|
Iris Oifigiúil |
GA Sraith L |
|
2024/1723 |
21.6.2024 |
RIALACHÁN CUR CHUN FEIDHME (AE) 2024/1723 ÓN gCOIMISIÚN
an 20 Meitheamh 2024
maidir le húdarú ullmhóide arb é atá inti Duddingtonia flagrans NCIMB 30336 mar bhreiseán beathaithe le haghaidh ainmhithe féaraigh le haghaidh táirgeadh bainne ó speicis bhuaibheacha, ó chaoirigh agus ó ghabhair (sealbhóir an údaraithe: International Animal Health Products Pty Ltd, arna ionadú ag GAB Consulting GmbH)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin a bhfuiltear lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar údarú ullmhóide arb é atá inti Duddingtonia flagrans NCIMB 30336 mar bhreiseán beathaithe. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(3) |
Baineann an t-iarratas le húdarú ullmhóide arb é atá inti Duddingtonia flagrans NCIMB 30336 mar bhreiseán beathaithe le haghaidh gach ainmhí féaraigh, agus iarrtar ann go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘breiseáin zóiteicniúla eile’. |
|
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sna tuairimí uaidh an 2 Iúil 2020 (2) agus an 14 Samhain 2023 (3) go bhfuil an ullmhóid de Duddingtonia flagrans NCIMB 30336 sábháilte do gach bó-ainmhí déiríochta, gach ainmhí de chineál caorach agus gabhair, gach tomhaltóir agus don chomhshaol, faoi na coinníollacha úsáide atá beartaithe agus lamháil sábháilteachta 10 ag gabháil léi. De dheasca na heaspa sonraí, níorbh fhéidir leis teacht ar chonclúid maidir le sábháilteacht an bhreiseáin le haghaidh speicis/catagóirí féaraigh eile. Mheas an tÚdarás nach bhfuil an ullmhóid Duddingtonia flagrans NCIMB 30336 ina greannaitheoir craicinn ná súl ach go bhfuil sí ina greannaitheoir conaire riospráide agus ina híogróir riospráide, ach nárbh fhéidir teacht ar chonclúid maidir leis an íogrú craicinn a d’fhéadfadh an ullmhóid sin a dhéanamh. Tháinig an tÚdarás ar an gconclúid thairis sin gur féidir leis an ullmhóid Duddingtonia flagrans NCIMB 30336 an líon néimeatóidí seadánacha ar fhéarach a laghdú chun tairbhe ainmhithe féaraigh nuair a úsáidtear í ag an ráta úsáide molta de 3 × 104 clamadaspór/kg de mheáchan coirp agus in aghaidh an lae. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar na modhanna anailíse ar an mbreiseán beathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003. |
|
(5) |
I bhfianaise an mhéid thuas, measann an Coimisiún go gcomhlíonann an ullmhóid Duddingtonia flagrans NCIMB 30336 na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú le haghaidh ba déiríochta, ba déiríochta de mhionspeicis bhuaibheacha, caoirigh dhéiríochta agus gabhair dhéiríochta, agus an tráth céanna leanfar den phróiseas measúnaithe le haghaidh ainmhithe féaraigh seachas ba déiríochta, ba déiríochta de mhionspeicis bhuaibheacha, caoirigh dhéiríochta agus gabhair dhéiríochta. Is iomchuí, ar chúiseanna praiticiúla agus rialaithe, dáileog na hullmhóide in aghaidh an chileagraim d’ábhar beatha iomlán a chur in iúl agus foráil a dhéanamh nach n-úsáidfear an breiseán ach amháin in ábhar beatha le haghaidh ba déiríochta féaraigh, ba déiríochta de mhionspeicis bhuaibheacha, caoirigh dhéiríochta agus gabhair dhéiríochta. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
An ullmhóid a shonraítear san Iarscríbhinn, ullmhóid a bhaineann leis an gcatagóir breiseán ‘breiseáin zóiteicniúla’ agus leis an bhfeidhmghrúpa ‘breiseáin zóiteicniúla eile’, údaraítear í mar bhreiseán i gcothú ainmhithe faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 20 Meitheamh 2024.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29, ELI: http://data.europa.eu/eli/reg/2003/1831/.
(2) EFSA Journal [Iris EFSA]. 2020;18(7):6208.
(3) EFSA Journal [Iris EFSA]. 2023;21:e8465.
IARSCRÍBHINN
|
Uimhir aitheantais an bhreiseáin beathaithe |
Ainm shealbhóir an údaraithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||||
|
An líon clamadaspór/kg d’ábhar beatha iomlán ina bhfuil cion taise 12 % |
|||||||||||||||
|
Catagóir: breiseáin zóiteicniúla. Feidhmghrúpa: breiseáin zóiteicniúla eile (laghdú ar an líon larbhaí néimeatóide ionfhabhtaíocha ar fhéarach) |
|||||||||||||||
|
4d27 |
International Animal Health Products Pty Ltd, arna ionadú ag GAB Consulting GmbH |
Duddingtonia flagrans NCIMB 30336 |
Comhdhéanamh an bhreiseáin Ullmhóid Duddingtonia flagrans NCIMB 30336 ina bhfuil íoschion 5 × 105 clamadaspór/g de bhreiseán. Foirm sholadach. Tréithriú na substainte gníomhaí Clamadaspóir inmharthana Duddingtonia flagrans NCIMB 30336 Modh anailíse (1) Maidir le sainaithint Duddingtonia flagrans NCIMB 30336: modhanna ADN-bhunaithe. Maidir le háireamh clamadaspór inmharthana Duddingtonia flagrans NCIMB 30336 sa bhreiseán beathaithe, sna réamh-mheascáin agus sa bheatha chumaisc: an modh ina n-úsáidtear agar mainníotóil giosta le streiptimícin agus clóraimfeineacól agus an uimhir is dóchúla le haghaidh an áirimh. |
Ba déiríochta Ba déiríochta de mhionspeicis bhuaibheacha |
– |
8,5 × 105 |
8,5 × 106 |
|
11 Iúil 2034 |
||||||
|
Caoirigh dhéiríochta Gabhair dhéiríochta |
1,3 × 106 |
1,3 × 107 |
|||||||||||||
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga.
ELI: http://data.europa.eu/eli/reg_impl/2024/1723/oj
ISSN 1977-0839 (electronic edition)