(1)

An 7 Iúil 2003, chomhaontaigh an Chomhairle Ionadaí Speisialta an Aontais Eorpaigh (ISAE) a cheapadh do Chugas Theas agus don ghéarchéim sa tSeoirsia.

(2)

An 13 Samhain 2017, ghlac an Chomhairle Cinneadh (CBES) 2017/2071 (1). lena gceapadh Toivo KLAAR ina ISAE do Chugas Theas agus don ghéarchéim sa tSeoirsia.

(3)

An 20 Iúil 2023, ghlac an Chomhairle Cinneadh (CBES) 2023/1528 ón gComhairle (2) lena gcuireadh síneadh le sainordú Toivo KLAAR mar ISAE do Chugas Theas agus don ghéarchéim sa tSeoirsia. Tá sainordú ISAE le dul in éag an 31 Lúnasa 2024.

(4)

Ba cheart Magdalena GRONO a cheapadh mar ISAE do Chugas Theas agus don ghéarchéim sa tSeoirsia don tréimhse ón 1 Meán Fómhair 2024 go dtí an 31 Lúnasa 2025.

(5)

Cuirfidh ISAE an sainordú chun feidhme i gcomhthéacs staid a d’fhéadfadh dul in olcas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach in Airteagal 21 den Chonradh,

(a)

i gcomhréir leis na sásraí atá ann cheana chun coinbhleachtaí a chosc sa réigiún, rannchuidiú le réiteach síochánta ar choinbhleachtaí sa réigiún, lena n-áirítear an ghéarchéim sa tSeoirsia agus an próiseas normalaithe idir an Airméin agus an Asarbaiseáin, chun tacú le réiteach mar sin a chur chun feidhme i gcomhréir le prionsabail an dlí idirnáisiúnta;

(b)

teagmháil chuiditheach a dhéanamh leis na príomhghníomhaithe leasmhara maidir leis an réigiún;

(c)

tuilleadh comhair idir an Airméin, an Asarbaiseáin, an tSeoirsia agus, de réir mar is iomchuí, a dtíortha comharsanachta a spreagadh agus tacú leis an gcomhar sin;

(d)

éifeachtacht agus infheictheacht an Aontais sa réigiún a fheabhsú.

(a)

teagmhálacha a fhorbairt le rialtais, le parlaimintí, le príomhghníomhaithe polaitiúla eile agus leis an tsochaí shibhialta sa réigiún;

(b)

na tíortha sa réigiún a spreagadh chun comhoibriú le chéile agus an comhar sin a éascú maidir le téamaí leasa choitinn, mar atá bagairtí comhchoiteanna slándála, comhrac na sceimhlitheoireachta, na gáinneála aindleathaí agus na coireachta eagraithe; comhar trasteorann a spreagadh agus a éascú i gcás inarb indéanta chun aghaidh a thabhairt ar riachtanais áitiúla agus muinín agus athmhuintearas a chothú;

(c)

rannchuidiú le réiteach síochánta coinbhleachtaí i gcomhréir le prionsabail an dlí idirnáisiúnta agus cur chun feidhme an tsocraithe sin a éascú i ndlúthchomhar leis na Náisiúin Aontaithe agus le ESCE;

(d)

maidir leis an ngéarchéim sa tSeoirsia:

(e)

maidir leis an bpróiseas normalaithe idir an Airméin agus an Asarbaiseáin:

(f)

forbairt agus cur chun feidhme beart cothaithe muiníne a éascú, ag comhordú le saineolas na mBallstát i gcás ina mbeidh sin ar fáil agus inarb iomchuí;

(g)

iarrachtaí cuimsitheacha chun síocháin a chothú laistigh de na sochaithe a éascú agus cuidiú leo d’fhonn na coinbhleachtaí a shárú agus an tsíocháin a chomhdhlúthú;

(h)

cúnamh a thabhairt maidir le hionchur ón Aontas a ullmhú, de réir mar is iomchuí, i ndáil le réiteach féideartha coinbhleachta;

(i)

idirphlé an Aontais leis na príomhghníomhaithe lena mbaineann a threisiú maidir leis an réigiún;

(j)

cabhrú leis an Aontas forbairt bhreise a dhéanamh ar bheartas cuimsitheach i dtaobh Chugas Theas, go háirithe maidir le teorainneacha agus bealaí cumarsáide a oscailt;

(k)

faoi chuimsiú na ngníomhaíochtaí a leagtar amach san Airteagal seo, rannchuidiú le cur chun feidhme bheartas an Aontais um chearta an duine agus Threoirlínte an Aontais maidir le Cearta an Duine, go háirithe a mhéid a bhaineann le leanaí agus mná i limistéir ina bhfuil coinbhleachtaí, go háirithe trí fhaireachán a dhéanamh ar fhorbairtí ina leith sin agus trí aghaidh a thabhairt orthu.

(a)

plean slándála sonrach a bhunú a bheidh bunaithe ar threoir ó SEGS, lena n-áirítear bearta slándála sonracha fisiciúla, eagraíochtúla agus nós imeachta, lena rialaítear bainistiú ar ghluaiseacht shlán pearsanra chuig an limistéar freagrachta agus laistigh de, chomh maith le bainistiú teagmhas slándála agus lena bhforáiltear do phlean teagmhais agus aslonnaithe;

(b)

a áirithiú go gcumhdófar an pearsanra uile a imscartar lasmuigh den Aontas le hárachas ardriosca mar a cheanglaítear leis na dálaí i limistéar na freagrachta;

(c)

a áirithiú go mbeidh oiliúint slándála iomchuí faighte ag foireann ISAE a bheidh le himscaradh lasmuigh den Aontas, lena n-áirítear pearsanra a bheidh ar conradh go háitiúil, roimh theacht i limistéar na freagrachta nó ar theacht isteach sa limistéar sin dóibh, bunaithe ar na rátálacha riosca arna sannadh ag SEGS don limistéar sin;

(d)

a áirithiú go ndéanfar na moltaí comhaontaithe uile, a dhéantar tar éis measúnuithe tráthrialta slándála, a chur chun feidhme agus tuarascálacha i scríbhinn a chur ar fáil don Chomhairle, don Ardionadaí agus don Choimisiún maidir lena gcur chun feidhme agus maidir le saincheisteanna slándála eile faoi chuimsiú na tuarascála ar dhul chun cinn agus na tuarascála ar chur chun feidhme an tsainordaithe.