(1)

Mill-1 ta’ Jannar 2007, l-Unjoni Ewropea se tinkludi żewġ Stati Membri ġodda, ir-Rumanija u l-Bulgarija. L-Artikolu 6(7) ta’ l-Att ta’ Adeżjoni jipprevedi li r-restrizzjonijiet kwantitattivi applikati mill-Komunità fuq l-importazzjonijiet ta’ prodotti tessili u tal-ħwejjeġ għandhom jiġu aġġustati biex iqisu l-adeżjoni ta’ l-Istati Membri l-ġodda tal-Komunità. Ir-restrizzjonijiet kwantitattivi applikabbli fuq l-importazzjonijiet ta’ ċerti prodotti tessili minn pajjiżi terzi fil-Komunità mkabbra għandhom b’konsegwenza jiġu aġġustati sabiex ikopru l-importazzjonijiet fiż-żewġ Stati Membri l-ġodda. Dan jeħtieġ emendi fir-Regolament tal-Kunsill (KEE) Nru 3030/93 tat-12 ta’ Ottubru 1993 dwar regoli komuni għall-importazzjoni ta’ ċerti prodotti tat-tessuti minn pajjiżi terzi (1).

(2)

Sabiex it-tkabbir tal-Komunità ma jkollux effetti ristrettivi fuq il-kummerċ, meħtieġ, meta jiġu emendati l-kwantitajiet, li tintuża metodoloġija li tikkunsidra, għall-finijiet ta’ l-aġġustament tal-livelli tal-kwoti l-ġodda, l-importazzjonijiet tradizzjonali fl-Istati Membri l-ġodda. Formula li tikkonsisti fil-medja ta’ l-importazzjoni ta’ l-aħħar tliet snin fiż-żewġ Stati Membri l-ġodda li toriġina f’pajjiżi terzi, tipprovdi kejl adegwat ta’ dawn il-flussi storiċi. Is-snin 2003 sa l-2005 ntgħażlu bħala dawk l-iżjed sinifikanti, peress li jirrappreżentaw l-aktar informazzjoni reċenti disponibbli dwar l-importazzjonijiet ta’ tessuti u ħwejjeġ fis-żewġ Stati Membri l-ġodda.

(3)

Għalhekk, l-Annessi V u VII tar-Regolament (KEE) Nru 3030/93 għandhom jiġu emendati biex jelenkaw il-livelli ta’ kwoti applikabbli mid-data tat-tkabbir, jiġifieri l-1 ta’ Jannar 2007.

(4)

Id-dispożizzjonijiet kollha tar-Regolament (KEE) Nru 3030/93 għandhom jiġu adattati sabiex japplikaw fl-Istati Membri l-ġodda. Konsegwentement, l-inizjali ta’ l-Istati Membri l-ġodda għandhom jiddaħħlu fl-Anness III.

(5)

Ir-Regolament (KEE) Nru 3030/93 għandu għalhekk jiġi emendat skond dan,

1)

Fl-Artikolu 2, il-paragrafu 9 jinbidel b’dan li ġej:

2)

Fl-Artikolu 5, it-tieni paragrafu jinbidel b’dan li ġej:

“Ir-rilaxx għal moviment liberu ta’ prodotti tessili mibgħuta minn wieħed mill-Istati Membri l-ġodda li qed jaderixxu ma’ l-Unjoni Ewropea fl-1 ta’ Jannar 2007 lejn destinazzjoni ’l barra mill-Komunità għall-ipproċessar qabel l-1 ta’ Jannar 2007, u importati mill-ġdid fl-istess Stat Membru f’din id-data jew wara, permezz ta’ prova adegwata, bħalma hi dikjarazzjoni ta’ esportazzjoni, ma għandhomx jiġu soġġetti għal limiti kwantitattivi jew għal rekwiżiti ta’ awtorizzazzjoni ta’ importazzjoni. L-awtoritajiet kompetenti ta’ l-Istat Membru kkonċernat għandhom jipprovdu informazzjoni dwar dawn l-importazzjonijiet lill-Kummissjoni.”

3)

Fl-Anness III, it-tieni inċiż ta’ l-Artikolu 28(6) jinbidel b’dan li ġej:

4)

L-Anness V jinbidel bit-test li jidher fil-Parti A ta’ l-Anness ta’ dan ir-Regolament.

5)

Fl-Anness VII, it-tabella tinbidel bit-tabella li tidher fil-Parti B ta’ l-Anness ta’ dan ir-Regolament.