European flag

Iris Oifigiúil
an Aontais Eorpaigh

GA

Sraith C


C/2025/2421

16.4.2025

Foilsiú teachtaireachta maidir le formheas ar leasú caighdeánach ar an tsonraíocht táirge le haghaidh ainm in earnáil an fhíona dá dtagraítear in Airteagal 17(2) agus (3) de Rialachán Tarmligthe (AE) 2019/33 ón gCoimisiún

(C/2025/2421)

Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 ón gCoimisiún (1).

FORMHEAS AR LEASÚ CAIGHDEÁNACH A CHUR IN IÚL

‘Chiroubles’

PDO-FR-A0911-AM03

Dáta na teachtaireachta: 9 Eanáir 2025

TUAIRISC AR AN LEASÚ FORMHEASTA AGUS NA CÚISEANNA LEIS

1.   Limistéar geografach

I gCaibidil I, Roinn IV, pointe 1 den tsonraíocht, cuireadh ‘2022’ in ionad na huimhreach ‘2019’.

Leis an leasú eagarthóireachta sin, ligtear don limistéar geografach a bheith aitheanta le tagairt do leagan 2022 den Chód Geografach Oifigiúil, a fhoilsíonn an Institiúid Náisiúnta Staidrimh agus Staidéar Eacnamaíoch (INSEE) agus a thugann deimhneacht dhlíthiúil don sainiú ar an limistéar geografach.

Leasaíodh pointe 6 den doiciméad aonair.

2.   Limistéar díreach in aice láimhe

I gCaibidil I, Roinn IV, pointe 3 den tsonraíocht, cuireadh ‘2022’ in ionad na huimhreach ‘2019’.

Leis an leasú eagarthóireachta sin is féidir an limistéar atá díreach in aice láimhe a shainaithint faoi threoir leagan 2022 den Chód Geografach Oifigiúil, arna fhoilsiú ag INSEE.

Leis an tagairt sin tugtar deimhneacht dhlíthiúil don sainiú ar an limistéar atá díreach in aice láimhe.

Rinneadh liosta na mbardas atá sa limistéar atá díreach in aice láimhe, lena n-áirítear a n-ainmneacha, a thabhairt cothrom le dáta, gan athruithe a dhéanamh ar theorainn an limistéir, chun na hathruithe riaracháin a rinneadh a chur san áireamh.

Leasaíodh an roinn den doiciméad aonair dar ceannteideal ‘Coinníollacha breise’.

3.   Dlús plandaithe

I gCaibidil I, Roinn VI, pointe 1(a) den tsonraíocht, cuireadh isteach forálacha sonracha maidir le fíniúnacha a fhástar ar léibhinn faoin gceannteideal ‘Forálacha speisialta’:

Chun meicniú dáileachtaí talún ar fhánaí an-ghéar a éascú, is mian le saothróirí fíniúna go gceadófaí dóibh léibhinn a chruthú. Níl na rialacha ginearálta maidir le dlús infheidhme maidir leis an gcineál sin saothraithe fíniúna. Dá bhrí sin, d’fhormheas coiste náisiúnta inniúil na hInstitiúide Náisiúnta Tionscnaimh agus Cáilíochta (INAO) forálacha sonracha agus cuireadh leis an tsonraíocht iad.

Leasaíodh an doiciméad aonair faoin gceannteideal ‘Cleachtais fhíoneolaíocha shonracha’.

4.   Rialacha maidir le hairde duilliúir

Cuireadh rialacha sonracha le Caibidil I, Roinn VI, pointe 1(c) den tsonraíocht maidir le hairde duilliúir le haghaidh fíniúnacha a fhástar ar léibhinn, nach sainítear spásáil idir rónna ina leith.

Ní bhaineann an leasú sin leis an doiciméad aonair.

5.   Toirmeasc ar ithir ó áiteanna lasmuigh den limistéar a úsáid

Rinneadh na leasuithe seo a leanas ar Chaibidil I, Roinn VI, pointe 2 den tsonraíocht:

—

Cuireadh mír nua (a) isteach lena dtoirmisctear ithir ó áiteanna lasmuigh den limistéar a úsáid ar na dáileachtaí talún a chumhdaítear leis an ainmniúchán.

Soiléiríodh go gciallaíonn ‘ithir ó áiteanna lasmuigh den limistéar’ ithir nach de thionscnamh limistéar dáileachta talún críochaithe an ainmniúcháin tionscnaimh faoi chosaint ‘Chiroubles’ í.

—

Is í mír (a), mar a bhí ann roimhe seo, atá ina mír (b) anois.

Ní bhaineann an leasú sin leis an doiciméad aonair.

6.   Cóireáil uisce the

Rinneadh na leasuithe seo a leanas ar Chaibidil I, Roinn VI, pointe 2 den tsonraíocht:

—

Is í mír (b), mar a bhí ann roimhe seo, atá ina mír (c) anois.

—

Leasaíodh mír (c) mar a leanas: ‘Tá sé éigeantach cóireáil uisce the a dhéanamh ar phlandaí caighdeánacha agus ar phlandaí as plandlanna príobháideacha’.

Comhlíonann an fhoráil sin an riail nua arna bunú ag coiste náisiúnta inniúil INAO chun dul i ngleic le forbairt an ghalair buíochain. Tá sé i gceist leis an riail nua cóireálacha ceadaithe a theorannú do chóireáil uisce the, rud a chuirfidh toirmeasc ar chóireálacha malartacha nach dtairgeann na ráthaíochtaí céanna éifeachtachta.

Ní bhaineann an leasú sin leis an doiciméad aonair.

7.   Táirgeacht agus uasteorainn táirgeachta

Rinneadh na leasuithe seo a leanas ar Chaibidil I, Roinn VIII, pointe 1 den tsonraíocht:

—

Leagadh amach na forálacha atá ann cheana i mír atá lipéadaithe mar mhír (a);

—

Cuireadh mír (b) isteach, lena leagtar amach an riail maidir leis an táirgeacht údaraithe a ríomh le haghaidh fíniúnacha a fhástar ar léibhinn. - Is é uastáirgeacht na ndáileachtaí talún léibheannacha sin an táirgeacht a leagtar amach le haghaidh an ainmniúcháin i mír (a).

Ní bhaineann an leasú sin leis an doiciméad aonair.

8.   Bearta idirthréimhseacha

Leasaíodh Caibidil I, Roinn XI, pointe 1(a) den tsonraíocht, is é sin, an beart idirthréimhseach maidir leis an dlús íosta plandaithe.

Cuireadh fadú ó 2015 go 2031 leis an údarú chun fíniúnacha atá ann amhail ón 28 Samhain 2004 a ghrafadh go páirteach. Tá ráta speisialta laghdaithe ann maidir le fíniúnacha a ndéanfar grafadh orthu arís. Is é an cuspóir atá ann dlús a chur le hathstruchtúrú fíonghort i gcomhthéacs eacnamaíoch deacair nach gceadaíonn athphlandú ar mhórscála, agus meicniú san fhíonghort a éascú, agus ar an gcaoi sin úsáid gliofosáite a laghdú.

Ní bhaineann an leasú sin leis an doiciméad aonair.

9.   Ceanglais maidir le dearbhú

Rinneadh na leasuithe seo a leanas ar Chaibidil II, Roinn I den tsonraíocht:

—

I bpointí 2, 3, 5 agus 6, leasaíodh na forálacha maidir leis na teorainneacha ama le haghaidh oibleagáidí dearbhaithe chun é a dhéanamh níos éasca seiceálacha a dhéanamh.

—

I bpointe 2, sonraíodh nach bhféadfar táirgí a chur ar fáil ar an mórchóir go dtí go bhfaighfear freagra fabhrach ar an dearbhú ón gcomhlacht cigireachta formheasta.

—

I bpointe 4, tá córas na ndearbhuithe achoimre ráithiúla le haghaidh na ndearbhuithe dá dtagraítear i bpointí 3 agus 6 ar fáil anois gan beann ar na toirteanna nó ar an líon idirbheart a dhéanann na hoibreoirí. Tá sé sonraithe nach mór na dearbhuithe achoimre sin a sheoladh chuig an gcomhlacht cigireachta tráth nach déanaí ná 10 lá tar éis dheireadh na ráithe.

—

I bpointe 5, sonraíodh nach féidir coinsíneachtaí fíona neamhphacáistithe a bhfuil sé beartaithe iad a sheoladh lasmuigh den chríoch náisiúnta a chur ar fáil go dtí go bhfaightear freagra fabhrach, ón gcomhlacht cigireachta formheasta, ar an dearbhú maidir le seoladh lasmuigh den chríoch náisiúnta.

—

Cuireadh mionsonraí maidir leis an dearbhú athaicmiúcháin isteach ag pointe 6.

—

Leasaíodh pointe 9 chun na hoibríochtaí a údaraítear mar chuid d’atheagrú dáileachtaí talún a shonrú.

Ní bhaineann an leasú sin leis an doiciméad aonair.

10.   Tagairtí don chomhlacht cigireachta

Cuireadh comhlacht eile in ionad an chomhlachta cigireachta dá dtagraítear i gCaibidil III, Roinn II den tsonraíocht.

Leasaíodh an chéad mhír agus scriosadh an dara mír chun na rialacha nua maidir le dréachtú a léiriú.

Ní bhaineann an leasú sin leis an doiciméad aonair.

DOICIMÉAD AONAIR

1.   Ainm (nó ainmneacha)

Chiroubles

2.   Cineál an táisc gheografaigh

ATFC – Ainmniúchán Tionscnaimh faoi Chosaint

3.   Catagóirí na dtáirgí fíniúna

1.

Fíon

3.1.   Cód Ainmníochta Comhcheangailte

—

22 - DEOCHANNA, BIOTÁILLÍ AGUS FÍNÉAGAR

2204 - fíon ó fhíonchaora úra, lena n-áirítear fíonta treisithe; úrfhíon fíonchaor seachas é sin atá faoi cheannteideal 2009

4.   Tuairisc ar an bhfíon (nó ar na fíonta)

TUAIRISC ACHOMAIR I SCRÍBHINN

Is fíonta dearga tirime socra iad na fíonta. Tá neart alcóil nádúrtha íosta 10,5 % de réir toirte sna fíonta. Níl an neart alcóil iomlán de réir toirte sna fíonta tar éis saibhrithe níos mó ná 13 %. Tráth an phacáistithe, bíonn méid uasta aigéid mhalaigh 0,4 gram in aghaidh an lítir sna fíonta. Comhlíonann fíonta atá críochnaithe agus réidh le scaoileadh lena dtomhailt na caighdeáin anailíseacha seo a leanas: Uasmhéid siúcra choipthigh (glúcós agus fruchtós): 3 ghram in aghaidh an lítir. Comhlíonann na critéir eile anailíseacha na luachanna a bhunaítear sa reachtaíocht Eorpach. Bíonn dath álainn éadrom an rúibín ar na fíonta. Maidir leis an mboladh, is minic a bhíonn mionbhlasanna bláthacha agus mionbhlasanna torthaíocha orthu. Sa bhéal, bíonn an struchtúr bog agus an-íogair i gcoitinne, gan mórán tainniní agus bíonn galántacht chothromaithe, thorthaíoch ann. Is féidir iad a ól agus iad óg ach má choinnítear iad ar feadh bliain nó dhó baintear amach a ngalántacht iomlán.

Saintréithe anailíseacha ginearálta

—

Neart alcóil iomlán uasta (in % de réir toirte) —

—

Neart alcóil iarbhír íosta (in % de réir toirte) —

—

Aigéadacht iomlán íosta —

—

Aigéadacht luaineach uasta (i milleachoibhéisí in aghaidh an lítir): 14,17

—

Dé-ocsaíd sulfair iomlán uasta (i milleagraim in aghaidh an lítir) —

5.   Cleachtais fhíoneolaíocha

5.1.   Cleachtais fhíoneolaíocha shonracha

1.   Cleachtas fíoneolaíoch sonrach

—

Ní cheadaítear sliseanna adhmaid a úsáid.

—

Níl an neart alcóil iomlán de réir toirte sna fíonta tar éis saibhrithe níos mó ná 13 %.

—

Ceadaítear teicnící laghdúcháin saibhrithe suas le ráta tiúchana 10 %.

—

Ní mór na fíonta a aosú go dtí an 15 Eanáir ar a laghad den bhliain i ndiaidh na buainte.

I dteannta leis na forálacha thuas, ní mór do na cleachtais fhíoneolaíocha uile na ceanglais a leagtar síos ar leibhéal an Aontais Eorpaigh agus sa Chód um Ghnóthaí Tuaithe agus um Iascaireacht Mhuirí a chomhlíonadh freisin.

2.   An modh saothraithe

—

Dlús plandaithe

Is é 6 000 planda in aghaidh an heicteáir dlús plandaithe íosta na bhfíniúnacha.

Is é 2.10 méadar nó níos lú an spásáil idir na sraitheanna. Is é 0,80 méadar ar a laghad an spásáil idir plandaí sa tsraith chéanna.

Ar choinníoll go gcoinnítear an dlús íosta de 6 000 planda in aghaidh an heicteáir, chun críoch meicniúcháin, féadfar uasfhad 3 mhéadar a bheith idir sraitheanna.

Níl feidhm ag na forálacha sin maidir le dáileachtaí talún léibheannacha. Ciallaíonn dáileacht fíonghoirt léibheannach dáileacht talún ag a bhfuil tírdhreachú sonrach, a bunaíodh sular cuireadh an fhíniúin, a raibh gá léi mar gheall ar an bhfána a bhí ann cheana. Fágann an tírdhreachú léibheannach sin nach mbíonn feidhm ag na gnáthrialacha maidir le dlús plandaithe agus nach féidir buainteoirí meicnithe a úsáid idir na leibhéil éagsúla.

I gcás dáileachtaí fíonghort léibheannacha, is é 0,80 méadar ar a laghad an spásáil idir plandaí sa ró céanna.

3.   An modh saothraithe

—

Rialacha maidir le prúnáil

—

Cuirtear an phrúnáil i gcrích faoin 15 Bealtaine.

—

Déantar na fíonta as fíniúnacha a ndéantar prúnáil spoir orthu agus déantar cuachthreorú, treorú éventail, treorú aonair nó dúbailte Royat, nó treorú ‘Charmet’ orthu. Bíonn deich mbachlóg ar a mhéad ar gach planda.

—

Bíonn trí go cúig spor ag gach planda mar aon le dhá bhachlóg ar a mhéad. Chun críoch athghiniúna, féadfar spor a bheith ar gach planda ar a mbíonn dhá bhachlóg ar a mhéad a ghearrtar as péacán eipeachormánach a bhíonn ag fás as adhmad buan;

—

Le linn na prúnála tosaigh, nó tiontaithe chuig cineál prúnála difriúil, prúnáiltear fíniúnacha go 12 bhachlóg ar a mhéad in aghaidh an phlanda.

Toirmisctear an t-uisciú.

—

Forálacha a bhaineann le buaint mheicnithe

—

Ní dhéantar an bhuaint a charnadh níos airde ná 0,50 méadar sna coimeádáin a iompraíonn í ón dáileacht talún go dtí an fhíonlann.

—

Déantar na coimeádáin as ábhar támh atá oiriúnach d’úsáid an bhia.

—

Áirítear le trealamh le haghaidh bhaint agus iompar an fhómhair córas speisialta draenála uisce nó córas speisialta cosanta.

5.2.   Uastáirgeacht

61 heictilítear in aghaidh an heicteáir

6.   Limistéar geografach críochaithe

Déantar na fíonchaora a bhuain agus déantar na fíonta a tháirgeadh, a fhorbairt agus a aosú sa bhardas seo a leanas de chuid roinn Rhône, bunaithe ar Chód Geografach Oifigiúil 2022: Chiroubles.

7.   Cineál (nó cineálacha) fíonchaor

Gamay N

8.   Tuairisc ar an nasc (nó ar na naisc)

8.1.   Tuairisc ar na tosca nádúrtha is ábhartha don nasc

Tá an limistéar geografach suite ar thaobhanna thoir chnoic Beaujolais, agus is é Mont Saint-Rigaud an pointe is airde de na cnoic sin, is é sin le rá, 1 009 méadar.

Tá an limistéar lonnaithe i gcríoch bardais aonair, Chiroubles, i dtuaisceart roinn Rhône.

Tá an limistéar geografach suite i slabhra beag cnoc a chruthaíonn saghas amfaitéatair eibhir, atá oscailte san oirdheisceart agus breá foscúil. Tá an tírdhreach an-gharbh agus míchothrom. Síneann na fánaí géara, atá nochta go maith san oirthear agus san oirdheisceart, síos i dtreo íochtair na ngleanna áit a sreabhann sruthán Douby agus a chraobh-aibhneacha. Tá an limistéar suite siar ó dheas ó Mâcon agus ó thuaidh ó Lyon.

Tá na dáileachtaí talún atá críochaithe le haghaidh bhuaint na bhfíonchaor suite ar na fánaí atá ag breathnú amach ar mhachaire Saône. Agus iad suite ag airdí idir 260 agus 600 méadar, is iad na fíonghoirt is airde i réigiún Beaujolais iad. Tá na hithreacha aonchineálach den chuid is mó, agus iad foirmithe mar thoradh ar athrú ar an mbonn eibhreach a chruthaigh limistéar d’ithir gharbh ghainmheach. In áiteanna, tá síoga micreibhir agus lampraifír measctha leis an ithir. Tá na hithreacha sin tearc, éadrom, aigéadach, tréscaoilteach agus éadomhain.

Aeráid fomhuirí atá ann a bhíonn faoi réir tionchair ilchríochacha agus dheisceartacha. Titeann báisteach go cothrom i rith na bliana, agus bíonn an mheánteocht bhliantúil gar do 11 °C. Tá ról ríthábhachtach ag cnoic Beaujolais ó thaobh cosaint a thabhairt ar na gaotha aniar, rud a laghdaíonn tionchar na mara. Táirgeann na cnoic éifeacht foehn a thriomaíonn an t-aer tais, rud a fheabhsaíonn an solas agus a laghdaíonn báisteach.

Tá ról suntasach ag gleann leathan Saône freisin i dtaca le forbairt na bhfíniúnacha. Áirithíonn sé flúirse solais agus cainéil le haghaidh tionchair dheisceartacha, ar saintréith ar leith díobh teas dian sa samhradh.

8.2.   Tuairisc ar na tosca daonna is ábhartha don nasc

Ó na Meánaoiseanna, d’fhorbair fíniúnacha faoi thionchar oird mhanachúla. Ó dheireadh an 15ú haois, tar éis dóibh éirí saibhir ó shíoda agus ó bhaincéireacht, rannchuidigh bourgeoisie Lyon le leathadh fíonghort.

Le linn an 18ú haois, tháinig forbairt ar thrádáil an fhíona sa réigiún agus tháinig athruithe suntasacha ar na fíonghoirt dá bharr sin. Sa bhliain 1697, d’eagraidh Lambert d’Herbigny daonáireamh. Bhí an t-ainm ‘Chiroubles’ i measc na bparóistí ina raibh fíniúnacha á bhfás, cé go raibh an ghníomhaíocht sin ar siúl ar scála beag.

Mar sin féin, ba é Victor Pulliat an fórsa tiomána maidir le hainm naofa a dhéanamh de ‘Chiroubles’ i stair an fhíonsaothraithe nua-aimseartha. Ar a eastát in Tempéré i mbardas Chiroubles, chuir an phearsa mór le rá úd bailiúchán 1 200 cineál fíonchaor le chéile. Bhunaigh sé an scála luathaibithe agus luathbhachlógaithe le haghaidh cineálacha fíniúna agus, sna 1880idí, thionscain sé an comhrac in aghaidh sciúirse na fiollocsaeire. Rinne sé scagadh ar bheangú fíniúnacha, ar arm thar a bheith éifeachtach é, agus é neamhdhíobhálach don chomhshaol agus a úsáidtear ar fud an domhain anois. Ba iad na fíniúnacha a bhí aige na chéad fhíniúnacha a beangaíodh i roinn Rhône. Bhí ról lárnach aige maidir le hathbhunú na bhfíonghort.

In 1928, agus iad ag freagairt don ghéarchéim san fhíonsaothrú, tháinig táirgeoirí beaga le chéile chun fíonlann chomhoibritheach a chruthú, chun feabhas a chur ar na dálaí le haghaidh na fíonóireachta agus le haghaidh dhíol a dtáirgí. Déantar fíon fós as fíonchaora a bhuain thart ar 60 ball san fhíonlann sin.

Aithníodh ainmniúchán tionscnaimh rialaithe ‘Chiroubles’ le Foraithne an 11 Meán Fómhair 1936, foraithne ar de thionscnamh aontas na saothróirí fíona í.

Mar gheall ar mhéid mheasartha na ndáileachtaí talún, agus a gcineál an-ilroinnte ar de thoradh na topagrafaíochta é, tá meascán fíniúnacha ann. Is comhartha iad sin den dianghníomhaíocht dhaonna san fhíonsaothrú.

Léiríonn táirgeadh fíonta ‘Chiroubles’ comhleá traidisiún réigiúnach sainiúil le teicnící nua-aimseartha.

Agus iad ag iarraidh fíonta ar ardchaighdeán a shaothrú, d’fhoghlaim na táirgeoirí an cineál Gamay N, a fhás agus a shaintréithe sonracha a cheansú, go háirithe trí dhlús ard plandaithe agus prúnáil spoir a úsáid.

Ionas go n-aibeoidh na fíonchaora i gceart, áirithíonn táirgeoirí go bhfuil an ceannbhrat oscailte go leordhóthanach. Dá bhrí sin, treoraítear na fíniúnacha gan treilísiú ná ceangal le tacaí le linn na luathbhlianta amháin. Ar an gcuma chéanna, is féidir iad a threorú ar threilísiú seasta freisin, rud lena gcumasaítear an meicniú.

Chun go bhfaigheann na fíonta an struchtúr tainneach is gá le linn aibithe, tá na táirgeoirí tar éis modh fíonóireachta ar leith a ghlacadh lena mbaineann coipeadh traidisiúnta agus maothú leathcharbóineach araon. De réir an ghnáis, tugann táirgeoirí aird ar an mbuaint ó na dáileachtaí talún is fearr a chaomhnú. Luann siad ainmneacha na lieux-dits, is é sin, dáileachtaí talún, is mó clú, ar na lipéid.

In 2010, shaothraigh thart ar 50 fíonlann phríobháideach agus fíonlann chomharchumainn limistéar 350 heicteár chun beagnach 16 000 heictilítear a tháirgeadh.

8.3.   Idirghníomhaíochtaí cúisíocha

Ar na dáileachtaí talún atá críochaithe le haghaidh bhuaint na bhfíonchaor, is ithreacha eibhreacha a bhíonn ann i gcoitinne, gan mórán cré iontu. Is gné shuntasach é sin maidir le blas uathúil na bhfíonta. Bíonn na hithreacha sin tearc agus dea-airíonna scagtha acu, draenálann siad agus éiríonn siad te go tapa, ar tosca iad sin a chuidíonn le fíonchaora agus fíonta ar ardchaighdeán, a bhfuil léiriú an-torthaíoch acu, a tháirgeadh.

Mar gheall ar a shuíomh geografach, tá limistéar ‘Chiroubles’ difriúil le fíonghoirt eile de chuid réigiún Beaujolais a mhéid a bhaineann le héagsúlacht shuntasach a aeráide. Go háirithe, tá teas an tsamhraidh láidir agus is minic a mhaireann sé go dtí an fómhar.

Cuireann cnoic Beaujolais cosaint ar fáil do dháilteachtaí talún an fhíonghoirt ar na gaotha aniar, ar dáileachtaí iad atá suite laistigh d’amfaitéatar nádúrtha a bhfuil a aghaidh ag féachaint soir ó dheas. Bíonn teochtaí séimheann ó bhreacadh an lae mar gheall ar éifeachtaí sholas na gréine go luath ar maidin.

Tá na fíniúnacha suite ar na fánaí a bhíonn an-ghéar uaireanta agus a bhreathnaíonn amach ar mhachaire leathan Saône, ag airdí idir 260 méadar agus 600 méadar. Dá bharr sin, is iondúil go n-éalaíonn siad ó shioc an earraigh agus ó cheocháin na maidine. Nochtann a suíomh iad do sholas na gréine a chumasaíonn fótaisintéis éifeachtach agus a dhraenálann aon bharrachas uisce báistí go tapa. Bíonn sár-aibiú na bhfíonchaor ann mar thoradh air sin. Is é an éifeacht foehn is cúis le teochtaí arda sa tréimhse aibithe agus déanann sé na héifeachtaí airde a fhrithchothromú.

Sna dálaí geografacha áirithe sin, d’fhorbair táirgeoirí ‘Chiroubles’ teicnící ó ghlúin go glúin lena gcuirtear ar a gcumas an leas is fearr is féidir a bhaint as Gamay N. Tá an cineál fíniúna sin oiriúnach go háirithe don aeráid agus do na hithreacha a cruthaíodh ó ghaineamh eibhreach.

Tá a bhfios feasa soiléir sa ghnáthchleachtas a bhaineann le prúnáil spoir, chomh maith le plandáil ard-dlúis, teicnící fáis chun creimeadh ithreach a theorannú, cleachtais fíonóireachta atá oiriúnaithe chun táirge a bhfuil dath saibhir air a tháirgeadh atá réidh le forbairt, agus fíneáltacht agus torthaíocht na bhfíonta á gcaomhnú i gcónaí, mar aon lena gcáilíochtaí aibithe agus coinneála.

I bhfad sula bhfuair ‘Beaujolais Nouveau’ greim ar an bpláinéad, bhí an-mheas ar fhíonta ‘Chiroubles’ cheana féin. Ina shaothar in 1816, Topographie de tous les vignobles connus (Topagrafaíocht na bhfíonghort aitheanta uile), luann Jullien fíonta ‘Chiroubles, a tháirgeann fíonta den chineál céanna le fíonta Fleury’, ar ‘cru’ (fíonghort) cáiliúil eile é de chuid réigiún Beaujolais.

Ó 1995 i leith, tá an fíon sin á chosaint agus á chur chun cinn thar theorainneacha réigiúnacha ag ‘Comhlachas Mhná Óga Chiroubles’. Is ócáid iontach í féile ‘Crus du Beaujolais’, a bhunaigh bardas Chiroubles. Le linn an chomórtais bhliantúil iontaigh, sainaithnítear na fíonta is fearr. Bronntar an ‘Corn Victor Pulliat’ ar an gceann is fearr, i gcuimhne ar an bpearsa mór le rá sin den bhardas.

9.   Coinníollacha fíor-riachtanacha breise (pacáistiú, lipéadú, ceanglais eile)

Limistéar díreach in aice láimhe

Creat dlíthiúil

Reachtaíocht náisiúnta

Cineál an choinníll breise

Maolú maidir le táirgeadh sa limistéar geografach críochaithe

Tuairisc ar an gcoinníoll

Sa limistéar atá díreach in aice láimhe, arna shainiú le maolú maidir leis na fíonta a dhéanamh, a phróiseáil agus a aosú, cuimsítear críoch na mbardas seo a leanas, bunaithe ar an gCód Geografach Oifigiúil le haghaidh 2022:

—

Roinn Côte-d’Or:

Agencourt, Aloxe-Corton, Ancey, Arcenant, Argilly, Autricourt, Auxey-Duresses, Baubigny, Beaune, Belan-sur-Ource, Bévy, Bissey-la-Côte, Bligny-lès-Beaune, Boncourt-le-Bois, Bouix, Bouze-lès-Beaune, Brion-sur-Ource, Brochon, Cérilly, Chamboeuf, Chambolle-Musigny, Channay, Charrey-sur-Seine, Chassagne-Montrachet, Châtillon-sur-Seine, Chaumont-le-Bois, Chaux, Chenôve, Chevannes, Chorey-lès-Beaune, Collonges-lès-Bévy, Combertault, Comblanchien, Corcelles-les-Arts, Corcelles-les-Monts, Corgoloin, Cormot-Vauchignon, Corpeau, Couchey, Curley, Curtil-Vergy, Daix, Dijon, Ebaty, Echevronne, Epernay-sous-Gevrey, L’Etang-Vergy, Etrochey, Fixin, Flagey-Echézeaux, Flavignerot, Fleurey-sur-Ouche, Fussey, Gerland, Gevrey-Chambertin, Gilly-lès-Cîteaux, Gomméville, Grancey-sur-Ource, Griselles, Ladoix-Serrigny, Lantenay, Larrey, Levernois, Magny-lès-Villers, Mâlain, Marcenay, Marey-lès-Fussey, Marsannay-la-Côte, Massingy, Mavilly-Mandelot, Meloisey, Merceuil, Messanges, Meuilley, Meursanges, Meursault, Molesme, Montagny-lès-Beaune, Monthelie, Montliot-et-Courcelles, Morey-Saint-Denis, Mosson, Nantoux, Nicey, Noiron-sur-Seine, Nolay, Nuits-Saint-Georges, Obtrée, Pernand-Vergelesses, Perrigny-lès-Dijon, Plombières-lès-Dijon, Poinçon-lès-Larrey, Pommard, Pothières, Premeaux-Prissey, Prusly-sur-Ource, Puligny-Montrachet, Quincey, Reulle-Vergy, La Rochepot, Ruffey-lès-Beaune, Saint-Aubin, Saint-Bernard, Saint-Philibert, Saint-Romain, Sainte-Colombe-sur-Seine, Sainte-Marie-la-Blanche, Santenay, Savigny-lès-Beaune, Segrois, Tailly, Talant, Thoires, Valforêt (an chuid i gcríoch iarbhardas Clémencey agus an chuid sin amháin), Vannaire, Velars-sur-Ouche, Vertault, Vignoles, Villars-Fontaine, Villebichot, Villedieu, Villers-la-Faye, Villers-Patras, Villy-le-Moutier, Vix, Volnay, Vosne-Romanée agus Vougeot;

Limistéar díreach in aice láimhe

Creat dlíthiúil

Reachtaíocht náisiúnta

Cineál an choinníll breise

Maolú maidir le táirgeadh sa limistéar geografach críochaithe

Tuairisc ar an gcoinníoll

Sa limistéar atá díreach in aice láimhe, arna shainiú le maolú maidir leis na fíonta a dhéanamh, a phróiseáil agus a aosú, cuimsítear críoch na mbardas seo a leanas, bunaithe ar an gCód Geografach Oifigiúil le haghaidh 2022:

—

Roinn Rhône:

Alix, Anse, L’Arbresle, Les Ardillats, Arnas, Bagnols, Beaujeu, Belleville-en-Beaujolais, Belmont-d’Azergues, Blacé, Le Breuil, Bully, Cercié, Chambost-Allières, Chamelet, Charentay, Charnay, Chasselay, Châtillon, Chazay-d’Azergues, Chénas, Chessy, Cogny, Corcelles-en-Beaujolais, Dardilly, Denicé, Deux Grosnes (an chuid i gcríoch iarbhardas Avenas agus an chuid sin amháin), Dracé, Emeringes, Fleurie, Fleurieux-sur-l’Arbresle, Frontenas, Gleizé, Juliénas, Jullié, Lacenas, Lachassagne, Lancié, Lantignié, Légny, Létra, Limas, Lozanne, Lucenay, Marchampt, Marcy, Moiré, Montmelas-Saint-Sorlin, Morancé, Odenas, Le Perréon, Pommiers, Porte des Pierres Dorées, Quincié-en-Beaujolais, Régnié-Durette, Rivolet, Sain-Bel, Saint-Clément-sur-Valsonne, Saint-Cyr-le-Chatoux, Saint-Didier-sur-Beaujeu, Saint-Etienne-des-Oullières, Saint-Etienne-la-Varenne, Saint-Georges-de-Reneins, Saint-Germain-Nuelles, Saint-Jean-des-Vignes, Saint-Julien, Saint-Just-d’Avray, Saint-Lager, Saint-Romain-de-Popey, Saint-Vérand, Sainte-Paule, Salles-Arbuissonnas-en-Beaujolais, Sarcey, Taponas, Ternand, Theizé, Val d’Oingt, Vaux-en-Beaujolais, Vauxrenard, Vernay, Villefranche-sur-Saône, Ville-sur-Jarnioux, Villié-Morgon agus Vindry-sur-Turdine (an chuid i gcríoch iarbhardais Les Olmes agus Saint-Loup agus an chuid sin amháin);

Limistéar díreach in aice láimhe

Creat dlíthiúil

Reachtaíocht náisiúnta

Cineál an choinníll breise

Maolú maidir le táirgeadh sa limistéar geografach críochaithe

Tuairisc ar an gcoinníoll

Sa limistéar atá díreach in aice láimhe, arna shainiú le maolú maidir leis na fíonta a dhéanamh, a phróiseáil agus a aosú, cuimsítear críoch na mbardas seo a leanas, bunaithe ar an gCód Geografach Oifigiúil le haghaidh 2022:

—

Roinn Saône-et-Loire:

Aluze, Ameugny, Azé, Barizey, Beaumont-sur-Grosne, Berzé-la-Ville, Berzé-le-Châtel, Bissey-sous-Cruchaud, Bissy-la-Mâconnaise, Bissy-sous-Uxelles, Bissy-sur-Fley, Blanot, Bonnay, Bouzeron, Boyer, Bray, Bresse-sur-Grosne, Burgy, Burnand, Bussières, Buxy, Cersot, Chagny, Chaintré, Chalon-sur-Saône, Chamilly, Champagny-sous-Uxelles, Champforgeuil, Chânes, Change, Chapaize, La Chapelle-de-Bragny, La Chapelle-de-Guinchay, La Chapelle-sous-Brancion, Charbonnières, Chardonnay, La Charmée, Charnay-lès-Mâcon, Charrecey, Chasselas, Chassey-le-Camp, Château, Châtenoy-le-Royal, Chaudenay, Cheilly-lès-Maranges, Chenôves, Chevagny-les-Chevrières, Chissey-lès-Mâcon, Clessé, Cluny, Cormatin, Cortambert, Cortevaix, Couches, Crêches-sur-Saône, Créot, Cruzille, Culles-les-Roches, Curtil-sous-Burnand, Davayé, Demigny, Dennevy, Dezize-lès-Maranges, Donzy-le-Pertuis, Dracy-le-Fort, Dracy-lès-Couches, Epertully, Etrigny, Farges-lès-Chalon, Farges-lès-Mâcon, Flagy, Fleurville, Fley, Fontaines, Fragnes-La-Loyère (an chuid i gcríoch iarbhardas La Loyère agus an chuid sin amháin), Fuissé, Genouilly, Germagny, Givry, Granges, Grevilly, Hurigny, Igé, Jalogny, Jambles, Jugy, Jully-lès-Buxy, Lacrost, Laives, Laizé, Lalheue, Leynes, Lournand, Lugny, Mâcon, Malay, Mancey, Martailly-lès-Brancion, Massilly, Mellecey, Mercurey, Messey-sur-Grosne, Milly-Lamartine, Montagny-lès-Buxy, Montbellet, Montceaux-Ragny, Moroges, Nanton, Ozenay, Paris-l’Hôpital, Péronne, Pierreclos, Plottes, Préty, Prissé, Pruzilly, Remigny, La Roche-Vineuse, Romanèche-Thorins, Rosey, Royer, Rully, Saint-Albain, Saint-Ambreuil, Saint-Amour-Bellevue, Saint-Boil, Saint-Clément-sur-Guye, Saint-Denis-de-Vaux, Saint-Désert, Saint-Gengoux-de-Scissé, Saint-Gengoux-le-National, Saint-Germain-lès-Buxy, Saint-Gervais-sur-Couches, Saint-Gilles, Saint-Jean-de-Trézy, Saint-Jean-de-Vaux, Saint-Léger-sur-Dheune, Saint-Mard-de-Vaux, Saint-Martin-Belle-Roche, Saint-Martin-du-Tartre, Saint-Martin-sous-Montaigu, Saint-Maurice-de-Satonnay, Saint-Maurice-des-Champs, Saint-Maurice-lès-Couches, Saint-Pierre-de-Varennes, Saint-Rémy, Saint-Sernin-du-Plain, Saint-Symphorien-d’Ancelles, Saint-Vallerin, Saint-Vérand, Saint-Ythaire, Saisy, La Salle, Salornay-sur-Guye, Sampigny-lès-Maranges, Sancé, Santilly, Sassangy, Saules, Savigny-sur-Grosne, Sennecey-le-Grand, Senozan, Sercy, Serrières, Sigy-le-Châtel, Sologny, Solutré-Pouilly, Taizé, Tournus, Uchizy, Varennes-lès-Mâcon, Vaux-en-Pré, Vergisson, Vers, Verzé, Le Villars, La Vineuse sur Fregande (an chuid i gcríoch iarbhardais Donzy-le-National, Massy agus La Vineuse agus an chuid sin amháin), Vinzelles agus Viré;

Lipéadú

Creat dlíthiúil

Reachtaíocht náisiúnta

Cineál an choinníll breise

Forálacha breise a bhaineann le lipéadú

Tuairisc ar an gcoinníoll

Sa limistéar atá díreach in aice láimhe, arna shainiú le maolú maidir leis na fíonta a dhéanamh, a phróiseáil agus a aosú, cuimsítear críoch na mbardas seo a leanas, bunaithe ar an gCód Geografach Oifigiúil le haghaidh 2022:

—

Roinn Yonne:

Aigremont, Annay-sur-Serein, Arcy-sur-Cure, Asquins, Augy, Auxerre, Avallon, Bazarnes, Beine, Bernouil, Béru, Bessy-sur-Cure, Bleigny-le-Carreau, Censy, Chablis, Champlay, Champs-sur-Yonne, Chamvres, La Chapelle-Vaupelteigne, Charentenay, Châtel-Gérard, Chemilly-sur-Serein, Cheney, Chevannes, Chichée, Chitry, Collan, Coulangeron, Coulanges-la-Vineuse, Courgis, Cruzy-le-Châtel, Dannemoine, Deux Rivières, Dyé, Epineuil, Escamps, Escolives-Sainte-Camille, Fleys, Fontenay-près-Chablis, Gy-l’Evêque, Héry, Irancy, Island, Joigny, Jouancy, Junay, Jussy, Lichères-près-Aigremont, Lignorelles, Ligny-le-Châtel, Lucy-sur-Cure, Maligny, Mélisey, Merry-Sec, Migé, Molay, Molosmes, Montigny-la-Resle, Montholon (an chuid i gcríoch iarbhardais Champvallon, Villiers sur Tholon agus Volgré agus an chuid sin amháin), Mouffy, Moulins-en-Tonnerrois, Nitry, Noyers, Ouanne, Paroy-sur-Tholon, Pasilly, Pierre-Perthuis, Poilly-sur-Serein, Pontigny, Préhy, Quenne, Roffey, Rouvray, Saint-Bris-le-Vineux, Saint-Cyr-les-Colons, Saint-Père, Sainte-Pallaye, Sainte-Vertu, Sarry, Senan, Serrigny, Tharoiseau, Tissey, Tonnerre, Tronchoy, Val-de-Mercy, Vallan, Venouse, Venoy, Vermenton, Vézannes, Vézelay, Vézinnes, Villeneuve-Saint-Salves, Villy, Vincelles, Vincelottes, Viviers agus Yrouerre.

Lipéadú

Creat dlíthiúil

Reachtaíocht náisiúnta

Cineál an choinníll breise

Forálacha breise a bhaineann le lipéadú

Tuairisc ar an gcoinníoll

a)

- I gcás fíonta lena ngabhann an t-ainmniúchán tionscnaimh faoi chosaint, féadfar an t-ainm aonaid gheografaigh níos lú a shonrú ar a lipéid, ar choinníoll gurb amhlaidh an méid seo a leanas:

—

is ainm áite i gclár na talún é;

—

tá sé le feiceáil ar an dearbhú buainte.

Tá ainm an tsuímh chláraithe le feiceáil díreach tar éis an ainmniúcháin tionscnaimh faoi chosaint, agus tá sé priontáilte i litreacha nach mó, ar airde ná ar leithead, ná na litreacha ina bhfuil ainm an ainmniúcháin tionscnaimh faoi chosaint scríofa.

b)

- Is féidir an t-eintiteas geografach níos mó ‘Vin du Beaujolais’, ‘Grand Vin du Beaujolais’ nó ‘Cru du Beaujolais’ a lua ar lipéid fíonta atá i dteideal an ainmniúcháin tionscnaimh faoi chosaint.

I dtaca leis an aonad geografach leathan sin, is éigean nach mbeadh na litreacha a úsáidtear ann níos mó, ar airde ná ar leithead, ná dhá thrian de mhéid litreacha ainm an ainmniúcháin tionscnaimh faoi chosaint.

Nasc chuig an tsonraíocht táirge

https://info.agriculture.gouv.fr/gedei/site/bo-agri/document_administratif-0aafbc7f-1531-462d-98d6-e38ad256458d


(1)   IO L 9, 11.1.2019, lch. 2.


ELI: http://data.europa.eu/eli/C/2025/2421/oj

ISSN 1977-107X (electronic edition)