|
1.6.2021 |
GA |
Iris Oifigiúil an Aontais Eorpaigh |
L 192/14 |
CINNEADH CUR CHUN FEIDHME (AE) 2021/879 ÓN gCOMHAIRLE
an 27 Bealtaine 2021
maidir le Cathaoirleach an Údaráis Eorpaigh um Árachas agus Pinsin Cheirde (ÚEÁPC) a cheapadh
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 1094/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Eorpach um Árachas agus Pinsin Cheirde), lena leasaítear Cinneadh Uimh. 716/2009/EC agus lena n-aisghairtear Cinneadh 2009/79/EC ón gCoimisiún (1), agus go háirithe Airteagal 48(2) de,
De bharr an mhéid seo a leanas:
|
(1) |
An 25 Márta 2021, fuair an Chomhairle an gearrliosta de thriúr iarrthóirí rangaithe arna roghnú ag Bord Maoirseoirí ÚEÁPC do phost an Chathaoirligh ar ÚEÁPC. |
|
(2) |
An 15 Aibreán 2021, chuir Uachtaránacht na Comhairle an triúr iarrthóirí faoi agallamh thar ceann na mBallstát. |
|
(3) |
An 21 Aibreán 2021, sheol Uachtaránacht na Comhairle comhairliúchán neamhfhoirmiúil táscach maidir leis an iarrthóir a rangaigh Bord Maoirseoirí ÚEÁPC sa chéad áit, Petra HIELKEMA. |
|
(4) |
I gcomhréir le hAirteagal 48(2) de Rialachán (AE) Uimh. 1094/2010, arna leasú le Rialachán (AE) 2019/2175 ó Pharlaimint na hEorpa agus ón gComhairle (2), tá an Chomhairle le cinneadh a ghlacadh chun an Cathaoirleach a cheapadh, tar éis deimhniú ó Pharlaimint na hEorpa. |
|
(5) |
An 5 Bealtaine 2021, chuir an Chomhairle litir chuig Parlaimint na hEorpa inar sonraíodh go nglacfadh an Chomhairle cinneadh chun Petra HIELKEMA a cheapadh ina Cathaoirleach ar ÚEÁPC, dá ndearbhódh Parlaimint na hEorpa í do phost an Chathaoirligh ar ÚEÁPC. |
|
(6) |
An 18 Bealtaine 2021, dhaingnigh Parlaimint na hEorpa Petra HIELKEMA do phost an Chathaoirligh ar ÚEÁPC, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar Petra HIELKEMA ina Cathaoirleach ar an Údarás Eorpach um Árachas agus Pinsin Cheirde (ÚEÁPC) go ceann tréimhse 5 bliana ón 1 Meán Fómhair 2021.
Airteagal 2
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 27 Bealtaine 2021.
Thar ceann na Comhairle
An tUachtarán
P. SIZA VIEIRA
(1) IO L 331, 15.12.2010, lch. 48.
(2) Rialachán (AE) 2019/2175 ó Pharlaimint na hEorpa agus ón gComhairle an 18 Nollaig 2019 lena leasaítear Rialachán (AE) Uimh. 1093/2010 lena mbunaítear Údarás Maoirseachta Eorpach (An tÚdarás Baincéireachta Eorpach); Rialachán (AE) Uimh. 1094/2010 lena mbunaítear Údarás Maoirseachta Eorpach (An tÚdarás Eorpach um Árachas agus Pinsin Cheirde); Rialachán (AE) Uimh. 1095/2010 lena mbunaítear Údarás Maoirseachta Eorpach (An tÚdarás Eorpach um Urrúis agus Margaí); Rialachán (AE) Uimh. 600/2014 maidir le margaí in ionstraimí airgeadais; Rialachán (AE) 2016/1011 maidir le hinnéacsanna a úsáidtear mar thagarmharcanna in ionstraimí airgeadais agus i gconarthaí airgeadais nó chun feidhmíocht cistí infheistíochta a thomhas; agus Rialachán (AE) 2015/847 maidir le faisnéis a ghabhann le haistrithe cistí (IO L 334, 27.12.2019, lch. 1).