|
Il-Ġurnal Uffiċjali |
MT Is-serje L |
|
2026/2309 |
19.10.2026 |
REGOLAMENT TAL-KUMMISSJONI (UE) 2026/2309
tas-16 ta’ Ottubru 2026
li jemenda l-Anness tar-Regolament (UE) Nru 231/2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill, fir-rigward tal-ispeċifikazzjonijiet għall-glikosidi tal-istevjol prodotti b’mod enżimatiku biex jinkludu r-rebawdjosidu M prodott permezz tal-konverżjoni enżimatika tal-estratti tar-rebawdjosidu A ppurifikati ħafna mill-weraq tal-istevja (E 960c(ii)) bl-użu tal-ħmira ġenetikament modifikata K. phaffii CGMCC 7539
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikolu 14 tiegħu,
Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (2), u b’mod partikolari l-Artikolu 7(5) tiegħu,
Billi:
|
(1) |
Ir-Regolament tal-Kummissjoni (UE) Nru 231/2012 (3) jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008. |
|
(2) |
L-ispeċifikazzjonijiet tal-addittivi tal-ikel jistgħu jiġu aġġornati f’konformità mal-proċedura komuni msemmija fl-Artikolu 3(1) tar-Regolament (KE) Nru 1331/2008, fuq inizjattiva tal-Kummissjoni jew wara applikazzjoni minn Stat Membru jew minn parti interessata. |
|
(3) |
L-addittiv tal-ikel awtorizzat bħalissa, “glikosidi tal-istevjol E 960c prodotti b’mod enżimatiku”, huwa inkluż fil-grupp “glikosidi tal-istevjol (E960a-E960c)” fil-Parti C tal-Anness II tar-Regolament (KE) Nru 1333/2008. |
|
(4) |
Ir-Regolament (UE) Nru 231/2012 jipprevedi li “r-rebawdjosidu M prodott permezz tal-konverżjoni enżimatika tal-estratti tar-rebawdjosidu A ppurifikati ħafna mill-weraq tal-istevja” (E 960c(ii)) jiġi prodott bl-użu tal-enzimi UDP-glukosiltransferażi u sukrożju sintażi prodotti mir-razez ġenetikament modifikati ta’ E. coli (pPM294, pFAF170 u pSK401). |
|
(5) |
Fit-22 ta’ Diċembru 2022, tressqet applikazzjoni lill-Kummissjoni għall-emenda tal-ispeċifikazzjonijiet biex fl-ispeċifikazzjonijiet għar-rebawdjosid M prodott permezz tal-modifika enżimatika tal-glikosidi tal-istevjol mill-istevja (E 960c(i)), jiġi inkluż ir-rebawdjosidu M prodott permezz tal-bijokonverżjoni katalizzata bl-enżimi bl-użu tal-ħmira ġenetikament modifikata K. phaffii CGMCC 7539. Madankollu, matul il-valutazzjoni tar-riskju, l-applikant irreveda l-proposta oriġinali tiegħu u minflok talab l-emenda tal-ispeċifikazzjonijiet għar-rebawdjosidu M prodott permezz tal-konverżjoni enżimatika tal-estratti tar-rebawdjosidu A ppurifikati ħafna mill-weraq tal-istevja (E 960c (ii)). Il-Kummissjoni qiegħdet l-applikazzjoni għad-disponibbiltà tal-Istati Membri, skont l-Artikolu 4 tar-Regolament (KE) Nru 1331/2008. |
|
(6) |
Fl-opinjoni ppubblikata fl-14 ta’ Mejju 2025 (4), l-Awtorità Ewropea dwar is-Sigurtà fl-Ikel (“l-Awtorità”) evalwat is-sikurezza tal-emenda proposta tal-ispeċifikazzjonijiet għar-rebawdjosidu M prodott permezz tal-bijokonverżjoni katalizzata bl-enżimi bl-użu tal-ħmira ġenetikament modifikata K. phaffii CGMCC 7539. L-Awtorità kkonkludiet li ma hemm l-ebda tħassib dwar is-sikurezza fir-rigward tal-emenda proposta għall-ispeċifikazzjonijiet tal-E 960c(i) jew tal-E 960c(ii) fl-Anness tar-Regolament (UE) Nru 231/2012 relatat mal-użu tar-razza ġenetikament modifikata ġdida K. phaffii CGMCC 7539 fil-proċess tal-manifattura tal-addittiv tal-ikel Rebawdjosidu M prodott permezz tal-bijokonverżjoni katalizzata bl-enżimi. L-Awtorità qieset li huwa fil-kompetenza tal-maniġers tar-riskju li jiddeċiedu jekk il-bidliet proposti fl-ispeċifikazzjonijiet jenħtiġux li jirriżultaw f’emenda tal-ispeċifikazzjonijiet diġà eżistenti ta’ E 960c(i) jew E 960c(ii). Barra minn hekk, l-Awtorità rrakkomandat l-introduzzjoni ta’ entrata speċifika għall-aċidu kawrenojku fl-ispeċifikazzjonijiet proposti. |
|
(7) |
Għalhekk, jenħtieġ li l-Anness tar-Regolament (UE) Nru 231/2012 jiġi emendat kif xieraq. |
|
(8) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness tar-Regolament (UE) Nru 231/2012 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta’ Ottubru 2026.
Għall-Kummissjoni
Il-President
Ursula VON DER LEYEN
(1) ĠU L 354, 31.12.2008, p. 16, ELI: http://data.europa.eu/eli/reg/2008/1333/oj.
(2) ĠU L 354, 31.12.2008, p. 1, ELI: http://data.europa.eu/eli/reg/2008/1331/oj.
(3) Ir-Regolament tal-Kummissjoni (UE) Nru 231/2012 tad-9 ta’ Marzu 2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill (ĠU L 83, 22.3.2012, p. 1, ELI: http://data.europa.eu/eli/reg/2012/231/oj).
(4) Il-Bord tal-EFSA dwar l-Addittivi tal-Ikel u l-Aromatizzanti, “Safety of the proposed amendment of the specifications of the food additive E960c(i) or E960c(ii)”, EFSA Journal, 2025;23:e9396, https://doi.org/10.2903/j.efsa.2025.9396.
ANNESS
Fl-Anness tar-Regolament (UE) Nru 231/2012, l-entrata għal E 960c(ii) Rebawdjosidu M prodott permezz tal-konverżjoni enżimatika tal-estratti tar-rebawdjosidu A ppurifikati ħafna mill-weraq tal-istevja hija emendata kif ġej:
|
(1) |
l-ispeċifikazzjoni “Definizzjoni” hija sostitwita b’dan li ġej:
|
|
(2) |
fl-ispeċifikazzjoni “Purità”, l-entrata li ġejja tiddaħħal wara l-entrata għal “Solvent residwu”:
|
ELI: http://data.europa.eu/eli/reg/2026/2309/oj
ISSN 1977-074X (electronic edition)