2006R1463 — MT — 01.01.2007 — 000.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
REGOLAMENT TAL-KUNSILL (KE) Nru 1463/2006 tad-19 ta’ Ġunju 2006 (ĠU L 277, 9.10.2006, p.1) |
Ikkoreġut b'
REGOLAMENT TAL-KUNSILL (KE) Nru 1463/2006
tad-19 ta’ Ġunju 2006
li jadatta r-Regolament (KE) Nru 1698/2005 dwar sostenn għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) sabiex jittieħed kont ta' l-adeżjoni tar-Repubblika tal-Bulgarija u tar-Rumanija ma' l-Unjoni Ewropea
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea,
Wara li kkunsidra l-Att ta' Adeżjoni tal-Bulgarija u tar-Rumanija, iffirmat fil-Lussemburgu fil-25 ta' April 2005, u b'mod partikolari l-Artikolu 4(3) tiegħu,
Wara li kkunsidra l-Att ta' Adeżjoni tal-Bulgarija u tar-Rumanija, u b'mod partikolari l-Artikolu 56 tiegħu,
Wara li kkunsidra l-proposta tal-Kummissjoni,
Billi:|
(1) |
Ir-Regolament tal-Kunsill (KE) Nru 1698/2005 ( 1 ) introduċa regoli ġenerali li jirregolaw is-sostenn Komunitarju għall-politika ta' l-iżvilupp rurali għall-perjodu ta' programmazzjoni 2007 sa l-2013 u stabbilixxa prijoritajiet u miżuri għall-iżvilupp rurali. |
|
(2) |
Dawk ir-regoli u miżuri ġenerali għandhom jiġu adattati sabiex tkun possibbli l-implementazzjoni tagħhom fil-Bulgarija u fir-Rumanija mid-data ta' l-adeżjoni ta' dawk iż-żewġ pajjiżi ma' l-Unjoni Ewropea. |
|
(3) |
Ir-Regolament (KE) Nru 1698/2005 jistabbilixxi assi Leader obbligatorju fi ħdan il-programm ta' żvilupp rurali, li għandu jirrappreżenta perċentwali minima ta' kontribut mill-FAEŻR lill-programm. Minħabba n-nuqqas ta' esperjenza tal-Bulgarija u tar-Rumanija fl-implementazzjoni ta' l-approċċ Leader u sabiex tinbena il-kapaċità lokali meħtieġa sabiex jiġi applikat il-Leader, il-kontribut finanzjarju medju ta' 2,5 % previst għall-assi Leader għandu jiġi applikat għall-perjodu 2010–2013 għal dawk il-pajjiżi. |
|
(4) |
Sabiex il-Bulgarija u r-Rumanija jkunu jistgħu jibbenefikaw sa l-2013 mill-miżuri transizzjonali li jikkonċernaw is-sostenn lil azjendi agrikoli ta' semi-sussistenza u t-twaqqif ta' gruppi ta' produtturi, il-Bulgarija u r-Rumanija għandhom jiżdiedu mal-lista ta' pajjiżi li jibbenefikaw minn dawn il-miżuri. |
|
(4a) |
Bl-għan li jingħataw lill-Bulgarija u lir-Rumanija l-istess benefiċċji li ngħataw lill-Istati Membri li ngħaqdu mal-Komunità fl-1 ta' Mejju 2004 relattivament għall-intensità massima ta' għajnuna għall-investimenti magħmula sabiex jiġu sodisfatti r-rekwiżiti tad-Direttiva tal-Kunsill 91/676/KEE tat-12 ta' Diċembru 1991 dwar il-protezzjoni ta' l-ilma kontra t-tniġġis ikkawżat min-nitrati minn sorsi agrikoli ( 2 ), il-Bulgarija u r-Rumanija għandhom jiżdiedu mal-lista ta' pajjiżi li jibbenefikaw mir-rata massima ta' 75 %. |
|
(5) |
Għalhekk ir-Regolament (KE) Nru 1698/2005 għandu jiġi emendat skond il-każ, |
ADOTTA DAN IR-REGOLAMENT:
Artikolu 1
Regolament (KE) Nru 1698/2005 għandu jiġi emendat kif ġej:
1) Is-subparagrafu li ġej għandu jiżdied ma' l-Artikolu 17(2):
“Għall-Bulgarija u għar-Rumanija, għandha tiġi rispettata medja ta' għall-inqas 2,5 % tal-kontribut totali ta' l-FAEŻR għall-assi 4 matul il-perjodu 2010–2013. Kwalunkwe kontribut mill-FAEŻR għal dak l-assi matul il-perijodu 2007–2009 għandu jitqies għall-kalkolu ta' dik il-perċentwali.”
.2) Il-kliem introduttiv fl-Artikolu 20(d) għandu jiġi sostitwit b'dan li ġej:
“miżuri transizzjonali għall-Bulgarija, għar-Repubblika Ċeka, għall-Estonja, għall-Ċipru, għal-Latvja, għal-Litwanja, għall-Ungerija, għall-Malta, għall-Polonja, għar-Rumanija, għas-Slovenja u għas-Slovakkja dwar:”
.3) fir-raba' kolonna ta' l-Anness, fil-linji li jirrelataw ma' l-Artikolu 26(2), is-sitt paragrafu għandu jiġi sostitwit b'dan li ġej:
“Ta' l-ammont ta' investiment eliġibbli fl-Istati Membri li ngħaqdu mal-Komunità fl-1 ta' Mejju 2004, u fil-Bulgarija u r-Rumanija, għall-implimentazzjoni tad-Direttiva tal-Kunsill 91/676/KEE (1) f'perjodu massimu ta' erba' snin mid-data ta' l-Adeżjoni skond l-Artikoli 3(2) u 5(1) ta' dik id-Direttiva.
.Artikolu 2
Dan ir-Regolament għandu jidħol fis-seħħ fl-1 ta' Jannar 2007 suġġett għad-dħul fis-seħħ tat-Trattat ta' l-Adeżjoni tal-Bulgarija u tar-Rumanija.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
( 1 ) ĠU L 277, 21.10.2005, p. 1.
( 2 ) ĠU L 375, 31.12.1991, p. 1. Direttiva kif emendata mir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).