(1)

An 12 Nollaig 2019, rinne Pioneer Overseas Corporation, atá lonnaithe sa Bheilg, iarratas a chur isteach, thar ceann Pioneer Hi-Bred International, Inc., atá lonnaithe sna Stáit Aontaithe, chuig údarás inniúil náisiúnta na hÍsiltíre (“an t-iarratas”) maidir le bianna, comhábhair bhia agus beatha ina bhfuil, arb í atá iontu nó a tháirgtear as arbhar Indiach géinmhodhnaithe NK603 × T25 × DAS-40278-9 a chur ar an margadh, i gcomhréir le hAirteagail 5 agus 17 de Rialachán (CE) Uimh. 1829/2003. Cumhdaíodh san iarratas freisin táirgí ina bhfuil nó arb í atá iontu arbhar Indiach géinmhodhnaithe NK603 × T25 × DAS-40278-9 a chur ar an margadh le haghaidh úsáidí seachas bia agus beatha, cé is moite de shaothrú.

(2)

Ina theannta sin, cumhdaíodh san iarratas táirgí ina bhfuil, arb é atá iontu, nó a tháirgtear as trí fho-chumasc de na teagmhas trasfhoirmithe arb éard iad arbhar Indiach NK603 × T25 × DAS-40278-9, NK603 ×T25, NK603 × DAS-40278-9 agus T25 × DAS-40278-9 a chur ar an margadh. Áirítear dhá fho-chumasc san iarratas, NK603 ×T25 agus NK603 × DAS-40278-9, fo-chumasc údaraítear cheana féin le Cinneadh Cur Chun Feidhme (AE) 2015/2279 ón gCoimisiún (2) agus Cinneadh Cur Chun Feidhme (AE) 2019/2085 ón gCoimisiún (3).

(3)

Cumhdaítear leis an gCinneadh seo an fo-chumasc T25 × DAS-40278-9 atá fágtha san iarratas.

(4)

I gcomhréir le hAirteagal 5(5) agus Airteagal 17(5) de Rialachán (CE) Uimh. 1829/2003, áiríodh san iarratas faisnéis agus conclúidí maidir leis an measúnú riosca arna dhéanamh i gcomhréir leis na prionsabail a leagtar amach in Iarscríbhinn II a ghabhann le Treoir 2001/18/CE ó Pharlaimint na hEorpa agus ón gComhairle (4). Áiríodh ann freisin an fhaisnéis a cheanglaítear de bhun Iarscríbhinní III agus IV a ghabhann leis an Treoir sin mar aon le plean faireacháin maidir le héifeachtaí ar an gcomhshaol i gcomhréir le hIarscríbhinn VII a ghabhann leis an Treoir sin.

(5)

An 29 Deireadh Fómhair 2021, d’eisigh an tÚdarás Eorpach um Shábháilteacht Bia (“an tÚdarás”) tuairim eolaíoch fhabhrach (5) i gcomhréir le hAirteagail 6 agus 18 de Rialachán (CE) Uimh. 1829/2003. Chinn an tÚdarás maidir le arbhar Indiach géinmhodhnaithe NK603 × T25 × DAS-40278-9 agus a fho-chumasc, mar a thuairiscítear san iarratas, go bhfuil siad chomh sábháilte céanna lena macasamhail thraidisiúnta agus leis na cineálacha tagartha arbhar Indiach nach bhfuil modhnaithe go géiniteach a ndearnadh tástáil orthu, a mhéid a bhaineann leis na héifeachtaí a d’fhéadfadh a bheith ar shláinte an duine, ar shláinte ainmhithe agus ar an gcomhshaol. Chinn an tÚdarás freisin nach bhfuil tomhaltas arbhar Indiach géinmhodhnaithe NK603 × T25 × DAS-40278-9 ná a fho-chumasc ina gcúis imní cothaithe ar bith.

(6)

Ina thuairim, rinne an tÚdarás breithniú ar gach ceist agus ábhar imní a tharraing na Ballstáit anuas i gcomhthéacs an chomhairliúcháin leis na húdaráis inniúla náisiúnta dá bhforáiltear in Airteagal 6(4) agus Airteagal 18(4) de Rialachán (CE) Uimh. 1829/2003.

(7)

Chinn an tÚdarás freisin i dtaca leis an bplean faireacháin maidir leis na héifeachtaí ar an gcomhshaol, arna chur isteach ag an iarratasóir, ina bhfuil plean ginearálta faireachais, go bhfuil an plean sin i gcomhréir leis na húsáidí atá beartaithe le haghaidh na dtáirgí.

(8)

Ní thugann tuairim an Údaráis údar le coinníollacha sonracha nó srianta sonracha eile a fhorchur maidir lena cur ar an margadh, maidir le húsáid agus láimhseáil ná le héiceachórais/comhshaoil agus/nó limistéir gheografacha ar leith a chosaint, mar a fhoráiltear in Airteagal 6(5)(e) agus in Airteagal 18(5)(e) de Rialachán (CE) Uimh. 1829/2003.

(9)

Agus na conclúidí sin á gcur san áireamh, maidir le táirgí ina bhfuil, arb é atá iontu nó a thairgtear as arbhar Indiach géinmhodhnaithe NK603 × T25 × DAS-40278-9 agus an fo-chumasc T25 × DAS-40278-9, ba cheart údarás a thabhairt chun iad a chur ar an margadh le haghaidh na n-úsáidí a liostaítear san iarratas.

(10)

Le litir dár dáta an 22 Márta 2021, chuir Corteva Agriscience LLC an Coimisiún ar an eolas gurb é Corteva Agriscience Belgium B.V, atá lonnaithe sa Bheilg, a ionadaí san Aontas ón 22 Márta 2021.

(11)

Le litir dár dáta an 24 Eanáir 2022, d’iarr Pioneer Hi-Bred International, Inc. go ndéanfadh an Coimisiún cearta agus oibleagáidí Pioneer Hi-Bred International, Inc. a bhaineann le gach iarratas atá ar feitheamh maidir le táirgí géinmhodhnaithe, a aistriú go Corteva Agriscience LLC, atá lonnaithe sna Stáit Aontaithe, arna ionadú san Aontas ag Corteva Agriscience Belgium B.V., atá lonnaithe sa Bheilg. Dheimhnigh Corteva Agriscience LLC a gcomhaontú maidir le moladh Pioneer Hi-Bred International, Inc. sealbhóir an údaraithe a athrú.

(12)

Ba cheart aitheantóir uathúil a shannadh d’arbhar Indiach géinmhodhnaithe NK603 × T25 × DAS-40278-9 agus a fho-chumasc T25 × DAS-40278-9, i gcomhréir le Rialachán (CE) Uimh. 65/2004 ón gCoimisiún (6).

(13)

I gcás na dtáirgí a chumhdaítear leis an gCinneadh seo, is cosúil nach gá aon cheanglais shonracha maidir le lipéadú, seachas iad siúd dá bhforáiltear in Airteagal 13(1) agus in Airteagal 25(2) de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003 ó Pharlaimint na hEorpa agus ón gComhairle (7). Maidir leis na táirgí ina bhfuil, arb é atá iontu nó a thairgtear as arbhar Indiach géinmhodhnaithe NK603 × T25 × DAS-40278-9 agus a fho-chumasc T25 × DAS-40278-9, chun a áirithiú go bhfanfaidh úsáid na dtáirgí sin laistigh de theorainneacha an údaraithe a dheonaítear leis an gCinneadh seo, ba cheart a léiriú go soiléir ar lipéadú na dtáirgí sin, cé is moite de bhianna agus comhábhair bia, nach bhfuil siad ceaptha le haghaidh saothrú.

(14)

Ba cheart do shealbhóir an údaraithe tuarascálacha bliantúla a chur isteach maidir le cur chun feidhme agus torthaí na ngníomhaíochtaí a leagtar amach sa phlean faireacháin le haghaidh éifeachtaí comhshaoil. Ba cheart na torthaí sin a chur i láthair i gcomhréir leis na ceanglais a leagtar síos i gCinneadh 2009/770/CE ón gCoimisiún (8).

(15)

Gach faisnéis ábhartha maidir le húdarú na dtáirgí a chumhdaítear leis an gCinneadh seo ba cheart í a chur isteach i gclár an Chomhphobail de bhia géinmhodhnaithe agus de bheatha ghéinmhodhnaithe, dá dtagraítear in Airteagal 28(1) de Rialachán (CE) Uimh. 1829/2003.

(16)

Cuirfear an Cinneadh seo in iúl i dTeach Imréitigh na Bithshábháilteachta do Pháirtithe Phrótacal Cartagena maidir leis an mBithshábháilteacht don Choinbhinsiún maidir leis an Éagsúlacht Bhitheolaíoch, de bhun Airteagal 9(1) agus Airteagal 15(2)(c) de Rialachán (CE) Uimh. 1946/2003 ó Pharlaimint na hEorpa agus ón gComhairle (9).

(17)

Níor thug an Buanchoiste um Plandaí, Ainmhithe, Bia agus Beatha tuairim uaidh laistigh den teorainn ama a leag Cathaoirleach an Choiste síos. Measadh an gníomh cur chun feidhme seo a bheith riachtanach agus chuir an Cathaoirleach faoi bhráid an choiste achomhairc é le go ndéanfar tuilleadh plé ina leith. Níor thug an coiste achomhairc tuairim uaidh,

(a)

an t-aitheantóir uathúil MON-ØØ6Ø3-6 × ACS-ZMØØ3-2 × DAS-4Ø278-9 le haghaidh arbhar Indiach géinmhodhnaithe NK603 × T25 × DAS-40278-9;

(b)

an t-aitheantóir uathúil ACS-ZMØ3-2 × DAS-4Ø278-9 le haghaidh arbhar Indiach géinmhodhnaithe T25 × DAS-40278-9.

(a)

bianna agus comhábhair bhia ina bhfuil, arb é atá iontu nó a thairgtear as arbhar Indiach géinmhodhnaithe NK603 × T25 × DAS-40278-9 agus a fho-chumasc T25 × DAS-40278-9;

(b)

beatha ina bhfuil, arb é atá inti nó a thairgtear as arbhar Indiach géinmhodhnaithe NK603 × T25 × DAS-40278-9 agus a fho-chumasc T25 × DAS-40278-9;

(c)

táirgí ina bhfuil nó arb é atá iontu arbhar Indiach géinmhodhnaithe NK603 × T25 × DAS-40278-9 agus a fho-chumasc T25 × DAS-40278-9, le haghaidh úsáidí seachas na húsáidí dá bhforáiltear i bpointí (a) agus (b), cé is moite de shaothrú.