Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/1278 |
26.6.2025 |
RIALACHÁN CUR CHUN FEIDHME (AE) 2025/1278 ÓN gCOMHAIRLE
an 26 Meitheamh 2025
lena gcuirtear chun feidhme Rialachán (AE) 2024/2642 maidir le bearta sriantacha i bhfianaise ghníomhaíochtaí díchobhsaitheacha na Rúise
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2024/2642 ón gComhairle an 8 Deireadh Fómhair 2024 maidir le bearta sriantacha i bhfianaise ghníomhaíochtaí díchobhsaitheacha (1) na Rúise, agus go háirithe Airteagal 13(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 8 Deireadh Fómhair 2024, ghlac an Chomhairle Rialachán (AE) 2024/2642. |
|
(2) |
Tá an tAontas fós diongbháilte agus gníomhaíochtaí urchóideacha na Rúise atá dírithe ar an Aontas, ar a Bhallstáit, ar eagraíochtaí idirnáisiúnta agus ar thríú tíortha á gcáineadh aige. |
|
(3) |
I bhfianaise a thromchúisí atá an staid, measann an Chomhairle gur cheart duine nádúrtha amháin a chur le liosta na ndaoine nádúrtha agus dlítheanacha, na n-eintiteas agus na gcomhlachtaí a leagtar amach in Iarscríbhinn I a ghabhann le Rialachán (AE) 2024/2642. |
|
(4) |
Dá bhrí sin, ba cheart Rialachán (AE) 2024/2642 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) 2024/2642 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm ar dháta a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 26 Meitheamh 2025.
Thar ceann na Comhairle
An tUachtarán
A. SZŁAPKA
(1) IO L, 2024/2642, 9.10.2024, ELI: http://data.europa.eu/eli/reg/2024/2642/oj.
IARSCRÍBHINN
Cuirtear an iontráil seo a leanas isteach in Iarscríbhinn I a ghabhann le Rialachán (AE) 2024/2642, faoin gceannteideal ‘A. Daoine Nádúrtha’:
|
|
Ainm |
Faisnéis aitheantais |
Ráiteas ar chúiseanna |
Dáta an liostaithe |
|
‘38. |
Nathalie YAMB |
Dáta breithe: 22.7.1969 Áit bhreithe: La Chaux-de-Fonds, an Eilvéis Náisiúntacht: Eilvéiseach agus Camarúnach Inscne: baineann |
Is tionchaire meán sóisialta í Nathalie Yamb. Ó bhí cruinniú mullaigh Sochi ann in 2019, inar ghlac sí páirt, tá Nathalie Yamb ag tacú go neamhbhalbh leis an Rúis, tá teanga Mhoscó glactha aici agus bíonn sí ag díriú go háirithe ar an bhFrainc agus ar an Iarthar, d’fhonn iad a ruaigeadh ó mhór-roinn na hAfraice. Tá naisc shonracha aici le AFRIC, eagraíocht atá bainteach le cuideachtaí míleata príobháideacha na Rúise. Dá bhrí sin, tá Nathalie Yamb ag tacú le gníomhaíochtaí nó beartais atá inchurtha i leith Rialtas Chónaidhm na Rúise lena mbaintear an bonn den daonlathas, den smacht reachta, den chobhsaíocht nó den tslándáil san Aontas nó ina Bhallstáit, nó ar bagairt iad na gníomhaíochtaí nó beartais sin ar an méid sin, trí ionramháil ar fhaisnéis a úsáid. |
26.6.2025’. |
ELI: http://data.europa.eu/eli/reg_impl/2025/1278/oj
ISSN 1977-0839 (electronic edition)