|
4.7.2023 |
GA |
Iris Oifigiúil an Aontais Eorpaigh |
C 236/13 |
Réamhfhógra faoi chomhchruinniú
(Cás M.11082 – ARP / GRI / JV)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2023/C 236/05)
1.
An 27 Meitheamh 2023 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Agencja Rozwoju Przemysłu S.A. (‘ARP’) (an Pholainn), atá faoi rialú deiridh Stát na Polainne, |
|
— |
GRI Renewable Industries, S.L. (‘GRI’) (an Spáinn), faoi chomhrialú deiridh Ghrúpa Acek agus Ghrúpa Mitsui. |
Gheobhaidh ARP agus GRI rialú comhpháirteach ar an JV de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna i gcuideachta nuachruthaithe ar comhfhiontar í.
2.
Is iad seo a leanas gníomhaíochtaí gnó na ngnóthas lena mbaineann:|
— |
Áirítear i measc ghníomhaíochtaí domhanda ARP: a bheith ina chuideachta phunainne, bainistiú réadmhaoine agus caomhnú oidhreachta cultúrtha. Tá ARP, trí fhochuideachta, gníomhach freisin i dtáirgeadh agus i ndáileadh túir gaoithe ar talamh, |
|
— |
Tá GRI tiomanta do chomhpháirteanna miotail a mhonarú agus a sholáthar le haghaidh tuirbíní gaoithe, i.e. déanann GRI túir ghaoithe (ar talamh agus amach ón gcósta), feirí agus teilgin a mhonarú. Tá GRI gníomhach ar fud an domhain. |
3.
Is iad seo a leanas na gníomhaíochtaí gnó a bheidh ag an JV: gléasra monaraíochta túir gaoithe amach ón gcósta atá lonnaithe in Gdańsk na Polainne a fhorbairt, a thógáil agus a oibriú.
4.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
5.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11082 – ARP / GRI / JV
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an ‘Rialachán um Chumaisc’).