‘3.   Forbróidh EUTM Somalia, go háirithe, cúrsaí ceannaireachta d’Fhórsaí Armtha Náisiúnta na Somáile, lena n-áirítear don Chabhlach, an Garda Cósta agus an tAerfhórsa, agus do Phóilíní Cónaidhmeacha Darwish. Thairis sin, soláthróidh EUTM Somalia oiliúint speisialaithe d’Fhórsaí Armtha Náisiúnta na Somáile. Tacóidh sé, trí chomhairle agus oiliúint, le Ceannasaíocht Lóistíochta agus Ceannasaíocht Oiliúna a chruthú laistigh d’Fhórsaí Armtha Náisiúnta na Somáile.

3a.   Déanfaidh EUTM Somalia comhpháirt mhuirí a fhorbairt de réir a chéile, i gcomhar le EUCAP Somalia, arna bhunú le Cinneadh ón gComhairle 2012/389/CBES (*1), chun comhairle mhíleata maidir le feidhmeanna an gharda cósta a sholáthar, d’fhonn an fhreagracht a ghlacadh chuige féin comhairle a chur ar Chabhlach agus Garda Cósta na Somáile faoin 31 Nollaig 2025, agus tosaíochtaí de chuid Fhórsaí Armtha Náisiúnta na Somáile SNAF á gcur san áireamh.

‘3b.   Soláthróidh EUTM Somalia tacaíocht, i gcás inar féidir, do chumais cheannais agus rialaithe na Somáile i Lárionad Oibríochtaí Comhpháirteacha Fhórsaí Armtha Náisiúnta na Somáile trí mheantóireacht d’fhonn an sásra bainistithe eolais a fhorbairt go háirithe i ndáil leis na haonaid agus na daoine aonair ar chuir sé oiliúint orthu.

3c.   Soláthróidh EUTM Somalia tacaíocht freisin, de réir mar is gá agus laistigh dá acmhainní agus dá chumais, do ghníomhaithe eile de chuid an Aontais agus a sainorduithe faoi seach á gcur chun feidhme acu maidir le slándáil agus cosaint sa tSomáil, go háirithe do EUCAP Somalia, maidir le hidir-inoibritheacht idir Fórsaí Armtha Náisiúnta na Somáile agus Fórsaí Póilíneachta na Somáile. Thairis sin, déanfaidh EUTM Somalia tacaíocht a thugtar faoin tSaoráid Eorpach Síochána a éascú, arna bhunú le Cinneadh (CBES) 2021/509 ón gComhairle (*2), go háirithe trí chomhairle a chur ar Fhórsaí Armtha Náisiúnta na Somáile maidir leis an gcúnamh riachtanach a shainaithint, agus trí chomhairle a chur ar an tSeirbhís Eorpach Gníomhaíochta Seachtraí agus ar na Ballstáit maidir leis an gcúnamh sin a thabhairt.

3d.   Ina theannta sin, agus arna iarraidh sin do Phoblacht Djibouti, soláthróidh EUTM Somalia, de réir a n-acmhainní agus a gcumas, oiliúint in Ionad Oiliúna Réigiúnach Djibouti, go háirithe chun tacú le hiarrachtaí fothaithe acmhainneachta Gharda Cósta Djibouti.

‘10.   EUR 31 810 000 a bheidh sa mhéid tagartha airgeadais le haghaidh na gcostas coiteann a bhaineann le misean míleata an Aontais ar feadh na tréimhse ón 1 Eanáir 2025 go dtí an 28 Feabhra 2027. Is 0 % i ngealltanais agus 0 % in íocaíochtaí a bheidh sa chéatadán den mhéid tagartha dá dtagraítear in Airteagal 51(2) de Chinneadh (CBES) 2021/509.’

‘2.   Cuirfear deireadh le sainordú mhisean míleata an Aontais an 28 Feabhra 2027.’.