|
15.7.2020 |
MT |
Il-Ġurnal Uffiċjali tal-Unjoni Ewropea |
C 233/6 |
Notifika minn qabel ta’ konċentrazzjoni
(Il-Każ M.9889 — ERGO/SDHS/Taishan Property & Casualty Insurance)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2020/C 233/05)
1.
Fit-8 ta’ Lulju 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
ERGO Versicherung AG (“ERGO”) (il-Ġermanja), ikkontrollata minn Münchener Rückversicherungs-Gesellschaft Aktiengesellschaft in München (“Munich RE”) (il-Ġermanja), |
|
— |
Shandong Hi-Speed Group Corporation (“SDHS”) (iċ-Ċina), impriża tal-istat Ċiniż, li l-kontroll sħiħ tagħha huwa f’idejn il-Kummissjoni Provinċjali ta’ Amministrazzjoni u Superviżjoni tal-Assi tal-Istat ta’ Shandong (“Shandong SASAC”) (iċ-Ċina), |
|
— |
Taishan Property & Casualty Insurance Co., Ltd (“TSIC”) (iċ-Ċina), ikkontrollata kollha kemm hi minn Shandong SASAC, permezz ta’ SDHS. |
ERGO u SDHS jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ TSIC.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
għal ERGO: il-forniment ta’ servizzi ta’ assigurazzjoni. ERGO hija sussidjarja kollha kemm hi proprjetà ta’ Munich RE, li hija kumpannija ta’ assigurazzjoni internazzjonali, |
|
— |
għal SHDS: investiment, kostruzzjoni u operat ta’ toroq prinċipali, toroq maġġuri, pontijiet, ferroviji, tranżiti bil-ferrovija, portijiet, tbaħħir u loġistika, |
|
— |
għal TSIC: il-forniment ta’ servizzi ta’ assigurazzjoni fiċ-Ċina. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
Skont l-Avviż mill-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Għandha dejjem tiġi speċifikata din ir-referenza:
M.9889 — ERGO/SDHS/Taishan Property & Casualty Insurance
Il-kummenti jistgħu jintbagħtu lill-Kummissjoni bil-posta elettronika, bil-faks jew bil-posta. Int mitlub tuża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks: +32 1229-64301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).