<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-09-202509C104202207760-00-TRA-DOC-MT-ARRET-C-0776-22-202507914-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="16/09/2025 15:05:22" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="jv4LNazmeH3pFUHHmlRgJON653gxmLsR6imx7EHBcqPCcr/ijCsx1K0z2/kSGXlyJ23zzL5Zr8DwvWjIHhGs7iqkVsFYCRvo89OYQBeKXy1IdaCx+4GnURtE6hq6IPnvpf6YGDmXcmuph23Z+ZPmBiMIYhRQe6SswRuVtR4j7eE=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0776" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 29-08-25 16:35:16" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="4564107a1b7549a793a53acf4f247573" name="DocumentIdentifier"/>
    <meta content="0776" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="PV" name="NatureAff"/>
    <meta content="PV" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Sentenza tal‑4.9.2025. – Kawża C‑776/22 P</div>
      <div id="rId22" style="default">Studio Legale Ughi e Nunziante vs EUIPO</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Awla Manja)
    </p>
    <p class="C19Centre" id="para-2" title="page-1">
      4 ta’ Settembru 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Appell – Rikors għal annullament – Artikolu 19 tal-Istatut tal-Qorti tal-Ġustizzja tal-Unjoni Ewropea – Rappreżentanza tal-partijiet mhux ipprivileġġati fil-kuntest ta’ rikors dirett quddiem il-qrati tal-Unjoni Ewropea – Rappreżentanza ta’ uffiċċju tal-avukati minn soċju ta’ dan l-uffiċċju – Avukat li ma għandux il-kwalità ta’ terz fir-rigward tar-rikorrent – Preżunzjoni ta’ indipendenza – Konfutazzjoni tal-preżunzjoni – Kundizzjonijiet”
    </p>
    <p class="C02AlineaAltA" id="para-4" title="page-1">
      Fil-Kawża C‑776/22 P,
    </p>
    <p class="C02AlineaAltA" id="para-5" title="page-1">
      li għandha bħala suġġett appell skont l-Artikolu 56 tal-Istatut tal-Qorti tal-Ġustizzja tal-Unjoni Ewropea, ippreżentat fl‑20 ta’ Diċembru 2022,
    </p>
    <p class="C02AlineaAltA" id="para-6" title="page-1">
      Studio Legale Ughi e Nunziante, stabbilit f’Ruma (l-Italja), irrappreżentat minn L. Cascone, A. Clemente, F. De Filippis, u A. Marega, avvocati,
    </p>
    <p class="C72Alineadroite" id="para-7" title="page-1">
      appellant,
    </p>
    <p class="C02AlineaAltA" id="para-8" title="page-1">
      il-partijiet l-oħra fil-kawża li huma: 
    </p>
    <p class="C02AlineaAltA" id="para-9" title="page-1">
      L-Uffiċċju tal-Proprjetà Intellettwali tal-Unjoni Ewropea (EUIPO), irrappreżentat minn D. Hanf, R. Raponi u D. Stoyanova-Valchanova, bħala aġenti,
    </p>
    <p class="C72Alineadroite" id="para-10" title="page-1">
      konvenuta fl-ewwel istanza,
    </p>
    <p class="C02AlineaAltA" id="para-11" title="page-1">
      sostnut minn:
    </p>
    <p class="C02AlineaAltA" id="para-12" title="page-1">
      Il-Kummissjoni Ewropea, irrappreżentata minn F. Erlbacher, P. Stancanelli u C. Urraca Caviedes, bħala aġenti,
    </p>
    <p class="C72Alineadroite" id="para-13" title="page-1">
      intervenjent fl-appell,
    </p>
    <p class="C19Centre" id="para-14" title="page-1">
      IL-QORTI TAL-ĠUSTIZZJA (Awla Manja),
    </p>
    <p class="C02AlineaAltA" id="para-15" title="page-1">
      komposta minn K. Lenaerts, President, T. von Danwitz, Viċi President, F. Biltgen, K. Jürimäe, C. Lycourgos, S. Rodin, A. Kumin u N. Jääskinen (Relatur), Presidenti ta’ Awla, A. Arabadjiev, E. Regan, N. Piçarra, F. Schalin, S. Gervasoni, N. Fenger u R. Frendo, Imħallfin,
    </p>
    <p class="C02AlineaAltA" id="para-16" title="page-1">
      Avukat Ġenerali: J. Richard de la Tour,
    </p>
    <p class="C02AlineaAltA" id="para-17" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-18" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-19" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tas‑27 ta’ Frar 2025,
    </p>
    <p class="C02AlineaAltA" id="para-20" title="page-1">
      tagħti l-preżenti
    </p>
    <p class="C75Debutdesmotifs" id="para-21" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Permezz tal-appell tiegħu, Studio Legale Ughi e Nunziante, assoċjazzjoni professjonali rregolata mid-dritt Taljan (iktar ’il quddiem l-“uffiċċju tal-avukati”), jitlob l-annullament tad-digriet tal-Qorti Ġenerali tal-Unjoni Ewropea tal‑10 ta’ Ottubru 2022, Studio Legale Ughi e Nunziante vs EUIPO– Nunziante u Ughi (UGHI E NUNZIANTE) (T‑389/22, iktar ’il quddiem id-“digriet appellat”, EU:T:2022:662), li permezz tiegħu dan ċaħad bħala manifestament inammissibbli r-rikors tiegħu intiż għall-annullament tad-deċiżjoni tal-Ħames Bord tal-Appell tal-Uffiċċju tal-Proprjetà Intellettwali tal-Unjoni Ewropea (EUIPO), tat‑8 ta’ April 2022 (Każ R 407/2021–5), dwar proċedimenti ta’ revoka tat-trade mark Ughi e Nunziante (iktar ’il quddiem id-“deċiżjoni kontenzjuża”), imressqa mill-uffiċċju tal-avukati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Skont l-ewwel sar-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea.</p>
</td>
</tr>
</table>
    <p class="C02AlineaAltA" id="para-25" title="page-1">
       “L-Istati Membri u l-istituzzjonijiet ta’ l-Unjoni [Ewropea] ikunu rappreżentati quddiem il-Qorti tal-Ġustizzja minn aġent maħtur għal kull każ; l-aġent jista’ jkun assistit minn konsulent jew minn avukat.
    </p>
    <p class="C02AlineaAltA" id="para-26" title="page-1">
      Minbarra l-Istati Membri, l-Istati li huma parti mill-Ftehim dwar iż-Żona Ekonomika Ewropea [tat‑2 ta’ Mejju 1992] u wkoll [tal-Awtorità tas-Sorveljanza tal-Assoċjazzjoni Ewropea għall-Kummerċ Ħieles (EFTA)] msemmija f’dak il-Ftehim għandhom ikunu rappreżentati bl-istess mod. 
    </p>
    <p class="C02AlineaAltA" id="para-27" title="page-1">
      Partijiet oħra għandhom ikunu rappreżentati minn avukat.
    </p>
    <p class="C02AlineaAltA" id="para-28" title="page-2">
      Avukat biss, li jkun awtorizzat sabiex jipprattika quddiem qorti ta’ Stat Membru jew ta’ Stat ieħor li huwa parti mill-Ftehim [ŻEE], jista’ jirrappreżenta jew jassisti parti quddiem il-Qorti”. 
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">L-Artikolu 21 tal-Istatut tal-Qorti tal-Ġustizzja tal-Unjoni Ewropea jipprevedi:</p>
</td>
</tr>
</table>
    <p class="C02AlineaAltA" id="para-30" title="page-2">
      “Każ jista’ jitressaq quddiem il-Qorti tal-Ġustizzja permezz ta’ rikors bil-miktub indirizzat lir-Reġistratur. Fir-rikors għandu jkun hemm l-isem u l-indirizz tar-rikorrent u l-kwalita’ tal-firmatarju, l-isem tal-parti jew tal-partijiet avversarji, is-suġġett tal kwistjoni, it-talbiet, u espożizzjoni fil-qosor tal-motivi tat-talba.
    </p>
    <p class="C02AlineaAltA" id="para-31" title="page-2">
      Ir-rikors għandu jkun akkompanjat, meta ikun il-każ, mill-att li tiegħu jintalab l annullament jew fl-ipotesi kontemplata fl-Artikolu 265 tat-Trattat dwar il Funzjonament ta’ l-Unjoni Ewropea, minn dokument li jiċċertifika d-data tat-talba prevista f’dawn l-Artikoli. Jekk dawn id-dokumenti ma jkunux ġew preżentati mar rikors, ir-Reġistratur għandu jsejjaħ lil parti nteressata sabiex iġġibhom fi żmien raġonevoli, bla ma iżda tkun tista tiġi eċċepita d-dekadenza f’każ li d-dokumenti jinġiebu wara li jkun għalaq iż-żmien li fih kellu jsir ir-rikors”. 
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Skont l-ewwel paragrafu tal-Artikolu 53 tal-Istatut tal-Qorti tal-Ġustizzja tal-Unjoni Ewropea, it-Titolu III tiegħu, li taħtu jaqgħu d-dispożizzjonijiet iċċitati fil-punti 2 u 3 ta’ din is-sentenza, huwa applikabbli għall-proċedura quddiem il-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 51 tar-Regoli tal-Proċedura tal-Qorti Ġenerali ntitolat “Obbligu ta’ rappreżentanza” jipprevedi li:</p>
</td>
</tr>
</table>
    <p class="C09Marge0avecretrait" id="para-34" title="page-2">
      “1. Il-partijiet għandhom ikunu rrappreżentati minn aġent jew minn avukat fil-kundizzjonijiet previsti fl-Artikolu 19 tal-Istatut [tal-Qorti tal-Ġustizzja tal-Unjoni Ewropea].
    </p>
    <p class="C09Marge0avecretrait" id="para-35" title="page-2">
      2. L-avukat li jkun qiegħed jirrappreżenta jew jassisti parti għandu jippreżenta fir-Reġistru dokument li jiċċertifika li huwa awtorizzat jipprattika quddiem qorti ta’ Stat Membru jew ta’ Stat ieħor parti fil-Ftehim ŻEE kemm-il darba tali dokument ma jkunx diġà ġie ppreżentat għall-finijiet tal-ftuħ ta’ kont li jagħti aċċess għal e-Curia.
    </p>
    <p class="C09Marge0avecretrait" id="para-36" title="page-2">
      3. Meta l-parti li jkunu qegħdin jirrappreżentaw tkun persuna ġuridika rregolata mid-dritt privat, l-avukati għandhom jippreżentaw fir-Reġistru mandat maħruġ minn din tal-aħħar.
    </p>
    <p class="C09Marge0avecretrait" id="para-37" title="page-2">
      4. Jekk id-dokumenti msemmija fil-paragrafi 2 u 3 ma jiġux ippreżentati, ir-Reġistratur għandu jiffissa, għall-parti kkonċernata, terminu raġonevoli sabiex jiġu prodotti. Jekk dawn id-dokumenti ma jiġux prodotti fit-terminu mogħti, il-Qorti Ġenerali għandha tiddeċiedi jekk in-nuqqas ta’ osservanza ta’ din il-formalità jimplikax l-inammissibbiltà formali tar-rikors jew tan-nota.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 55 ta’ dawn ir-Regoli tal-Proċedura, intitolat “Esklużjoni mill-proċedura”, huwa fformulat kif ġej:</p>
</td>
</tr>
</table>
    <p class="C09Marge0avecretrait" id="para-39" title="page-3">
      “1. Jekk il-Qorti Ġenerali tqis li l-aġir ta’ aġent, konsulent jew avukat quddiem il-Qorti Ġenerali, il-President, Imħallef jew ir-Reġistratur huwa inkompatibbli mad-dekor tal-Qorti Ġenerali jew mar-rekwiżiti ta’ amministrazzjoni tajba tal-ġustizzja, jew li dan l-aġent, konsulent jew avukat qiegħed juża d-drittijiet li huwa għandu bis-saħħa tal-funzjoni tiegħu għal finijiet differenti minn dawk li għalihom ingħatawlu dawn id-drittijiet, hija għandha tinforma b’dan lill-persuna kkonċernata. [...]
    </p>
    <p class="C09Marge0avecretrait" id="para-40" title="page-3">
      2. Għall-istess raġunijiet, il-Qorti Ġenerali tista’, f’kull ħin u wara li tinstema’ l-persuna kkonċernata, tiddeċiedi, permezz ta' digriet motivat, li teskludi aġent, konsulent jew avukat mill-proċedura. Dan id-digriet għandu jkollu effett immedjat.
    </p>
    <p class="C09Marge0avecretrait" id="para-41" title="page-3">
      3. Meta aġent, konsulent jew avukat jiġi eskluż mill-proċedura, il-proċedura għandha tiġi sospiża sal-iskadenza tat-terminu ffissat mill-President sabiex il-parti kkonċernata tkun tista’ tinnomina aġent, konsulent jew avukat ieħor.
    </p>
    <p class="C09Marge0avecretrait" id="para-42" title="page-3">
      [...] ”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 78 tal-imsemmija Regoli tal-Proċedura, dwar l-“Annessi mar-rikors”, jipprevedi:</p>
</td>
</tr>
</table>
    <p class="C09Marge0avecretrait" id="para-44" title="page-3">
      “1. Jekk ikun il-każ, mar-rikors għandhom jiġu annessi d-dokumenti indikati fit-tieni paragrafu tal-Artikolu 21 tal-Istatut [tal-Qorti tal-Ġustizzja tal-Unjoni Ewropea]. 
    </p>
    <p class="C02AlineaAltA" id="para-45" title="page-3">
      [...]
    </p>
    <p class="C09Marge0avecretrait" id="para-46" title="page-3">
      5. Ir-rikors għandu jkollu miegħu d-dokumenti msemmija fl-Artikolu 51(2) u (3).
    </p>
    <p class="C09Marge0avecretrait" id="para-47" title="page-3">
      6. Jekk ir-rikors ma jkunx konformi mal-kundizzjonijiet elenkati fil-paragrafi 1 sa 5, ir-Reġistratur għandu jiffissa terminu raġonevoli għar-rikorrent sabiex jipproduċi d-dokumenti msemmija iktar ’il fuq. Fin-nuqqas ta’ din ir-regolarizzazzjoni fit-terminu mogħti, il-Qorti Ġenerali għandha tiddeċiedi jekk in-nuqqas ta’ osservanza ta’ dawn il-kundizzjonijiet jimplikax l-inammissibbiltà formali tar-rikors”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-fatti li wasslu għall-kawża</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Il-fatti li wasslu għall-kawża jistgħu jinġabru fil-qosor kif ġej.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Fis‑26 ta’ Settembru 2017, l-uffiċċju tal-avukati ressaq quddiem l-EUIPO talba għal revoka tat-trade mark verbali tal-Unjoni Ewropea UGHI E NUNZIANTE għas-servizzi kollha li għalihom din it-trade mark kienet ġiet irreġistrata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Permezz ta’ deċiżjoni tat‑23 ta’ Frar 2021, id-Diviżjoni tal-Kanċellazzjoni tal-EUIPO laqgħet din it-talba għas-servizzi kollha, bl-eċċezzjoni tas-“servizzi legali” li jaqgħu fil-klassi 45, fis-sens tal-Ftehim ta’ Nice dwar il-klassifikazzjoni internazzjonali ta’ prodotti u servizzi għall-finijiet tar-reġistrazzjoni ta’ trade marks, tal‑15 ta’ Ġunju 1957, kif rivedut u emendat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Fl‑1 ta’ Marzu 2021, l-uffiċċju tal-avukati ppreżenta appell quddiem l-EUIPO kontra din id-deċiżjoni biss sa fejn it-talba għal revoka kienet ġiet miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Permezz tad-deċiżjoni kontenzjuża, il-Ħames Bord tal-Appell tal-EUIPO ċaħad dan l-appell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-proċedura quddiem il-Qorti Ġenerali u d-digriet appellat</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Permezz ta’ rikors ippreżentat fir-Reġistru tal-Qorti Ġenerali fl‑1 ta’ Lulju 2022, l-uffiċċju tal-avukati ppreżenta rikors intiż għall-annullament tad-deċiżjoni kontenzjuża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Permezz tad-digriet appellat, il-Qorti Ġenerali ċaħdet dan ir-rikors bħala manifestament inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Fil-punt 5 ta’ dan id-digriet, il-Qorti Ġenerali fakkret b’mod partikolari li, konformement mat-tielet u mar-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, il-partijiet, minbarra l-Istati Membri u l-istituzzjonijiet tal-Unjoni Ewropea, l-Istati partijiet għall-Ftehim ŻEE u l-Awtorità tas-Sorveljanza EFTA, għandhom ikunu rrappreżentati minn avukat u avukat biss awtorizzat jipprattika quddiem qorti ta’ Stat Membru jew ta’ Stat ieħor li huwa parti fil-Ftehim ŻEE jista’ jirrappreżenta parti quddiem il-qrati tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Fil-punt 6 tal-imsemmi digriet, il-Qorti Ġenerali ppreċiżat li mill-formulazzjoni tat-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, b’mod partikolari mill-użu tal-kelma “rappreżentati”, kif ukoll mill-punt 44 tas-sentenza tal‑14 ta’ Lulju 2022, Universität Bremen vs REA (C‑110/21 P, EU:C:2022:555), jirriżulta li “parti”, fis-sens ta’ din id-dispożizzjoni, tkun xi tkun il-kwalità tagħha, ma hijiex awtorizzata taġixxi hija stess quddiem qorti tal-Unjoni, iżda għandha tirrikorri għas-servizzi ta’ terz, u dan anki jekk din il-parti tkun avukat awtorizzat jidher quddiem qorti nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fil-punti 7 et seq. tal-istess digriet, hija fakkret il-motivi li għalihom din l-interpretazzjoni letterali kienet ikkonfermata kemm mill-kuntest li fih tidħol din id-dispożizzjoni kif ukoll mill-għan li hija għandha ssegwi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Billi bbażat ruħha, b’mod partikolari, fuq il-punt 47 tas-sentenza tal‑14 ta’ Lulju 2022, Universität Bremen vs REA (C‑110/21 P, EU:C:2022:555), il-Qorti Ġenerali b’hekk qieset, fil-punt 9 tad-digriet appellat, li l-għan tal-kompitu ta’ rappreżentanza minn avukat, kif imsemmi fit-tielet u fir-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, li jiġi eżerċitat fl-interess ta’ amministrazzjoni tajba tal-ġustizzja, jikkonsisti qabel kollox f’li jiġu protetti u difiżi bl-aħjar mod l-interessi tal-mandant, b’indipendenza sħiħa kif ukoll fl-osservanza tal-liġi, tar-regoli professjonali u ta’ etika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fil-punt 10 ta’ dan id-digriet, il-Qorti Ġenerali sussegwentement ikkonstatat li d-definizzjoni tal-kunċett ta’ “indipendenza” tal-avukat evolviet fil-qasam tar-rappreżentanza quddiem il-qrati tal-Unjoni, peress li l-kriterju predominanti adottat f’dan ir-rigward huwa issa l-protezzjoni u d-difiża tal-interessi tal-klijent.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fil-punt 11 tal-imsemmi digriet, il-Qorti Ġenerali fakkret li, skont ġurisprudenza stabbilita tal-Qorti tal-Ġustizzja, ir-rekwiżit ta’ indipendenza tal-avukat huwa ddefinit mhux biss b’mod negattiv, jiġifieri mill-assenza ta’ relazzjoni ta’ impjieg bejn l-avukat u l-klijent tiegħu, iżda wkoll b’mod pożittiv, jiġifieri b’riferiment għall-etika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Fil-punti 12 u 13 tal-istess digriet, hija ppreċiżat, fid-dawl tal-ġurisprudenza tagħha stess u ta’ dik tal-Qorti tal-Ġustizzja, l-ewwel, li dan ir-rekwiżit ta’ indipendenza, fil-kuntest speċifiku tal-Artikolu 19 tal-Istatut tal-Qorti tal-Ġustizzja tal-Unjoni Ewropea, jimplika neċessarjament l-assenza ta’ relazzjoni ta’ impjieg bejn l-avukat u l-klijent tiegħu, it-tieni, li l-imsemmi rekwiżit japplika wkoll jekk il-parti rrappreżentata tkun uffiċċju tal-avukati u, it-tielet, li l-istess rekwiżit jeżiġi l-assenza mhux ta’ kwalunkwe rabta bejn l-avukat u l-klijent tiegħu, iżda biss ta’ dawk ir-rabtiet li jippreġudikaw manifestament il-kapaċità tal-avukat li jiżgura l-kompitu ta’ difiża tiegħu billi jservi bl-aħjar mod l-interessi tal-klijent tiegħu, fl-osservanza tal-liġi kif ukoll tar-regoli professjonali u ta’ etika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Il-Qorti Ġenerali b’hekk ikkonstatat, fil-punti 15 u 16 tad-digriet appellat, li, f’dan il-każ, ir-rikorrent, li huwa uffiċċju tal-avukati, kien ħatar, sabiex jirrappreżentah, tliet avukati li kienu jeżerċitaw l-attività tagħhom fi ħdanu bħala soċji. Hija qieset li din il-kwalità ma kinitx kompatibbli mar-rekwiżiti ta’ indipendenza meħtieġa sabiex dan l-uffiċċju jiġi rrappreżentat quddiem il-qrati tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Għaldaqstant, il-Qorti Ġenerali ddeċidiet, fil-punt 17 ta’ dan id-digriet, li r-rikors promotur kien ġie ffirmat minn avukati li ma kellhomx il-kwalità ta’ terz indipendenti fir-rigward tar-rikorrent, b’tali mod li r-rikors ma kienx ġie ppreżentat skont it-tielet u r-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea u l-Artikolu 51(1) tar-Regoli tal-Proċedura tal-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Fl-aħħar nett, fil-punt 18 tad-digriet appellat, il-Qorti Ġenerali qieset li n-nuqqas ta’ osservanza tal-obbligu ta’ rappreżentanza minn avukat awtorizzat jipprattika quddiem qorti ta’ Stat Membru jew ta’ Stat ieħor parti għall-Ftehim ŻEE ma kienx jinsab fost ir-rekwiżiti li jistgħu jkunu s-suġġett ta’ regolarizzazzjoni wara l-iskadenza tat-terminu għall-preżentata ta’ rikors, skont it-tieni paragrafu tal-Artikolu 21 tal-Istatut tal-Qorti tal-Ġustizzja tal-Unjoni Ewropea u l-Artikolu 78(6) tar-Regoli tal-Proċedura tal-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-proċedura quddiem il-Qorti tal-Ġustizzja u t-talbiet tal-partijiet fl-appell</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Permezz ta’ rikors ippreżentat fir-Reġistru tal-Qorti tal-Ġustizzja fl‑20 ta’ Diċembru 2022, l-uffiċċju tal-avukati ppreżenta dan l-appell mid-digriet appellat, li insostenn tiegħu huwa jqajjem tliet aggravji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Permezz ta’ atti ppreżentati fl-istess data, l-appellant talab, minn naħa, skont l-Artikolu 170a(1) tar-Regoli tal-Proċedura tal-Qorti tal-Ġustizzja, li l-appell tiegħu jiġi ammess, konformement mal-Artikolu 58a tal-Istatut tal-Qorti tal-Ġustizzja tal-Unjoni Ewropea, u, min-naħa l-oħra, skont l-Artikolu 95(2) ta’ dawn ir-Regoli tal-Proċedura, li l-anonimat jingħata lilu kif ukoll lid-diversi avukati msemmija fl-appell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Permezz ta’deċiżjoni tal‑4 ta’ Jannar 2023, il-Qorti tal-Ġustizzja ċaħdet it-talba għal anonimizzazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Permezz ta’ digriet tal-Qorti tal-Ġustizzja tat‑8 ta’ Mejju 2023, Studio Legale Ughi e Nunziante vs EUIPO (C‑776/22 P, EU:C:2023:441), l-appell ġie ammess fil-limiti tat-tieni u tat-tielet aggravju tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Permezz ta’ deċiżjoni tal-President tal-Qorti tal-Ġustizzja tat‑18 ta’ Settembru 2023, il-Kummissjoni Ewropea ġiet ammessa tintervjeni insostenn tat-talbiet tal-EUIPO.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Permezz tal-appell tiegħu, l-appellant jitlob li l-Qorti tal-Ġustizzja jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">prinċipalment, tilqa’ t-tieni aggravju u, jew tannulla d-digriet appellat, jew tikkonstata l-validità tar-rappreżentanza legali tal-appellant mill-avukati li huwa qabbad għall-finijiet tar-rikors quddiem il-Qorti Ġenerali u, konsegwentement, tibgħat lura l-kawża quddiemha sabiex din tiddeċiedi fuq il-mertu;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">sussidjarjament, tilqa’ t-tielet aggravju u, jew tannulla d-digriet appellat, jew tiddeċiedi li l-uffiċċju tal-avukati għandu d-dritt li jkompli l-proċedura bl-assistenza ta’ avukat estern għall-assoċjazzjoni tal-avukati li huwa jaħtar, u konsegwentement, li tibgħat il-kawża lura quddiem il-Qorti Ġenerali sabiex din tiddeċiedi fuq il-mertu, u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-EUIPO għall-ispejjeż tal-proċedura tal-appell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">L-EUIPO jitlob li l-Qorti tal-Ġustizzja jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad l-appell u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-uffiċċju tal-avukati għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Il-Kummissjoni titlob ukoll li l-appell jiġi miċħud u li l-appellant jiġi kkundannat għall-ispejjeż tal-istanza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-appell</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">It-tieni aggravju invokat mill-appellant insostenn tal-appell tiegħu huwa bbażat fuq ksur tal-Artikolu 19 tal-Istatut tal-Qorti tal-Ġustizzja tal-Unjoni Ewropea kif ukoll tal-Artikolu 51 tar-Regoli tal-Proċedura tal-Qorti Ġenerali. It-tielet aggravju, ibbażat fuq il-ksur tal-Artikoli 47 u 52 tal-Karta tad-Drittijiet Fundamentali tal-Unjoni Ewropea, kif ukoll, eventwalment, tal-Artikolu 51(4) u tal-Artikolu 55(1) tar-Regoli tal-Proċedura tal-Qorti Ġenerali. Kif tfakkar fil-punt 28 ta’ din is-sentenza, l-appell ġie ammess b’mod limitat għat-tieni u għat-tielet aggravju tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Permezz tat-tieni aggravju tagħha, l-appellant jikkritika, essenzjalment, lill-Qorti Ġenerali talli interpretat b’mod żbaljat l-Artikolu 19 tal-Istatut tal-Qorti tal-Ġustizzja tal-Unjoni Ewropea u l-Artikolu 51 tar-Regoli tal-Proċedura tal-Qorti Ġenerali. Dan l-aggravju huwa maqsum f’żewġ partijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Permezz tal-ewwel parti, l-appellant jilmenta li l-Qorti Ġenerali wettqet żball ta’ liġi meta ddeċidiet, fil-punt 17 tad-digriet appellat, li r-rikors fl-ewwel istanza ma ġiex ippreżentat b’osservanza b’mod partikolari tar-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, li jipprevedi li huwa biss avukat awtorizzat jipprattika quddiem qorti ta’ Stat Membru li jista’ jirrappreżenta jew jassisti parti quddiem il-Qorti tal-Ġustizzja. Huwa jsostni li, fil-fatt, ippreżenta d-dokumenti kollha li jistabbilixxu li l-avukati li huwa kien qabbad li jirrappreżentawh kienu reġistrati mal-Kamra tal-Avukati ta’ Ruma (l-Italja) u, konsegwentement, li huma kienu awtorizzati jipprattikaw quddiem il-qrati Taljani, u b’hekk osservat il-kundizzjoni stabbilita mid-dispożizzjoni inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Permezz tat-tieni parti, l-appellant jikkritika lill-Qorti Ġenerali li interpretat b’mod żbaljat it-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, sa fejn hija ddeċidiet li avukati soċji fi ħdan uffiċċju ma għandhomx l-indipendenza meħtieġa fir-rigward ta’ dan l-uffiċċju sabiex ikunu jistgħu jirrappreżentawh fil-kuntest ta’ proċedura quddiem il-qrati tal-Unjoni, bi ksur tal-ġurisprudenza tal-Qorti tal-Ġustizzja u, b’mod partikolari, tas-sentenza tal‑14 ta’ Lulju 2022, Universität Bremen vs REA (C‑110/21 P, EU:C:2022:555).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Fil-kuntest ta’ din it-tieni parti, l-appellant isostni, fl-ewwel lok, li l-ġurisprudenza dwar l-“awtopreżentazzjoni” quddiem il-qrati tal-Unjoni, li ssemmiet fil-punti 6 u 8 tad-digriet appellat, ma hijiex rilevanti fiċ-ċirkustanzi tal-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Fil-fatt, l-assoċjazzjoni professjonali msejħa “Studio Legale Ughi e Nunziante”, skont id-dritt nazzjonali li jirregola l-kwistjoni, tikkostitwixxi suġġett tad-dritt awtonomu fil-konfront tal-membri tagħha. Skont l-appellant, kien ikun hemm “awtopreżentazzjoni” biss jekk huwa ħatar ir-rappreżentant legali tiegħu bħala avukat. Issa, kif il-Qorti Ġenerali stess ikkonstatat fil-punt 15 tad-digriet appellat, dan ma huwiex il-każ inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Fit-tieni lok, l-appellant isostni, essenzjalment, li, skont il-ġurisprudenza reċenti tal-Qorti tal-Ġustizzja, ma jistax jiġi preżunt li avukat soċju fi ħdan uffiċċju ma għandux l-indipendenza meħtieġa sabiex ikun jista’ jirrappreżenta dan l-istess uffiċċju quddiem il-qrati tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">F’dan ir-rigward, l-appellant jenfasizza, qabelxejn, li, sabiex jiġi ddeterminat jekk avukat jissodisfax ir-rekwiżit ta’ indipendenza, kif interpretat f’din il-ġurisprudenza reċenti, għandu prinċipalment jiġi evalwat jekk dan huwiex f’pożizzjoni li jipproteġi l-interessi tal-parti li ħatritu bħala rappreżentant. Barra minn hekk, ir-rekwiżit ta’ indipendenza tal-avukat għandu jiġi evalwat b’mod partikolari meta r-rikorrent ikun uffiċċju tal-avukati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Sussegwentement, l-appellant isostni li, għalkemm il-kunċett ta’ “avukat”, fis-sens tat-tielet paragrafu tal-Artikolu 19 tal-Istatut tal-Qorti tal-Ġustizzja, għandu jiġi interpretat b’mod awtonomu, min-naħa l-oħra, il-kriterji meħtieġa sabiex tiġi stabbilita l-indipendenza tal-avukat, jiġifieri l-assenza ta’ relazzjoni ta’ impjieg kif ukoll ir-riferiment magħmul għar-regoli professjonali u ta’ etika, għandhom jiġu eżaminati filwaqt li tittieħed inkunsiderazzjoni l-leġiżlazzjoni nazzjonali rilevanti, u dan speċjalment fl-assenza ta’ regoli tad-dritt tal-Unjoni f’dan il-qasam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">F’dan ir-rigward, l-appellant jippreċiża li, minn naħa, fid-dritt Taljan, l-eżerċizzju tal-professjoni ta’ avukat huwa inkompatibbli ma’ kull relazzjoni ta’ xogħol li tinvolvi relazzjoni ta’ subordinazzjoni, b’tali mod li ma teżisti ebda relazzjoni ta’ impjieg bejn uffiċċju tal-avukati u avukat li huwa membru tiegħu bħala soċju. Min-naħa l-oħra, is-servizz ipprovdut lill-appellant mis-soċji tiegħu huwa konformi mal-leġiżlazzjoni nazzjonali rilevanti kif ukoll mar-regoli ta’ etika tal-professjoni ta’ avukat, li jimponu obbligu ta’ indipendenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Fl-aħħar nett, fid-dawl tal-kunsiderazzjonijiet preċedenti, l-appellant iqis li, f’dan il-każ, ksur tar-rekwiżit ta’ indipendenza tal-avukat jista’ jirriżulta biss mill-eżistenza ta’ kunflitt ta’ interessi u ta’ pressjonijiet jew ta’ indħil esterni eżerċitati fuq it-tliet avukati li huwa ħatar sabiex jirrappreżentawh. Fir-rigward tal-possibbiltà ta’ kunflitt ta’ interessi, huwa jqis li, fil-każ speċifiku li fih avukat soċju fi ħdan uffiċċju jirrappreżenta lil dan tal-aħħar, jipprevali mhux kunflitt, iżda komunità ta’ interessi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">L-EUIPO, sostnut mill-Kummissjoni, iqis li t-tieni aggravju għandu jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">L-EUIPO jsostni, qabelxejn, li, kuntrarjament għal dak li jallega l-appellant, il-Qorti Ġenerali ma kkontestatx, fid-digriet appellat, il-fatt li l-avukati mqabbda minn din il-parti kienu awtorizzati jipprattikaw quddiem il-qrati Taljani.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Sussegwentement, huwa jfakkar li mill-formulazzjoni tat-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea jirriżulta li parti għandha tkun “irrappreżentata”, li jimplika li hija ma hijiex awtorizzata taġixxi hija stess, iżda għandha tirrikorri għas-servizzi ta’ terz. Dan huwa kkonfermat mill-kuntest li fih għandha tiġi interpretata din id-dispożizzjoni, peress li parti u r-rappreżentant tagħha ma jistgħux ikunu l-istess persuna. Barra minn hekk, l-EUIPO jenfasizza li l-għan tar-rappreżentanza obbligatorja minn avukat huwa, minn naħa, li jiġi prekluż li l-partijiet privati jaġixxu huma stess quddiem qorti u, min-naħa l-oħra, li jiġi ggarantit li l-persuni ġuridiċi jiġu difiżi minn rappreżentant li jkun suffiċjentement distanti. Issa, id-digriet appellat huwa bbażat prinċipalment fuq il-fatt li, peress li l-avukati mqabbda li jirrappreżentaw lir-rikorrent quddiem il-Qorti Ġenerali kienu s-soċji tiegħu, huma ma setgħux jitqiesu li huma terzi indipendenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Fl-aħħar nett, l-EUIPO jippreċiża li r-rekwiżit ta’ indipendenza tal-avukat għandu jiġi interpretat, minn naħa, b’mod negattiv sa fejn jipprojbixxi l-eżistenza ta’ relazzjoni ta’ impjieg bejn l-avukat u l-klijent tiegħu u, min-naħa l-oħra, b’mod pożittiv, jiġifieri permezz ta’ riferiment għar-regoli professjonali. Dan ir-rekwiżit jinftiehem bħala l-assenza mhux ta’ kwalunkwe rabta tal-avukat mal-klijent tiegħu, iżda biss ta’ rabtiet li jippreġudikaw manifestament il-kapaċità tiegħu li jiżgura l-kompitu ta’ difiża tiegħu billi jservi bl-aħjar mod l-interessi tiegħu. F’dan il-każ, l-EUIPO jqis li l-kwalità ta’ soċji tat-tliet avukati maħtura sabiex jirrappreżentaw l-uffiċċju tal-avukati, rikorrent quddiem il-Qorti Ġenerali, timplika li f’dan l-uffiċċju huma jeżerċitaw kompetenzi amministrattivi u finanzjarji sinjifikattivi. Dan il-fatt jikkomprometti b’mod evidenti l-indipendenza ta’ dawn l-avukati u jippreġudika manifestament il-kapaċità tagħhom li jeżerċitaw il-kompitu tagħhom, peress li l-kwalità ta’ avukat ma tagħtix fiha nnifisha lir-rappreżentant maħtur indipendenza suffiċjenti fis-sens tat-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Il-Kummissjoni, li tintervjeni insostenn tal-EUIPO, issostni wkoll li mill-ġurisprudenza tal-Qorti tal-Ġustizzja jirriżulta li r-rappreżentanza legali ta’ persuna ġuridika minn avukati li ma humiex distanti b’mod suffiċjenti minn din il-persuna ġuridika u li l-interessi tagħhom huma konfużi ma’ tagħha ma hijiex konformi mar-rekwiżiti tat-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea. F’dan il-każ, il-fatt li l-avukati li ffirmaw ir-rikors promotur f’isem l-uffiċċju tal-avukati, rikorrent quddiem il-Qorti Ġenerali, għandhom il-kwalità ta’ soċji fi ħdan dan l-uffiċċju jimplika li ma hemmx, bejn din il-parti u r-rappreżentanti tagħha, livell suffiċjenti ta’ separazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kunsiderazzjonijiet tal-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Għandu jitfakkar li t-tielet u r-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, applikabbli għall-proċedura quddiem il-Qorti Ġenerali konformement mal-Artikolu 53 ta’ dan l-Istatut, jipprevedu żewġ kundizzjonijiet distinti u kumulattivi fir-rigward tar-rappreżentanza quddiem il-qrati tal-Unjoni tal-partijiet mhux imsemmija fl-ewwel u fit-tieni paragrafu ta’ dan l-Artikolu 19, imsejħa partijiet “mhux ipprivileġġati”. Skont l-ewwel kundizzjoni, stabbilita fit-tielet paragrafu tal-Artikolu 19, dawn il-partijiet għandhom ikunu “rappreżentati minn avukat”. Skont it-tieni kundizzjoni, stabbilita fl-istess artikolu fir-raba’ paragrafu tal-istess artikolu, huwa biss avukat li jkun awtorizzat sabiex jipprattika quddiem qorti ta’ Stat Membru jew ta’ Stat ieħor li huwa parti mill-Ftehim ŻEE li jista’ jirrappreżenta jew jassisti parti quddiem il-qrati tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel parti tat-tieni aggravju, ibbażata fuq ksur tar-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Fir-rigward tat-tieni kundizzjoni kumulattiva dwar il-validità tar-rappreżentanza ta’ parti mhux ipprivileġġata quddiem il-qrati tal-Unjoni, prevista fir-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni, dwar l-awtorizzazzjoni tal-avukat li jipprattika quddiem qorti nazzjonali, il-Qorti tal-Ġustizzja diġà ddeċidiet li mill-formulazzjoni ta’ din id-dispożizzjoni jirriżulta li s-sens u l-portata ta’ din il-kundizzjoni għandhom jiġu interpretati b’riferiment għad-dritt nazzjonali kkonċernat (ara, f’dan is-sens, is-sentenzi tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C‑561/17 P, EU:C:2020:73, punt 56, kif ukoll tal‑14 ta’ Lulju 2022, Universität Bremen vs REA, C‑110/21 P, EU:C:2022:555, punt 40 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">F’dan il-każ, huwa paċifiku li l-avukati mqabbda mir-rikorrent kellhom l-awtorizzazzjoni sabiex jipprattikaw quddiem il-qrati Taljani, b’osservanza tar-regoli nazzjonali li jirregolaw il-qasam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Għaldaqstant, billi ddeċidiet, fil-punt 17 tad-digriet appellat, li r-rikors fl-ewwel istanza ma kienx ġie ppreżentat skont ir-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, il-Qorti Ġenerali wettqet żball ta’ liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Għalhekk, l-ewwel parti tat-tieni aggravju għandha tiġi milqugħa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni parti tat-tieni aggravju, ibbażata fuq ksur tat-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Fir-rigward tal-ewwel kundizzjoni kumulattiva dwar il-validità tar-rappreżentanza tal-partijiet mhux ipprivileġġati quddiem il-qrati tal-Unjoni, prevista fit-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, li tikkonsisti fl-obbligu għal dawn il-partijiet li jkunu “rappreżentati minn avukat”, skont ġurisprudenza stabbilita, fl-assenza ta’ riferiment minn din id-dispożizzjoni għad-dritt tal-Istati Membri, il-kunċett ta’ “avukat” għandu jiġi interpretat b’mod awtonomu u uniformi fl-Unjoni kollha, billi jittieħdu inkunsiderazzjoni mhux biss il-formulazzjoni ta’ din id-dispożizzjoni, iżda wkoll il-kuntest tagħha u l-għan tagħha (ara, f’dan is-sens, is-sentenzi tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C 561/17 P, EU:C:2020:73, punt 57, kif ukoll tal‑14 ta’ Lulju 2022, Universität Bremen vs REA, C‑110/21 P, EU:C:2022:555, punt 43).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">F’dan il-kuntest, il-Qorti tal-Ġustizzja ddeċidiet, fl-ewwel lok, li kemm mill-formulazzjoni tal-imsemmija dispożizzjoni, u b’mod partikolari mill-użu tal-kelma “rappreżentati”, kif ukoll mill-kuntest tagħha, jirriżulta li “parti”, fis-sens ta’ din id-dispożizzjoni, ma hijiex awtorizzata taġixxi hija stess quddiem qorti tal-Unjoni, iżda għandha tirrikorri għas-servizzi ta’ terz, peress li dan tal-aħħar jista’ jkun biss “avukat” (ara, f’dan is-sens, is-sentenzi tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C‑561/17 P, EU:C:2020:73, punti 58 u 60, kif ukoll tal‑14 ta’ Lulju 2022, Universität Bremen vs REA, C‑110/21 P, EU:C:2022:555, punti 44 u 45).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Din l-interpretazzjoni hija konformi mal-għan tal-kundizzjoni prevista fit-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea li jikkonsisti, minn naħa, li jipprekludi li l-partijiet privati jaġixxu huma stess fi proċeduri ġudizzjarji mingħajr ma jirrikorru għal intermedjarju u, min-naħa l-oħra, li jiggarantixxi li l-persuni ġuridiċi jiġu difiżi minn rappreżentant li jkun suffiċjentement distanti mill-persuna ġuridika li huwa jirrappreżenta (sentenza tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C‑561/17 P, EU:C:2020:73, punt 61, kif ukoll tal‑14 ta’ Lulju 2022, Universität Bremen vs REA, C‑110/21 P, EU:C:2022:555, punt 46).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">F’dan il-kuntest, il-Qorti tal-Ġustizzja enfasizzat li l-għan tal-kompitu ta’ rappreżentanza minn avukat bħal f’dan il-każ, kif imsemmi fit-tielet u fir-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, huwa qabel kollox li jiġu protetti u difiżi bl-aħjar mod l-interessi tal-mandant, b’indipendenza sħiħa kif ukoll fl-osservanza tal-liġi, tar-regoli professjonali, u tal-etika (sentenza tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C‑561/17 P, EU:C:2020:73, punt 62 u l-ġurisprudenza ċċitata, kif ukoll tal‑14 ta’ Lulju 2022, Universität Bremen vs REA, C‑110/21 P u C‑531/18 P, EU:C:2022:555, punt 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Kif irrileva l-Avukat Ġenerali, essenzjalment, fil-punti 46 sa 52 tal-konklużjonijiet tiegħu, mill-ġurisprudenza tal-Qorti tal-Ġustizzja jirriżulta li l-ewwel kundizzjoni kumulattiva, prevista fit-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, li tikkonsisti fl-obbligu għall-partijiet mhux ipprivileġġati li jkunu “rappreżentati minn avukat”, timponi l-osservanza ta’ żewġ rekwiżiti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">L-ewwel nett, kif jirriżulta mill-punt 55 ta’ din is-sentenza, din il-kundizzjoni timponi fuq il-partijiet mhux ipprivileġġati projbizzjoni tal-“awtopreżentazzjoni” quddiem il-qrati tal-Unjoni, jiġifieri li dawn il-partijiet fl-ebda każ ma jistgħu jirrappreżentaw lilhom infushom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Peress li ebda deroga jew eċċezzjoni minn din il-projbizzjoni ma hija prevista mill-Istatut tal-Qorti tal-Ġustizzja tal-Unjoni Ewropea jew mir-Regoli tal-Proċedura tal-Qorti tal-Ġustizzja, il-preżentata ta’ rikors iffirmat mir-rikorrent innifsu ma tista’ fl-ebda każ tkun suffiċjenti għall-finijiet tal-preżentata ta’ rikors quddiem il-qrati tal-Unjoni, u dan anki jekk ir-rikorrent ikun avukat awtorizzat jidher quddiem qorti nazzjonali (ara, f’dan is-sentenzi tal‑4 ta’ Frar 2020, Uniwersytet Wrocławski u Il‑Polonja vs REA (C‑515/17 P u C‑561/17 P, EU:C:2020:73, punt 59 u 62), kif ukoll tal‑14 ta’ Lulju 2022, Universität Bremen vs REA (C‑110/21 P, EU:C:2022:555, punt 44).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">It-tieni, l-imsemmija kundizzjoni timponi fuq ir-rappreżentanti tal-partijiet mhux ipprivileġġati l-osservanza ta’ rekwiżit ta’ indipendenza, kif jirriżulta mill-punt 57 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Dan ir-rekwiżit huwa ddefinit kemm b’mod negattiv kif ukoll b’mod pożittiv. B’mod negattiv, hija ddefinita mill-assenza ta’ kull relazzjoni ta’ impjieg, ikkaratterizzata mill-eżistenza ta’ rabta ta’ subordinazzjoni, bejn ir-rappreżentant maħtur minn parti u din tal-aħħar. B’mod pożittiv, l-imsemmi rekwiżit jirreferi għall-etika professjonali u għar-regoli professjonali (ara, f’dan is-sens, is-sentenzi tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C‑561/17 P, EU:C:2020:73, punt 63, kif ukoll tal‑14 ta’ Lulju 2022, Universität Bremen vs REA, C‑110/21 P, EU:C:2022:555, punt 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Barra minn hekk, l-istess rekwiżit għandu jinftiehem bħala l-assenza mhux ta’ kwalunkwe rabta bejn ir-rappreżentant maħtur minn parti u din tal-aħħar, iżda biss ta’ rabtiet li jippreġudikaw manifestament il-kapaċità tiegħu li jiżgura l-kompitu ta’ rappreżentanza tiegħu, kif imfakkra fil-punt 57 ta’ din is-sentenza (ara, f’dan is-sens, is-sentenzi tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C‑561/17 P, EU:C:2020:73, punt 64).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Kull avukat, indipendentement mill-forma li fiha jeżerċita l-professjoni tiegħu, awtorizzata mil-liġijiet, mir-regoli professjonali u mir-regoli ta’ etika applikabbli, huwa, bla ħsara għal dak li huwa espost fil-punt segwenti ta’ din is-sentenza, preżunt li jissodisfa r-rekwiżit ta’ indipendenza li jirriżulta mill-ewwel kundizzjoni kumulattiva prevista fit-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Madankollu, kif jirriżulta mill-punt 62 ta’ din is-sentenza, ir-rekwiżit ta’ indipendenza, impost fuq ir-rappreżentanti tal-partijiet mhux ipprivileġġati fil-kuntest speċifiku ta’ din id-dispożizzjoni, jippreżupponi neċessarjament l-assenza ta’ kull relazzjoni ta’ impjieg, ikkaratterizzata mill-eżistenza ta’ rabta ta’ subordinazzjoni, bejn il-parti u r-rappreżentant li hija tkun qabbdet. Għaldaqstant, il-preżunzjoni ta’ indipendenza msemmija fil-punt preċedenti ma tapplikax meta teżisti tali relazzjoni ta’ impjieg. Dan huwa l-każ, b’mod partikolari, fl-ipoteżi fejn avukati li, konformement mad-dritt nazzjonali applikabbli jeżerċitaw il-professjoni tagħhom bħala impjegati tal-uffiċċju li jimpjegahom, jirrappreżentaw lil dan tal-aħħar quddiem il-qrati tal-Unjoni. L-istess japplika fil-każ fejn avukati ta’ impriża (“in-house lawyers”), membri tal-Kamra tal-Avukati ta’ Stat Membru u ammessi, skont id-dritt nazzjonali ta’ dan l-Istat Membru, sabiex jirrappreżentaw quddiem il-qrati nazzjonali l-persuna ġuridika li magħha huma marbuta permezz ta’ relazzjoni ta’ impjieg, kellhom jirrappreżentaw lil din l-istess persuna quddiem il-qrati tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Minbarra l-każijiet fejn teżisti relazzjoni ta’ impjieg, ikkaratterizzata mill-eżistenza ta’ rabta ta’ subordinazzjoni bejn il-parti u r-rappreżentant li hija qabbdet, din il-preżunzjoni ta’ indipendenza tapplika u tista’ tiġi kkonfutata biss meta minn elementi konkreti jirriżulta li jeżistu bejniethom rabtiet li jippreġudikaw manifestament il-kapaċità ta’ dan ir-rappreżentant li jiżgura l-kompitu tiegħu billi jservi bl-aħjar mod l-interessi tal-klijent tiegħu jew meta l-imsemmi rappreżentant ma josservax ir-regoli professjonali u ta’ etika nazzjonali applikabbli (ara, f’dan is-sens, is-sentenza tal‑4 ta’ Frar 2020, Uniwersytet Wrocławski u Il‑Polonja vs REA, C‑515/17 P u C‑561/17 P, EU:C:2020:73, punt 64).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">F’dan il-każ, il-Qorti Ġenerali qieset, fil-punt 16 ta’ dan id-digriet, li “il-kwalità ta’ avukati soċji fi ħdan l-uffiċċju ta’ avukati, rikorrent f’dan il-każ ma hijiex kompatibbli mar-rekwiżiti ta’ indipendenza meħtieġa biex jirrappreżentawh quddiem il-Qorti Ġenerali”. Minn dan hija ddeduċiet, fil-punt 17 tal-imsemmi digriet, li “peress li r-rikors promotur ġie ffirmat minn avukati li ma għandhomx il-kwalità ta’ terz indipendenti fil-konfront tar-rikorrent”, ir-rikors fl-ewwel istanza ma kienx ġie ppreżentat skont it-tielet u r-raba’ paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea u l-Artikolu 51(1) tar-Regoli tal-Proċedura tal-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Issa, meta avukati jkollhom, skont modalitajiet li huma konformi mal-liġijiet, mar-regoli professjonali u ta’ etika applikabbli, il-kwalità ta’ soċji fi ħdan l-uffiċċju li huma jirrappreżentaw quddiem il-qrati tal-Unjoni, dan il-fatt ma jistax fih innifsu jitqies li huwa inkompatibbli mar-rekwiżit ta’ indipendenza. Fil-fatt, minn naħa, tali ċirkustanza ma tistax tiġi assimilata ma’ dik fejn teżisti relazzjoni ta’ impjieg, fis-sens tal-ġurisprudenza mfakkra fil-punt 62 ta’ din is-sentenza. Min-naħa l-oħra, fl-assenza ta’ elementi konkreti li jistabbilixxu l-eżistenza ta’ rabtiet bejn l-uffiċċju u s-soċju li huwa ħatar bħala r-rappreżentant tiegħu, li jippreġudikaw manifestament il-kapaċità ta’ dan tal-aħħar li jiżgura l-kompitu ta’ rappreżentanza tiegħu, billi jservi bl-aħjar mod l-interessi tal-parti kkonċernata jew li l-imsemmi soċju ma josservax ir-regoli professjonali u ta’ etika nazzjonali applikabbli, il-preżunzjoni ta’ indipendenza tal-avukat soċju ma tistax titqies li ġiet ikkonfutata. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">B’hekk, peress li injorat il-portata tar-rekwiżit ta’ indipendenza li tirriżulta mill-ewwel kundizzjoni kumulattiva prevista fit-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, il-Qorti Ġenerali wettqet żball ta’ liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Fl-aħħar nett, għandu jitfakkar li, skont ġurisprudenza stabbilita, kull ċirkustanza li tirrigwarda l-ammissibbiltà tar-rikors għal annullament ippreżentat quddiem il-Qorti Ġenerali, fosthom dik dwar ir-rappreżentanza ta’ persuna ġuridika minn avukat għall-preżentata ta’ dan ir-rikors, tista’ tikkostitwixxi motiv ta’ ordni pubbliku li għandu jitqajjem ex officio mill-qorti tal-Unjoni (ara, f’dan is-sens, is-sentenzi tat‑8 ta’ Frar 2024, Pilatus Bank vs BĊE (C‑256/22 P, EU:C:2024:125, punti 34 u 36). Il-fatt li tali rikors ma ġiex ippreżentat konformement mar-rekwiżiti stabbiliti mit-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea, kif interpretat mill-ġurisprudenza tal-Qorti tal-Ġustizzja, jikkostitwixxi tali ċirkustanza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Madankollu, l-obbligu tal-qorti tal-Unjoni li tqajjem ex officio kwistjoni ta’ ordni pubbliku huwa bla ħsara għar-rispett tad-drittijiet tad-difiża. Konsegwentement, il‑qorti tal-Unjoni ma tistax, bħala prinċipju, tibbaża d‑deċiżjoni tagħha fuq punt ta’ liġi mqajjem ex officio, anki jekk ikun ta’ ordni pubbliku, mingħajr ma tistieden minn qabel lill‑partijiet sabiex jippreżentaw l‑osservazzjonijiet tagħhom fuq dan il-motiv (ara (ara, f’dan is-sens, is-sentenza tas‑17 ta’ Diċembru 2009, Eżami mill-ġdid, M vs EMEA, C‑197/09 RX‑II, EU:C:2009:804, punti 40 sa 42 u 57 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">F’dan il-każ, għandu jiġi osservat li l-Qorti Ġenerali sempliċement ikkonstatat, fil-punti 15 sa 19 tad-digriet appellat, li r-rikorrent kien uffiċċju tal-avukati li kien qabbad, sabiex jirrappreżentah, tliet avukati li kienu jeżerċitaw l-attività tagħhom fi ħdanu, bħala soċji, u minn dan tislet il-konklużjoni, żbaljata fid-dritt, li dawn l-avukati ma setgħux jirrappreżentaw lil dan l-uffiċċju f’kundizzjonijiet kompatibbli mal-Artikolu 19 tal-Istatut tal-Qorti tal-Ġustizzja tal-Unjoni Ewropea, peress li tali inkompatibbiltà ma tistax barra minn hekk, skont il-Qorti Ġenerali, tiġi rregolarizzata wara l-iskadenza tat-terminu għall-preżentata ta’ rikors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Issa, il-Qorti Ġenerali kellha tivverifika, possibbilment billi tirrikorri għall-miżuri ta’ organizzazzjoni tal-proċedura previsti fl-Artikolu 64 tar-Regoli tal-Proċedura tagħha, l-ewwel nett, jekk kienx hemm relazzjoni ta’ impjieg bejn dawn it-tliet avukati u l-uffiċċju tal-avukati, fis-sens tal-punt 65 ta’ din is-sentenza. Fl-assenza ta’ tali relazzjoni ta’ impjieg, kienu biss elementi konkreti li jistabbilixxu li r-rabtiet bejn l-uffiċċju tal-avukati u l-avukati soċji li kienu jirrappreżentawh kienu ta’ natura li jippreġudikaw manifestament il-kapaċità tagħhom li jiżguraw il-kompitu tagħhom jew li l-imsemmija avukati ma kinux josservaw ir-regoli professjonali u ta’ etika nazzjonali applikabbli, li kienu jippermettu li jiġi konkluż li kien hemm assenza ta’ indipendenza fis-sens tat-tielet paragrafu tal-Artikolu 19 tal-Istatut tal-Qorti tal-Ġustizzja tal-Unjoni Ewropea.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Barra minn hekk, konformement mal-ġurisprudenza mfakkra fil-punt 71 ta’ din is-sentenza, il-Qorti Ġenerali kellha, qabel ma tiddeċiedi dwar dan is-suġġett, tistieden lir-rikorrent jippreżenta l-osservazzjonijiet tagħha, sabiex tiġi ggarantita l-effettività tad-drittijiet tad-difiża tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Fl-aħħar nett, jekk hija qieset li r-rekwiżit ta’ indipendenza ma kienx issodisfatt, il-Qorti Ġenerali kellha, qabel ma tikkonstata l-inammissibbiltà tar-rikors, tistieden lir-rikorrent jaħtar avukat ġdid.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Fil-fatt, fid-dawl tal-gravità tal-konsegwenzi li jirriżultaw minn ksur tal-Artikolu 19 tal-Istatut tal-Qorti tal-Ġustizzja tal-Unjoni Ewropea fir-rigward tar-rikorrent, jiġifieri d-dikjarazzjoni irrimedjabbli ta’ inammissibbiltà tar-rikors tiegħu, dan għandu jkun jista’, wara li jkun seta’ jkun jaf l-elementi li jiġġustifikaw, skont il-Qorti Ġenerali, deċiżjoni ta’ inammissibbiltà u li jesprimi ruħu fuq dawn l-elementi, ikun f’pożizzjoni li jaħtar avukat ġdid.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Barra minn hekk, mill-Artikolu 78(6) tar-Regoli tal-Proċedura tal-Qorti Ġenerali, moqri flimkien mal-paragrafi 2 sa 4 tal-Artikolu 51 tagħha, jirriżulta li parti ma għandhiex tiġi ssanzjonata bl-inammissibbiltà tar-rikors tagħha, mingħajr ma tkun ġiet mistiedna minn qabel tirregolarizza s-sitwazzjoni, minħabba li r-rikors tagħha ma jissodisfax il-kundizzjonijiet stabbiliti fil-paragrafi 1 sa 5 tal-Artikolu 78. Mill-Artikolu 55(3) tal-imsemmi regolament jirriżulta wkoll li l-istess japplika minħabba aġir ta’ avukat meqjus inkompatibbli mad-dinjità tal-Qorti Ġenerali jew mal-amministrazzjoni tajba tal-ġustizzja matul il-proċedura. Fil-fatt, f’tali ipoteżijiet, dawn id-dispożizzjonijiet jiggarantixxu l-kontinwità tal-proċedura, billi jipprevedu, skont il-każ, li l-parti kkonċernata tista’ tipproduċi d-dokumenti meħtieġa jew taħtar rappreżentant ġdid, f’terminu raġonevoli stabbilit mir-Reġistru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Għandu jiġi rrilevat ukoll li l-Artikolu 21 tal-Istatut tal-Qorti tal-Ġustizzja tal-Unjoni Ewropea ma jistabbilixxix b’mod limitattiv l-ipoteżijiet ta’ regolarizzazzjoni ta’ rikors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Barra minn hekk, il-Qorti tal-Ġustizzja diġà kellha l-okkażjoni tqis, mingħajr ma dan huwa prekluż mill-Artikolu 21 tal-Istatut tal-Qorti tal-Ġustizzja tal-Unjoni Ewropea, li rikorrent għandu jiġi mistieden jirregolarizza r-rikors fil-każ ta’ preżentata ta’ rikors iffirmat mir-rikorrent stess (ara, f’dan is-sens, id-Digriet tal-5 ta’ Diċembru 1996, Lopes vs Il-Qorti tal-Ġustizzja, C‑174/96 P, EU:C:1996:473, punt 3).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">F’dan ir-rigward, kif irrileva l-Avukat Ġenerali fil-punt 108 tal-konklużjonijiet tiegħu, mill-prassi attwali tal-Istati Membri jirriżulta li, fl-ipoteżi fejn id-dritt nazzjonali jipprevedi li l-validità tal-atti proċedurali ta’ parti hija kkontestata minħabba nuqqas ta’ osservanza tar-regoli dwar ir-rekwiżit ta’ indipendenza tar-rappreżentant ta’ din il-parti, dan in-nuqqas jista’ tal-inqas ikun is-suġġett ta’ regolarizzazzjoni fil-mori tal-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Konsegwentement, it-tieni parti tat-tieni aggravju u t-tieni aggravju kollu kemm hu għandhom jintlaqgħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Għaldaqstant, mingħajr ma hemm bżonn li jiġi eżaminat it-tielet aggravju, id-digriet appellat għandu jiġi annullat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq ir-rikorsi quddiem il-Qorti Ġenerali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Skont l-ewwel paragrafu tal-Artikolu 61 tal-Istatut tal-Qorti tal-Ġustizzja tal-Unjoni Ewropea, meta l-appell ikun fondat, il-Qorti tal-Ġustizzja tista’, fil-każ ta’ annullament tad-deċiżjoni tal-Qorti Ġenerali, jew tiddeċiedi definittivament il-kawża, meta din tkun fi stat li tiġi deċiża, jew tibgħat lura l-kawża quddiem il-Qorti Ġenerali sabiex din tiddeċidiha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">F’dan il-każ, il-Qorti tal-Ġustizzja għandha l-elementi neċessarji sabiex tiddeċiedi definittivament jekk ir-rikors ġiex ippreżentat skont l-Artikolu 19 tal-Istatut tal-Qorti tal-Ġustizzja tal-Unjoni Ewropea u l-Artikolu 51(1) tar-Regoli tal-Proċedura tal-Qorti Ġenerali. Fil-fatt jidher li r-rikors ġie ppreżentat, f’isem ir-rikorrent, minn avukati li minnhom jista’ jiġi preżunt, konformement ma’ dak li ġie stabbilit fil-punt 68 ta’ din is-sentenza, li dawn jissodisfaw ir-rekwiżit ta’ indipendenza fis-sens tal-Artikolu 19 tal-Istatut tal-Qorti tal-Ġustizzja tal-Unjoni Ewropea. Peress li ebda element tal-proċess ma jippermetti li tiġi kkonfutata l-imsemmija preżunzjoni u lanqas li jiġi ddubitat li l-avukati li jirrappreżentaw lit-rikorrent jissodisfaw dan ir-rekwiżit, għandu jitqies li r-rikors jissodisfa l-imsemmi rekwiżit.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Peress li l-kumplament tal-kawża ma huwiex fi stat li jiġi deċiż, il-kawża għandha tintbagħat lura quddiem il-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Peress li l-kawża qiegħda tintbagħat lura quddiem il-Qorti Ġenerali, l-ispejjeż relatati mal-appell għandhom jiġu rriżervati.</p>
</td>
</tr>
</table>
    <p class="C41DispositifIntroduction" id="para-142" title="page-16">
      Għal dawn il-motivi, Il-Qorti tal-Ġustizzja (Awla Manja) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Id-digriet tal-Qorti Ġenerali tal-Unjoni Ewropea tal‑10 ta’ Ottubru 2022, Studio Legale Ughi e Nunziante vs EUIPO –Nunziante u Ughi (UGHI E NUNZIANTE) (T‑389/22, EU:T:2022:662), huwa annullat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">Il‑kawża hija mibgħuta lura quddiem il‑Qorti Ġenerali tal‑Unjoni Ewropea.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">L-ispejjeż huma rriżervati.</p>
</td>
</tr>
</table>
    <div class="signatures">
<p class="C77Signatures" id="para-146" title="page-16">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: it-Taljan.</p>
</body>
</html>
