(1)

Skont l-Artikolu 3(1) tad-Deċiżjoni (PESK) 2023/1599, il-Kumitat Politiku u ta’ Sigurtà (KPS), għandu jeżerċita l-kontroll politiku u d-direzzjoni strateġika tal-Inizjattiva tal-Unjoni Ewropea għas-Sigurtà u d-Difiża b’appoġġ għall-pajjiżi tal-Afrika tal-Punent tal-Golf tal-Guinea (l-“Inizjattiva”). Barra minn hekk, il-Kunsill awtorizza lill-KPS biex jieħu d-deċiżjonijiet rilevanti f’konformità mal-Artikolu 38 tat-Trattat dwar l-Unjoni Ewropea, inkluż deċiżjonijiet dwar il-ħatra tal-kap taċ-ċellola militari ta’ kmand u appoġġ.

(2)

Fit-8 ta’ Jannar 2025, il-KPS adotta d-Deċiżjoni (PESK) 2025/69 (2), li taħtar lill-Kaptan Francisco Javier LÓPEZ FUSTER bħala kap taċ-ċellola militari ta’ kmand u appoġġ tal-Inizjattiva mill-15 ta’ Jannar 2025.

(3)

Fil-21 ta’ Mejju 2025, l-awtoritajiet tan-Netherlands ipproponew il-ħatra tal-Kaptan André (Annius) VAN DER KAMP bħala kap taċ-ċellola militari ta’ kmand u appoġġ tal-Inizjattiva (il-“ħatra proposta”).

(4)

Fit-2 ta’ Ġunju 2025, il-Kmandant Militari għall-pilastru militari tal-Inizjattiva appoġġa l-ħatra proposta.

(5)

Fit-18 ta’ Ġunju 2025, il-Kumitat Militari tal-Unjoni Ewropea qabel li jirrakkomanda li l-KPS japprova l-ħatra proposta.

(6)

Jenħtieġ li tittieħed deċiżjoni dwar il-ħatra tal-Kaptan André (Annius) VAN DER KAMP bħala l-kap taċ-ċellola militari ta’ kmand u appoġġ tal-Inizjattiva mis-16 ta’ Lulju 2025.

(7)

Jenħtieġ li d-Deċiżjoni (PESK) 2025/69 titħassar,