|
15.4.2020 |
MT |
Il-Ġurnal Uffiċjali tal-Unjoni Ewropea |
L 116/3 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/524
tat-8 ta’ April 2020
li jħassar ir-Regolament ta’ Implimentazzjoni (UE) Nru 863/2013 dwar il-klassifikazzjoni ta’ ċerti oġġetti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 57(4) u l-Artikolu 58(2) tiegħu,
Billi:
|
(1) |
Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni ta’ ċerti prodotti. |
|
(2) |
Permezz tar-Regolament ta’ Implimentazzjoni tal-Kummissjoni (UE) Nru 863/2013 (3), prodott li jikkonsisti minn ċirkwit integrat monolitiku u kristall kwarz imwaħħlin flimkien fuq qafas tal-metall u integrati f’qafas tal-plastik, il-prodott jintuża f’diversi apparati bħala sors ta’ sinjal ta’ arloġġ biex jiġu determinati intervalli ta’ ħin, ġie kklassifikat taħt il-kodiċi tan-NM 9114 90 00 bħala partijiet oħra ta’ arloġġi tal-polz jew ta’ arloġġi. Il-klassifikazzjoni taħt l-intestatura 8542 kienet eskluża minħabba li l-prodott fih kemm ċirkwit integrat monolitiku kif ukoll kristall kwarz. |
|
(3) |
Permezz tar-Regolament ta’ Implimentazzjoni tal-Kummissjoni (UE) 2016/1821 (4), id-definizzjoni ta’ ċirkwiti integrati elettroniċi stabbilita għall-għanijiet tal-intestaturi 8541 u 8542 fin-Nota 9(b) tal-Kapitolu 85 tan-Nomenklatura Magħquda twessgħet biex tkun tinkludi ċ-ċirkwiti integrati b’ħafna komponenti kif iddefinit fil-punt (4) tan-Nota 9(b) tal-Kapitolu 85, b’effett mill-1 ta’ Jannar 2017. B’riżultat ta’ dan, l-oġġetti fil-kamp ta’ applikazzjoni tar-Regolament ta’ Implimentazzjoni tal-Kummissjoni (UE) Nru 863/2013 iridu jiġu kklassifikati taħt l-intestatura 8542 bħala ċirkuwit integrat elettroniku. |
|
(4) |
Għalhekk jenħtieġ li r-Regolament ta’ Implimentazzjoni (UE) Nru 863/2013 jitħassar biex jiġu evitati diverġenzi potenzjali fil-klassifikazzjoni tariffarja ta’ tali oġġetti u biex tiġi żgurata l-applikazzjoni uniformi tan-Nomenklatura Magħquda fl-Unjoni. |
|
(5) |
Il-miżuri stipulati f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Ir-Regolament ta’ Implimentazzjoni (UE) Nru 863/2013 jitħassar.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ April 2020.
Għall-Kummissjoni
F’isem il-President,
Stephen QUEST
Direttur Ġenerali
Id-Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament tal-Kunsill (KEE) Nru 2658/87, tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).
(3) Ir-Regolament ta’ Implimentazzjoni tal-Kummissjoni (UE) Nru 863/2013 tal-5 ta’ Settembru 2013 dwar il-klassifikazzjoni ta’ ċerti prodotti fin-Nomenklatura Magħquda (ĠU L 240, 7.9.2013, p. 17).
(4) Ir-Regolament ta’ Implimentazzjoni tal-Kummissjoni (UE) 2016/1821, tas-6 ta’ Ottubru 2016, li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 294, 28.10.2016, p. 1).