|
12.12.2006 |
MT |
Il-Ġurnal Uffiċjali ta’ l-Unjoni Ewropea |
262 |
DEĊIŻJONI TAL-KUMMISSJONI
ta’ l-4 ta’ Awwissu 2005
li temenda d-Deċi ¿joni 93/195/KEE dwar il-kundizzjonijiet tas-saħħa ta’ l-annimali u ċ-ċertifikazzjoni veterinarja għad-dħul mill-ġdid ta’ żwiemel reġistrati għat-tlielaq, kompetizzjonijiet u avvenimenti kulturali wara l-esportazzjoni temporanja
(notifikata taħt dokument numru C(2005) 2933)
(Test b'relevanza għaż-ŻEE)
(2005/605/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 90/426/KEE tas-26 ta' Ġunju 1990 dwar il-kundizzjonijiet tas-saħħa ta' l-annimali li jirregolaw il-moviment u l-importazzjoni minn pajjiżi terzi ta' l-ekwini (1), partikolarment l-Artikolu 19 (ii) tagħha,
Billi:
|
(1) |
Skond ir-regoli ġenerali stipulati fl-Anness II tad-Deċiżjoni tal-Kummissjoni 93/195/KEE (2) d-dħul mill-ġdid ta’ żwiemel reġistrati għat-tlielaq, kompetizzjoni u avvenimenti kulturali wara esportazzjoni temporanja huwa ristrett għal żwiemel miżmuma għal inqas minn 30 jum f’wieħed mill-pajjiżi terzi elenkati fl-istess grupp fl-Anness I ma’ dik id-Deċiżjoni. |
|
(2) |
Meta wieħed jikkunsidra l-grad ta’ superviżjoni veterinarja u l-fatt li ż-żwiemel ikkonċernati jinżammu separati mill-annimali f'qagħda ta’ saħħa inferjuri, il-perjodu ta’ esportazzjoni temporanja għandu jiġi estiż għal inqas minn 90 jum u l-kundizzjonijiet tas-saħħa ta’ l-annimali u ċ-ċertifikazzjoni veterinarja għandhom ikunu stipulati kif jixraq għad-dħul mill-ġdid taż-żwiemel reġistrati wara l-esportazzjoni temporanja biex jipparteċipaw fi tlielaq taż-żwiemel, kompetizzjonijiet jew avvenimenti kulturali speċifiċi li jseħħu fil-Kanada jew fl-Istati Uniti ta’ l-Amerika. |
|
(3) |
Fl-2005 l-iSpanish Riding School ta' Vjenna se ttella' preżentazzjonijiet fl-Istati Uniti ta’ l-Amerika, biex tfakkar is-60 anniversarju tas-salvataġġ tal-Lipizzaner Awstrijak mill-General George Patton fi tmiem it-tieni Gwerra Dinjija. Dawk il-preżentazzjonijiet għandhom jitqiesu bħala avveniment ekwestri speċifiku li jikkwalifika għall-applikazzjoni tal-kundizzjonijiet specifiċi tad-dħul mill-ġdid. |
|
(4) |
Id-Deciżjoni Nru. 93/195/KEE għandha tiġi emendata kif jixraq. |
|
(5) |
Il-miżuri previsti f'din id-Deciżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni 93/195/KEE hija emendata kif ġej:
|
1. |
Fl-Artikolu 1, it-tielet inċiż jinbidel b'dan li ġej:
|
|
2. |
L-Anness III jinbidel bit-test li hemm fl-Anness ma’ din id-Deċiżjoni. |
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, nhar l-4 ta’ Awwissu 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 42. Direttiva kif emendata l-aħħar bid-Direttiva 2004/68/KE (ĠU L 139, 30.4.2004, p. 321).
(2) ĠU L 86, 6.4.1993, p. 1. Deċiżjoni kif emendata l-aħħar bir-Regolament Nru 2004/211/KE (ĠU L 73, 11.3.2004, p. 1).
ANNESS