1.   Missjoni ta' l-Unjoni Ewropea ta' Assistenza fil-Fruntieri għall-Punt ta' Qsim ta' Rafah (EU BAM Rafah) hija b'dan stabbilita, b'fażi operazzjonali li tibda fil-25 ta' Novembru 2005.

2.   L-EU BAM Rafah għandha topera skond id-dikjarazzjoni tal-missjoni kif stabbilit fl-Artikolu 2.

1.   Il-Ġeneral Maġġur Pietro Pistolese Hu b'dan maħtur Kap tal-Missjoni ta' l-EU BAM Rafah.

2.   Il-Kap tal-Missjoni għandu jeżerċita Kontroll Operattiv fuq l-EU BAM Rafah u jassumi l-ġestjoni ta' kuljum ta' l-EU BAM Rafah u l-koordinazzjoni ta' l-attivitajiet ta' l-EU BAM RAFAH inkluż il-ġestjoni tas-sigurtà tal-persunal ta' l-EU BAM RAFAH, ir-riżorsi u l-informazzjoni.

3.   Il-Kap tal-Missjoni għandu jkun responsabbli għall-kontroll dixxiplinarju fuq il-persunal ta' l-EU BAM Rafah. Għal persunal issekondat, l-azzjoni dixxiplinarja għandha tiġi eżerċitata mill-awtorità nazzjonali jew ta' l-UE konċernata.

4.   Il-Kap tal-Missjoni għandu jiffirma kuntratt mall-Kummissjoni.

5.   Il-Kap tal-Missjoni għandu jiżgura viżibbiltà xierqa tal-preżenza ta' l-UE.

1.   Waqt il-fażi ta’ l-ippjanar tal-missjoni, grupp ta’ l-ippjanar għandu jiġi stabbilit u għandu jinkludi l-Kap tal-Missjoni, li għandu jmexxi l-grupp ta’ l-ippjanar, u l-persunal meħtieġ biex jittratta il-funzjonijiet li jirriżultaw mill-ħtiġijiet stabbiliti tal-missjoni.

2.   Stima komprensiva tar-riskju għandha titwettaq bħala prijorità fil-proċess ta’ l-ippjanar u għandha tiġi aġġornata kif meħtieġ.

3.   Il-grupp ta’ l-ippjanar għandu jfassal OPLAN u jiżviluppa l-istrumenti tekniċi kollha meħtieġa biex tiġi eżegwita l-missjoni. L-OPLAN għandu jiehu kont ta' l-istima komprensiva tar-riskju u għandu jinkludi pjan ta' sigurtà.

1.   In-numri u l-kompetenzi tal-persunal ta’ l-EU BAM Rafah għandhom ikunu konsistenti mad-dikjarazzjoni tal-missjoni stabbilita fl-Artikolu 2 u l-istruttura stabbilita fl-Artikolu 4.

2.   Il-persunal ta' l-EU BAM Rafah għandu jkun issekondat mill-Istati Membri jew l-istituzzjonijiet ta’ l-UE. Kull Stat Membru għandu jħallas l-ispejjeż relatati mal-persunal ta' l-EU BAM Rafah issekondat minnu, inklużi s-salarji, il-kopertura medika, l-ispejjeż tal-vjaġġi lejn u miż-żona tal-missjoni, u l-allowances minbarra dawk per diem.

3.   Il-persunal internazzjonali u dak lokali għandu jiġi reklutat fuq bażi kuntrattwali mill-EU BAM Rafah kif ikun meħtieġ.

4.   Stati Terzi jistgħu wkoll, kif xieraq, jissekondaw persunal għall-missjoni. Kull Stat terz li jissekonda għandu jħallas l-ispejjeż relatati ma' kwalunkwe persunal issekondat minnu inklużi s-salarji, il-kopertura medika, l-allowances, l-assigurazzjoni għal riskju kbir u l-ispejjeż tal-vjaġġi lejn u miż-żona tal-missjoni.

5.   Il-persunal kollu għandu jibqa’ taħt l-awtorità ta’ l-Istat Mittenti jew l-istituzzjoni ta' l-UE xierqa u għandu jwettaq dmirijietu u jaġixxi fl-interess tal-missjoni. Il-persunal kollu għandu jirrispetta l-prinċipji tas-sigurtà u l-istandards minimi stabbiliti bid-Deċiżjoni tal-Kunsill 2001/264/KE tad-19 ta’ Marzu 2001 li tadotta ir-regolamenti ta’ sigurtà tal-Kunsill (2).

6.   L-uffiċjali tal-pulizija ta' l-UE ser jilbsu uniformi nazzjonali u insinji ta' l-UE kif xieraq u membri oħra tal-missjoni ser jilbsu identifikazzjoni kif xieraq, soġġetta għad-deċiżjoni tal-Kap tal-Missjoni, b'kont meħud tal-konsiderazzjonijiet ta' sigurtà.

1.   Fejn meħtieġ, l-istatus tal-persunal ta’ l-EU BAM Rafah, inklużi fejn xieraq il-privileġġi, l-immunitajiet u garanziji ulterjuri meħtieġa għall-ikkompletar u l-funzjonament bla xkiel ta' l-EU BAM Rafah, għandu jkun is-suġġett ta' ftehim li jiġi konkluż skond il-proċedura stabbilita fl-Artikolu 24 tat-Trattat. Is-Segretarju Ġenerali/Rappreżentant Għoli, li jassisti lill-Presidenza, jista’ jinnegozja tali arranġamenti f’isimha.

2.   L-Istat Membru jew l-istituzzjoni ta’ l-UE li ssekondaw membru tal-persunal għandhom ikunu responsabbli għal kwalunkwe pretensjoni, minn jew li tikkonċerna l-membru tal-persunal marbut ma’ l-issekondar. L-Istat Membru jew istituzzjoni ta' l-UE ikkonċernat/a għandu/ha j/tkun responsabbli biex i/tressaq kwalunkwe azzjoni kontra l-issekondat.

3.   Il-kondizzjonijiet ta' l-impjieg u d-drittijiet u l-obbligi tal-persunal internazzjonali u dak lokali għandhom jiġu stabbiliti fil-kuntratti bejn il-Kap tal-Missjoni u l-membru tal-persunal.

1.   L-EU BAM Rafah għandu jkollha linja ta' kmand unifikata, bħala operazzjoni ta' l-immaniġġjar ta' kriżi.

2.   Il-Kumitat Politiku u ta' Sigurtà (PSC) għandu jipprovdi l-kontroll politiku u d-direzzjoni strateġika.

3.   Is-Segretarju Ġenerali/Rappreżentant Għoli għandu jagħti gwida lill-Kap tal-Missjoni permezz tar-Rappreżentant Speċjali ta' l-UE.

4.   Il-Kap tal-Missjoni għandu jmexxi l-EU BAM Rafah u jieħu f’idejh l-amministrazzjoni tagħha ta’ kuljum.

5.   Il-Kap tal-Missjoni għandu jirrapporta lis-Segretarju Ġenerali/Rappreżentant Għoli permezz tar-Rappreżentant Speċjali ta' l-UE.

6.   Ir-Rappreżentant Speċjali ta' l-UE għandu jirrapporta lill-Kunsill permezz tas-Segretarju Ġenerali/Rappreżentant Għoli.

1.   Il-PSC għandu jeżerċita, taħt ir-responsabbiltà tal-Kunsill, il-kontroll politiku u d-direzzjoni strateġika tal-missjoni.

2.   Il-Kunsill b'dan jawtorizza lill-PSC biex jieħu d-deċiżjonijiet rilevanti skond l-Artikolu 25 tat-Trattat. Din l-awtorizzazzjoni għandha tinkludi s-setgħat ta' emenda ta' l-OPLAN u l-linja ta’ kmand. Għandha tinkludi wkoll is-setgħat li jieħu deċiżjonijiet sussegwenti li jirrigwardaw il-ħatra tal-Kap tal-Missjoni. Il-Kunsill, assistit mis-Segretarju Ġenerali/Rappreżentant Għoli, għandu jiddeċiedi dwar l-objettivi u t-tmiem tal-missjoni.

3.   Il-PSC għandu jirrapporta lill-Kunsill f’intervalli regolari.

4.   Il-PSC għandu jirċievi rapporti mill-Kap tal-Missjoni fir-rigward tal-kontributi lejn u l-kondotta tal-missjoni, f’intervalli regolari. Il-PSC jista’ jistieden lill-Kap tal-Missjoni għal-laqgħat tiegħu, kif xieraq.

1.   Mingħajr preġudizzju għall-awtonomija tat-teħid tad-deċiżjonijiet ta' l-UE u l-qafas instituzzjonali uniku tagħha, Stati aderenti għandhom jiġu mistiedna u Stati terzi jistgħu jiġu mistiedna biex jikkontribwixxu għall-EU BAM Rafah, sakemm iħallsu l-ispejjeż biex jibgħatu l-persunal issekondat minnhom, inkluż is-salarji, il-kopertura medika, l-allowances, l-assigurazzjoni għal riskju kbir, u l-ispejjeż għall-ivvjaġġar lejn u miż-żona tal-missjoni, u jikkontribwixxu għall-ispejjeż ta' kuljum ta' l-EU BAM Rafah, kif xieraq.

2.   Stati terzi li jagħmlu kontributi lill-EU BAM Rafah għandu jkollhom l-istess drittijiet u obbligi f'termini ta' l-amministrazzjoni ta' kuljum tal-missjoni bħal Stati Membri ta' l-UE li jieħdu sehem fil-missjoni.

3.   Il-Kunsill b'dan jawtorizza lill-PSC biex jieħu d-deċiżjonijiet rilevanti dwar il-parteċipazzjoni ta' Stati terzi, inkluż l-kontributi proposti tagħhom u biex jistabbilixxi Kumitat ta' Kontributuri.

4.   Arranġamenti dettaljati dwar il-parteċipazzjoni ta' Stati terzi għandhom ikunu s-suġġett ta' ftehim li jiġi konkluż skond il-proċeduri stabbiliti fl-Artikolu 24 tat-Trattat. Is-Segretarju Ġenerali/Rappreżentant Għoli, li jgħin lill-Presidenza, jista’ jinnegozja tali arranġamenti f’isimha. Fejn l-UE u Stat Terz ikkonkludew ftehim li jistabbilixxi qafas għall-parteċipazzjoni ta’ dan l-Istat Terz fl-operazzjonijiet ta’ l-UE ta’ immaniġġjar ta’ kriżijiet, id-dispożizzjonijiet ta’ tali ftehim għandhom japplikaw fil-kuntest ta’ l-EU BAM Rafah.

1.   Il-Kap tal-Missjoni għandu jkun responsabbli għas-sigurtà ta’ l-EU BAM Rafah u għandu, f’konsultazzjoni ma’ l-Uffiċju tas-Sigurtà tas-Segretarjat Ġenerali tal-Kunsill, ikun responsabbli biex jiżgura l-konformità mal-ħtiġiet ta’ sigurtà minimi b'konformità mar-regolamenti ta' sigurtà tal-Kunsill.

2.   EU BAM Rafah għandu jkollha Kap Uffiċjal tas-Sigurtà ddedikat għall-missjoni, megħjun minn tim ta' sigurtà, li jirrapporta lill-Kap tal-Missjoni.

3.   Il-Kap tal-Missjoni għandu jikkonsulta mal-PSC dwar kwistjonijiet ta’ sigurtà li jaffetwaw l-użu ta' l-EU BAM Rafah skond l-istruzzjonijiet tas-Segretarju Ġenerali/Rappreżentant Għoli.

4.   Membri tal-persunal ta' l-EU BAM Rafah għandhom jagħmlu taħriġ ta' sigurtà mandatorju u kontrolli mediċi qabel ma jintbagħtu jew jivjaġġaw lejn iż-żona tal-missjoni.

1.   L-ammont ta' referenza finanzjarju maħsub biex ikopri n-nefqa marbuta mal-missjoni għandu jkun EUR 1 696 659 għall-2005 u EUR 5 903 341 għall-2006.

2.   In-nefqa ffinanzjata mill-ammont imsemmi fil-paragrafu 1 għandha tiġi amministrata skond il-proċeduri u r-regoli applikabbli għall-budget ġenerali ta' l-UE bl-eċċezzjoni li kwalunkwe pre-finanzjament m’għandux jibqa’ l-proprjetà tal-Komunità. Ċittadini ta' Stati terzi li jikkontribwixxu finanzjarjament għall-missjoni, ta' partijiet ospitanti u, jekk meħtieġ għall-ħtiġijiet operattivi tal-missjoni, ta' pajjiżi ġirien għandhom jitħallew jagħmlu offerti għall-kuntratti.

3.   Il-Kap tal-Missjoni għandu jirrapporta b’mod sħiħ lill-Kummissjoni, u jkun issorveljat minnha, dwar l-attivitajiet mwettqa fil-qafas tal-kuntratt tiegħu.

4.   L-arranġamenti finanzjarji għandhom jirrispettaw il-ħtiġiet operazzjonali ta' l-EU BAM Rafah, inkluża il-kompatibbiltà ta' tagħmir u l-interoperabbiltà tat-timijiet tagħha.

5.   L-infiq għandu jkun eliġibbli mid-data tad-dħul fis-seħħ ta’ din l-Azzjoni Konġunta.

1.   Il-Kunsill u l-Kummissjoni għandhom jiżguraw, kull wieħed skond is-setgħat rispettivi tiegħu, konsistenza bejn l-implimentazzjoni ta' din l-Azzjoni Konġunta u l-attivitajiet esterni tal-Komunità skond it-tieni subparagrafu ta' l-Artikolu 3 tat-Trattat dwar l-Unjoni Ewropea. Il-Kunsill u l-Kummissjoni għandhom jikkooperaw għal dan il-għan.

2.   Għandu jkun hemm l-arranġamenti meħtieġa ta' koordinazzjoni fiż-żona tal-missjoni, kif meħtieġ, kif ukoll fi Brussel.

1.   Is-Segretarju Ġenerali/Rappreżentant Għoli huwa awtorizzat jirrilaxxa lill-Istati terzi assoċjati ma' din l-Azzjoni Konġunta, kif xieraq u skond il-ħtiġijiet operattivi tal-Missjoni, informazzjoni u dokumenti kklassifikati ta’ l-UE sal-livell “RESTREINT UE” ġġenerati għall-għanijiet tal-missjoni, skond ir-regolamenti ta’ sigurtà tal-Kunsill.

2.   Fil-każ ta' ħtieġa operattiva speċifika u immedjata, is-Segretarju Ġenerali/Rappreżentant Għoli hu wkoll awtorizzat jirrilaxxa lill-awtoritajiet lokali informazzjoni u dokumenti klassifikati ta’ l-UE sal-livell “RESTREINT UE” ġġenerati għall-għanijiet tal-missjoni, skond ir-regolamenti ta’ sigurtà tal-Kunsill. Fil-każijiet l-oħra kollha, tali informazzjoni u dokumenti għandhom jiġu rilaxxati lill-awtoritajiet lokali skond il-proċeduri xierqa għal-livell ta' kooperazzjoni tagħhom ma' l-UE.

3.   Is-Segretarju Ġenerali/Rappreżentant Għoli huwa awtorizzat jirrilaxxa lill-Istati terzi assoċjati ma' din l-Azzjoni Konġunta u lill-awtoritajiet lokali dokumenti ta' l-UE mhux klassifikati relatati mad-deliberazzjonijiet tal-Kunsill fir-rigward tal-missjoni koperti mill-obbligu tas-segretezza professjonali skond l-Artikolu 6(1) tar-Regoli tal-Kunsill tal-Proċedura (3).