(1)

An 20 Iúil 2023, ghlac an Chomhairle Cinneadh (CBES) 2023/1532 (1).

(2)

An 14 Deireadh Fómhair 2024, ghlac an Chomhairle Cinneadh (CBES) 2024/2698 (2) lenar leasaíodh Cinneadh (CBES) 2023/1532 agus lenar liostaíodh aerlínte áirithe de chuid na hIaráine.

(3)

Sna conclúidí uaithi an 21 agus an 22 Márta 2024, chuir an Chomhairle Eorpach in iúl dá ndéanfadh an Iaráin diúracáin bhalaistíocha agus teicneolaíocht ghaolmhar a aistriú chun na Rúise lena n-úsáid i gcoinne na hÚcráine, tar éis di aerárthaigh gan foireann a sholáthar don Rúis, atá in úsáid gan stad i gcoinne an phobail shibhialta san Úcráin, go mbeadh an tAontas faoi réir chun freagairt go tapa agus i gcomhar le comhpháirtithe idirnáisiúnta, lena n-áirítear le bearta sriantacha suntasacha nua i gcoinne na hIaráine. Thairis sin, chuir an Chomhairle Eorpach in iúl nach mór an rochtain atá ag an Rúis ar ábhair agus teicneolaíochtaí íogaire atá ábhartha don láthair chatha a shrianadh a mhéid is féidir, lena n-áirítear trí dhíriú ar eintitis i dtríú tíortha lena gcumasaítear teacht timpeall ar smachtbhannaí. D’iarr an Chomhairle Eorpach ar Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’) agus ar an gCoimisiún smachtbhannaí breise a ullmhú i gcoinne na Bealarúise, na Cóiré Thuaidh agus na hIaráine.

(4)

An 13 Meán Fómhair 2024, i ráiteas ón Ardionadaí thar ceann an Aontais, cháin an tAontas go láidir aistriú na ndiúracán balaistíoch de dhéantús na hIaráine chuig an Rúis le déanaí, agus meastar gur bagairt dhíreach é sin ar shlándáil na hEorpa agus gur géarú ábhartha substainteach é ar sholáthar aerárthaigh gan foireann agus armlóin ón Iaráin, a d’úsáid an Rúis ina cogadh foghach neamhdhleathach ar an Úcráin. D’fhreagródh an tAontas go pras agus i gcomhar le comhpháirtithe idirnáisiúnta, lena n-áirítear le bearta sriantacha suntasacha nua i gcoinne na hIaráine, lena n-áirítear daoine aonair agus eintitis a ainmniú a bhfuil baint acu le cláir diúracán balaistíoch agus ladrann na hIaráine, agus i ndáil leis an méid sin, go raibh bearta sriantacha in earnáil eitlíochta na hIaráine á mbreithniú aige freisin.

(5)

Tá aerárthaí a tháirgtear san Iaráin á n-úsáid ag an Rúis chun tacú lena cogadh foghach i gcoinne na hÚcráine, rud a sháraíonn ceannasacht, neamhspleáchas agus iomláine chríochach na hÚcráine, lena n-áirítear i gcoinne sibhialtach agus in aghaidh an bhonneagair shibhialtaigh. Dá bhrí sin, trí chlár Státurraithe na hIaráine chun aerárthaí gan foireann a fhorbairt agus a tháirgeadh, rannchuidítear le sáruithe ar Chairt na Náisiún Aontaithe agus ar bhunphrionsabail an dlí idirnáisiúnta.

(6)

Tá clár diúracán na hIaráine, atá bunaithe ar chuideachtaí atá faoi úinéireacht stáit chomh maith le cuideachtaí príobháideacha agus a bhaineann tairbhe as cumais taighde intíre, á reáchtáil ag Aireacht Cosanta agus Lóistíocht Fhórsaí Armtha na hIaráine agus ag Cór Gharda na Réabhlóide Ioslamaí, a bhfuil an dá cheann acu faoi réir bhearta sriantacha an Aontais.

(7)

Is ábhar mór imní é aistriú aerárthaí gan foireann agus diúracán agus teicneolaíochtaí gaolmhara, agus comhpháirteanna díobh, de dhéantús na hIaráine, chuig an Rúis agus chuig grúpaí armtha neamhstáit sa Mheánoirthear agus níos faide i gcéin. Ina theannta sin, d’aistrigh an Iaráin aerárthaí gan foireann agus diúracáin agus teicneolaíochtaí gaolmhara, agus comhpháirteanna díobh, de dhéantús na hIaráine, chuig an Rúis, lena n-áirítear trí bhíthin árthaí agus calafort.

(8)

I bhfianaise a thromchúisí atá an staid, agus mar fhreagairt ar thacaíocht mhíleata na hIaráine do chogadh foghach na Rúise i gcoinne na hÚcráine, go háirithe agus an Iaráin ag soláthar aerárthaí gan foireann agus diúracáin don Rúis, rud a bhaineann an bonn den tsíocháin agus den tslándáil, agus ar bagairt dhíreach é ar shlándáil na hEorpa, is iomchuí tuilleadh bearta sriantacha a thabhairt isteach. Beidh na bearta sin á n-athbhreithniú agus féadfar iad a chur ar fionraí nó a tharraingt siar, nó féadfar iad a fhorlíonadh le bearta sriantacha eile, i bhfianaise forbairtí ar an láthair.

(9)

Sa chomhthéacs sin, ba cheart duine amháin agus ceithre eintiteas a áireamh ar liosta na ndaoine nádúrtha agus dlítheanacha, na n-eintiteas agus na gcomhlachtaí atá faoi réir na mbeart sriantach a leagtar amach in Iarscríbhinn I a ghabhann le Cinneadh (CBES) 2023/1532.

(10)

Is iomchuí freisin na critéir maidir le liostú a leasú agus foráil a dhéanamh maidir le heisceachtaí spriocdhírithe áirithe ón reo sócmhainní.

(11)

Thairis sin, is iomchuí toirmeasc a chur ar chomhpháirteanna a úsáidtear i bhforbairt agus i dtáirgeadh diúracán a onnmhairiú, a aistriú ón Aontas chuig an Iaráin, a sholáthar di nó a dhíol léi.

(12)

Is iomchuí freisin toirmeasc a chur ar chomhpháirteanna breise a úsáidtear i bhforbairt agus i dtáirgeadh aerárthaí gan foireann a onnmhairiú, a aistriú ón Aontas chuig an Iaráin, a sholáthar di nó a dhíol léi.

(13)

Is iomchuí toirmeasc a chur ar aon idirbheart díreach nó indíreach le calafoirt agus loic, lena n-áirítear rochtain ar a saoráidí nó soláthar aon seirbhísí, atá faoi úinéireacht, á n-oibriú nó á rialú ag daoine nádúrtha nó dlítheanacha, eintitis agus comhlachtaí a liostaítear sa Chinneadh seo nó a úsáidtear chun aerárthaí gan foireann nó diúracáin de chuid na hIaráine nó teicneolaíocht ghaolmhar nó comhpháirteanna díobh a aistriú chuig an Rúis chun tacú lena cogadh foghach i gcoinne na hÚcráine. Ina theannta sin, is iomchuí raon feidhme an toirmisc ar rochtain ar chalafoirt do shoithí a shoiléiriú agus díolúine a chur leis.

(14)

Sa chomhthéacs sin, ba cheart dhá chalafort a áireamh ar liosta na gcalafort agus na loc a leagtar amach in Iarscríbhinn II a ghabhann le Cinneadh (CBES) 2023/1532.

(15)

Tá gá le gníomhaíocht bhreise ón Aontas chun bearta áirithe a chur chun feidhme.

(16)

Ba cheart, dá bhrí sin, Cinneadh (CBES) 2023/1532 a leasú dá réir sin,

(1)

cuirtear an méid seo a leanas in ionad Airteagal 1, mír 1:

(2)

cuirtear an t-airteagal seo a leanas isteach:

(3)

cuirtear an méid seo a leanas in ionad Airteagal 2, mír 1:

(4)

leasaítear Airteagal 3 mar a leanas:

(5)

leasaítear an Iarscríbhinn i gcomhréir leis an Iarscríbhinn a ghabhann leis an gCinneadh seo;

(6)

Cuirtear Iarscríbhinn II leis, i gcomhréir leis an Iarscríbhinn a ghabhann leis an gCinneadh seo.