(1)

Le Cinntí 2007/305/CE (2), 2007/306/CE (3) agus 2007/307/CE (4) ón gCoimisiún, leagtar síos na rialacha maidir le ráib hibrideach Ms1xRf1 (ACS-BNØØ4-7xACS-BNØØ1-4), ráib hibrideach Ms1xRf2 (ACS-BNØØ4-7xACS-BNØØ2-5) agus ráib Topas 19/2 (ACS-BNØØ7-1) faoi seach a aistarraingt ón margadh, chomh maith lena gcuid táirgí díorthaithe (“ábhar GM”). Glacadh na cinntí sin tar éis do shealbhóir an údaraithe, an chuideachta Bayer CropScience AG, a chur in iúl don Choimisiún nach raibh sé beartaithe aige iarratas a chur isteach ar athnuachan údarú an ábhair GM i gcomhréir le hAirteagal 8(4), an chéad fhomhír, Airteagal 11, Airteagal 20(4) agus Airteagal 23 de Rialachán (CE) Uimh. 1829/2003.

(2)

I ngach ceann de na trí chinneadh, foráladh maidir le hidirthréimhse thosaigh de 5 bliana a gceadófaí lena linn bia agus beatha ina bhfuil ábhar GM, nó atá comhdhéanta de nó a tháirgtear as, a chur ar an margadh i gcionmhaireacht nach airde ná 0,9 % agus ar choinníoll go mbeadh láithreacht an ábhair sin aidbhinteach nó dosheachanta go teicniúil. Ba é ba chuspóir don idirthréimhse a chur san áireamh go bhféadfadh mionrianta den ábhar GM sin a bheith i láthair, uaireanta, sna slabhraí bia agus beatha, fiú tar éis do Bayer CropScience AG stadadh de shíolta arna ndíorthú ó na horgánaigh ghéinmhodhnaithe a dhíol agus fiú dá nglacfaí gach beart chun láithreacht an ábhair GM a sheachaint.

(3)

Ina theannta sin, i gCinntí 2007/305/CE, 2007/306/CE agus 2007/307/CE, leagadh amach sraith beart a bhí le déanamh ag Bayer CropScience AG chun a áirithiú go ndéanfaí aistarraingt éifeacht ón margadh ar an ábhar géinmhodhnaithe agus cuireadh oibleagáidí tuairiscithe ar an seolaí.

(4)

In ainneoin na mbeart a rinne Bayer CropScience AG chun láithreacht na n-orgánach géinmhodhnaithe a chosc i gcomhréir le Cinntí 2007/305/CE, 2007/306/CE agus 2007/307/CE, aimsíodh mionrianta i dtráchtearraí ráibe. Le Cinneadh Cur Chun Feidhme 2012/69/AE ón gCoimisiún (5), leasaíodh na trí chinneadh chun an idirthréimhse a shíneadh go dtí an 31 Nollaig 2016, agus laghdaíodh an láithreacht ábhair GM a raibh lamháltas ann ina leith i mbia agus i mbeatha go dtí 0,1 % de réir maischodáin. Rinneadh na trí chinneadh a leasú arís le Cinneadh Cur Chun Feidhme (AE) 2016/2268 ón gCoimisiún (6) chun an idirthréimhse a shíneadh go dtí an 31 Nollaig 2019 agus ansin le Cinneadh Cur Chun Feidhme (AE) 2019/1562 ón gCoimisiún (7) chun an idirthréimhse a shíneadh go dtí an 31 Nollaig 2022.

(5)

Thairis sin, le Cinneadh Cur Chun Feidhme (AE) 2019/1117 ón gCoimisiún (8), leasaíodh Cinntí 2007/305/CE, 2007/306/CE agus 2007/307/CE a mhéid a bhaineann leis an seolaí, ó Bayer CropScience AG go BASF SE.

(6)

I mí Dheireadh Fómhair 2021, thuairiscigh BASF Belgian Coordination Center CommV, ar brainse de BASF SE é, in ainneoin na mbeart a rinneadh, gur braitheadh mionrianta, i dtreocht a bhí ag laghdú a thuilleadh, i dtráchtearraí ráibe le blianta beaga anuas. D’fhéadfadh bitheolaíocht na ráibe míniú a thabhairt ar rianta den sórt sin a bheith fós i láthair, ós rud é gur féidir le síolta fanacht faoi shuan ar feadh tréimhsí fada, agus d’fhéadfadh na cleachtais feirmeoireachta a úsáideadh chun na síolta a shaothrú míniú eile a thabhairt mar go bhféadfadh sé gur tharla doirteadh timpisteach mar thoradh orthu, rud ba dheacair a leibhéal a mheas tráth a glacadh Cinntí 2007/305/CE, 2007/306/CE agus 2007/307/CE, agus Cinntí Cur Chun Feidhme 2012/69/AE, (AE) 2016/2268 agus (AE) 2019/1562.

(7)

I bhfianaise an mhéid sin, is iomchuí an idirthréimhse a shíneadh go dtí an 31 Nollaig 2025 chun go bhféadfaidh na rianta atá fágtha de ráib Ms1xRf1, ráib Ms1xRf2 agus ráib Topas 19/2 sa bhiashlabhra agus sa slabhra beathaithe laghdú a thuilleadh.

(8)

Chun cuidiú a thuilleadh chun deireadh a chur leis an ábhar GM, is iomchuí freisin go leanfaidh BASF SE ar aghaidh ag cur chun feidhme an chláir inmheánaigh a cheanglaítear i gcomhréir le Cinntí 2007/305/CE, 2007/306/CE agus 2007/307/CE agus ag bailiú sonraí maidir le láithreacht an ábhair sin i dtráchtearraí ráibe a allmhairítear isteach san Aontas ó Cheanada, an t-aon tír inar saothraíodh ráib Ms1xRf1, ráib Ms1xRf2 agus ráib Topas 19/2 chun críocha tráchtála. Ba cheart do BASF SE tuairisciú don Choimisiún maidir leis an dá ghné sin faoin 1 Eanáir 2025.

(9)

Ba cheart do BASF SE leanúint ar aghaidh ag áirithiú go bhfuil ábhair thagartha dheimhnithe fós ar fáil chun go mbeidh saotharlanna rialaithe ábalta a n-anailís a dhéanamh le linn na hidirthréimhse.

(10)

Ba cheart, dá bhrí sin, Cinntí 2007/305/CE, 2007/306/CE agus 2007/307/CE a leasú dá réir sin.

(11)

Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

cuirtear an méid seo a leanas in ionad Airteagal 1, an dara mír:

“Faoin 1 Eanáir 2025, tuairisceoidh an seolaí don Choimisiún maidir le cur chun feidhme an chláir sin agus maidir le láithreacht na n-orgánach géinmhodhnaithe sin sna lastais ráibe ó Cheanada a chuirtear chuig an Aontas.”;

(2)

cuirtear an méid seo a leanas in ionad Airteagal 2, mír 1:

(1)

cuirtear an méid seo a leanas in ionad Airteagal 1, an dara mír:

“Faoin 1 Eanáir 2025, tuairisceoidh an seolaí don Choimisiún maidir le cur chun feidhme an chláir seo agus maidir le láithreacht na n-orgánach géinmhodhnaithe sin sna lastais ráibe ó Cheanada a chuirtear chuig an Aontas.”;

(2)

cuirtear an méid seo a leanas in ionad Airteagal 2, mír 1: