(1)

Tugadh an Comhaontú Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (1) (“an Comhaontú”) i gcrích le Cinneadh (AE) 2017/418 ón gComhairle (2), agus tháinig sé i bhfeidhm an 10 Bealtaine 2017. An Prótacal maidir leis an gComhaontú a chur chun feidhme (an “Prótacal reatha”), cuireadh é i bhfeidhm go sealadach ón 14 Deireadh Fómhair 2016 (3).

(2)

Cuireadh síneadh bliana leis an bPrótacal reatha (4), agus tá sé le dul in éag an 13 Samhain 2021.

(3)

An 7 Iúil 2020, thug an Chomhairle údarú don Choimisiún tús a chur le caibidlíocht le Rialtas Oileáin Cook chun Prótacal nua a thabhairt i gcrích maidir leis an gComhaontú a chur chun feidhme (“an Prótacal”).

(4)

Mar thoradh ar an gcaibidlíocht sin, cuireadh inisealacha leis an bPrótacal an 28 Iúil 2021.

(5)

An 11 Samhain 2021, ghlac an Chomhairle Cinneadh (AE) 2021/2317 (5) maidir le síniú agus cur i bhfeidhm sealadach an Phrótacail.

(6)

Na deiseanna iascaireachta a leagtar amach sa Phrótacal, ba cheart iad a leithdháileadh ar na Ballstáit ar feadh na tréimhse iomláine a gcuirfear an Prótacal i bhfeidhm lena linn.

(7)

I bhfianaise na tábhachta eacnamaíche a bhaineann le gníomhaíochtaí iascaireachta an Aontais i limistéir iascaireachta Oileáin Cook agus i bhfianaise an ghá atá ann cur isteach ar na gníomhaíochtaí sin a sheachaint ar dhul in éag an Phrótacail reatha, ba cheart an Rialachán seo teacht i bhfeidhm a luaithe is féidir.

(8)

Is ar bhonn sealadach a bheidh feidhm ag an bPrótacal ó dháta a shínithe, chun go bhféadfaidh soithí an Aontais a ngníomhaíochtaí iascaireachta a dhéanamh. Dá bhrí sin, ba cheart feidhm a bheith ag an Rialachán seo ón dáta céanna amach,

—

An Spáinn: trí shoitheach

—

An Fhrainc: soitheach amháin