(1)

An 6 Bealtaine 2014 ghlac an Coimisiún Rialachán Cur Chun Feidhme (AE) Uimh. 464/2014 (2) lena mbunaítear den chéad uair maolú ar Airteagal 13(1), an chéad fhomhír, de Rialachán (CE) Uimh. 1967/2006 go dtí an 8 Bealtaine 2017 a mhéid a bhaineann leis an bhfad íosta ón gcósta agus doimhneacht íosta na mara, le haghaidh na saighní báid a úsáidtear chun corr ghainimh (Gymnammodytes cicerelus agus G. semisquamatus) agus mic shiobháin (Aphia minuta agus Crystalogobius linearis) a iascach in uiscí teorann áirithe na Spáinne (an Chatalóin). Deonaíodh athnuachan ar an maolú sin le Rialachán Cur Chun Feidhme (AE) 2018/922 ón gCoimisiún (3), a chuaigh in éag an 2 Iúil 2021.

(2)

An 11 Márta 2021, fuair an Coimisiún iarraidh ón Spáinn chun síneadh a chur leis an maolú sin a bhaineann leis na saighní báid a úsáidtear chun corr ghainimh (Gymnammodytes cicerelus agus G. semisquamatus) agus mic shiobháin (Aphia minuta agus Crystalogobius linearis) a iascach laistigh dá huiscí teorann i réigiún na Catalóine.

(3)

Chuir an Spáinn fáisnéis réasúnaithe teicniúla agus eolaíochta a bhí cothrom le dáta ar fáil chun an maolú sin a athnuachan.

(4)

Ghlac an Spáinn an plean bainistithe (4) i gcomhréir le hAirteagal 19(2) de Rialachán (CE) Uimh. 1967/2006 (“Plean bainistithe na Spáinne”) an 22 Iúil 2021.

(5)

Cumhdaítear leis an iarratas soithí a chláraítear san áireamh muirí atá á bhainistiú ag Comhphobal Uathrialach na Catalóine ag a bhfuil cuntas teiste san iascach ar feadh tréimhse níos faide ná 5 bliana agus atá ag feidhmiú faoi phlean bainistithe na Spáinne.

(6)

Áirítear san iarratas 26 shoitheach, atá níos giorra ná 10 m ar fad san iomlán agus ag a bhfuil inneall de chumhacht níos laige ná 75 kW, agus ráthaítear sa phlean bainistithe nach dtiocfaidh méadú ar an iarracht iascaireachta amach anseo, ós rud é nach n-eisítear údaruithe iascaireachta ach do na 26 shoitheach shonraithe.

(7)

Áirítear na soithí sin ar an liosta a cuireadh in iúl don Choimisiún i gcomhréir le hAirteagal 13(9) de Rialachán (CE) Uimh. 1967/2006.

(8)

Rinne an Coiste Eolaíoch, Teicniúil agus Eacnamaíoch um Iascach (“STECF”) measúnú ar an síneadh leis an maolú a d’iarr an Spáinn agus ar dhréachtphlean bainistithe na Spáinne a bhaineann leis an maolú sin ag an seisiún iomlánach a bhí aige ón 22 Márta go dtí an 26 Márta 2021 (5).

(9)

Thug STECF dá aire go bhfuil gnéithe oiriúnacha i bplean bainistithe na Spáinne chun faireachán agus bainistiú a dhéanamh ar na gníomhaíochtaí lena mbaineann agus go gcomhlíontar na coinníollacha chun an maolú a dheonú.

(10)

Comhlíonann an maolú a d’iarr an Spáinn na coinníollacha a leagadh síos in Airteagal 13(5) agus (9) de Rialachán (CE) Uimh. 1967/2006.

(11)

An maolú a d’iarr an Spáinn, déanann sé difear do líon teoranta soitheach agus tá srianta sonracha tíreolaíochta ann, i bhfianaise mhéid teoranta na scairbhe ilchríochaí agus dháileadh spásúil an spriocspeicis, rud a chuireann teorainn leis na meánna.

(12)

Ní féidir tabhairt faoin iascach le trealaimh eile ós rud é nach bhfuil na saintréithe teicniúla is gá chun an cineál sin iascaigh a dhéanamh ach ag saighní báid.

(13)

Ní chuireann na gníomhaíochtaí iascaireachta lena mbaineann isteach ar threalaimh eile ach amháin tráil, saighní nó líonta tarraingthe dá samhail.

(14)

Thairis sin, níl aon tionchar suntasach ag an iascach ar an muirthimpeallacht, ós rud é gur trealamh an-roghnaíoch iad na saighní báid agus nach mbíonn siad i dteagmháil le grinneall na farraige.

(15)

Comhlíonann na gníomhaíochtaí iascaireachta lena mbaineann ceanglais Airteagal 4(1), an chéad fhomhír, de Rialachán (CE) Uimh. 1967/2006, ós rud é go dtoirmisctear go sainráite i bplean bainistithe gaolmhar na Spáinne iascaireacht i ngnáthóga faoi chosaint.

(16)

Níl feidhm ag ceanglais Airteagal 8(1), pointe (h), de Rialachán (CE) Uimh. 1967/2006, arna ionadú le hAirteagal 8(1) agus roinn I de Chuid B d’Iarscríbhinn IX a ghabhann le Rialachán (AE) 2019/1241 ó Pharlaimint na hEorpa agus ón gComhairle (6), ós rud é go mbaineann siad le trálaeir.

(17)

D’údaraigh an Spáinn maolú ar an méid mhogaill íosta a bunaíodh in Airteagal 9 de Rialachán (CE) Uimh. 1967/2006 ar bhonn chomhlíonadh cheanglais Airteagal 9(7) den Rialachán sin i bhfianaise chineál an-roghnaíoch na n-iascach lena mbaineann, i bhfianaise na héifeachta diomaibhsí atá aige sin ar an muirthimpeallacht agus i bhfianaise nach ndéanann forálacha Airteagal 4(5) de Rialachán (CE) 1967/2006 difear dó.

(18)

Scriosadh Airteagal 9 de Rialachán (CE) Uimh. 1967/2006 le Rialachán (AE) 2019/1241. I gcomhréir le pointe 4 de Chuid B d’Iarscríbhinn IX a ghabhann le Rialachán (AE) 2019/1241, áfach, is féidir le maoluithe ó mhogaillmhéideanna íosta arna nglacadh ar bhonn Airteagal 9 de Rialachán (CE) Uimh. 1967/2006, a bhí i bhfeidhm an 14 Lúnasa 2019, leanúint d’fheidhm a bheith acu, ar choinníoll nach mbeidh méadú ar ghabhálacha iasc óg mar thoradh orthu. An síneadh ar an maolú a d’iarr an Spáinn, comhlíonann sé na coinníollacha a leagtar síos in Airteagal 15(5) de Rialachán (CE) Uimh. 1967/2006 agus i bpointe 4 de Chuid B d’Iarscríbhinn IX a ghabhann le Rialachán (AE) 2019/1241, toisc nach dtagann meath ar na caighdeáin roghnaíochta de dheasca an tsínidh sin, go háirithe i dtéarmaí méadú ar ghabhálacha iasc óg, a bhí ann an 14 Lúnasa 2019, agus dírítear leis ar na cuspóirí agus na spriocanna a leagtar amach in Airteagal 3 agus Airteagal 4 den Rialachán sin a bhaint amach.

(19)

Bíonn na gníomhaíochtaí iascaireachta lena mbaineann ar siúl ag fad an-ghearr ón gcósta in uiscí éadomhain laistigh den líne 3 mhuirmhíle agus dá bhrí sin, ní chuireann siad isteach ar ghníomhaíochtaí soithí eile.

(20)

Déantar gníomhaíocht na saighní báid a rialú i bplean bainistithe na Spáinne lena áirithiú gur fíorbheag iad gabhálacha na speiceas seachas débhlaoscaigh, a luaitear in Iarscríbhinn IX a ghabhann le Rialachán (AE) 2019/1241.

(21)

Tá saighní báid an-roghnaíoch agus ní dhíríonn siad ar cheifileapóid.

(22)

Le plean bainistithe na Spáinne, áirítear bearta maidir le faireachán a dhéanamh ar ghníomhaíochtaí iascaireachta, amhail dá bhforáiltear in Airteagal 13(9), an tríú fomhír, de Rialachán (CE) Uimh. 1967/2006.

(23)

Comhlíonann na gníomhaíochtaí iascaireachta lena mbaineann ceanglais Airteagal 14 de Rialachán (CE) Uimh. 1224/2009 ón gComhairle (7).

(24)

Dá bhrí sin, ba cheart síneadh a chur leis an maolú arna iarradh ar feadh tréimhse 3 bliana.

(25)

Ba cheart don Spáinn tuairisciú don Choimisiún i dtráth cuí agus i gcomhréir leis an bplean faireacháin dá bhforáiltear i bplean bainistithe na Spáinne.

(26)

Ba cheart teorannú a thabhairt isteach maidir le fad an mhaolaithe chun ligean do chur i bhfeidhm tapa bearta bainistithe ceartaitheacha i gcás ina léireofar drochstádas caomhantais na stoc saothraithe sa tuarascáil chuig an gCoimisiún, agus leis sin an bunús eolaíoch a fheabhsú chun plean bainistithe feabhsaithe a chur ar fáil.

(27)

Ós rud é go ndeachaigh an maolú a deonaíodh le Rialachán Cur Chun Feidhme (AE) 2018/922 in éag an 2 Iúil 2021, d’fhonn leanúnachas dlíthiúil a áirithiú, ba cheart feidhm a bheith ag an Rialachán seo le héifeacht ón 3 Iúil 2021.

(28)

Ar chúiseanna deimhneachta dlíthiúla ba cheart don Rialachán seo teacht i bhfeidhm mar ábhar práinne.

(29)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Iascach agus Dobharshaothrú,

(a)

go bhfuil na soithí sin cláraithe san áireamh muirí atá á bhainistiú ag Comhphobal Uathrialach na Catalóine;

(b)

go bhfuil cuntas teiste san iascach ag na soithí ar feadh tréimhse níos faide ná 5 bliana agus nach mbeidh aon mhéadú eile ar an iarracht iascaireachta a cuireadh ar fáil i gceist leo; agus

(c)

go bhfuil údarú iascaireachta ag na soithí agus go bhfeidhmíonn siad faoin bplean bainistithe a ghlac an Spáinn i gcomhréir le hAirteagal 19(2) de Rialachán (CE) Uimh. 1967/2006.