Ir-Regolament tal-Kunsill (KE) Nru. 2393/1999

ta’ l-11 ta’ Novembru 1999

li jemenda l-Annessi I, II u III tar-Regolament tal-Kunsill (KEE) Nru. 2377/90 li jistabbilixxi proċedura tal-Komunità għall-istabbiliment ta’ limiti massimi ta’ residwu ta’ prodotti mediċinali veterinarji f’ affarijiet ta’ l-ikel u ta’ oriġini mill-annimali.

(Test b’rilevanza għall-EEE)

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jwaqqaf il-Komunita Ewropea,

Wara li kunsidrat ir-Regolament tal-Kunsill (KEE) Nru. 2377/90 tas-26 ta’ Ġunju 1990 li jistabbilixxi proċedura tal-Komunità għall-istabbiliment tal-limiti ta’ residwi massimi ta’ prodotti mediċinali veterinarji f’ affarijiet ta’ l-ikel ta’ oriġini mill-annimali [1], kif l-aħħar emendat mir-Regolament tal-Kummissjoni (KE) Nru. 2010/1999 [2] u b’ mod partikolari l-Artikoli 6, 6 u 8 tiegħu,

(1) Billi, bi qbil mar-Regolament (KEE) Nru. 2377/90, limiti ta’ residwu massimu jridu jkunu stabbiliti progressivament għal kull sustanza farmakoloġikament attiva li hi wżata fil-Komunità fi prodotti mediċinali veterinarji intiżi għall-għalf lill-annimali li jipproduċu l-ikel;

(2) Billi limiti ta’ residwu massimu suppost ikunu stabbiliti biss wara eżami fi ħdan il-Kumitat għall-Prodotti Mediċinali Veterinarji ta’ l-informazzjoni rilevanti kollha dwar is-sigurtà ta’ residwi tas-sustanzi konċernati ‘l konsumatur għall-affarijiet ta’ l-ikel ta’ oriġini mill-annimali u l-impatt ta’ residwi fuq l-ipproċessar industrijali ta’ affarijiet ta’ l-ikel;

(3) Billi, fl-istabbiliment tal-limiti ta’ residwu massimu għal residwi ta’ prodotti mediċinali veterinarji fl-affarijiet ta’ l-ikel ta’ oriġini mill-annimali, huwa neċessarju li tkun speċifikata l-ispeċi ta’ l-annimali li fiha residwi jistgħu ikunu preżenti, l-livelli jistgħu ikunu preżenti f’ kull wieħed mit- tessuti tal-laħam rilevanti ottenuti mill-annimal ittrattat (tessut target) u n- natura tar-residwu li hi rilevanti għall-kontroll ta’ residwi (residwu markatur);

(4) Billi għall-kontroll ta’ residwi, kif ipprovdut f’ legiżlazzjoni xierqa tal-Komunità, limiti ta’ residwu massimu suppost is-soltu jkunu stabbiliti għat- tessuti target ta’ fwied jew kliewi; billi, iżda, l-kliewi u l-fwied huma soltu mneħħijja minn karkassi li jiċċaqalqu fil-kummerċ internazzjonali, u limiti ta’ residwu massimu suppost għalhekk ikunu dejjem stabbiliti għal tessuti ta’ muskolu jew xaħam;

(5) Billi, fil-każ ta’ prodotti mediċinali veterinarji intiżi għall-użu fi tjur li jbidu, annimali li jagħtu l-ħalib jew naħal li jagħmlu l-għasel, limiti ta’ residwu massimu jridu jkunu stabbiliti għall-bajd, ħalib jew għasel;

(6) Billi meloxicam, amitraz u albendazole oxide suppost ikunu mdaħħla fl-Anness I għar-Regolament (KEE) Nru. 2377/90;

(7) Billi tosylchloramide sodium, paracetamol, aċidi humic, il-melħ tas-sodju tagħhom, chlorphenamine, bitumosulfonates, melħ ta’ l-ammonju u s-sodju u betaine glucuronate u 2-aminoethanol glucuronate suppost ikunu mdaħħla fl-Anness II għar-Regolament (KEE) Nru. 237790;

(8) Billi, sabiex tippermetti l-kompletezza ta’ l-istudji xjentifiċi, dicyclanil suppost ikun imdaħħal fl-Anness III għar Regolament (KEE) Nru. 2377/90;

(9) (9)Billi perjodu ta’ 60 ġurnata suppost ikun permess qabel id-dħul fis-seħħ ta’ dan ir-Regolament sabiex jippermetti lill-Istati Membri biex jagħmlu kwalunkwe bidla li tista’ tkun neċessarja għall-awtoriżżazzjonijiet biex tpoġġi l-prodotti mediċinali veterinarji konċernati fuq is-suq li ġew mogħtija bi qbil mad-Direttiva tal-Kunsill 81/851/KEE [3], kif l-aħħar emendata mid-Direttiva 93/40/KEE [4] biex jittieħed kont tad-dispożizzjonijiet ta’ dan ir-Regolament,

(10) Billi l-miżuri li għalihom hemm provvediment f’ dan ir-Regolament huma skond l-opinjonijiet tal-Kumitat Permanenti fuq prodotti Mediċinali Veterinarji,

ADOTTAT DAN IR-REGOLAMENT:

Artikolu 1

L-Annessi I, II u III mar-Regolament (KEE) Nru. 2377/90 huma hawn emendati kif preskritt fl-Anness ta’ hawn.

Artikolu 2

Dan ir-Regolament għandu jidħol fis-seħħ fis-sittin ġurnata wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-11 ta’ Novembru 1999.

Għall-Kummissjoni

Erkki Liikanen

Membru tal-Kummissjoni

[1] ĠU L 224, tat-18.8.1990, p.1.

[2] ĠU L 288, tal-11.11.1999, p.14.

[3] ĠU L 317, tas-6.11.1981, p1.

[4] ĠU L 214, ta’ l-24.8.1993, p. 31.

--------------------------------------------------

L-ANNESS

A. L-Anness I għar-Regolament (KEE) Nru 2377/90 hu emendat kif isegwi:

2. Aġenti antiparassitiċi

2.1. Aġenti li jaġixxu kontra l-endoparasites

2.1.3. Benzimidazoles u pro- benzimidazoles

100 µg/kg | Xaħam | |

1000 µg/kg | Fwied | |

500 µg/kg | Kilwa | |

100 µg/kg | Ħalib" | |

2.2. Aġenti li jaġixxu kontra l-ectoparasites

2.2.2. Formamidines

4. Aġenti anti-inflammatorji

4.1. Aġenti anti-inflammatorji nonsteroidal

4.1.4. Derivattivi ta’ l-Oxican

60 µg/kg | Fwied | |

35 µg/kg | Kilwa" | |

B. L-Anness II għar-Regolament (KEE) Nru 2377/90 hu emendat kif isegwi:

2. Komposti Organiċi

"Sustanzi farmakoloġikament attivi | Speċi ta' annimal | Dispożizzjonijiet oħrajn |

2-aminoethanol glucuronate | L-ispeċi kollha li jipproduċu ikel | |

Betaine glucuronate | L-ispeċi kollha li jipproduċu ikel | |

Bituminosulfonates, ammonium u melħ tas-sodjum | L-ispeċi kollha tal-mammali li jipproduċu ikel | Għal użu topiku biss Mhux għal użu f'annimali li jipproduċu ħalib għall-konsum tal- bniedem |

Chlorphenamine | L-ispeċi kollha tal-mammali li jipproduċu ikel | |

Aċidi umani u l-melħ tas-sodjum tagħhom | L-ispeċi kollha li jipproduċu ikel | Għal użu orali biss |

Paracetamol | Majjali | Għal użu orali biss |

Tosylchloramide sodium | Tat-tip Fin fish | Għal użu fl-ilma biss" |

C. Ċ. L-Anness III għar-Regolament (KEE) Nru 2377/90 hu emendat kif isegwi:

2. Aġenti antiparassitiċi

2.2. Aġenti li jaġixxu kontra l-ectoparasites

2.2.6. Derivattivi tal-Pirimidini

50 µg/kg | Xaħam |

400 µg/kg | Fwied |

400 µg/kg | Kilwa" |

--------------------------------------------------

31999R2393