55</a>
</span>). Għalhekk din kienet leġiżlazzjoni nazzjonali ta’ natura sostantiva li kienet tipproduċi l-effetti tagħha fuq il-livell proċedurali, peress li dawn l-effetti setgħu jitqiesu bħala limitazzjoni għad-dritt iggarantit mill-Artikolu 47 tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">113.</p>
</td>
<td valign="top">
<p class="normal">F’dawn iċ-ċirkustanzi, il-projbizzjoni inkwistjoni fil-kawża prinċipali għandha tiġi kkunsidrata, hija wkoll, bħala limitazzjoni tal-prinċipju ta’ protezzjoni ġudizzjarja effettiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">114.</p>
</td>
<td valign="top">
<p class="normal">Meta inkwistjoni jkun hemm il-prinċipju ta’ effettività u l-prinċipju ta’ protezzjoni ġudizzjarja effettiva stabbilit fl-Artikolu 47 tal-Karta, il-Qorti tal-Ġustizzja għandha t-tendenza li tiddetermina jekk il-modalitajiet proċedurali joħolqux riskju mhux negliġibbli li d-detenturi ta’ dritt iggarantit mill-ordinament ġuridiku tal-Unjoni ma jeżerċitawx id-drittijiet tagħhom  (<span class="note footnote notemarker">
<a id="c-56" href="#t-56">56</a>
</span>). Fi kliem ieħor, ir-rekwiżit li jirriżulta mill-prinċipju ta’ effettività li jikkonsisti f’li ma jsirx prattikament impossibbli jew eċċessivament diffiċli l-eżerċizzju tad-dritt huwa interpretat, f’tali każ, fis-sens li jeżisti riskju ta’ inerzja tal-partijiet fil-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">115.</p>
</td>
<td valign="top">
<p class="normal">Barra minn hekk, kif tosserva l-qorti tar-rinviju  (<span class="note footnote notemarker">
<a id="c-57" href="#t-57">57</a>
</span>), il-prinċipju ta’ protezzjoni ġudizzjarja effettiva ċertament ma huwiex assolut. Limitazzjoni għal dan il-prinċipju għandha madankollu tkun konformi mal-Artikolu 52(1) tal-Karta, li jipprovdi li kull limitazzjoni għall-eżerċizzju ta’ dritt fundamentali għandha tkun “prevista mil-liġi” u għandha tirrispetta l-essenza ta’ dan id-dritt, fl-osservanza tal-prinċipju ta’ proporzjonalità, tista’ ssir biss jekk tkun neċessarja u tissodisfa effettivament għanijiet ta’ interess ġenerali rrikonoxxuti mill-Unjoni jew il-ħtieġa ta’ protezzjoni tad-drittijiet u tal-libertajiet ta’ ħaddieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">116.</p>
</td>
<td valign="top">
<p class="normal">Issa, kif ser nuri iktar ’il quddiem, ir-rekwiżit li jirriżulta mill-prinċipju ta’ effettività jista’, huwa wkoll, ikun is-suġġett ta’ konċessjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">117.</p>
</td>
<td valign="top">
<p class="normal">Għalhekk nipproponi li l-projbizzjoni inkwistjoni fil-kawża prinċipali tiġi analizzata mill-perspettiva tal-konformità tagħha mal-prinċipju ta’ effettività u mal-prinċipju ta’ protezzjoni ġudizzjarja effettiva b’mod konġunt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">L‑applikazzjoni konġunta tal‑prinċipji ta’ effettività u ta’ protezzjoni ġudizzjarja effettiva</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">118.</p>
</td>
<td valign="top">
<p class="normal">Fl-assenza ta’ regoli tad-dritt tal-Unjoni f’dan il-qasam, skont il-prinċipju ta’ awtonomija proċedurali, huwa l-ordinament ġuridiku intern ta’ kull Stat Membru li għandu jirregola l-modalitajiet proċedurali tar-rikorsi intiżi sabiex jiżguraw il-ħarsien tad-drittijiet li l-partijiet fil-kawża jisiltu mill-effett dirett tad-dritt tal-Unjoni. Il-prinċipju ta’ effettività jeżiġi li l-protezzjoni tad-drittijiet li jisiltu l-individwi mid-dritt tal-Unjoni ma tkunx suġġetta għal modalitajiet ta’ natura li jrendu prattikament impossibbli jew eċċessivament diffiċli l-eżerċizzju ta’ dawn id-drittijiet  (<span class="note footnote notemarker">
<a id="c-58" href="#t-58">58</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">119.</p>
</td>
<td valign="top">
<p class="normal">Għandi nispeċifika li l-miżuri nazzjonali li jirregolaw, fuq il-livell tad-dritt sostantiv, il-validità tat-trasferiment ta’ kreditu jikkostitwixxu “modalitajiet proċedurali” fis-sens tal-kunċett tal-awtonomija proċedurali tal-Istati Membri  (<span class="note footnote notemarker">
<a id="c-59" href="#t-59">59</a>
</span>). Għaldaqstant, il-prinċipju ta’ effettività jipprekludi l-projbizzjoni tal-mekkaniżmu ta’ trasferiment ta’ kreditu inkwistjoni fil-kawża prinċipali biss sa fejn dan ma jagħmilx prattikament impossibbli jew eċċessivament diffiċli l-eżerċizzju tad-dritt għal kumpens sħiħ għad-dannu kkawżat minn akkordju. Barra minn hekk, kif indikajt  (<span class="note footnote notemarker">
<a id="c-60" href="#t-60">60</a>
</span>), l-Artikolu 47 tal-Karta jimplika li tali modalitajiet ma jistgħux joħolqu riskju mhux negliġibbli li d-detenturi ta’ dritt iggarantit mill-ordinament ġuridiku tal-Unjoni ma jeżerċitawx id-drittijiet tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">120.</p>
</td>
<td valign="top">
<p class="normal">It-tieni domanda preliminari hija bbażata fuq il-premessa li l-projbizzjoni inkwistjoni fil-kawża prinċipali tipproduċi tali effett u tirrendi prattikament impossibbli jew fi kwalunkwe każ eċċessivament diffiċli li tiġi eżerċitata azzjoni għal danni ta’ ammonti żgħar. Għalkemm jista’ jiġi kkontestat li r-rikors fil-kawża prinċipali jirrigwarda tali ammonti, il-qorti tar-rinviju tidher li tikkunsidra li dan huwa l-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">121.</p>
</td>
<td valign="top">
<p class="normal">Fi kwalunkwe każ, waqt l-istħarriġ ta’ miżura nazzjonali mill-perspettiva tal-prinċipju ta’ effettività, ma huwiex biżżejjed li tiġi indirizzata din il-miżura meħuda b’mod iżolat. Għall-kuntrarju, għandhom jittieħdu inkunsiderazzjoni l-elementi kollha tas-sistema nazzjonali inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">122.</p>
</td>
<td valign="top">
<p class="normal">F’dan ir-rigward, il-qorti tar-rinviju tindika, minn naħa, li fid-dritt Ġermaniż ma teżisti ebda għażla valida minbarra l-mekkaniżmu ta’ trasferiment ta’ kreditu inkwistjoni fil-kawża prinċipali u, min-naħa l-oħra, li l-leġiżlazzjoni nazzjonali tipprekludi tali mekkaniżmu u tissanzjona trasferiment bin-nullità. Dawn iż-żewġ premessi huma kkontestati ħafna mill-partijiet. Jidhirli li huwa inutli li nirrepeti l-kritika magħmula f’dan ir-rigward  (<span class="note footnote notemarker">
<a id="c-61" href="#t-61">61</a>
</span>). Fi kwalunkwe każ, il-Qorti tal-Ġustizzja ma tistax tikkontesta l-kuntest ġuridiku u fattwali ddefinit mill-qorti tar-rinviju. Min-naħa l-oħra, hija l-qorti tar-rinviju li għandha teżamina l-fondatezza ta’ dawn il-premessi. Dawn jistgħu jiġu kkontrollati wkoll mill-istanzi superjuri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">123.</p>
</td>
<td valign="top">
<p class="normal">Barra minn hekk, huwa stabbilit li persuni allegatament leżi minn akkordju jistgħu jinvokaw, individwalment, id-drittijiet tagħhom quddiem awtoritajiet Ġermaniżi. Madankollu, skont il-qorti tar-rinviju, l-invokazzjoni tad-drittijiet tagħhom għall-kumpens għal dannu kkawżat minn akkordju huwa eżerċizzju kumpless, kemm fuq il-livell fattwali, kif ukoll fuq il-livell ekonomiku u ġuridiku, u għaldaqstant jirriżulta proċess twil, għali u riskjuż. Dan l-investiment kbir fir-rigward tal-ħin u tal-mezzi finanzjarji li għandhom jiġu ddedikati għalih, kif ukoll ir-riskju tal-proċess, għandhom effett projbittiv għall-impriżi żgħar u ta’ daqs medju, li jispjega li huma jirrinunzjaw b’mod ġenerali, permezz ta’ forma ta’ inerzja razzjonali, milli jinvokaw id-drittijiet tagħhom fil-qorti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">124.</p>
</td>
<td valign="top">
<p class="normal">F’dawn iċ-ċirkustanzi, wieħed jista’ jistaqsi jekk il-modalitajiet proċedurali applikabbli għar-rikorsi individwali jmorrux huma stess kontra l-prinċipji ta’ effettività u ta’ protezzjoni ġudizzjarja effettiva. Fil-fatt, modalitajiet li huma ta’ natura li jiddisswadu l-eżerċizzju tad-dritt iggarantit mill-ordinament ġuridiku tal-Unjoni quddiem il-qrati nazzjonali ma josservawx dawn il-prinċipji  (<span class="note footnote notemarker">
<a id="c-62" href="#t-62">62</a>
</span>). Ċertament, id-deċiżjoni tar-rinviju ma tikkonċernax azzjonijiet għad-danni mressqa individwalment minn vittmi ta’ ksur tad-dritt tal-kompetizzjoni. Madankollu, hija l-qorti tar-rinviju li għandha tiżgura ruħha li rikors individwali ma huwiex mezz effettiv ta’ protezzjoni tal-individwi qabel ma tkun tista’ tikkunsidra li l-mekkaniżmu ta’ trasferiment ta’ kreditu jikkostitwixxi l-uniku mezz validu sabiex jiġi eżerċitat id-dritt għal kumpens sħiħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">125.</p>
</td>
<td valign="top">
<p class="normal">Dejjem f’dan il-kuntest, il-qorti tar-rinviju tidher li tindika li, minħabba l-projbizzjoni inkwistjoni fil-kawża prinċipali u fid-dawl tat-termini ta’ preskrizzjoni applikabbli, iċ-ċedenti ma jkunux iktar f’pożizzjoni, fi kwalunkwe każ, li jinvokaw t-talbiet tagħhom individwalment  (<span class="note footnote notemarker">
<a id="c-63" href="#t-63">63</a>
</span>). F’dan ir-rigward, il-Qorti tal-Ġustizzja ppreċiżat li miżura nazzjonali li tobbliga lill-parti fil-kawża tippreżenta azzjoni ġdida, jekk ikun il-każ quddiem qorti differenti, sabiex tiġi ddeterminata s-sanzjoni xierqa għall-ksur tad-dritt tal-Unjoni, tirriżulta li ma hijiex konformi mal-prinċipju ta’ effettività, sa fejn minn dan jirriżultaw neċessarjament inkonvenjenzi proċedurali għal din il-parti fil-kawża, f’termini, b’mod partikolari, tal-ispiża, tat-tul u tar-regoli ta’ rappreżentanza  (<span class="note footnote notemarker">
<a id="c-64" href="#t-64">64</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">126.</p>
</td>
<td valign="top">
<p class="normal">Fid-dawl ta’ dak li ntqal iktar ’il fuq u jekk jitqies li l-premessi li fuqhom tibbaża ruħha l-qorti tar-rinviju huma stabbiliti, għandu jiġi kkunsidrat li l-projbizzjoni inkwistjoni fil-kawża prinċipali tirrendi eċċessivament diffiċli l-eżerċizzju tad-dritt għal kumpens sħiħ għad-dannu kkawżat minn akkordju u għalhekk toħloq riskju mhux negliġibbli li d-detenturi ma jeżerċitawx id-drittijiet tagħhom. Għaldaqstant, din il-projbizzjoni ma tosservax il-prinċipji ta’ effettività u ta’ protezzjoni ġudizzjarja effettiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">127.</p>
</td>
<td valign="top">
<p class="normal">Għadu jrid jiġi ddeterminat jekk din il-projbizzjoni tistax madankollu tiġi rrikonċiljata mal-prinċipju ta’ effettività, fid-dawl tal-għanijiet li fuqhom hija bbażata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">Il‑prinċipju li fuqu hija bbażata s‑sistema ġudizzjarja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">128.</p>
</td>
<td valign="top">
<p class="normal">Fil-kuntest tal-eżami tal-miżuri nazzjonali mill-perspettiva tal-prinċipju ta’ effettività, għandhom jittieħdu inkunsiderazzjoni l-prinċipji li fuqhom hija bbażata s-sistema ġudizzjarja nazzjonali kkonċernata, bħall-protezzjoni tad-drittijiet tad-difiża, il-prinċipju ta’ ċertezza legali u l-iżvolġiment tajjeb tal-proċedura  (<span class="note footnote notemarker">
<a id="c-65" href="#t-65">65</a>
</span>). Madankollu, is-salvagwardja ta’ prinċipju li huwa l-bażi tas-sistema ġudizzjarja ta’ Stat Membru ma tippermettix lil dan tal-aħħar jinjora kompletament il-prinċipju ta’ effettività. Min-naħa l-oħra, għandu jiġi eżaminat jekk miżura nazzjonali li tmur kontra dan il-prinċipju tistax tiġi ġġustifikata bl-għan li jiġi protett tali prinċipju fundamentali tas-sistema ġudizzjarja  (<span class="note footnote notemarker">
<a id="c-66" href="#t-66">66</a>
</span>). Barra minn hekk, il-Qorti tal-Ġustizzja ppreċiżat ukoll li, f’ċerti ċirkustanzi, għandhom jittieħdu inkunsiderazzjoni, waqt tali eżami, il-karatteristiċi partikolari tas-sitwazzjonijiet u tal-interessi inkwistjoni sabiex jinstab bilanċ bejn ir-rekwiżit tal-prinċipju li huwa l-bażi tas-sistema ġudizzjarja kkonċernata u l-konsegwenzi li jirriżultaw mill-osservanza ta’ dan il-prinċipju għall-applikazzjoni tad-dritt tal-Unjoni  (<span class="note footnote notemarker">
<a id="c-67" href="#t-67">67</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">129.</p>
</td>
<td valign="top">
<p class="normal">Il-konċessjonijiet magħmula mill-prinċipju ta’ effettività favur prinċipju li huwa l-bażi tas-sistema ġudizzjarja kkonċernata għandhom għalhekk jirrispettaw kundizzjonijiet simili għal dawk li jirregolaw il-limitazzjonijiet tad-drittijiet fundamentali. Fil-fatt, kif indikajt  (<span class="note footnote notemarker">
<a id="c-68" href="#t-68">68</a>
</span>), limitazzjoni ta’ dritt fundamentali għandha tirrispetta l-kontenut essenzjali tiegħu u, fl-osservanza tal-prinċipju ta’ proporzjonalità, tista’ ssir biss jekk din tkun neċessarja u tissodisfa effettivament għanijiet ta’ interess ġenerali rrikonoxxuti mill-Unjoni jew il-ħtieġa li jiġu protetti d-drittijiet u l-libertajiet ta’ oħrajn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">130.</p>
</td>
<td valign="top">
<p class="normal">F’dan il-każ, għandu għalhekk jiġi eżaminat jekk il-projbizzjoni inkwistjoni fil-kawża prinċipali tistax tiġi ġġustifikata għall-protezzjoni tad-destinatarji ta’ tali servizzi, fid-dawl tal-konsegwenzi li jirriżultaw għall-applikazzjoni tad-dritt tal-Unjoni u għall-vittmi tal-ksur tad-dritt tal-kompetizzjoni  (<span class="note footnote notemarker">
<a id="c-69" href="#t-69">69</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">131.</p>
</td>
<td valign="top">
<p class="normal">Il-projbizzjoni inkwistjoni fil-kawża prinċipali tidher li hija bbażata fuq kunsiderazzjonijiet marbuta mal-protezzjoni tal-persuni potenzjalment leżi minn ksur tad-dritt tal-kompetizzjoni. Fil-fatt, minn naħa, din il-projbizzjoni tirriżulta min-nuqqas ta’ osservanza tar-rekwiżit dwar l-għarfien espert neċessarju tal-fornitur ta’ servizzi legali li ġie introdott sabiex jipproteġi lid-destinatarju tas-servizzi minn provvista ta’ servizz legali mhux ikkwalifikata. Min-naħa l-oħra, l-imsemmija projbizzjoni hija intiża sabiex jiġi evitat ir-riskju ta’ kunflitt ta’ interessi li jista’ jippreġudika s-sitwazzjoni tad-destinatarji ta’ tali servizzi  (<span class="note footnote notemarker">
<a id="c-70" href="#t-70">70</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">132.</p>
</td>
<td valign="top">
<p class="normal">Għalkemm il-qorti tar-rinviju ma tiddeċidix fuq dan il-punt, ma jistax jiġi eskluż li l-protezzjoni tad-destinatarji tas-servizzi legali hija prinċipju li huwa l-bażi tas-sistema ġudizzjarja nazzjonali kkonċernata. Fil-fatt, bħar-rappreżentanza obbligatorja minn persuna awtorizzata li tipprattika quddiem qorti ta’ Stat Membru  (<span class="note footnote notemarker">
<a id="c-71" href="#t-71">71</a>
</span>) tali protezzjoni tidher li hija intiża sabiex tiżgura r-rispett tad-dritt għal smigħ xieraq u għall-protezzjoni ġuridika effettiva tal-partijiet fil-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">133.</p>
</td>
<td valign="top">
<p class="normal">Il-qari tad-deċiżjoni tar-rinviju jagħti x’jifhem li l-projbizzjoni inkwistjoni fil-kawża prinċipali hija imposta b’mod awtomatiku fuq kull użu mill-mekkaniżmu ta’ trasferiment ta’ kreditu sabiex titressaq azzjoni kollettiva għall-irkupru fil-qasam tad-dritt tal-kompetizzjoni. Għalkemm uħud mill-partijiet jindikaw li dan l-approċċ ma jikkorrispondix mal-ġurisprudenza nazzjonali f’dan il-qasam, hija madankollu l-qorti tar-rinviju li għandha tivverifika jekk din il-projbizzjoni hijiex tabilħaqq imposta b’mod awtomatiku jew, jekk, għall-kuntrarju, hijiex ibbażata fuq eżami tal-eżistenza ta’ eventwali kunflitt ta’ interessi jew tal-insuffiċjenza tal-kompetenzi fi ħdan iċ-ċessjonarju, fid-dawl tal-għan u tal-karatteristiċi tal-azzjoni inkwistjoni. Ser inkompli l-analiżi tiegħi billi nieħu inkunsiderazzjoni l-ipoteżi li din il-projbizzjoni hija imposta b’mod awtomatiku. Fil-fatt, id-deċiżjoni tar-rinviju sempliċement tippreżenta affermazzjonijiet ġenerali, mingħajr ma ssemmi l-plawżibbiltà tal-eżistenza ta’ tali kunflitt jew ta’ tali insuffiċjenza tal-kompetenzi taċ-ċessjonarju kkonċernat. Xejn ma jissuġġerixxi lanqas li ċ-ċessjonarju jista’ jipprovdi provi addizzjonali u jikkontesta n-nullità tat-trasferiment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">134.</p>
</td>
<td valign="top">
<p class="normal">Għalhekk, id-deċiżjoni tar-rinviju tagħti x’tifhem li l-projbizzjoni inkwistjoni fil-kawża prinċipali trendi illużorja, fil-każijiet kollha, il-possibbiltà għal persuni leżi minn akkordju li jeżerċitaw, permezz tal-mekkaniżmu ta’ trasferiment ta’ kreditu, id-drittijiet tagħhom iggarantiti mill-ordinament ġuridiku tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">135.</p>
</td>
<td valign="top">
<p class="normal">F’dawn iċ-ċirkustanzi, fid-dawl tal-konsegwenzi li jirriżultaw mill-applikazzjoni tad-dritt tal-Unjoni u għall-vittmi tal-ksur tad-dritt tal-kompetizzjoni u fid-dawl tar-rwol kruċjali tal-implimentazzjoni tad-dritt tal-kompetizzjoni mill-isfera privata fl-ordinament ġuridiku tal-Unjoni  (<span class="note footnote notemarker">
<a id="c-72" href="#t-72">72</a>
</span>), il-projbizzjoni inkwistjoni fil-kawża prinċipali ma tistax tiġi ġġustifikata mir-rekwiżit tar-rispett tad-dritt għal smigħ xieraq u għall-protezzjoni ġuridika effettiva tal-partijiet fil-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">136.</p>
</td>
<td valign="top">
<p class="normal">Għaldaqstant, għandu jiġi kkunsidrat li l-Artikolu 101 TFUE, il-punt 4 tal-Artikolu 2, l-Artikolu 3(1) u l-Artikolu 4 tad-Direttiva 2014/104 kif ukoll l-Artikolu 47 tal-Karta għandhom jiġu interpretati fis-sens li jipprekludu l-interpretazzjoni tad-dritt nazzjonali li għandha l-effett li teskludi b’mod awtomatiku, fl-assenza ta’ deċiżjoni definittiva li tikkonstata l-eżistenza ta’ ksur tad-dritt tal-kompetizzjoni, it-trasferiment fuq bażi fiduċjarja tad-drittijiet għal kumpens għad-danni kkawżati minn akkordju minn persuni allegatament leżi lil fornitur awtorizzat ta’ servizzi legali, sabiex dan tal-aħħar jinvoka dawn id-drittijiet b’mod kollettiv, meta ma tkunx teżisti possibbiltà legali jew kuntrattwali oħra ta’ ġabra flimkien ta’ krediti għal kumpens li jistgħu jitqiesu bħala ekwivalenti, bil-konsegwenza li jkun prattikament impossibbli jew, fi kwalunkwe każ, eċċessivament diffiċli li tiġi eżerċitata azzjoni għad-danni ta’ ammont żgħir. Din il-projbizzjoni ma tistax tiġi ġġustifikata mir-rekwiżit tar-rispett tad-dritt għal smigħ xieraq u għall-protezzjoni ġuridika effettiva tal-partijiet fil-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">It‑tielet domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">137.</p>
</td>
<td valign="top">
<p class="normal">Permezz tat-tielet domanda tagħha, il-qorti tar-rinviju tistaqsi, essenzjalment, jekk l-Artikolu 101 TFUE, id-Direttiva 2014/104 u l-Artikolu 47 tal-Karta għandhomx jiġu interpretati fis-sens li l-qorti tar-rinviju għandha tħalli mhux applikati d-dispożizzjonijiet nazzjonali li jikkostitwixxu l-bażi tal-projbizzjoni tal-mekkaniżmu ta’ trasferiment ta’ kreditu li ma josservawx il-prinċipji ta’ effettività u ta’ protezzjoni ġudizzjarja effettiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Fuq l‑ammissibbiltà</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">138.</p>
</td>
<td valign="top">
<p class="normal">Otto Fuchs u l-Land Nordrhein-Westfalen jikkontestaw l-ammissibbiltà tat-tielet domanda preliminari. Essenzjalment, dawn il-partijiet isostnu li din id-domanda ma tirrigwardax, kuntrarjament għal dak li jipprevedi l-Artikolu 267 TFUE, l-interpretazzjoni tad-dritt tal-Unjoni, iżda l-applikazzjoni tad-dritt tal-Unjoni fuq livell nazzjonali f’każ partikolari u l-konklużjonijiet li għandha tislet il-qorti tar-rinviju fir-rigward tad-deċiżjoni li għandha tingħata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">139.</p>
</td>
<td valign="top">
<p class="normal">Il-formulazzjoni ta’ din id-domanda tista’, fil-fatt, tagħti x’tifhem li din tikkonċerna l-applikazzjoni tad-dritt tal-Unjoni. Madankollu, permezz ta’ din id-domanda, il-qorti tar-rinviju tixtieq tkun taf jekk, fid-dawl tal-prinċipju ta’ supremazija, l-Artikolu 101 TFUE, id-Direttiva 2014/104 u l-Artikolu 47 tal-Karta jippermettux li titwarrab dispożizzjoni nazzjonali li ma hijiex konformi mad-dritt tal-Unjoni. Din id-domanda ma hijiex nieqsa minn interess, fid-dawl tal-fatt li l-ewwel żewġ domandi preliminari jikkonċernaw, b’mod partikolari, l-interpretazzjoni tad-dritt sekondarju u li l-kawża prinċipali hija bejn individwi. Iktar importanti minn hekk, l-imsemmija domanda tikkonċerna l-interpretazzjoni tad-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Fuq il‑mertu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">140.</p>
</td>
<td valign="top">
<p class="normal">Skont ir-risposta tiegħi għat-tieni domanda preliminari, fid-dawl tal-kuntest fattwali u ġuridiku deskritt mill-qorti tar-rinviju, il-projbizzjoni inkwistjoni fil-kawża prinċipali ma tosservax il-prinċipji ta’ effettività u ta’ protezzjoni ġudizzjarja effettiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">141.</p>
</td>
<td valign="top">
<p class="normal">Għandu jiġi enfasizzat li, għalkemm it-tielet domanda preliminari hija bbażata fuq il-premessa li l-interpretazzjoni konformi mad-dritt tal-Unjoni tad-dispożizzjonijiet nazzjonali hija eskluża, il-qorti tar-rinviju madankollu ma tispjegax għaliex interpretazzjoni sfumata tar-RDG ma hijiex possibbli f’dan il-każ. Għandu jitfakkar li l-qrati nazzjonali huma obbligati, meta japplikaw id-dritt nazzjonali, li jinterpretawh, sa fejn huwa possibbli, fid-dawl tat-test u tal-għan tad-dispożizzjoni tad-dritt tal-Unjoni inkwistjoni, billi jieħdu inkunsiderazzjoni d-dritt intern kollu u billi japplikaw metodi ta’ interpretazzjoni rrikonoxxuti minnu, sabiex tiġi ggarantita l-effettività sħiħa ta’ din id-dispożizzjoni u sabiex tinstab soluzzjoni konformi mal-għan imfittex minnha  (<span class="note footnote notemarker">
<a id="c-73" href="#t-73">73</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">142.</p>
</td>
<td valign="top">
<p class="normal">Barra minn hekk, ċertament, it-tieni domanda tirrigwarda b’mod partikolari l-interpretazzjoni tad-dispożizzjonijiet tad-Direttiva 2014/104 u l-kawża prinċipali hija bejn individwi. Madankollu, din id-direttiva tikkonferma biss id-dritt għal kumpens sħiħ għad-dannu kkawżat minn ksur tad-dritt tal-kompetizzjoni, iggarantit mill-Artikolu 101 TFUE. Il-projbizzjoni inkwistjoni fil-kawża prinċipali tikkostitwixxi għalhekk modalità ta’ eżerċizzju ta’ dritt li jirriżulta minn dispożizzjoni li ma hijiex nieqsa minn effett dirett  (<span class="note footnote notemarker">
<a id="c-74" href="#t-74">74</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">143.</p>
</td>
<td valign="top">
<p class="normal">Għalhekk, jekk il-qorti tar-rinviju ma tqisx li tkun f’pożizzjoni li tadotta interpretazzjoni konformi mal-prinċipji ta’ effettività u ta’ protezzjoni ġudizzjarja effettiva tad-dispożizzjonijiet li jikkostitwixxu l-bażi tal-projbizzjoni inkwistjoni fil-kawża prinċipali, hija jkollha twarrab dawn id-dispożizzjonijiet nazzjonali u tikkunsidra li t-trasferimenti ta’ kreditu huma validi  (<span class="note footnote notemarker">
<a id="c-75" href="#t-75">75</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">144.</p>
</td>
<td valign="top">
<p class="normal">Għalhekk nipproponi li r-risposta għat-tielet domanda għandha tkun li l-Artikolu 101 TFUE, id-Direttiva 2014/104 u l-Artikolu 52 tal-Karta għandhom jiġu interpretati fis-sens li l-qorti tar-rinviju għandha tħalli mhux applikati d-dispożizzjonijiet nazzjonali li jikkostitwixxu l-bażi tal-projbizzjoni inkwistjoni fil-kawża prinċipali li ma josservawx il-prinċipji ta’ effettività u ta’ protezzjoni ġudizzjarja effettiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">145.</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, nipproponi li l-Qorti tal-Ġustizzja tirrispondi għad-domandi preliminari magħmula mil-Landgericht Dortmund (il-Qorti Reġjonali ta’ Dortmund, il-Ġermanja) bil-mod segwenti:</p>
</td>
</tr>
</table>
    <p class="C02AlineaAltA" id="para-203" title="page-36">
      1) L-Artikolu 101 TFUE, il-punt 4 tal-Artikolu 2, l-Artikolu 3(1) u l-Artikolu 4 tad-Direttiva 2014/104/UE tal-Parlament Ewropew u tal-Kunsill tas‑26 ta’ Novembru 2014 dwar ċerti regoli li jirregolaw l-azzjonijiet għad-danni skont il-liġi nazzjonali għall-ksur tad-dispożizzjonijiet tal-liġi tal-kompetizzjoni tal-Istati Membri u tal-Unjoni Ewropea kif ukoll l-Artikolu 47 tal-Karta tad-Drittijiet Fundamentali tal-Unjoni Ewropea
    </p>
    <p class="C02AlineaAltA" id="para-204" title="page-36">
      għandhom jiġu interpretati fis-sens li:
    </p>
    <p class="C02AlineaAltA" id="para-205" title="page-37">
      huma jipprekludu l-interpretazzjoni tad-dritt nazzjonali li għandha l-effett li teskludi b’mod awtomatiku, fl-assenza ta’ deċiżjoni definittiva li tikkonstata l-eżistenza ta’ ksur tad-dritt tal-kompetizzjoni, it-trasferiment fuq bażi fiduċjarja tad-drittijiet għal kumpens għad-danni kkawżati minn akkordju minn persuni allegatament leżi lil fornitur awtorizzat ta’ servizzi legali, sabiex dan tal-aħħar jinvoka dawn id-drittijiet b’mod kollettiv, meta ma jkunux jeżistu possibbiltajiet legali jew kuntrattwali oħra ta’ ġabra flimkien ta’ krediti għal kumpens li jistgħu jitqiesu bħala ekwivalenti, bil-konsegwenza li jkun prattikament impossibbli jew, fi kwalunkwe każ, eċċessivament diffiċli li tiġi eżerċitata azzjoni għal danni ta’ ammont żgħir. Din il-projbizzjoni ma tistax tiġi ġġustifikata mir-rekwiżit tar-rispett tad-dritt għal smigħ xieraq u għall-protezzjoni ġuridika effettiva tal-partijiet fil-kawża.
    </p>
    <p class="C02AlineaAltA" id="para-206" title="page-37">
      2) L-Artikolu 101 TFUE, id-Direttiva 2014/104 u l-Artikolu 47 tal-Karta tad-Drittijiet Fundamentali
    </p>
    <p class="C02AlineaAltA" id="para-207" title="page-37">
      għandhom jiġu interpretati fis-sens li:
    </p>
    <p class="C02AlineaAltA" id="para-208" title="page-37">
      il-qorti tar-rinviju għandha tħalli mhux applikati d-dispożizzjonijiet nazzjonali li jikkostitwixxu l-bażi tal-projbizzjoni tal-mekkaniżmu ta’ trasferiment ta’ kreditu, li ma tosservax il-prinċipji ta’ effettività u ta’ protezzjoni ġudizzjarja effettiva.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: il-Franċiż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Ara, dwar dan il-fenomenu, il-konklużjonijiet tal-Avukat Ġenerali Jääskinen fil-kawża CDC Hydrogen Peroxide (C‑352/13, EU:C:2014:2443, punt 29).</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Direttiva 2014/104/UE tal-Parlament Ewropew u tal-Kunsill tas‑26 ta’ Novembru 2014 dwar ċerti regoli li jirregolaw l-azzjonijiet għad-danni skont il-liġi nazzjonali għall-ksur tad-dispożizzjonijiet tal-liġi tal-kompetizzjoni tal-Istati Membri u tal-Unjoni Ewropea (ĠU 2014, L 349, p. 1).</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) BGBl. 2007 I, p. 2840.</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) BGBl. 2023 I, p. 1.</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) BGBl. I S. 1069.</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Enfasi miżjuda minni.</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Il-qorti tar-rinviju tirreferi, f’dan ir-rigward, għas-sentenzi tal‑20 ta’ Settembru 2001, Courage u Crehan (C‑453/99, EU:C:2001:465, punt 26); tat‑13 ta’ Lulju 2006, Manfredi et (C‑295/04 sa C‑298/04, EU:C:2006:461, punti 90 u 95); tat‑12 ta’ Diċembru 2019, Otis Gesellschaft et (C‑435/18, EU:C:2019:1069, punt 22), kif ukoll tas‑6 ta’ Ottubru 2021, Sumal (C‑882/19, EU:C:2021:800, punt 33).</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Ara s-sentenza tas‑17 ta’ Ġunju 2021, M.I.C.M. (C‑597/19, EU:C:2021:492, punt 77), kif ukoll il-konklużjonijiet tiegħi f’din il-kawża (C‑597/19, EU:C:2020:1063, punt 88).</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Sentenza tat‑18 ta’ Marzu 2010 (C‑317/08 sa C‑320/08, EU:C:2010:146, punt 63).</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Ara, reċentement, is-sentenza tas‑27 ta’ Ġunju 2024, Peigli (C‑41/23, EU:C:2024:554, punt 32).</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) Ara l-punt 16 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Regolament tal-Kunsill (KE) Nru 1/2003 tas‑16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU Edizzjoni Speċjali bil-Malti, Kapitolu 8, Vol. 2, p. 205).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Ara l-ewwel sentenza tal-Artikolu 32b(1) tal-GWB.</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Ara t-tielet sentenza tal-Artikolu 32b(1) tal-GWB.</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Ara t-tieni sentenza tal-Artikolu 32b(1) tal-GWB.</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Ara l-Artikolu 32b(2) tal-GWB.</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Ara s-sentenza tad‑29 ta’ Ġunju 2010, Il-Kummissjoni vs Alrosa (C‑441/07 P, EU:C:2010:377, punt 48).</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Ara s-sentenza tad‑29 ta’ Ġunju 2010, Il-Kummissjoni vs Alrosa (C‑441/07 P, EU:C:2010:377, punt 40).</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Ara s-sentenza tat‑23 ta’ Novembru 2017, Gasorba et (C‑547/16, EU:C:2017:891, punt 29)</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Ara r-Rakkomandazzjonijiet lill-qrati nazzjonali, dwar l-introduzzjoni ta’ talbiet għal deċiżjoni preliminari (ĠU 2019, C 380, p. 1), punt 17).</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Ara Wrbka, S., “European consumer protection law: Quo Vadis? Thoughts on the Compensatory Collective Redress Debate”, fi Wrbka, S., van Uytsel, S., u Siems, M. (editur), Collective Actions. Enhancing Access to Justice and Reconciling Multilayer Interests? Cambridge, Cambridge University Press, Cambridge 2012, p. 43.</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) Ara, f’dan is-sens, is-sentenza tad‑29 ta’ Ġunju 2023, International Protection Appeals Tribunal et (Attentat fil-Pakistan) (C‑756/21, EU:C:2023:523, punti 37 u 38).</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Ara, f’dan is-sens, is-sentenza tas‑27 ta’ Ġunju 2018, Altiner u Ravn (C‑230/17, EU:C:2018:497, punt 23).</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Sentenza tat‑22 ta’ Ġunju 2022 (C‑267/20, EU:C:2022:494).</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Għalhekk, il-miżuri nazzjonali ta’ traspożizzjoni tad-dispożizzjonijiet proċedurali tad-Direttiva 2014/104 japplikaw għall-azzjonijiet magħmula wara d-data tat-traspożizzjoni tagħha. L-Istati Membri għalhekk kellhom setgħa diskrezzjonali sabiex jiddeċiedu, waqt it-traspożizzjoni ta’ din id-direttiva, jekk il-miżuri nazzjonali intiżi li jittrasponu d-dispożizzjonijiet proċedurali tal-imsemmija direttiva kinux japplikaw ukoll għal azzjonijiet għad-danni mibdija wara s‑26 ta’ Diċembru 2014, iżda qabel id-data ta’ traspożizzjoni tal-istess direttiva. Ara s-sentenza tat‑12 ta’ Jannar 2023, RegioJet (C‑57/21, EU:C:2023:6, punt 45).</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) Ara s-sentenza tas‑16 ta’ Frar 2023, Tráficos Manuel Ferrer (C‑312/21, EU:C:2023:99, punt 33).</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) Fil-fatt, kif jirriżulta mill-premessa 4 tad-Direttiva 2014/104, id-dritt għal kumpens għal dannu li jirriżulta minn ksur tad-dritt tal-kompetizzjoni tal-Unjoni huwa imniżżel fid-dritt tal-Unjoni. F’din il-linja ta’ ħsieb, il-premessi 11 u 12 ta’ din id-direttiva jindikaw, rispettivament, li dan id-dritt huwa iggarantit permezz tat-Trattat FUE u li l-imsemmija direttiva tafferma mill-ġdid l-acquis tal-Unjoni fil-qasam tad-dritt għal kumpens għad-dannu kkawżat mill-ksur tad-dritt tal-kompetizzjoni tal-Unjoni, mogħti permezz tad-dritt tal-Unjoni.</p>
<p class="note footnote">(<span class="note footnote notemarker">
<a id="t-29" href="#c-29">29</a>
</span>) Ara s-sentenza tas‑16 ta’ Frar 2023, Tráficos Manuel Ferrer (C‑312/21, EU:C:2023:99, punt 35).</p>
<p class="note footnote">(<span class="note footnote notemarker">
<a id="t-30" href="#c-30">30</a>
</span>) Ara l-punt 78 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-31" href="#c-31">31</a>
</span>) Bħala eżempju, ara s-sentenza tat‑22 ta’ Settembru 2022, Vicente (Azzjoni għall-ħlas ta’ onorarji ta’ avukat) (C‑335/21, EU:C:2022:720, punti 54 u 75).</p>
<p class="note footnote">(<span class="note footnote notemarker">
<a id="t-32" href="#c-32">32</a>
</span>) Ara, f’dan is-sens, il-konklużjonijiet tal-Avukata Ġenerali Kokott fil-kawżi Kone et (C‑557/12, EU:C:2014:45, punt 23) u Otis Gesellschaft et (C‑435/18, EU:C:2019:651, punt 44), kif ukoll il-konklużjonijiet tal-Avukat Ġenerali Wahl fil-kawża Skanska Industrial Solutions et (C‑724/17, EU:C:2019:100, punti 40 u 41).</p>
<p class="note footnote">(<span class="note footnote notemarker">
<a id="t-33" href="#c-33">33</a>
</span>) Ara, b’analoġija, is-sentenza tas‑17 ta’ Frar 2011, TeliaSonera Sverige (C‑52/09, EU:C:2011:83, punt 21).</p>
<p class="note footnote">(<span class="note footnote notemarker">
<a id="t-34" href="#c-34">34</a>
</span>) Ara, f’dan is-sens, is-sentenzi tal‑20 ta’ Settembru 2001, Courage u Crehan (C‑453/99, EU:C:2001:465, punt 27), u tas‑6 ta’ Novembru 2012, Otis et (C‑199/11, EU:C:2012:684, punt 42).</p>
<p class="note footnote">(<span class="note footnote notemarker">
<a id="t-35" href="#c-35">35</a>
</span>) Ara, f’dan is-sens, is-sentenza tal‑20 ta’ Settembru 2001, Courage u Crehan (C‑453/99, EU:C:2001:465, punt 29).</p>
<p class="note footnote">(<span class="note footnote notemarker">
<a id="t-36" href="#c-36">36</a>
</span>) Ara, f’dan is-sens, is-sentenzi tal‑21 ta’ Lulju 2016, VM Remonts et (C‑542/14, EU:C:2016:578, punt 21), kif ukoll tal‑14 ta’ Marzu 2019, Skanska Industrial Solutions et (C‑724/17, EU:C:2019:204, punti 26 sa 28).</p>
<p class="note footnote">(<span class="note footnote notemarker">
<a id="t-37" href="#c-37">37</a>
</span>) Ara l-ġurisprudenza ċċitata fin-nota ta’ qiegħ il-paġna 7.</p>
<p class="note footnote">(<span class="note footnote notemarker">
<a id="t-38" href="#c-38">38</a>
</span>) Fid-dritt Ġermaniż, l-Artikolu 33 tal-Einführungsgesetz zum Bürgerlichen Gesetzbuch (il-Liġi Introduttorja tal-Kodiċi Ċivili), fil-verżjoni tagħha applikabbli sad-dħul fis-seħħ, fis‑17 ta’ Diċembru 2009, tal-Artikolu 1 tal-Gesetz zur Anpassung der Vorschriften des Internationalen Privatrechts an die Verordnung (EG) Nr. 593/2008 (il-Liġi li Tadatta d-Dritt Internazzjonali Privat għar-Regolament [Ruma I]), tal‑25 ta’ Ġunju 2009 (BGBl. 2009 I, p. 1574), kien jipprovdi, fil-paragrafu 2 tiegħu, li, “[i]l-liġi li tirregola d-dejn ittrasferit għandha tiddetermina t-trasferibbiltà tiegħu, ir-relazzjoni bejn il-kreditur il-ġdid u d-debitur, il-kundizzjonijiet li fihom it-trasferiment jista’ jiġi invokat kontra d-debitur u l-effett liberatorju tal-prestazzjoni tiegħu”. Enfasi miżjud minni.</p>
<p class="note footnote">(<span class="note footnote notemarker">
<a id="t-39" href="#c-39">39</a>
</span>) Ara l-Artikolu 11:302 tal-Prinċipji tad-Dritt Ewropew tal-Kuntratti (“Principles of European Contract Law”) u l-Artikolu III:5:109 tal-Abbozz tal-Qafas Komuni ta’ Riferiment (“Draft Common Frame of Reference”. Ara wkoll von Bar, Ch., Clive, E., Schulte-Nölke, H., et (edituri), Principles, Defintions and Model Rules of European Private Law. Draft Common Frame of Reference (DCFR), Outline Edition, Sellier European Law Publishers, Munich, 2009, p. 260. Essenzjalment, dawn id-dispożizzjonijiet tar-regolament standard tad-dritt privat Ewropew jirreferu għad-djun u għad-drittijiet li, bħala prinċipju, ma jistgħux jiġu ttrasferiti.</p>
<p class="note footnote">(<span class="note footnote notemarker">
<a id="t-40" href="#c-40">40</a>
</span>) Ara s-sentenzi tal‑4 ta’ Ottubru 1979, Ireks-Arkady vs KEE (238/78, EU:C:1979:226, punt 5), u tal‑1 ta’ Marzu 1983, Deka Getreideprodukte vs KEE (250/78, EU:C:1983:49, punt 15). Ara wkoll il-konklużjonijiet tal-Avukat Ġenerali Mancini fil-kawża Deka Getreideprodukte vs KEE (250/78, EU:C:1983:5, punt 6).</p>
<p class="note footnote">(<span class="note footnote notemarker">
<a id="t-41" href="#c-41">41</a>
</span>) Regolament (KE) Nru 261/2004 tal-Parlament Ewropew u tal-Kunsill tal‑11 ta’ Frar 2004 li jistabbilixxi regoli komuni dwar il-kumpens u l-assistenza għal passiġġieri fil-każ li ma jitħallewx jitilgħu u ta’ kanċellazzjoni jew dewmien twil ta’ titjiriet, u li li jħassar ir-Regolament (KEE) Nru 295/91 (ĠU Edizzjoni Speċjali bil-Malti, Kapitolu 7, Vol. 8, p. 10).</p>
<p class="note footnote">(<span class="note footnote notemarker">
<a id="t-42" href="#c-42">42</a>
</span>) Ara s-sentenza tad‑29 ta’ Frar 2024, Eventmedia Soluciones (C‑11/23, EU:C:2024:194, punt 43).</p>
<p class="note footnote">(<span class="note footnote notemarker">
<a id="t-43" href="#c-43">43</a>
</span>) Ara s-sentenza tad‑29 ta’ Frar 2024, Eventmedia Soluciones (C‑11/23, EU:C:2024:194, punt 44).</p>
<p class="note footnote">(<span class="note footnote notemarker">
<a id="t-44" href="#c-44">44</a>
</span>) Ara l-punt 37 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-45" href="#c-45">45</a>
</span>) Ir-riferiment inkwistjoni għalhekk jirrispondi għad-domanda analoga li analizzat il-Qorti tal-Ġustizzja fis-sentenza tas‑17 ta’ Ġunju 2021, M.I.C.M. (C‑597/19, EU:C:2021:492, punt 77), dwar direttiva oħra. F’dik is-sentenza, il-Qorti tal-Ġustizzja kkunsidrat li ċessjonarju seta’ jinvoka l-benefiċċju tal-miżuri, tal-proċeduri u tar-rimedji previsti mid-direttiva kkonċernata.</p>
<p class="note footnote">(<span class="note footnote notemarker">
<a id="t-46" href="#c-46">46</a>
</span>) Enfasi miżjuda minni.</p>
<p class="note footnote">(<span class="note footnote notemarker">
<a id="t-47" href="#c-47">47</a>
</span>) Ara l-punt 96 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-48" href="#c-48">48</a>
</span>) Direttiva (UE) 2020/1828 tal-Parlament Ewropew u tal-Kunsill tal‑25 ta’ Novembru 2020 dwar azzjonijiet rappreżentattivi għall-protezzjoni tal-interessi kollettivi tal-konsumaturi, u li tħassar id-Direttiva 2009/22/KE (ĠU 2020, L 409, p. 1).</p>
<p class="note footnote">(<span class="note footnote notemarker">
<a id="t-49" href="#c-49">49</a>
</span>) Ara l-punt 5 tal-Artikolu 3 tad-Direttiva 2020/1828.</p>
<p class="note footnote">(<span class="note footnote notemarker">
<a id="t-50" href="#c-50">50</a>
</span>) Ara, f’dan is-sens, Rodger, B.J., Sousa Ferro, M., Marcos, F., “A Panacea for Competition Law Damages Actions in the EU? A Comparative View of the Implementation of the EU Antitrust Damages Directive in Sixteen Member States”, Maastricht Journal of European and Comparative Law, 2019, Vol. 26, nru 4, p. 502 u 503. Fl-aħħar nett, skont l-Artikolu 2(1) tagħha, id-Direttiva 2020/1828 tikkonċerna biss l-azzjonijiet rappreżentattivi magħmula għal ksur li jagħmel ħsara jew li jista’ jagħmel ħsara lill-interessi kollettivi tal-konsumaturi. Barra minn hekk, din id-direttiva tikkonċerna biss il-ksur tad-dispożizzjonijiet tad-dritt tal-Unjoni msemmija fl-Anness I tagħha u l-Artikolu 101 TFUE ma huwiex inkluż fih.</p>
<p class="note footnote">(<span class="note footnote notemarker">
<a id="t-51" href="#c-51">51</a>
</span>) Ara l-punt 96 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-52" href="#c-52">52</a>
</span>) Ara, f’dan is-sens, is-sentenza tat‑28 ta’ Ġunju 2022, Il-Kummissjoni vs Spanja (Ksur tad-dritt tal-Unjoni mil-leġiżlatur) (C‑278/20, EU:C:2022:503, punt 33).</p>
<p class="note footnote">(<span class="note footnote notemarker">
<a id="t-53" href="#c-53">53</a>
</span>) Ara, f’dan is-sens, is-sentenza tat‑22 ta’ Diċembru 2010, DEB (C‑279/09, EU:C:2010:811, punt 40), fejn il-Qorti tal-Ġustizzja rrilevat li d-dritt għal rimedju effettiv quddiem qorti, stabbilit fl-Artikolu 47 tal-Karta, jinsab taħt it-Kapitolu VI tagħha, dwar il-ġustizzja, li fih huma sanċiti prinċipji proċedurali oħra.</p>
<p class="note footnote">(<span class="note footnote notemarker">
<a id="t-54" href="#c-54">54</a>
</span>) Ara, f’dan is-sens, is-sentenza tal‑11 ta’ Lulju 2024, Volvo (Notifika fis-sede ta’ kumpannija sussidjarja tal-konvenuta) (C‑632/22, EU:C:2024:601, punt 54).</p>
<p class="note footnote">(<span class="note footnote notemarker">
<a id="t-55" href="#c-55">55</a>
</span>) Ara s-sentenza tal‑20 ta’ Frar 2024, X (Assenza ta’ raġunijiet għal xoljiment) (C‑715/20, EU:C:2024:139, punt 78).</p>
<p class="note footnote">(<span class="note footnote notemarker">
<a id="t-56" href="#c-56">56</a>
</span>) Ara, f’dan is-sens, is-sentenza tat‑13 ta’ Settembru 2018, Profi Credit Polska (C‑176/17, EU:C:2018:711, punt 61 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-57" href="#c-57">57</a>
</span>) Ara l-punt 40 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-58" href="#c-58">58</a>
</span>) Ara s-sentenza tal‑20 ta’ Settembru 2001, Courage u Crehan (C‑453/99, EU:C:2001:465, punt 29).</p>
<p class="note footnote">(<span class="note footnote notemarker">
<a id="t-59" href="#c-59">59</a>
</span>) Ara, f’dan is-sens, is-sentenza tat‑3 ta’ Settembru 2020, Delfly (C‑356/19, EU:C:2020:633, punt 33), li fiha l-Qorti tal-Ġustizzja qieset li l-modalitajiet tal-operazzjoni ta’ konverżjoni tal-euro lejn munita nazzjonali jaqgħu taħt l-awtonomija proċedurali tal-Istati Membri u għandhom josservaw il-prinċipji ta’ ekwivalenza u ta’ effettività.</p>
<p class="note footnote">(<span class="note footnote notemarker">
<a id="t-60" href="#c-60">60</a>
</span>) Ara l-punt 114 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-61" href="#c-61">61</a>
</span>) Ara l-punti 68 għal 70 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-62" href="#c-62">62</a>
</span>) Ara, f’dan is-sens, is-sentenza tat‑13 ta’ Settembru 2018, Profi Credit Polska (C‑176/17, EU:C:2018:711, punt 68).</p>
<p class="note footnote">(<span class="note footnote notemarker">
<a id="t-63" href="#c-63">63</a>
</span>) Ara l-punt 29 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-64" href="#c-64">64</a>
</span>) Ara s-sentenza tal‑14 ta’ Settembru 2016, Martínez Andrés u Castrejana López (C‑184/15 u C‑197/15, EU:C:2016:680, punt 63).</p>
<p class="note footnote">(<span class="note footnote notemarker">
<a id="t-65" href="#c-65">65</a>
</span>) Ara, f’dan is-sens, is-sentenza tas‑27 ta’ Ġunju 2013, Agrokonsulting-04 (C‑93/12, EU:C:2013:432, punt 48).</p>
<p class="note footnote">(<span class="note footnote notemarker">
<a id="t-66" href="#c-66">66</a>
</span>) Ara, f’dan is-sens, is-sentenza tat‑3 ta’ Settembru 2009, Fallimento Olimpiclub (C‑2/08, EU:C:2009:506, punt 28).</p>
<p class="note footnote">(<span class="note footnote notemarker">
<a id="t-67" href="#c-67">67</a>
</span>) Ara, f’dan is-sens, is-sentenza tal‑20 ta’ Mejju 2021, X (Vetturi bit-tank LPG) (C‑120/19, EU:C:2021:398, punt 74 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-68" href="#c-68">68</a>
</span>) Ara l-punt 115 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-69" href="#c-69">69</a>
</span>) Ara, b’analoġija, is-sentenza tal‑4 ta’ Ottubru 2012, Byankov (C‑249/11, EU:C:2012:608, punt 78).</p>
<p class="note footnote">(<span class="note footnote notemarker">
<a id="t-70" href="#c-70">70</a>
</span>) Ara l-punt 29 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-71" href="#c-71">71</a>
</span>) Ara, fir-rigward tar-rappreżentanza obbligatorja u l-għanijiet tagħha, il-konklużjonijiet tal-Avukat Ġenerali Ruiz-Jarabo Colomer fil-kawża Lancôme vs UASI (C‑408/08 P, EU:C:2009:634, punt 48).</p>
<p class="note footnote">(<span class="note footnote notemarker">
<a id="t-72" href="#c-72">72</a>
</span>) Ara l-punt 89 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-73" href="#c-73">73</a>
</span>) Ara, reċentement, is-sentenza tal‑11 ta’ Lulju 2024, Plamaro (C‑196/23, EU:C:2024:596, punt 42).</p>
<p class="note footnote">(<span class="note footnote notemarker">
<a id="t-74" href="#c-74">74</a>
</span>) Ara, f’dan is-sens, is-sentenza tal‑25 ta’ Jannar 2024, EM akaunt BG (C‑438/22, EU:C:2024:71, punt 37).</p>
<p class="note footnote">(<span class="note footnote notemarker">
<a id="t-75" href="#c-75">75</a>
</span>) Ara, f’dan is-sens, is-sentenza tas‑6 ta’ Ottubru 2021, Sumal (C‑882/19, EU:C:2021:800, punti 70 sa 72). </p>
</body>
</html>
