(1)

Foráiltear le hAirteagal 43(3) den Chonradh go bhfuil an Chomhairle, ar thogra ón gCoimisiún, le bearta maidir le deiseanna iascaireachta a shocrú agus a leithdháileadh.

(2)

Ceanglaítear, le Rialachán (AE) Uimh. 1380/2013 ó Pharlaimint na hEorpa agus ón gComhairle (1), go nglacfar bearta caomhnaithe agus comhairle eolaíoch, theicniúil agus eacnamaíoch atá ar fáil á gcur san áireamh, lena n-áirítear, i gcás inarb ábhartha, tuarascálacha arna dtarraingt suas ag an gCoiste Eolaíoch, Teicniúil agus Eacnamaíoch um Iascach (CETEI).

(3)

Tá sé de dhualgas ar an gComhairle bearta a ghlacadh maidir le deiseanna iascaireachta a shocrú agus a chionroinnt, lena n-áirítear i gcás inarb iomchuí, coinníollacha áirithe atá nasctha go feidhmiúil leis sin. I gcomhréir le hAirteagal 16(4) de Rialachán (AE) Uimh. 1380/2013 tá deiseanna iascaireachta le socrú i gcomhréir le cuspóirí an Chomhbheartais Iascaigh (CBI) arna mbunú in Airteagal 2(2) den Rialachán sin. Foráiltear le hAirteagal 16(1) de Rialachán (AE) Uimh. 1380/2013 go ndéanfar deiseanna iascaireachta a chionroinnt ar na Ballstáit ar dhóigh lena n-áirithítear cobhsaíocht choibhneasta gníomhaíochtaí iascaireachta gach Ballstáit le haghaidh gach stoic éisc nó iascaigh.

(4)

Foráiltear le hAirteagal 16(4) de Rialachán (AE) Uimh. 1380/2013, i gcás stoic atá faoi réir pleananna ilbhliantúla sonracha, go bhfuil na deiseanna iascaireachta le bunú i gcomhréir leis na rialacha a leagtar síos sna pleananna sin.

(5)

Maidir leis an bplean ilbhliantúil do na hiascaigh a shaothraíonn stoic ghrinnill sa Mheánmhuir thiar, bunaíodh an plean le Rialachán (AE) 2019/1022 ó Pharlaimint na hEorpa agus ón gComhairle (2) agus tháinig sé i bhfeidhm an 16 Iúil 2019. I gcomhréir le hAirteagal 4(1) den Rialachán sin, ba cheart deiseanna iascaireachta le haghaidh stoic a liostaítear in Airteagal 1 den Rialachán sin a shocrú chun go mbainfear amach uastáirgeacht inbhuanaithe (UTI) maidir le básmhaireacht iascaireachta ar bhonn forchéimneach incriminteach faoi 2020 i gcás inar féidir, agus faoin 1 Eanáir 2025. Ba cheart deiseanna iascaireachta a shloinneadh i dtéarmaí uasiarrachta iascaireachta incheadaithe agus a shocrú i gcomhréir le córas iarrachta iascaireachta a leagtar síos in Airteagal 7 den Rialachán sin.

(6)

Ba é conclúid STECF go dteastaíonn mearghníomhaíocht agus fíorlaghduithe i ráta básmhaireachta iascaigh chun spriocanna uastáirgeachta inbhuanaithe a bhaint amach i gcás stoic éisc na Meánmhara Thiar. Maidir le 2021 ba cheart an uasiarracht iascaireachta incheadaithe a laghdú 7,5 % i gcomparáid leis an mbunlíne, a bheidh le baint den uasiarracht iascaireachta incheadaithe iascaireachta a socraíodh le haghaidh 2020 le Rialachán (AE) 2019/2236 ón gComhairle (3).

(7)

Ag an 42ú cruinniú a bhí ag an gCoimisiún Ginearálta Iascaigh don Mheánmhuir (GFCM) in 2018, ghlac sé Moladh GFCM/42/2018/1 maidir le plean bainistíochta ilbhliantúil d'eascann Eorpach sa Mheánmhuir, lenar bunaíodh bearta bainistíochta le haghaidh na heascainne Eorpaí (Anguilla anguilla) sa Mheánmhuir (folimistéir gheografacha GFCM 1 go 27). Áirítear leis na bearta sin teorainneacha gabhála nó iarrachta agus tréimhse choiscthe bhliantúil ar feadh 3 mhí as a chéile atá le sainiú ag gach Ballstát i gcomhréir le cuspóirí caomhnaithe Rialacháin (CE) Uimh. 1100/2007 ón gComhairle (4), plean nó pleananna náisiúnta bainistíochta le haghaidh na heascainne Eorpaí agus patrúin imirce aimseartha na eascainne Eorpaí sa Bhallstát sin. I gcás ina raibh pleananna bainistíochta náisiúnta lena mbaineann laghduithe iarrachta nó gabhála de 30 % ar a laghad i bhfeidhm roimh theacht i bhfeidhm an Mholta sin, níor cheart na teorainneacha gabhála nó iarrachta iascaireachta a bunaíodh agus a cuireadh chun feidhme cheana a shárú. Ba cheart feidhm a bheith ag an gcosc maidir le huiscí muirí uile na Meánmhara agus le huiscí goirt amhail inbhir, murlaigh chósta agus uiscí trasdultacha, i gcomhréir leis an Moladh. Ba cheart na bearta sin a chur chun feidhme i ndlí an Aontais.

(8)

Ag an 42ú cruinniú bliantúil a bhí ag GFCM in 2018, ghlac sé Moladh GFCM/42/2018/8 maidir le tuilleadh beart éigeandála in 2019-2021 le haghaidh stoic pheiligeacha bheaga i Muir Aidriad (folimistéir gheografacha GFCM 17 agus 18 ). Ba cheart na bearta sin a chur chun feidhme i ndlí an Aontais. Socraítear na huasteorainneacha gabhála go heisiach do bhliain amháin agus ní dochar iad d'aon bhearta eile a ghlacfar sa todhchaí agus d'aon scéim cionroinnte féideartha idir na Ballstáit.

(9)

Ag an 42ú cruinniú bliantúil a bhí ag GFCM in 2018, ghlac sé Moladh GFCM/42/2018/3 maidir le plean bainistíochta ilbhliantúil d'iascaigh tráil inbhuanaithe a dhíríonn ar an séacla mór dearg (Aristaeomorpha foliacea) agus ar an séacla gorm agus dearg (Aristeus antennatus) i Muir na Leiveainte (folimistéir gheografacha GFCM 24, 25, 26 agus 27), moladh lenar tugadh isteach líon uasta soithí iascaireachta. Ba cheart na bearta sin a chur chun feidhme i ndlí an Aontais.

(10)

Ag an 42ú cruinniú bliantúil a bhí ag GFCM in 2018, ghlac sé Moladh GFCM/42/2018/4 maidir le plean bainistíochta ilbhliantúil d'iascaigh tráil inbhuanaithe a dhíríonn ar an séacla mór dearg (Aristaeomorpha foliacea) agus ar an séacla gorm agus dearg (Aristeus antennatus) sa Mhuir Iónach (folimistéir gheografacha GFCM 19, 20 agus 21), moladh lenar tugadh isteach líon uasta soithí iascaireachta. Ba cheart na bearta sin a chur chun feidhme i ndlí an Aontais.

(11)

Ag an 43ú cruinniú bliantúil a bhí ag GFCM in 2019, ghlac sé Moladh GFCM/43/2019/6 maidir le bearta bainistíochta d'iascaigh tráil inbhuanaithe a dhíríonn ar an séacla mór dearg (Aristaeomorpha foliacea) agus ar an séacla gorm agus dearg (Aristeus antennatus) i gCaolas na Sicile (folimistéir gheografacha GFCM 12, 13, 14, 15 agus 16), moladh lenar tugadh isteach líon uasta soithí iascaireachta. Ba cheart na bearta sin a chur chun feidhme i ndlí an Aontais.

(12)

Ag an 43ú cruinniú bliantúil a bhí ag GFCM in 2019, ghlac sé Moladh GFCM/43/2019/5 maidir le plean bainistíochta ilbhliantúil i dtaca le hiascaigh ghrinnill inbhuanaithe i Muir Aidriad (folimistéir gheografacha GFCM 17 agus 18), moladh lenar tugadh isteach córas iarrachta iascaireachta agus uasteorainn acmhainneachta cabhlaigh maidir le stoic ghrinnill áirithe. Ba cheart na bearta sin a chur chun feidhme i ndlí an Aontais.

(13)

Agus saintréithe chabhlach na Slóivéine agus a thionchar beag ar stoic pheiligeacha bheaga agus stoic ghrinnill, is iomchuí na patrúin iascaireachta atá ann cheana a chaomhnú agus rochtain chabhlach na Slóivéine a áirithiú ar íosmhéid peiligigh bheaga agus cuóta íosta iarrachta le haghaidh stoic ghrinnill.

(14)

Ag an 43ú cruinniú bliantúil a bhí ag GFCM in 2019, ghlac sé Moladh GFCM/43/2019/4 maidir le plean bainistíochta ilbhliantúil le haghaidh saothrú inbhuanaithe an choiréalaigh dheirg (Corallium rubrum) i Muir Aidriad (folimistéir gheografacha GFCM 1 go 27), moladh lenar tugadh isteach líon uasta údaruithe iascaireachta agus teorainneacha saothraithe maidir leis an gcoiréalach dearg. Ba cheart na bearta sin a chur chun feidhme i ndlí an Aontais.

(15)

Ag an 43ú cruinniú bliantúil a bhí ag GFCM in 2019, ghlac sé Moladh GFCM/43/2019/2 maidir le plean bainistíochta le haghaidh saothrú inbhuanaithe an deargáin (Pagellus bogaraveo) i Muir Alboran (folimistéir gheografacha GFCM 1 go 3), moladh lenar tugadh isteach teorainn gabhála agus iarrachta bunaithe ar an meánleibhéal a údaraíodh agus a cuireadh i bhfeidhm thar na tréimhse 2010-2015. Ba cheart na bearta sin a chur chun feidhme i ndlí an Aontais.

(16)

Ag an 43ú cruinniú de chuid GFCM n 2019, ghlac sé Moladh GFCM/43/2019/1 maidir le sraith de bhearta bainistíochta le haghaidh úsáid feiste comhthiomsaithe éisc ar ancaire in iascaigh dorád coiteann (Coryphaena hippurus) sa Mheánmhuir (folimistéir gheografacha GFCM 1 go 27), moladh lenar tugadh isteach líon uasta soithí iascaireachta a dhíríonn ar an dorád coiteann. Ba cheart na bearta sin a chur chun feidhme i ndlí an Aontais.

(17)

Ag an 43ú cruinniú de chuid GFCM in 2019, ghlac sé Moladh GFCM/43/2019/3 lena leasaítear Moladh GFCM/41/2017/4 maidir le plean bainistíochta ilbhliantúil le haghaidh iascaigh turbard sa Mhuir Dhubh (folimistéar geografach GFCM 29). Tugadh isteach leis an Moladh sin gabháil iomlán incheadaithe (TAC) réigiúnach uasdátaithe agus scéim cionroinnte cuótaí maidir leis an turbard agus bearta caomhnaithe breise le haghaidh an stoic sin, go háirithe tréimhse choiscthe 2 mhí agus teorainn 180 lá sa bhliain leis an líon laethanta iascaireachta. Ba cheart na bearta sin a chur chun feidhme i ndlí an Aontais.

(18)

I gcomhréir leis an gcomhairle eolaíoch a chuir GFCM ar fáil, is gá an leibhéal básmhaireachta iascaireachta atá ann faoi láthair a choinneáil chun inbhuaine an stoic salán sa Mhuir Dhubh. Is iomchuí mar sin leanúint de chuóta uathrialach a shocrú maidir leis an stoc sin.

(19)

Ba cheart na deiseanna iascaireachta a bhunú ar bhonn na comhairle eolaíche atá ar fáil agus aird á tabhairt ar ghnéithe bitheolaíocha agus socheacnamaíocha agus cóir chothrom idir earnálacha iascaireachta á háirithiú, agus i bhfianaise na tuairimí a cuireadh in iúl le linn an chomhairliúcháin le páirtithe leasmhara.

(20)

Le Rialachán (CE) Uimh. 847/96 ón gComhairle (5), tugadh coinníollacha breise isteach chun TACanna a bhainistiú ó bhliain go bliain, lena n-áirítear, faoi Airteagail 3 agus 4 den Rialachán sin, forálacha solúbthachta le haghaidh TACanna réamhchúraim agus anailíseacha. Faoi Airteagal 2 den Rialachán sin, bíonn sé le cinneadh ag an gComhairle, agus TACanna á socrú aici, cé na stoic nach mbeidh feidhm ag Airteagail 3 nó 4 den Rialachán sin maidir leo, go háirithe ar bhonn stádas bitheolaíoch na stoc. Níos déanaí, tugadh sásra solúbthachta bliain go bliain isteach le hAirteagal 15(9) de Rialachán (AE) Uimh. 1380/2013 maidir le gach stoc atá faoi réir oibleagáid gabhálacha a thabhairt i dtír. Dá bhrí sin, d'fhonn solúbthacht iomarcach a sheachaint a bhainfeadh an bonn de phrionsabal shaothrú céillí freagrach na n-acmhainní bitheolaíocha muirí, a chuirfeadh bac ar ghnóthú chuspóirí CBI agus a bheadh ina chúis le meath ar stádas bitheolaíoch na stoc, ba cheart a leagan síos nach mbeidh feidhm ag Airteagail 3 agus 4 de Rialachán (CE) Uimh. 847/96 maidir le TACanna anailíseacha ach amháin i gcás nach mbaintear leas as an tsolúbthacht bliain go bliain dá bhforáiltear in Airteagal 15(9) de Rialachán (AE) Uimh. 1380/2013.

(21)

Tá úsáid na ndeiseanna iascaireachta atá ar fáil ag soithí iascaireachta de chuid an Aontais a leagtar amach sa Rialachán seo faoi réir Rialachán (CE) Uimh. 1224/2009 ón gComhairle (6), agus go háirithe Airteagail 33 agus 34 den Rialachán sin, maidir le gabhálacha agus iarracht iascaireachta a thaifeadadh agus maidir le fógra a thabhairt faoi shonraí i ndáil le hídiú deiseanna iascaireachta. Is gá, dá bhrí sin, na cóid atá le húsáid ag na Ballstáit a shonrú agus sonraí á gcur chuig an gCoimisiún acu maidir le stoic éisc a thabhairt i dtír atá faoi réir an Rialacháin seo.

(22)

Ionas nach gcuirfear isteach ar ghníomhaíochtaí iascaireachta agus chun slí bheatha iascairí an Aontais a áirithiú, ba cheart feidhm a bheith ag an Rialachán seo ón 1 Eanáir 2021. Ar chúiseanna práinne, ba cheart an Rialachán seo a theacht i bhfeidhm láithreach tar éis a fhoilsithe.

(23)

Ba cheart deiseanna iascaireachta a úsáid agus dlí an Aontais á chomhlíonadh go hiomlán,