|
18.7.2017 |
MT |
Il-Ġurnal Uffiċjali tal-Unjoni Ewropea |
C 232/9 |
Opinjoni tal-Kumitat Konsultattiv dwar il-fużjonijiet mogħtija fil-laqgħa tiegħu tat-2 ta’ Lulju 2015 dwar abbozz ta’ deċiżjoni relatat mal-Każ M.7408 — Cargill/ADM Chocolate Business
Relatur: Is-Slovakkja
(2017/C 232/11)
Konċentrazzjoni
|
1. |
Il-Kumitat Konsultattiv jaqbel mal-Kummissjoni li l-operazzjoni notifikata tikkostitwixxi konċentrazzjoni fit-tifsira tal-Artikolu 3(1)(b) tar-Regolament dwar l-Għaqdiet. |
|
2. |
Il-Kumitat Konsultattiv jaqbel mal-Kummissjoni li l-operazzjoni notifikata għandha dimensjoni tal-Unjoni, skont l-Artikolu 1(3) tar-Regolament dwar l-Għaqdiet. |
Swieq Rilevanti
|
3. |
Il-Kumitat Konsultattiv jaqbel mad-definizzjonijiet tal-Kummissjoni tal-prodott rilevanti u s-swieq ġeografiċi kif stabbilit fl-abbozz ta’ deċiżjoni. |
|
4. |
B’mod partikolari, il-Kumitat Konsultattiv jaqbel mal-konklużjonijiet tal-Kummissjoni li:
|
Valutazzjoni Kompetittiva — Effetti mhux koordinati orizzontali
|
5. |
Il-Kumitat Konsultattiv jaqbel mal-Kummissjoni li l-konċentrazzjoni proposta, kif oriġinarjament propost mill-Partijiet Notifikanti, x’aktarx twassal għal impediment sinifikanti għal kompetizzjoni effettiva fis-suq għal ċikkulata industrijali mibjugħa lil konsumaturi fil-Ġermanja jew lil konsumaturi li jinsabu f’żoni kondiviżi taż-żoni ta’ qbid tal-impjant tal-ADM f’Mannheim/il-Ġermanja u l-impjanti ta’ Cargill fil-Ġermanja. |
|
6. |
Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni nnotifikata ma twassalx għal tfixkil sinifikanti għall-kompetizzjoni effettiva:
|
Valutazzjoni kompetittiva — Effetti vertikali
|
7. |
Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni notifikata mhux se twassal għal tfixkil sinifikanti għall-kompetizzjoni effettiva fir-rigward tar-rabtiet vertikali bejn l-attivitajiet tal-Partijiet fil-produzzjoni u l-bejgħ ta’ prodotti nofshom ipproċessati, prodotti tal-kawkaw (upstream) u l-produzzjoni u l-bejgħ ta’ ċikkulata industrijali (downstream). |
Rimedju
|
8. |
Il-Kumitat Konsultattiv jaqbel mal-Kummissjoni li l-impenji huma suffiċjenti biex jitwarrab it-tħassib li tqajjem mill-konċentrazzjoni proposta fir-rigward tal-kompatibbiltà tagħha mas-suq intern jew parti sostanzjali minnu: |
Kompatibbiltà mas-suq intern
|
9. |
Il-Kumitat Konsultattiv jaqbel mal-Kummissjoni li, jekk l-impenji offruti mill-partijiet ikunu segwiti, u jiġu kkunsidrati l-impenji kollha f’daqqa, il-konċentrazzjoni proposta x’aktarx li mhux se tfixkel b’mod sinifikanti l-kompetizzjoni effettiva fis-suq intern jew f’parti sostanzjali minnu. |
|
10. |
Il-Kumitat Konsultattiv jaqbel mal-opinjoni tal-Kummissjoni li l-konċentrazzjoni proposta għandha tiġi ddikjarata kompatibbli mas-suq intern u mal-Ftehim dwar iż-ŻEE skont l-Artikoli 2(2) u 8(2) tar-Regolament tal-Għaqdiet u l-Artikolu 57 tal-Ftehim dwar iż-ŻEE. |