L_2021050GA.01000101.xml

RIALACHÁN CUR CHUN FEIDHME (AE) 2021/170 ÓN gCOIMISIÚN

an 9 Feabhra 2021

maidir le haicmiú earraí áirithe san Ainmníocht Chomhcheangailte

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (1), agus go háirithe Airteagal 57(4) agus Airteagal 58(2) de,

De bharr an mhéid seo a leanas:

(1)	Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo.

(2)

Le Rialachán (CEE) Uimh. 2658/87 leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann breis foranna léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm.

(3)	De bhun na rialacha ginearálta sin, ba cheart na hearraí a bhfuil tuairisc orthu i gcolún (1) den tábla a leagtar amach san Iarscríbhinn a aicmiú faoin gcód CN a luaitear i gcolún (2), de bhua na gcúiseanna a leagtar amach i gcolún (3) den tábla sin.

(4)

Is iomchuí a fhoráil, i ndáil le faisnéis taraife cheangailteach arna heisiúint i leith na n-earraí a bhaineann leis an Rialachán seo ar faisnéis í nach bhfuil i gcomhréir leis an Rialachán seo, go bhféadfaidh an sealbhóir, ar feadh tréimhse áirithe, leanúint den fhaisnéis sin a agairt i gcomhréir le hAirteagal 34(9) de Rialachán (AE) Uimh. 952/2013. Ba cheart an tréimhse sin a shocrú ag 3 mhí.

(5)	Tá na bearta dá bhforáiltear sa Rialachán seo i gcomhréir le tuairim an Choiste um an gCód Custaim,

TAR ÉIS AN RIALACHÁN SEO A GHLACADH:

Airteagal 1

Na hearraí a ndéantar tuairisc orthu i gcolún (1) den tábla a leagtar amach san Iarscríbhinn, aicmeofar iad faoi chuimsiú na hAinmníochta Comhcheangailte faoin gcód CN a luaitear i gcolún (2) den tábla sin.

Airteagal 2

Féadfar leanúint d’fhaisnéis taraife cheangailteach nach bhfuil i gcomhréir leis an Rialachán seo a agairt i gcomhréir le hAirteagal 34(9) de Rialachán (AE) Uimh. 952/2013 go ceann tréimhse 3 mhí ó dháta theacht i bhfeidhm an Rialacháin seo.

Airteagal 3

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 9 Feabhra 2021.

Thar ceann an Choimisiúin,

Ar son an Uachtaráin,

Gerassimos THOMAS

An tArd-Stiúrthóir

Ard-Stiúrthóireacht an Chánachais agus an Aontais Chustaim

(1) IO L 269, 10.10.2013, lch. 1.

(2) Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1).

IARSCRÍBHINN

Tuairisc ar na hearraí

Aicmiú (Cód-CN)

Cúiseanna

(1)

(2)

(3)

Buidéal de dhéanamh gloine a dhéantar go meicniúil, i gcruth blaosc cinn, thart ar 9,5 cm ar airde, ag a bhfuil toilleadh ainmniúil 180 ml. Tá muineál gearr ar an mbuidéal (thart ar 1,5 cm ar a fhad agus an oscailt 2 cm ar thrastomhas) agus stoipéad neamhshéalaithe de dhéanamh coirc, a luíonn go scaoilte in oscailt an bhuidéil.

Féach an íomhá (*1).

7013 49 99

Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte agus le foclaíocht na gcód CN 7013 , 7013 49 agus 7013 49 99 .

De bhun a shaintréithe oibiachtúla (cruth sonrach an earra, luíonn an stoipéad go scaoilte i muineál an bhuidéil; dúnadh neamhshéalaithe de dhéanamh coirc), níl an t-earra ceaptha le haghaidh úsáid choitianta tráchtála chun earraí a iompar nó a phacáil de réir bhrí cheannteideal 7010 . Níl an dúnadh de dhéanamh coirc oiriúnach lena áirithiú nach siltear nó nach ndoirtfear a bhfuil san earra le linn iompair. De bharr dhearadh an bhuidéil agus an stoipéid a luíonn go scaoilte tá an t-earra cosúil le deacantar nó cruibhéad ola nó fínéagair, ar earraí iad de chineál a úsáidtear mar earraí gloine boird nó cistine agus atá eisiata ó cheannteideal 7010 (féach freisin Nótaí Míniúcháin an Chórais Chomhchuibhithe (NMCC) ar cheannteideal 7010 , an chéad mhír agus eisiamh an chúigiú mír (c), agus an NMCC ar cheannteideal 7013 , an chéad mhír (1)). Dá réir sin, eisiatar an t-aicmiú faoi cheannteideal 7010 mar bhuidéal gloine, de chineál a úsáidtear chun earraí a iompar nó a phacáil.

Dá bhrí sin, tá an t-earra le haicmiú faoi chód CN 7013 49 99 mar earra gloine de chineál a úsáidtear mar earra boird, cistine nó earra comhchosúil (seachas an méid a luaitear faoi cheannteideal 7010 nó 7018 ).

(*1) Le haghaidh faisnéis amháin atá an íomhá.