(1)

De bhun Rialachán (CE) Uimh. 1924/2006, tá toirmeasc ar mhaímh maidir le sláinte a dhéantar i leith bianna ach amháin má tá siad údaraithe ag an gCoimisiún i gcomhréir leis an Rialachán sin agus go n-áirítear iad i liosta de mhaímh cheadaithe.

(2)

Foráiltear le Rialachán (CE) Uimh. 1924/2006 freisin go bhféadfaidh oibreoirí gnólachtaí bia iarratais ar údaruithe i leith maímh maidir le sláinte a chur faoi bhráid údarás inniúil náisiúnta Ballstáit. Cuirfidh an t-údarás inniúil náisiúnta iarratais bhailí chuig an Údarás Eorpach um Shábháilteacht Bia (EFSA), dá ngairtear “an tÚdarás” anseo feasta, le haghaidh measúnú eolaíoch, agus chuig an gCoimisiún agus na Ballstáit chomh maith, ar mhaithe le heolas.

(3)

Tá an tÚdarás le tuairim a thabhairt ar an maíomh maidir le sláinte lena mbaineann.

(4)

Déanfaidh an Coimisiún cinneadh i dtaca le húdarú a thabhairt do mhaímh maidir le sláinte agus an tuairim ón Údarás á cur san áireamh aige.

(5)

Tar éis iarratas a fháil ó Lonza Ltd, a cuireadh isteach de bhun Airteagal 13(5) de Rialachán (CE) Uimh. 1924/2006, ceanglaíodh ar an Údarás tuairim a thabhairt ar mhaíomh maidir le sláinte a bhain le L-carnitín agus le gnáthmheitibileacht lipidí (Ceist Uimh. EFSA- Q-2017-00564). Is mar seo a leanas a bhí an fhoclaíocht sa mhaíomh a mhol an t-iarratasóir: “Rannchuidíonn L-cairnitín le gnáthmheitibileacht lipide”.

(6)

An 16 Eanáir 2018, fuair an Coimisiún agus na Ballstáit an tuairim eolaíoch (2) ón Údarás, inar thángthas ar an gconclúid, ar bhonn na sonraí a cuireadh i láthair, nár suíodh ceangal “cúis agus éifeacht” idir L-carnitín a chaitheamh agus rannchuidiú le gnáthmheitibileacht lipide sa spriocdhaonra. Dá réir sin, toisc nach gcomhlíonann an maíomh ceanglais Rialachán (CE) Uimh. 1924/2006, níor cheart é a údarú.

(7)

Tar éis iarratas a fháil ó Unilever N.V., a cuireadh isteach de bhun Airteagal 13(5) de Rialachán (CE) Uimh. 1924/2006, bhí de cheangal ar an Údarás tuairim a thabhairt ar mhaíomh maidir le sláinte a bhain le tae dubh agus gnáth-shoitheachleathadh atá spleách ar intéiliam a choinneáil ar bun (Ceist Uimh. EFSA-Q-2017-00419). Is mar seo a leanas a bhí an fhoclaíocht sa mhaíomh a mhol an t-iarratasóir: “cuireann sé feabhas ar shoitheachleathadh atá spleách ar intéiliam, rud a chuireann le sreabhadh fola sláintiúil”.

(8)

An 16 Eanáir 2018, fuair an Coimisiún agus na Ballstáit an tuairim eolaíoch (3) ón Údarás, inar thángthas ar an gconclúid, ar bhonn na sonraí a cuireadh i láthair, nár suíodh ceangal “cúis agus éifeacht” idir tae dubh a chaitheamh agus gnáth-shoitheachleathadh atá spleách ar intéiliam a choinneáil ar bun. Dá réir sin, toisc nach gcomhlíonann an maíomh ceanglais Rialachán (CE) Uimh. 1924/2006, níor cheart é a údarú.

(9)

Tar éis iarratas a fháil ó Newtricious R&D B.V., a cuireadh isteach de bhun Airteagal 13(5) de Rialachán (CE) Uimh. 1924/2006, bhí de cheangal ar an Údarás tuairim a thabhairt ar mhaíomh maidir le sláinte a bhain le NWT-02, teaglaim sheasta lúitéine, shéacsaintine agus aigéid dhocaisiheicséanóigh i mbuíocán, agus teip amhairc a laghdú (Ceist Uimh. EFSA-Q-2017-00539). Is mar seo a leanas a bhí an fhoclaíocht sa mhaíomh a mhol an t-iarratasóir: “Laghdaítear teip amhairc trí NWT-02 a chaitheamh”.

(10)

An 18 Eanáir 2018, fuair an Coimisiún agus na Ballstáit an tuairim eolaíoch (4) ón Údarás, inar thángthas ar an gconclúid, ar bhonn na sonraí a cuireadh i láthair, nár suíodh ceangal “cúis agus éifeacht” idir NWT-02, teaglaim sheasta lúitéine, shéacsaintine agus DHA i mbuíocán a chaitheamh agus teip amhairc a laghdú. Dá réir sin, toisc nach gcomhlíonann an maíomh ceanglais Rialachán (CE) Uimh. 1924/2006, níor cheart é a údarú.

(11)

Tar éis iarratas a fháil ó TA-XAN AG., a cuireadh isteach de bhun Airteagal 13(5) de Rialachán (CE) Uimh. 1924/2006, bhí de cheangal ar an Údarás tuairim a thabhairt ar mhaíomh maidir le sláinte a bhain le xantahúmól in XERME®, úsc braiche rósta atá saibhrithe le xantahúmól, agus DNA a chosaint ar dhamáiste ocsaídiúcháin (Ceist Uimh. EFSA-Q-2017-00663). Is mar seo a leanas a bhí an fhoclaíocht sa mhaíomh a mhol an t-iarratasóir: “cuidíonn sé le sláine DNA a choinneáil ar bun agus tugann sé cosaint ar dhamáiste ocsaídiúcháin i gcealla an choirp”.

(12)

An 13 Márta 2018, fuair an Coimisiún agus na Ballstáit an tuairim eolaíoch (5) ón Údarás, inar thángthas ar an gconclúid, ar bhonn na sonraí a cuireadh i láthair, nár suíodh ceangal “cúis agus éifeacht” idir xantahúmól in XERME®, úsc braiche rósta atá saibhrithe le xantahúmól, a chaitheamh, agus DNA a chosaint ar dhamáiste ocsaídiúcháin. Dá réir sin, toisc nach gcomhlíonann an maíomh ceanglais Rialachán (CE) Uimh. 1924/2006, níor cheart é a údarú.

(13)

Tar éis iarratas a fháil ó Essential Sterolin Products (Pty) Ltd., a cuireadh isteach de bhun Airteagal 13(5) de Rialachán (CE) Uimh. 1924/2006, bhí de cheangal ar an Údarás tuairim a thabhairt ar mhaíomh maidir le sláinte a bhain le teaglaim bhéite-síotoitéaróil agus ghlúcóisíd bhéite-síotoitéaróil agus gnáthfheidhmiú an chórais imdhíonachta (Ceist Uimh. EFSA-Q-2018-00701). Is mar seo a leanas a bhí an fhoclaíocht sa mhaíomh a mhol an t-iarratasóir: “rannchuidíonn sé le ghnáthfheidhmiú an chórais imdhíonachta trí chothroime a athbhunú idir imdhíonacht trí mheán TH1- agus imdhíonacht trí mheán TH2-”.

(14)

An 24 Iúil 2019, fuair an Coimisiún agus na Ballstáit an tuairim eolaíoch (6) ón Údarás, inar thángthas ar an gconclúid, ar bhonn na sonraí a cuireadh i láthair, nár suíodh ceangal “cúis agus éifeacht” idir teaglaim bhéite-síotoitéaróil agus ghlúcóisíd bhéite-síotoitéaróil a chaitheamh i gcóimheas 100:1 agus dea-éifeacht fhiseolaíoch. Dá réir sin, toisc nach gcomhlíonann an maíomh ceanglais Rialachán (CE) Uimh. 1924/2006, níor cheart é a údarú.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,