12003TN10/08/A



Official Journal L 236 , 23/09/2003 P. 0854 - 0854


A. BAINISTÍOCHT DRAMHAÍOLA

1. 31993 R 0259: Rialachán (CEE) Uimh. 259/93 ón gComhairle an 1 Feabhra 1993 maidir le loingsiú dramhaíola a mhaoirsiú agus a rialú laistigh den Chomhphobal Eorpach agus isteach ann agus amach as (IO L 30, 6.2.1993, lch. 1), mar atá arna leasú go deireanach le:

- 32001 R 2557: Rialachán (CE) Uimh. 2557/2001 ón gCoimisiún an 28.12.2001 (IO L 349, 31.12.2001, lch. 1).

(a) Go dtí an 30 Meitheamh 2005, cuirfear in iúl do na húdaráis inniúla gach loingsiú dramhaíola chuig an Ungáir lena hathghabháil atá liostaithe in Iarscríbhinní II, III agus IV a ghabhann le Rialachán (CEE) 259/93 agus loingsithe dramhaíola nach bhfuil liostaithe sna hIarscríbhinní sin agus próiseálfar iad ar cothrom le hAirteagail 6, 7 agus 8 den Rialachán.

(b) De mhaolú ar Airteagal 7(4) de Rialachán (CEE) 259/93, déanfaidh na húdaráis inniúla agóid i gcoinne loingsithe dramhaíola lena hathghabháil atá liostaithe in Iarscríbhinní II, III agus IV a ghabhann leis an Rialachán agus i gcoinne loingsithe dramhaíola lena hathghabháil nach bhfuil liostaithe sna hIarscríbhinní sin arb é a gceann scríbe áis a thairbhíonn de mhaolú sealadach ar fhorálacha áirithe de Threoracha 94/67/CE [5] maidir le dramhaíl chontúirteach a loscadh agus 2001/80/CE [6] maidir le hastaíochtaí truailleán áirithe san aer ó ollghléasraí dócháin a theorannú, le linn na tréimhse ina gcuirtear an maolú sealadach i bhfeidhm maidir leis an áis chinn scríbe.

2. 31994 L 0062: Treoir 94/62/CE ó Pharlaimint na hEorpa agus ón gComhairle an 20 Nollaig 1994 maidir le pacáistiú agus dramhaíl pacáistithe (IO L 365, 31.12.1994, lch. 10).

(a) De mhaolú ar Airteagal 6(1)(a) agus (b) de Threoir 94/62/CE, bainfidh an Ungáir amach na spriocanna athghabhála agus athchúrsála do na hábhair pacáistithe seo a leanas faoi cheann an 31 Nollaig 2005 i gcomhréir leis na spriocanna idirmheánacha seo a leanas:

- plaistigh a athchúrsáil: 11 % de réir meáchain faoi cheann dháta an aontachais agus 14 % faoi cheann 2004;

- gloine a athchúrsáil: 14 % de réir meáchain faoi cheann dháta an aontachais agus 15 % faoi cheann 2004;

- ráta foriomlán athghabhála: 40 % de réir meáchain faoi cheann dháta an aontachais agus 43 % faoi cheann 2004.

(b) De mhaolú ar Airteagal 6(1)(b) de Threoir 94/62/CE, féadfaidh an Ungáir sprioc foriomlán athghabhála de 46 % a shocrú ó 2005 i leith.

[5] IO L 365, 31.12.1994, lch. 34.

[6] IO L 309, 27.11.2001, lch. 1.

--------------------------------------------------