Id-Deċiżjoni tal-Kummissjoni

tas-17 ta' Marzu 2004

li temenda d-Deċiżjoni 1999/813/KE li tistabbilixxi l-kondizzjonijiet speċjali li jirregolaw l-importazzjonijiet ta' prodotti tas-sajd li jkunu ġejjin mir-Repubblika Soċjalista tal-Vjetnam, dwar l-għażla ta' l-awtorità kompetenti u l-mudell taċ-ċertifkat tas-saħħa

(notifikata bid-dokument numru K(2004) 825)

(Test b'relevanza għaż-ŻEE)

(2004/267/KE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 91/493/KEE tat-22 ta' Lulju 1991 li tistabbilixxi l-kondizzjonijiet tas-saħħa għall-produzzjoni u t-tpoġġija fis-suq ta' prodotti tas-sajd ( [1]), u l-aktar l-Artikolu 11(1) tiegħu,

Billi:

(1) Fid-Deċiżjoni tal-Kummissjoni 1999/813/KE ( [2]), "Iċ-Ċentru Nazzjonali ta' l-Ispezzjoni u ta' l-Assigurazzjoni tal-Kwalità tal-Prodotti tas-Sajd (NAFIQACEN) tal-Ministeru għas-Sajd" huwa meqjus fil-Vjetnam bħala l-awtorità kompetenti biex tivverifika u tiċċertifika l-konformità tal-prodotti tas-sajd u l-akwakultura mal-kriterji tad-Direttiva 91/493/KEE.

(2) Wara li kien hemm ristrutturar fit-tmexxija tal-Vjetnam, l-awtorità kompetenti nbidlet f'"Id-Direttorat Nazzjonali ta' l-Assigurazzjoni tal-Kwalità tal-Prodotti tas-Sajd u Veterinarju (NAFIQAVED)". Din l-awtorità l-ġdida għandha s-setgħa tivverifika b'mod effettiv l-applikazzjoni tar-regoli li hemm fis-seħħ.

(3) In-NAFIQAVED ipprovda assigurazzjonijiet uffiċjali fuq il-konformità mal-livelli għall-kontrolli u l-monitoraġġ tas-saħħa tal-prodotti tas-sajd u l-akwakultura, kif stabbilit fid-Direttiva 91/493/KEE, kif ukoll fuq il-kisba ta' kriterji ta' iġjene li huma daqsinsew għal dawk stabbiliti f'dik id-Direttiva.

(4) Id-Deċiżjoni 1999/813/EC għandha, għalhekk, tiġi emendata kif xieraq.

(5) Il-miżuri li hemm f'din id-Deċiżjoni huma fi qbil ma' l-opinjoni tal-Kumitat Permanenti fuq il-Katina ta' l-Ikel u s-Saħħa ta' l-Annimali,

ADOTTAT DIN ID-DEĊIŻJONI:

Artikolu 1

Id-Deċiżjoni 1999/813/KE qed tiġi emendata kif ġej:

1. L-Artikolu 1 jiġi mibdul b'dan li ġej:

"L- Artikolu 1

'Id-Direttorat Nazzjonali ta' l-Assigurazzjoni tal-Kwalità tal-Prodotti tas-Sajd u Veterinarju (NAFIQAVED)' għandu jkun l-awtorità kompetenti fil-Vjetnam biex jivverifika u jiċċertifika l-konformità tal-prodotti tas-sajd u l-akwakultura mal-kriterji tad-Direttiva 91/493/KEE."

2. Fl-Artikolu 3, il-paragrafu 2 jinbidel b'dan li ġej:

"2. Iċ-ċertifikati għandhom ikollhom l-isem, il-kariga u l-firma tar-rappreżentant tan-NAFIQAVED, kif ukoll it-timbru uffiċjali tiegħu f'kulur li jkun differenti minn dak tad-dettalji l-oħra li jkunu tniżżlu fiċ-ċertifikat."

3. L-Anness I jinbidel bit-test li hemm fl-Anness għal din id-Deċiżjoni.

Artikolu 2

Din id-Deċiżjoni għandha tkun tgħodd mill-4 ta' Mejju 2004.

Artikolu 3

Din id-Deċiżjoni hija ndirizzata lill-Istati Membri.

Magħmula fi Brussel, fis-17 ta' Marzu 2004.

Għall-Kummissjoni

David Byrne

Membru tal-Kummissjoni

[1] ĠU L 268, ta’ l-24.9.1991, p. 15, Direttiva kif emendata l-aħħar bir-Regolament (KE) Nru 806/2003 (ĠU L 122, tas-16.5.2003, p. 1).

[2] ĠU L 315, tad-9.12.1999, p. 39, Deċiżjoni kif emendata bid-Deċiżjoni 2000/331/KE (ĠU L 114, tat-13.5.2000, p. 39).

--------------------------------------------------

L-ANNESS

"

L-ANNESS I

+++++ TIFF +++++

+++++ TIFF +++++

"

--------------------------------------------------