(1)

Id-Direttiva 2014/59/UE kif emendata bid-Direttiva (UE) 2019/879 tal-Parlament Ewropew u tal-Kunsill (2) introduċiet ċerti salvagwardji biex ittejjeb l-eżekuzzjoni effettiva tar-riżoluzzjonijiet fir-rigward ta’ kuntratti finanzjarji rregolati mil-liġi ta’ pajjiżi terzi.

(2)

F’konformità mal-Artikolu 71a(1) tad-Direttiva 2014/59/UE, l-istituzzjonijiet u l-entitajiet huma obbligati jinkludu termini li jirrikonoxxu s-setgħat ta’ sospensjoni tal-awtoritajiet ta’ riżoluzzjoni fil-kuntratti finanzjarji tagħhom li jidħlu għalihom u li huma rregolati mil-liġi ta’ pajjiż terz.

(3)

Sabiex tittejjeb l-effiċjenza tar-riżoluzzjoni, l-Artikolu 68 tad-Direttiva 2014/59/UE jistabbilixxi li jenħtieġ li ċerti miżuri għall-prevenzjoni tal-kriżi jew miżuri għall-ġestjoni tal-kriżi ma jitqisux bħala avvenimenti ta’ infurzar jew bħala proċedimenti ta’ insolvenza. Barra minn hekk, dan l-Artikolu jistabbilixxi li jenħtieġ li tali miżuri ma jintitolawx lill-kontropartijiet kontraenti f’kuntratti rilevanti li jeżerċitaw ċerti drittijiet kuntrattwali unikament bħala riżultat tal-applikazzjoni ta’ tali miżuri. Huwa għalhekk neċessarju li fil-kontenut tal-klawżoli kuntrattwali jiġi inkluż li l-partijiet jaċċettaw li jintrabtu b’dawn ir-rekwiżiti. Barra minn hekk, skont l-Artikoli 33a, 69, 70 u 71 tad-Direttiva 2014/59/UE, l-awtoritajiet ta’ riżoluzzjoni jistgħu, għal perjodu ta’ żmien limitat, jissospendu l-obbligi kuntrattwali ta’ ħlas jew konsenja dovuti skont kuntratt ma’ istituzzjoni jew entità taħt riżoluzzjoni jew f’ċerti ċirkostanzi qabel ir-riżoluzzjoni, jirrestrinġu l-infurzar ta’ interessi ta’ sigurtà u jissospendu ċerti drittijiet tal-kontropartijiet biex, pereżempju, jagħlqu, obbligi gross netti, jaċċelleraw pagamenti futuri jew altrimenti jitterminaw kuntratti finanzjarji. Peress li dawn is-setgħat tal-awtoritajiet ta’ riżoluzzjoni jistgħu ma jkunux effettivi meta jiġu applikati għal kuntratti finanzjarji skont il-liġi ta’ pajjiż terz, jenħtieġ li dawn jiġu rikonoxxuti b’mod espliċitu fit-termini tal-kuntratti finanzjarji.

(4)

Sabiex tiġi ggarantita l-effettività tar-riżoluzzjoni u tiġi promossa l-konsistenza fl-approċċi adottati mill-Istati Membri, u sabiex jiġi ggarantit li d-differenzi fis-sistemi legali tagħhom jew differenzi li jirriżultaw minn forma jew struttura kuntrattwali partikolari jkunu jistgħu jiġu kkunsidrati mill-awtoritajiet ta’ riżoluzzjoni, l-istituzzjonijiet u l-entitajiet, huwa xieraq li jiġi stabbilit il-kontenut obbligatorju għall-klawżoli kuntrattwali. Jenħtieġ li l-kontenut ta’ dawn il-klawżoli kuntrattwali jqis il-mudelli ta’ negozju differenti tal-istituzzjonijiet u l-entitajiet. Madankollu, peress li l-kuntratti finanzjarji fi tranżazzjonijiet internazzjonali ġeneralment ma jvarjawx skont il-mudell ta’ negozju tal-istituzzjonijiet jew tal-entitajiet, ma hemmx bżonn jinħoloq kontenut differenti għall-klawżoli kuntrattwali ta’ rikonoxximent.

(5)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat lill-Kummissjoni mill-Awtorità Bankarja Ewropea (European Banking Authority, EBA).

(6)

L-EBA wettqet konsultazzjonijiet pubbliċi miftuħa dwar l-abbozz ta’ standards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (3),

(1)

ir-rikonoxximent u l-aċċettazzjoni mill-partijiet li l-kuntratt jista’ jkun soġġett għat-tħaddim tas-setgħat minn awtorità ta’ riżoluzzjoni biex tissospendi jew tirrestrinġi d-drittijiet u l-obbligi li jirriżultaw minn tali kuntratt skont l-Artikoli 33a, 69, 70 u 71 tad-Direttiva 2014/59/UE kif trasposti mil-liġi nazzjonali applikabbli u li japplikaw il-kondizzjonijiet stabbiliti fl-Artikolu 68 ta’ dik id-Direttiva kif trasposti mil-liġi nazzjonali applikabbli.

(2)

deskrizzjoni tas-setgħat tal-awtorità ta’ riżoluzzjoni jew referenza għalihom kif stabbilit fl-Artikoli 33a, 69, 70 u 71 tad-Direttiva 2014/59/UE, kif trasposti mil-liġi nazzjonali applikabbli, u deskrizzjoni tal-kundizzjonijiet tal-Artikolu 68 tad-Direttiva 2014/59/UE kif traspost mil-liġi nazzjonali applikabbli jew referenza għalihom.

(3)

ir-rikonoxximent u l-aċċettazzjoni mill-partijiet:

(4)

ir-rikonoxximent u l-aċċettazzjoni mill-partijiet li l-klawżoli kuntrattwali ta’ rikonoxximent huma eżawrjenti rigward il-kwistjonijiet deskritti fihom bl-esklużjoni ta’ kull ftehim, arranġament jew qbil ieħor bejn il-kontropartijiet relatati mas-suġġett tal-ftehim rilevanti.