1.   Tá feidhm ag an Treoir seo maidir le longa paisinéirí róró agus le hárthaí paisinéirí ardluais a oibrítear:

2.   Níl feidhm ag an Treoir seo maidir le longa paisinéirí róró ná árthaí paisinéirí ardluais a thagann faoi Threoir 2009/16/CE.

3.   Féadfaidh na Ballstáit an Treoir seo a chur i bhfeidhm maidir le longa paisinéirí róró agus le hárthaí paisinéirí ardluais a oibrítear ar sheirbhís rialta ar thurais intíre i limistéir farraige seachas na cinn dá dtagraítear in mír 1(b).

4.   Maidir le Ballstáit nach bhfuil calafoirt acu agus atá in ann a fhíorú gur longa paisinéirí nó árthaí paisinéirí ardluais a chumhdaítear leis an Treoir seo líon is lú ná 5 % den líon iomlán soithí aonair a stad go bliantúil ag a gcalafoirt abhann le linn na dtrí bliana roimhe sin, féadfaidh siad maolú a dhéanamh ar fhorálacha na Treorach seo seachas an oibleagáid a leagtar amach sa dara fomhír.

Déanfaidh na Ballstáit sin nach bhfuil calafoirt acu a chur in iúl don Choimisiún faoin 21 Nollaig 2019 an líon iomlán soithí agus an líon long paisinéirí agus árthaí paisinéirí ardluais a stad ag a gcalafoirt le linn na tréimhse 3bliana dá dtagraítear sa chéad fhomhír agus cuirfidh siad an Coimisiún ar an eolas go bliantúil faoi aon athrú a dhéanfar ar na figiúirí thuasluaite ina dhiaidh sin.

1.   Sula dtosófar ar long paisinéirí róró nó árthach paisinéirí ardluais a oibriú ar sheirbhís rialta a chumhdaítear leis an Treoir seo, déanfaidh údaráis inniúla na mBallstát cigireacht réamhthosaithe arb éard a bheidh inti:

2.   Is cigire a dhéanfaidh an chigireacht réamhthosaithe.

3.   Arna iarraidh do Bhallstát, tabharfaidh cuideachtaí fianaise gur chomhlíon siad ceanglais Iarscríbhinn I roimh ré ach tráth nach túisce ná aon mhí amháin roimh an gcigireacht réamhthosaithe.

1.   I gcás cigireachtaí réamhthosaithe, féadfaidh Ballstát cinneadh a dhéanamh gan ceanglais nó nósanna imeachta áirithe in Iarscríbhinn I agus in Iarscríbhinn II a chur i bhfeidhm, ar ceanglais iad atá ábhartha maidir le haon suirbhé Bratstáit bliantúil nó cigireacht bhliantúil arna dhéanamh nó arna déanamh, laistigh de na sé mhí roimhe sin, ar choinníoll go leantar na nósanna imeachta agus na treoirlínte ábhartha maidir le suirbhéanna a shonraítear in HSSC nó nósanna imeachta atá ceaptha chun an sprioc chéanna a ghnóthú. Aistreoidh na Ballstáit an fhaisnéis ábhartha chuig an mbunachar sonraí cigireachta i gcomhréir le hAirteagal 10.

2.   Nuair atá long paisinéirí róró nó árthach paisinéirí ardluais le dul i mbun seirbhís rialta, féadfaidh an Ballstát cigireachtaí agus suirbhéanna a chur san áireamh, ar cigireachtaí agus suirbhéanna iad a rinneadh roimhe sin i ndáil leis an long paisinéirí róró nó an árthach paisinéirí ardluais sin lena hoibriú nó lena oibriú ar sheirbhís rialta eile a chumhdaítear leis an Treoir seo. Ar choinníoll go bhfuil an Ballstát sásta leis na cigireachtaí sin a rinneadh roimhe sin agus go bhfuil siad ábhartha do na dálaí oibríochta nua, ní gá na cigireachtaí dá bhforáiltear in Airteagal 3(1) a chur i bhfeidhm sula dtosófar ar an long paisinéirí róró nó ar an árthach paisinéirí ardluais a oibriú ar an tseirbhís rialta nua.

3.   Arna iarraidh do chuideachta, féadfaidh na Ballstáit a gcomhaontú a dhearbhú roimh ré maidir le hábharthacht na gcigireachtaí agus na suirbhéanna a rinneadh roimhe sin i leith dálaí oibríochta nua.

4.   I gcásanna, mar gheall ar imthosca gan choinne, ina bhfuil géarghá long paisinéirí róró nó árthach paisinéirí ardluais athsholáthair a thabhairt isteach go tapa chun leanúnachas na seirbhíse a áirithiú, agus nach bhfuil feidhm ag mír 2, féadfaidh an Ballstát a cheadú tosú ar an long paisinéirí róró nó ar an árthach a oibriú ar choinníoll go gcomhlíontar na coinníollacha seo a leanas:

1.   Uair i ngach tréimhse 12 mhí, déanfaidh na Ballstáit:

Déanfar cigireacht réamhthosaithe i gcomhréir le hAirteagal 3 a mheas mar chigireacht chun críocha phointe (a).

2.   Féadfar an chigireacht dá dtagraítear i bpointe (a) de mhír 1 a dhéanamh, de rogha an Bhallstáit, ag an am céanna nó in éineacht le suirbhé bliantúil an Bhratstáit ar choinníoll go leantar na nósanna imeachta agus na treoirlínte ábhartha do shuirbhéanna a shonraítear in HSSC nó nósanna imeachta atá ceaptha chun an sprioc chéanna a ghnóthú.

3.   Déanfaidh na Ballstáit cigireacht i gcomhréir le hIarscríbhinn II gach uair a dhéantar deisiúcháin, athruithe agus modhnuithe móra ar long paisinéirí róró nó árthaí paisinéirí ardluais, nó nuair atá athrú bainistíochta nó aistriú aicme i gceist. I gcás ina ndéantar athrú bainistíochta nó aistriú aicme, áfach, féadfaidh an Ballstát, tar éis cigireachtaí a rinneadh roimhe sin ar long paisinéirí róró nó ar árthach paisinéirí ardluais a chur san áireamh, agus ar choinníoll nach ndéanann an t-athrú nó an t-aistriú sin difear d'oibriú sábháilte na loinge paisinéirí róró nó an árthaigh paisinéirí, an long paisinéirí róró nó an t-árthach paisinéirí ardluais a fhágáil ar lár ón gcigireacht a cheanglaítear leis an mír seo.

1.   Tar éis aon chigireacht, arna déanamh i gcomhréir leis an Treoir seo, a chríochnú, déanfaidh an cigire tuarascáil a tharraingt suas i gcomhréir le hIarscríbhinn IX de Threoir 2009/16/CE.

2.   Cuirfear an fhaisnéis atá sa tuarascáil chuig an mbunachar sonraí cigireachta dá bhforáiltear in Airteagal 10. Tabharfar cóip den tuarascáil chigireachta don mháistir freisin.

1.   Áiritheoidh na Ballstáit go gceartófar aon easnaimh a dhearbhaítear nó a nochtar trí chigireacht arna déanamh i gcomhréir leis an Treoir seo.

2.   I gcás easnaimh ar léir iad a bheith contúirteach don tsláinte nó don tsábháilteacht nó a bhfuil baol ag baint leo don tsláinte nó don bheatha, don long paisinéirí róró nó don árthach paisinéirí ardluais, agus criú agus paisinéirí an chéanna, áiritheoidh údarás inniúil an Bhallstáit go mbeidh an long paisinéirí róró nó an t-árthach paisinéirí ardluais faoi réir ordú um thoirmeasc imeachta (“ordú um thoirmeasc imeachta”). Tabharfar cóip den ordú sin don mháistir.

3.   Ní ardófar an toirmeasc imeachta go dtí go gceartófar an easnamh agus go dtí go mbainfear an chontúirt chun sástachta údarás inniúil an Bhallstáit nó go dtí go suífidh údarás inniúil an Bhallstáit go bhféadfaidh an long nó an t-árthach, faoi réir aon choinníollacha riachtanacha, gabháil amach ar an bhfarraige nó go bhféadfar tosú arís ar a hoibriú gan riosca a bheith ann do shábháilteacht ná do shláinte na bpaisinéirí nó an chriú, ná riosca a bheith ann don long paisinéirí róró nó don árthach paisinéirí ardluais nó do longa eile.

4.   Mura bhféadfar easnamh dá dtagraítear i mír 2 a cheartú go réidh sa chalafort ina ndearbhaítear nó ina nochtar an t-easnamh, féadfaidh údarás inniúil an Bhallstáit a chomhaontú cead a thabhairt an long nó árthach a thabhairt chuig longchlós deisiúcháin iomchuí, áit a bhféadfar an t-easnamh a cheartú go héasca.

5.   I gcásanna eisceachtúla, inar léir go bhfuil riocht iomlán loinge paisinéirí róró nó árthaigh paisinéirí ardluais faoi bhun an chaighdeáin, féadfaidh údarás inniúil an Bhallstáit cigireacht na loinge nó an árthaigh sin a chur ar fionraí go dtí go ndéanann an chuideachta na bearta is gá chun a áirithiú nach léir go follasach a thuilleadh go bhfuil an long paisinéirí róró nó an t-árthach paisinéirí ardluais contúirteach don tsábháilteacht nó don tsláinte nó go bhfuil baol láithreach ann do bheatha chriú agus phaisinéirí an chéanna nó chun a áirithiú go gcomhlíonann sí nó sé ceanglais ábhartha coinbhinsiún idirnáisiúnta is infheidhme.

6.   I gcás ina gcuireann údarás inniúil an Bhallstáit an chigireacht ar fionraí i gcomhréir le mír 5, cuirfear an long paisinéirí róró nó an t-árthach paisinéirí ardluais faoi ordú um thoirmeasc imeachta go huathoibríoch. Ardófar an t-ordú um thoirmeasc imeachta i gcás ina dtosófar ar an gcigireacht arís agus ina gcríochnófar go rathúil í agus i gcás ina gcomhlíonfar na coinníollacha a leagtar amach i mír 3 den Airteagal seo agus in Airteagal 9(2).

7.   Chun plódú calafoirt a mhaolú, féadfaidh údarás inniúil an Bhallstáit a cheadú go ndéanfar long paisinéirí róró nó árthach paisinéirí ardluais atá faoi réir ordú um thoirmeasc imeachta a bhogadh chuig cuid eile den chalafort, más sábháilte déanamh amhlaidh. Ní thiocfaidh riosca de phlódú an chalafoirt i gceist, áfach, nuair atá cinneadh á dhéanamh maidir le hordú um thoirmeasc imeachta nó maidir le hordú um thoirmeasc imeachta a ardú. Éascóidh údaráis nó comhlachtaí calafort cóiríocht do longa den sórt sin.

1.   Beidh ag an gcuideachta ceart achomhairc in aghaidh ordú um thoirmeasc imeachta arna n-eisiúint ag údarás inniúil an Bhallstáit. Ní chuirfear an t-ordú um thoirmeasc imeachta ar fionraí mar gheall ar achomharc, mura rud é go ndeonaítear bearta idirthréimhseacha i gcomhréir leis an dlí náisiúnta. Déanfaidh na Ballstáit nósanna imeachta iomchuí a bhunú agus a chothabháil chun na críche sin i gcomhréir lena reachtaíocht náisiúnta.

2.   Cuirfidh údarás inniúil an Bhallstáit an ceart chun achomhairc agus na nósanna imeachta is infheidhme in iúl do mháistir na loinge paisinéirí róró nó an árthaigh paisinéirí ardluais atá faoi réir ordú um thoirmeasc imeachta. Nuair a dhéantar ordú um thoirmeasc imeachta a chúlghairm nó a leasú, mar thoradh ar achomharc, áiritheoidh na Ballstáit go ndéanfar an bunachar sonraí cigireachta dá bhforáiltear in Airteagal 10 a nuashonrú dá réir gan mhoill.

1.   Má dhearbhaítear nó má nochtar easnaimh trí na cigireachtaí dá dtagraítear in Airteagal 3 agus in Airteagal 5, easnaimh is údar le toirmeasc imeachta, cumhdóidh an chuideachta na costais uile a bhaineann leis na cigireachtaí.

2.   Ní ardófar an t-ordú um thoirmeasc imeachta go dtí go ndéanfar íocaíocht iomlán nó go dtabharfar ráthaíocht leordhóthanach maidir le haisíoc na gcostas.

1.   Déanfaidh an Coimisiún bunachar sonraí cigireachta a fhorbairt, a chothabháil agus a thabhairt cothrom le dáta lena mbeidh na Ballstáit uile nasctha agus ina mbeidh an fhaisnéis uile a cheanglaítear chun an córas cigireachta dá bhforáiltear sa Treoir seo a chur chun feidhme. Beidh an bunachar sonraí sin bunaithe ar an mbunachar sonraí cigireachta dá dtagraítear in Airteagal 24 de Threoir 2009/16/CE agus beidh feidhmiúlachtaí aige atá comhchosúil le feidhmiúlachtaí an bhunachair sonraí sin aige.

2.   Áiritheoidh na Ballstáit go ndéanfar an fhaisnéis a bhaineann le cigireachtaí arna ndéanamh i gcomhréir leis an Treoir seo, lena n-áirítear iad sin a bhaineann le heasnaimh agus le horduithe um thoirmeasc imeachta, a aistriú gan mhoill chuig an mbunachar sonraí cigireachta a luaithe a chríochnófar an tuarascáil chigireachta nó a ardófar an t-ordú um thoirmeasc imeachta. Maidir le sonraí na faisnéise, beidh feidhm ag forálacha Iarscríbhinn XIII de Threoir 2009/16/CE mutatis mutandis.

3.   Áiritheoidh na Ballstáit go ndéanfar an fhaisnéis a aistreofar chuig an mbunachar sonraí cigireachta a bhailíochtú laistigh de 72 uair an chloig chun críocha a foilsithe.

4.   Áiritheoidh an Coimisiún go gcuirfidh an bunachar sonraí cigireachta ar chumas daoine aon sonraí ábhartha maidir le cur chun feidhme na Treorach seo a aisghabháil ar bhonn na sonraí cigireachta a sholáthraíonn na Ballstáit.

5.   Beidh rochtain ag na Ballstáit ar an bhfaisnéis uile a dhéantar a thaifeadadh sa bhunachar sonraí cigireachta atá ábhartha maidir le cur chun feidhme chóras cigireachta dá bhforáiltear sa Treoir seo agus i dTreoir 2009/16/CE.

1.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 13, lena leasaítear na hIarscríbhinní a ghabhann leis an Treoir seo chun forbairtí ar an leibhéal idirnáisiúnta a chur san áireamh, go háirithe laistigh de IMO, agus na sonraíochtaí teicniúla a bhaineann leo a fheabhsú i bhfianaise na taithí a fuarthas.

2.   In imthosca eisceachtúla, i gcás ina bhfuil údar cuí leis de réir anailís iomchuí arna déanamh ag an gCoimisiún agus chun bagairt thromchúiseach dho-ghlactha ar shábháilteacht mhuirí, an tsláinte, dálaí maireachtála nó oibre ar bord loinge nó an timpeallacht mhuirí, nó neamhréireacht le reachtaíocht mhuirí an Aontais a sheachaint, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 13, lena leasaítear an Treoir seo ionas nach gcuirfí leasú ar na hionstraimí idirnáisiúnta dá dtagraítear in Airteagal 2 i bhfeidhm, chun críche na Treorach seo.

Glacfar na gníomhartha tarmligthe sin ar a laghad 3 mhí roimh dheireadh na tréimhse atá bunaithe go hidirnáisiúnta do ghlacadh intuigthe an leasaithe lena mbaineann nó roimh an dáta a bhfuil sé beartaithe go dtiocfadh leasú den chineál sin i bhfeidhm. Sa tréimhse sula dtiocfaidh gníomh tarmligthe den sórt sin i bhfeidhm, staonfaidh Ballstáit ó aon tionscnamh atá beartaithe chun an leasú a lánpháirtiú sa reachtaíocht náisiúnta nó chun an leasú a chur i bhfeidhm ar an ionstraim idirnáisiúnta lena mbaineann.

1.   Déantar an chumhacht chun gníomhartha tarmligthe a ghlacadh dá dtagraítear in Airteagal 12 a thabhairt don Choimisiún faoi réir na gcoinníollacha a leagtar síos san Airteagal seo.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 12 a thabhairt don Choimisiún go ceann tréimhse seacht mbliana ón 20 Nollaig 2017. Déanfaidh an Coimisiún, tráth nach déanaí ná 9mí roimh dheireadh na tréimhse 7 mbliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 12 a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.

4.   Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos sa Chomhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 12 i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Cuirfear síneadh 2 mhí leis an tréimhse sin ar thionscnamh Pharlaimint na hEorpa nó na Comhairle.

1.   Déanfaidh na Ballstáit na bearta is gá chun an Treoir seo a chomhlíonadh a ghlacadh agus a fhoilsiú faoin 21 Nollaig 2019. Cuirfidh siad iad in iúl don Choimisiún láithreach.

Cuirfidh siad na forálacha sin i bhfeidhm ón 21 Nollaig 2019.

Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an tslí le tagairt den sórt sin a dhéanamh.

2.   Déanfaidh na Ballstáit téacs phríomhbhearta an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.