|
Il-Ġurnal Uffiċjali |
MT Is-serje L |
|
2024/2997 |
29.11.2024 |
DEĊIŻJONI TAL-KUNSILL EWROPEW (UE) 2024/2997
tat-28 ta’ Novembru 2024
li taħtar lill-Kummissjoni
IL-KUNSILL EWROPEW,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 17(3) u (7), it-tielet subparagrafu, tiegħu,
Billi:
|
(1) |
Il-mandat tal-Kummissjoni Ewropea maħtura permezz tad-Deċiżjoni tal-Kunsill Ewropew (UE) 2019/1989 (1) ntemm fil-31 ta’ Ottubru 2024. |
|
(2) |
F’konformità mal-Artikolu 17(5) tat-Trattat dwar l-Unjoni Ewropea (TUE), il-Kunsill Ewropew adotta d-Deċiżjoni 2013/272/UE (2) dwar in-numru ta’ membri tal-Kummissjoni. |
|
(3) |
Kummissjoni ġdida, li tikkonsisti minn ċittadin wieħed ta’ kull Stat Membru, inkluż il-President tagħha u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, jenħtieġ li tinħatar sal-31 ta’ Ottubru 2029. |
|
(4) |
Bid-Deċiżjoni (UE) 2024/1862 (3), il-Kunsill Ewropew ippropona lis-Sa Ursula VON DER LEYEN lill-Parlament Ewropew bħala l-kandidata għal President tal-Kummissjoni. Il-Parlament Ewropew eleġġieha bħala President tal-Kummissjoni fis-sessjoni plenarja tiegħu tat-18 ta’ Lulju 2024. |
|
(5) |
Bid-Deċiżjoni (UE) 2024/2086 (4), il-Kunsill Ewropew, bil-qbil tal-President elett tal-Kummissjoni, ħatar lis-Sa Kaja KALLAS bħala r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà għall-perjodu minn tmiem il-mandat attwali tal-Kummissjoni sal-31 ta’ Ottubru 2029. |
|
(6) |
Bid-Deċiżjoni (UE) 2024/2517 (5), il-Kunsill, bi qbil komuni mal-President elett tal-Kummissjoni, adotta l-lista tal-persuni l-oħra li huwa jipproponi li jinħatru Membri tal-Kummissjoni. |
|
(7) |
Permezz tal-votazzjoni li saret fis-27 ta’ Novembru 2024, il-Parlament Ewropew ta l-kunsens tiegħu għall-ħatra, bħala korp, tal-President tal-Kummissjoni, tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, u tal-Membri l-oħra tal-Kummissjoni. |
|
(8) |
Għalhekk, jenħtieġ li l-Kummissjoni tiġi maħtura, |
ADOTTA DIN ID-DEĊIŻJONI:
Artikolu 1
Dawn li ġejjin huma b’dan maħtura għall-Kummissjoni għall-perjodu mill-1 ta’ Diċembru 2024 sal-31 ta’ Ottubru 2029:
|
— |
bħala President: is-Sa Ursula VON DER LEYEN |
|
— |
bħala Membru, Viċi President, skont l-Artikolu 18(4) TUE: is-Sa Kaja KALLAS, Rappreżentant Għoli tal-Unjoni għall-Affarijiet Barranin u l-Politika ta’ Sigurtà |
|
— |
bħala Membri: is-Sur Magnus BRUNNER is-Sa Maria Luís CASANOVA MORGADO DIAS DE ALBUQUERQUE is-Sur Valdis DOMBROVSKIS is-Sur Raffaele FITTO is-Sur Christophe HANSEN is-Sur Wopke Bastiaan HOEKSTRA is-Sur Dan JØRGENSEN is-Sur Constantinos KADIS is-Sa Marta KOS is-Sur Andrius KUBILIUS is-Sa Hadja LAHBIB is-Sur Michael MCGRATH is-Sur Glenn MICALLEF is-Sa Roxana MÎNZATU is-Sa Teresa RIBERA RODRÍGUEZ s-Sa Jessika ROSWALL is-Sur Maroš ŠEFČOVIČ is-Sur Stéphane SÉJOURNÉ is-Sur Piotr Arkadiusz SERAFIN is-Sur Jozef SÍKELA is-Sa Ekaterina SPASOVA GECHEVA-ZAHARIEVA is-Sa Dubravka ŠUICA is-Sur Apostolos TZITZIKOSTAS is-Sur Olivér VÁRHELYI is-Sa Henna Maria VIRKKUNEN. |
Artikolu 2
Din id-Deċiżjoni għandha tidħol fis-seħħ fl-1 ta’ Diċembru 2024.
Għandha tiġi ppubblikata f’Il-Ġurnal Uffiċjali tal-Unjoni Ewropea.
Magħmul fi Brussell, it-28 ta’ Novembru 2024.
Għall-Kunsill Ewropew
Il-President
C. MICHEL
(1) Id-Deċiżjoni tal-Kunsill Ewropew (UE) 2019/1989 tat-28 ta’ Novembru 2019 li taħtar lill-Kummissjoni Ewropea (ĠU L 308, 29.11.2019, p. 100).
(2) Id-Deċiżjoni tal-Kunsill Ewropew 2013/272/UE tat-22 ta’ Mejju 2013 dwar in-numru ta’ membri tal-Kummissjoni Ewropea (ĠU L 165, 18.6.2013, p. 98).
(3) Id-Deċiżjoni tal-Kunsill Ewropew (UE) 2024/1862 tas-27 ta’ Ġunju 2024 li tipproponi lill-Parlament Ewropew kandidat għal President tal-Kummissjoni (ĠU L, 2024/1862, 1.7.2024, ELI: http://data.europa.eu/eli/dec/2024/1862/oj).
(4) Id-Deċiżjoni tal-Kunsill Ewropew (UE) 2024/2086 tal-24 ta’ Lulju 2024 li taħtar ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà (ĠU L, 2024/2086, 26.7.2024, ELI: http://data.europa.eu/eli/dec/2024/2086/oj).
(5) Id-Deċiżjoni tal-Kunsill (UE) 2024/2517, meħuda bi qbil komuni mal-President elett tal-Kummissjoni, tad-19 ta’ Settembru 2024 li tadotta l-lista tal-persuni l-oħra li l-Kunsill jipproponi li jinħatru Membri tal-Kummissjoni (ĠU L, 2024/2517, 23.9.2024, ELI: http://data.europa.eu/eli/dec/2024/2517/oj).
ELI: http://data.europa.eu/eli/dec/2024/2997/oj
ISSN 1977-074X (electronic edition)