(1)

De bhun Airteagal 57 de Rialachán (AE) 2021/696, is féidir le haon Bhallstát a bheith rannpháirteach sa chomhpháirtíocht maidir le Faireachas agus Rianú Spáis (SST) ar choinníoll go gcomhlíonann sé na critéir a leagtar amach san Airteagal sin.

(2)

Leagtar amach na rialacha agus na nósanna imeachta maidir le rannpháirtíocht na mBallstát i bhfo-chomhpháirt SST, maidir le bunú na comhpháirtíochta SST agus maidir le forbairt na n-eochairtháscairí feidhmíochta tosaigh i gCinneadh Cur Chun Feidhme (AE) 2022/1245 ón gCoimisiún (3). Measadh gur chomhlíon 15 Bhallstát na critéir maidir le rannpháirtíocht a leagtar síos i Rialachán (AE) 2021/696, mar aon leis na coinníollacha aonair agus comhchoiteanna a leagtar síos in Iarscríbhinn I a ghabhann le Cinneadh Cur Chun Feidhme (AE) 2022/1245. D’ainmnigh na Ballstáit sin eintitis náisiúnta bhunaithe a chomhdhéanann comhpháirtíocht SST, i dteannta a chéile.

(3)

Léirigh Ballstáit eile gur spéis leo a bheith rannpháirteach i gcomhpháirtíocht SST. Dá bhrí sin, an 10 Deireadh Fómhair 2024, d’iarr an Coimisiún ar choiste an Chláir i gcumraíocht um Fheasacht Staide an Spáis (SSA) a spéis a bheith rannpháirteach i gcomhpháirtíocht SST a chur in iúl faoin 9 Nollaig 2024. Dhearbhaigh roinnt de na Ballstáit sin gur spéis leo a bheith rannpháirteach i gcomhpháirtíocht SST.

(4)

Chun a áirithiú go mbeidh Ballstáit eile in ann a bheith rannpháirteach i gcomhpháirtíocht SST, ghlac an Coimisiún Cinneadh Cur Chun Feidhme (AE) 2025/1205 lena leagtar amach an nós imeachta um Ballstáit bhreise a áireamh i gcomhpháirtíocht SST.

(5)

Chuir ceithre Bhallstát iarratais isteach ar bhallraíocht i gcomhpháirtíocht SST, mar atá, an Bheilg, an Bhulgáir, an Liotuáin agus Lucsamburg. Rinne an Coimisiún measúnú ar na hiarratais sin de bhun Airteagal 4(3) de Chinneadh Cur Chun Feidhme (AE) 2025/1205 agus mheas sé gur chomhlíon siad na critéir a leagtar amach in Airteagal 57(1), pointí (a) agus (b), de Rialachán (AE) 2021/696 mar a shonraítear sna coinníollacha aonair a leagtar amach i Roinn 1 d’Iarscríbhinn I a ghabhann le Cinneadh Cur Chun Feidhme (AE) 2022/1245. Léiríodh le comhpháirtíocht SST, mar chuid de staidéar ailtireachta, go dtugann na braiteoirí agus na cumais arna moladh ag na Ballstáit iarrthacha breisluach do chomhpháirtíocht SST.

(6)

I gcomhréir le hAirteagal 4(4) de Chinneadh Cur Chun Feidhme (AE) 2025/1205, tabharfaidh an Coimisiún fógra do na Ballstáit iarrthacha, agus do na heintitis náisiúnta bhunaithe arna n-ainmniú ag na Ballstáit rannpháirteacha, maidir le toradh an mheasúnaithe comhlíontachta,