European flag

Iris Oifigiúil
an Aontais Eorpaigh

GA

Sraith L


2025/2006

23.12.2025

RIALACHÁN (AE) 2025/2006 ÓN gCOIMISIÚN

an 18 Nollaig 2025

lena gceartaítear agus lena leasaítear Rialachán (AE) 2023/1670 lena leagtar síos ceanglais maidir le héicidhearthóireacht i dtaca le fóin chliste, fóin phóca nach fóin chliste iad, fóin shiúil agus ríomhairí táibléid de bhun Threoir 2009/125/CE ó Pharlaimint na hEorpa agus ón gComhairle agus lena leasaítear Rialachán (AE) 2023/826 ón gCoimisiún

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Threoir 2009/125/CE an 21 Deireadh Fómhair 2009 lena mbunaítear creat chun na ceanglais éicidhearthóireachta do tháirgí a bhaineann le fuinneamh a shocrú (1), agus go háirithe Airteagal 15(1) de,

De bharr an mhéid seo a leanas:

(1)

Le Rialachán (AE) 2023/1670 (2) ón gCoimisiún, bunaítear ceanglais maidir le héicidhearthóireacht i dtaca le fóin chliste, fóin phóca nach fóin chliste iad, fóin siúil agus ríomhairí táibléid.

(2)

Treoir 2014/34/AE ó Pharlaimint na hEorpa agus ón gComhairle (3) tugtar isteach ceanglais deartha shonracha maidir le trealamh agus córais chosanta atá beartaithe lena n-úsáid in atmaisféir a d’fhéadfadh a bheith pléascach. Dá bhrí sin, ba cheart fóin chliste, fóin phóca eile, fóin shiúil agus ríomhairí táibléid a chumhdaítear leis an Treoir sin a dhíolmhú ó Rialachán (AE) 2023/1670.

(3)

Ceanglaítear le hIarscríbhinn II a ghabhann le Rialachán (AE) 2023/1670 go gcuirfear raon páirteanna spártha ar fáil do dheisitheoirí gairmiúla nó d’úsáideoirí deiridh, agus bunaítear léi dhá amlíne seachadta uasta éagsúla maidir leis na páirteanna spártha sin: 5 lá oibre le linn na chéad 5 bliana agus 10 lá oibre le linn an 2 bhliain atá fágtha. Mar sin féin, d’fhéadfadh sé go mairfeadh an oibleagáid páirteanna spártha a sholáthar níos faide ná 7 mbliana. Dá bhrí sin, ní mór an earráid sin a cheartú. Ós rud é go ndéanann an earráid difear do na táirgí uile a chumhdaítear leis an Rialachán, ní mór an ceartúchán céanna a dhéanamh maidir le gach grúpa táirgí i gCodanna A go D, roinn 1.1, pointe (3), den Iarscríbhinn sin.

(4)

Le hIarscríbhinn II a ghabhann le Rialachán (AE) 2023/1670, bunaítear ceanglais éagsúla díchóimeála le haghaidh codanna éagsúla den táirge. Tá earráid ann maidir leis na ceanglais chun cóimeáil na taispeána a athsholáthar, earráid a cuireadh san áireamh go hearráideach in dhá chuid ar leith de na ceanglais. Ar mhaithe le soiléireacht agus comhsheasmhacht, ní mór an earráid sin i gcodanna A, B agus D, roinn 1.1, pointe (5), den Iarscríbhinn sin a cheartú. Baineann an rud céanna le cuid C, roinn 2.1, pointe (5) i gcás ina n-áirítear cóimeáil na taispeána i bpointí (a) agus (c); dá bhrí sin, ní mór pointe (c) a scriosadh.

(5)

Le hAirteagal míreanna 1 go 4 de Rialachán (AE) 2024/1781 (4) ó Pharlaimint na hEorpa agus ón gComhairle téitear i ngleic le teacht timpeall ar bhealach cuimsitheach agus tá feidhm ag na táirgí a chumhdaítear le Rialachán (AE) 2023/1670 ó tháinig Rialachán (AE) 2024/1781 i bhfeidhm. Dá bhrí sin, níl feidhm le hAirteagal 6 de Rialachán 2023/1670 a thuilleadh agus ba cheart é a scriosadh.

(6)

Ba cheart, dá bhrí sin, Rialachán (AE) 2023/1670 a leasú dá réir.

(7)

Ba cheart feidhm a bheith ag an Rialachán seo ón 20 Meitheamh 2025 chun deimhneacht dhlíthiúil a sholáthar maidir le dáta chur i bhfeidhm na gceanglas maidir le héicidhearthóireacht faoi Rialachán (AE) 2023/1670.

(8)

Tá na bearta dá bhforáiltear sa Rialachán seo i gcomhréir leis an tuairim ón gCoiste a bunaíodh le hAirteagal 19(1) de Threoir 2009/125/CE,

TAR ÉIS AN RIALACHÁN SEO A GHLACADH:

Airteagal 1

Leasaítear Rialachán (AE) 2023/1670 mar a leanas:

(1)

in Airteagal 1(2), cuirtear an mhír seo a leanas isteach:

‘(c)

fóin chliste, fóin phóca eile, fóin shiúil agus ríomhairí táibléid atá beartaithe lena n-úsáid in atmaisféir a d’fhéadfadh a bheith pléascach agus a chumhdaítear le Treoir 2014/34/AE.’

(2)

Scriostar Airteagal 6.

(3)

In Airteagal 9, cuirtear an méid seo a leanas in ionad an dara mír:

‘trealamh eile chun fuaim nó íomhánna a thaifeadadh nó a atáirgeadh, lena n-áirítear comharthaí nó teicneolaíochtaí eile chun fuaim agus íomhá a dháileadh seachas trí theileachumarsáid, ach cé is moite de thaispeántais leictreonacha a chumhdaítear le Rialachán (AE) 2023/1670, agus teilgeoirí a bhfuil sásraí acu chun na lionsaí a mhalartú le lionsaí eile a bhfuil fad fócasach éagsúil acu.’.

Airteagal 2

Ceartaítear Iarscríbhinn II agus IV a ghabhann le Rialachán (AE) 2023/1670 i gcomhréir leis an Iarscríbhinn a ghabhann leis an Rialachán seo.

Airteagal 3

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 20 Meitheamh 2025.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 18 Nollaig 2025.

Thar ceann an Choimisiúin

An tUachtarán

Ursula VON DER LEYEN


(1)   IO L 285, 31.10.2009, lch. 10, ELI: http://data.europa.eu/eli/dir/2009/125/oj.

(2)  Le Rialachán (AE) 2023/1670 ón gCoimisiún an 16 Meitheamh 2023 lena leagtar síos ceanglais maidir le héicidhearthóireacht i dtaca le fóin chliste, fóin phóca nach fóin chliste iad, fóin shiúil agus ríomhairí táibléid de bhun Threoir 2009/125/CE ó Pharlaimint na hEorpa agus ón gComhairle agus lena leasaítear Rialachán (AE) 2023/826 ón gCoimisiún (IO L 214, 31.08.2023, lch. 47, ELI: http://data.europa.eu/eli/reg/2023/1670/oj).

(3)  Treoir 2014/34/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát a bhaineann le trealamh agus córais chosanta atá ceaptha lena n-úsáid in atmaisféir a d’fhéadfadh a bheith pléascach (IO L 96, 29.3.2014, lch. 309, ELI: http://data.europa.eu/eli/dir/2014/34/oj).

(4)  Rialachán (AE) 2024/1781 ó Pharlaimint na hEorpa agus ón gComhairle an 13 Meitheamh 2024 lena mbunaítear creat chun ceanglais éicidhearthóireachta le haghaidh táirgí inbhuanaithe a shocrú, lena leasaítear Treoir (AE) 2020/1828 agus Rialachán (AE) 2023/1542 agus lena n-aisghairtear Treoir 2009/125/CE (IO L, 2024/1781, 28.6.2024, ELI: http://data.europa.eu/eli/reg/2024/1781/oj).


IARSCRÍBHINN

Leasaítear Iarscríbhinní II agus IV a ghabhann le Rialachán (AE) 2023/1670 mar a leanas:

A.   

Leasaítear Iarscríbhinn II mar a leanas:

(1)

I gCuid A, leasaítear roinn 1.1 mar a leanas:

(a)

i bpointe (3), cuirtear an méid seo a leanas in ionad phointe (a):

‘(a)

áiritheoidh monaróirí, allmhaireoirí nó ionadaithe údaraithe:

(i)

le linn na chéad 5 bliana den tréimhse dá dtagraítear i bpointí 1(a) agus (c), seachadtar páirteanna spártha laistigh de 5 lá oibre tar éis tar éis dóibh an t-ordú a fháil;

(ii)

le linn na mblianta atá fágtha den tréimhse dá dtagraítear i bpointí 1(a) agus (c), seachadtar páirteanna spártha laistigh de 10 lá oibre tar éis tar éis dóibh an t-ordú a fháil.’

(b)

i bpointe (5), cuirtear an méid seo a leanas in ionad phointe (b):

‘(b)

Ón 20 Meitheamh 2025, áiritheoidh monaróirí, allmhaireoirí nó ionadaithe údaraithe go gcomhlíonfar leis an bpróiseas le haghaidh athsholáthar páirteanna dá dtagraítear i bpointe 1(c), cé is moite den cheallra nó de na ceallraí, na critéir seo a leanas:

(i)

beidh ceanglóirí inbhainte, athsholáthartha nó in-athúsáide;

(ii)

beidh an próiseas le haghaidh athsholáthair indéanta gan aon uirlis, le huirlis nó le tacar uirlisí a sholáthraítear leis an táirge nó leis an bpáirt spártha, nó le bunuirlisí;

(iii)

beifear in ann an próiseas le haghaidh athsholáthair a dhéanamh i dtimpeallacht úsáide;

(iv)

beidh gnáthdhuine in ann an próiseas le haghaidh athsholáthair a dhéanamh.’

(2)

I gCuid B, leasaítear roinn 1.1 mar a leanas:

(a)

i bpointe (3), cuirtear an méid seo a leanas in ionad phointe (a):

‘(a)

áiritheoidh monaróirí, allmhaireoirí nó ionadaithe údaraithe:

(i)

le linn na chéad 5 bliana den tréimhse dá dtagraítear i bpointí 1(a) agus (c), seachadtar páirteanna spártha laistigh de 5 lá oibre tar éis tar éis dóibh an t-ordú a fháil;

(ii)

le linn na mblianta atá fágtha den tréimhse dá dtagraítear i bpointí 1(a) agus (c), seachadtar páirteanna spártha laistigh de 10 lá oibre tar éis tar éis dóibh an t-ordú a fháil.’

(b)

i bpointe (5), cuirtear an méid seo a leanas in ionad phointe (b):

‘(b)

Ón 20 Meitheamh 2025, áiritheoidh monaróirí, allmhaireoirí nó ionadaithe údaraithe go gcomhlíonfar leis an bpróiseas le haghaidh athsholáthar páirteanna dá dtagraítear i bpointe 1(c), cé is moite den cheallra nó de na ceallraí, na critéir seo a leanas:

(i)

beidh ceanglóirí inbhainte, athsholáthartha nó in-athúsáide;

(ii)

beidh an próiseas le haghaidh athsholáthair indéanta gan aon uirlis, le huirlis nó le tacar uirlisí a sholáthraítear leis an táirge nó leis an bpáirt spártha, nó le bunuirlisí;

(iii)

beifear in ann an próiseas le haghaidh athsholáthair a dhéanamh i dtimpeallacht úsáide;

(iv)

beidh gnáthdhuine in ann an próiseas le haghaidh athsholáthair a dhéanamh.’

(3)

I gCuid C, leasaítear roinn 2.1 mar a leanas:

(a)

i bpointe (3), cuirtear an méid seo a leanas in ionad phointe (a):

‘(a)

áiritheoidh monaróirí, allmhaireoirí nó ionadaithe údaraithe:

(i)

le linn na chéad 5 bliana den tréimhse dá dtagraítear i bpointí 1(a) agus (c), seachadtar páirteanna spártha laistigh de 5 lá oibre tar éis tar éis dóibh an t-ordú a fháil;

(ii)

le linn na mblianta atá fágtha den tréimhse dá dtagraítear i bpointí 1(a) agus (c), seachadtar páirteanna spártha laistigh de 10 lá oibre tar éis tar éis dóibh an t-ordú a fháil.’

(b)

i bpointe (5), scriostar pointe (c).

(4)

I gCuid D, ceartaítear roinn 1.1 mar a leanas:

(a)

i bpointe (3), cuirtear an méid seo a leanas in ionad phointe (a):

‘(a)

áiritheoidh monaróirí, allmhaireoirí nó ionadaithe údaraithe:

(i)

le linn na chéad 5 bliana den tréimhse dá dtagraítear i bpointí 1(a) agus (c), seachadtar páirteanna spártha laistigh de 5 lá oibre tar éis tar éis dóibh an t-ordú a fháil;

(ii)

le linn na mblianta atá fágtha den tréimhse dá dtagraítear i bpointí 1(a) agus (c), seachadtar páirteanna spártha laistigh de 10 lá oibre tar éis tar éis dóibh an t-ordú a fháil.’

(b)

i bpointe (5), cuirtear an méid seo a leanas in ionad phointe (b):

‘(b)

Ón 20 Meitheamh 2025, áiritheoidh monaróirí, allmhaireoirí nó ionadaithe údaraithe go gcomhlíonfar leis an bpróiseas le haghaidh athsholáthar páirteanna dá dtagraítear i bpointe 1(c), cé is moite den cheallra nó de na ceallraí, na critéir seo a leanas:

(i)

beidh ceanglóirí inbhainte, athsholáthartha nó in-athúsáide;

(ii)

beidh an próiseas le haghaidh athsholáthair indéanta gan aon uirlis, le huirlis nó le tacar uirlisí a sholáthraítear leis an táirge nó leis an bpáirt spártha, nó le bunuirlisí;

(iii)

beifear in ann an próiseas le haghaidh athsholáthair a dhéanamh i dtimpeallacht úsáide;

(iv)

beidh gnáthdhuine in ann an próiseas le haghaidh athsholáthair a dhéanamh.’

B.   

Leasaítear Iarscríbhinn IV mar a leanas:

Cuirtear an méid seo a leanas in ionad mhír 2:

‘I gcás nach bhfuil múnla i gcomhréir leis na ceanglais a leagtar síos in Airteagal 40, míreanna 1 go 4, de Rialachán (AE) 2024/1781, measfar nach bhfuil an múnla agus na múnlaí coibhéiseacha uile comhlíontach.’


ELI: http://data.europa.eu/eli/reg/2025/2006/oj

ISSN 1977-0839 (electronic edition)