|
12.6.2023 |
GA |
Iris Oifigiúil an Aontais Eorpaigh |
C 204/37 |
Réamhfhógra faoi chomhchruinniú
(Cás M.11163 — TRAFIGURA / MOTA-ENGIL / LAH / JV)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2023/C 204/15)
1.
An 5 Meitheamh 2023, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Trafigura Lobito Investments PTE Ltd (‘Trafigura’, Singeapór), fochuideachta de chuid Trafigura Group PTE Ltd, arb é príomhchuideachta shealbhaíochta Trafigura Group, |
|
— |
Me Lobito SGPS, LDA (‘Mota-Engil’, an Phortaingéil), fochuideachta de chuid Mota-Engil SGPS S.A., arb é príomhchuideachta shealbhaíochta Mota-Engil Group, |
|
— |
Lobito Atlantic Holdings SGPS, LDA (‘LAH’, an Phortaingéil), eintiteas nua atá faoi rialú comhpháirteach. |
Gheobhaidh Trafigura agus Mota-Engil rialú comhpháirteach ar LAH de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann agus an eintitis nua atá faoi rialú comhpháirteach:|
— |
Is trádálaí tráchtearraí neamhspleách é Trafigura Group a dhéanann speisialtóireacht i margaí na hola, na mianraí agus na miotal. Tá dhá phríomhlíne ghnó ag Trafigura Group, mar atá trádáil fhisiceach tráchtearraí agus lóistíocht ghaolmhar, lena n-áirítear loingseoireacht agus cairtfhostú, agus gníomhaíochtaí éagsúla a bhaineann le bonneagar tionsclaíoch, |
|
— |
Is corparáid ilnáisiúnta é Mota-Engil Group ag a bhfuil oibríochtaí dírithe ar thógáil agus ar bhainistiú bonneagair in earnálacha na hinnealtóireachta agus na tógála, an chomhshaoil agus na seirbhísí, na lamháltas iompair agus an fhuinnimh. Feidhmíonn Mota-Engil Group in 22 thír san Eoraip, i Meiriceá Laidineach agus san Afraic, |
|
— |
Tógfaidh LAH, trína fhochuideachta oibriúcháin Lobito Atlantic Railway, S.A. an líne iarnróid Lobito-Luau atá suite in Angóla, déanfaidh sé cothabháil ar an líne agus oibreoidh sé í, chun earraí a iompar idir Lobito, cathair chalafort in Angóla, agus na ceantair máguaird, amhail réigiún Copperbelt na Saimbia agus Phoblacht Dhaonlathach an Chongó. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11163 — TRAFIGURA / MOTA-ENGIL / LAH / JV
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an ‘Rialachán um Chumaisc’).