|
Iris Oifigiúil |
GA Sraith L |
|
2024/374 |
25.1.2024 |
RIALACHÁN (AE) 2024/374 ÓN gCOIMISIÚN
an 24 Eanáir 2024
lena leasaítear Iarscríbhinn II a ghabhann le Rialachán (CE) Uimh. 1333/2008 ó Pharlaimint na hEorpa agus ón gComhairle a mhéid a bhaineann le teideal na gcatagóirí bia de dheochanna alcólacha agus úsáid roinnt breiseán i ndeochanna alcólacha áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint do Rialachán (CE) Uimh. 1333/2008 ó Pharlaimint na hEorpa agus ón gComhairle an 16 Nollaig 2008 maidir le breiseáin bia (1), agus go háirithe Airteagal 10(3) de,
Ag féachaint do Rialachán (CE) Uimh. 1331/2008 ó Pharlaimint na hEorpa agus ón gComhairle an 16 Nollaig 2008 lena mbunaítear nós imeachta comhchoiteann údaraithe maidir le breiseáin bia, maidir le heinsímí bia agus maidir le blastáin bia (2), agus go háirithe Airteagal 7(5) de,
De bharr an mhéid seo a leanas:
|
(1) |
Le hIarscríbhinn II a ghabhann le Rialachán (CE) Uimh. 1333/2008 leagtar síos liosta de chuid an Aontais de bhreiseáin bhia atá formheasta lena n-úsáid i mbia agus coinníollacha a n-úsáide. |
|
(2) |
Féadfar liosta an Aontais de bhreiseáin bhia a thabhairt cothrom le dáta i gcomhréir leis an nós imeachta comhchoiteann dá dtagraítear in Airteagal 3(1) de Rialachán (CE) Uimh. 1331/2008, ar thionscnamh an Choimisiúin nó tar éis iarratas a fháil. |
|
(3) |
An 10 Lúnasa 2022 chuir an Pholainn iarratas isteach chun liosta an Aontais de bhreiseáin bhia a thabhairt cothrom le dáta, go háirithe, chun an sainmhíniú nua ar dheochanna alcólacha áirithe a chur san áireamh mar a thuairiscítear in Acht Dlí na Polainne an 2 Nollaig 2021 maidir le deochanna coipthe (3) (‘Dlí na Polainne maidir le deochanna coipthe’). |
|
(4) |
Faoi láthair, i gCuid E d’Iarscríbhinn II a ghabhann le Rialachán (CE) Uimh. 1333/2008, leagtar amach, i bpointí 14.2.3 go 14.2.5 agus 14.2.8, coinníollacha úsáide maidir le deochanna coipthe áirithe, coinníollacha a tugadh isteach chun úsáid roinnt breiseán i ndeochanna alcólacha áirithe a cheadú nó a shrianadh mar a thuairiscítear i nDlí na Polainne an 12 Bealtaine 2011 maidir le táirgí fíona a mhonarú agus a bhuidéalú, maidir le táirgí den sórt sin a dháileadh agus maidir le heagrú mhargadh an fhíona (4). Tháinig Dlí na Polainne maidir le deochanna coipthe in ionad an Dlí sin an 12 Bealtaine 2011. Dá bhrí sin, ba cheart cuid de na hiontrálacha sin a thabhairt cothrom le dáta agus ba cheart an iontráil a bhaineann le E 353 i bpointe 14.2.8 de a scriosadh. |
|
(5) |
Ní chumhdaítear na deochanna alcólacha a chumhdaítear le Dlí na Polainne maidir le deochanna coipthe le Rialachán (AE) Uimh. 1308/2013 ó Pharlaimint na hEorpa agus ón gComhairle (5), ós rud é nach dtagann siad faoi cheann de na catagóirí de tháirgí fíniúna a liostaítear i gCuid II d’Iarscríbhinn VII a ghabhann leis an Rialachán sin. |
|
(6) |
De bhun Airteagal 3(2) de Rialachán (CE) Uimh. 1331/2008, ní mór don Choimisiún tuairim a iarraidh ón Údarás Eorpach um Shábháilteacht Bia (‘an tÚdarás’) chun liosta an Aontais de bhreiseáin bhia a leagtar amach in Iarscríbhinn II a ghabhann le Rialachán (CE) Uimh. 1333/2008 a thabhairt cothrom le dáta, seachas i gcás nach dócha go mbeidh tionchar ag an tabhairt cothrom le dáta i gceist ar shláinte an duine. Ós rud é nach bhfágann údarú úsáide roinnt breiseán i ndeochanna alcólacha áirithe a chumhdaítear le Dlí na Polainne maidir le deochanna coipthe go mbeadh teagmháil bhreise ag an tomhaltóir leis na substaintí sin, is tabhairt cothrom le dáta é ar an liosta sin nach dócha go mbeadh tionchar aige ar shláinte an duine agus ní gá tuairim a lorg ón Údarás. |
|
(7) |
Sa chatagóir bhia ‘Deochanna biotáilleacha mar a shainmhínítear i Rialachán (CE) Uimh. 110/2008’ ó Pharlaimint na hEorpa agus ón gComhairle (6) i bpointe 14.2.6 i gCodanna D agus E d’Iarscríbhinn II a ghabhann le Rialachán (CE) Uimh. 1333/2008, maidir le húsáid na ndathanna bia a bhaineann le Grúpaí II agus III mar a liostaítear i bpointí 2 agus 3 de Chuid C d’Iarscríbhinn II a ghabhann leis an Rialachán céanna agus Buí Cuineoilín (E 104), Buí Oráiste (E 110), Amarantais (E 123) agus Ponsó 4R, Carnaid Dhearg A (E 124), níor cheart iad a údarú i ‘vodca’ chun comhsheasmhacht a áirithiú le pointe d de chatagóir 15 d’Iarscríbhinn I a ghabhann le Rialachán (AE) 2019/787 ó Pharlaimint na hEorpa agus ón gComhairle (7), lena bhforáiltear nár cheart do vodca a bheith daite. |
|
(8) |
I gCodanna D agus E de liosta an Aontais de bhreiseáin bhia, cumhdaítear leis an gcatagóir bhia i bpointe 14.2.8 deochanna alcólacha nach n-áirítear sna catagóirí i bpointí 14.2.1 go 14.2.7, lena n-áirítear deochanna alcólacha a mheasctar le deochanna neamh-mheisciúla agus biotáillí ina bhfuil níos lú ná 15 % d’alcól. Mar sin féin, i gcomhréir le hAirteagal 2 de Rialachán (AE) 2019/787, beidh neart íosta alcóil 15 % ag deochanna biotáilleacha, ach amháin i gcás táirgí a chomhlíonann ceanglais chatagóir 39 d’Iarscríbhinn I a ghabhann leis an Rialachán sin. Dá bhrí sin, níor cheart tagairt a dhéanamh i dteideal na catagóire bia i bpointe 14.2.8 i gCodanna D agus E d’Iarscríbhinn II a ghabhann le Rialachán (CE) Uimh. 1333/2008 do ‘bhiotáillí ar lú ná 15 % a neart alcólach’. Chomh maith leis sin, ba cheart an téarma ‘deochanna alcólacha’ a úsáid in ionad ‘alcoholic drinks’ agus ba cheart an téarma ‘neart alcóil de réir toirte’, mar a shainmhínítear in Airteagal 4(23) de Rialachán (AE) 2019/787, a úsáid in ionad an téarma ‘alcól’. Dá bhrí sin, is iomchuí teideal agus iontrálacha na catagóire bia ‘Deochanna alcólacha eile lena n-áirítear deochanna alcólacha a mheasctar le deochanna neamh-mheisciúla agus biotáillí ina bhfuil níos lú ná 15 % d’alcól’ i bpointe 14.2.8 i gCodanna D agus E d’Iarscríbhinn II a ghabhann le Rialachán (CE) Uimh. 1333/2008 a leasú. |
|
(9) |
Modhnaíodh reachtaíocht an Aontais maidir le deochanna alcólacha áirithe a áirítear i bpointí 14.2.2, 14.2.6 agus 14.2.7 i gCodanna A, D agus E d’Iarscríbhinn II a ghabhann le Rialachán (CE) Uimh. 1333/2008. Tá na rialacha is infheidhme maidir leis na deochanna alcólacha sin leagtha síos faoi láthair i Rialachán (AE) Uimh. 1308/2013, i Rialachán (AE) 2019/787 agus i Rialachán (AE) Uimh. 251/2014 ó Pharlaimint na hEorpa agus ón gComhairle (8). Ós rud é go leasaítear leis an Rialachán seo na catagóirí a thagraíonn do dheochanna alcólacha, is iomchuí ag an bpointe seo cuid de na tagairtí atá ann cheana do dhlí an Aontais a thabhairt cothrom le dáta. |
|
(10) |
Dá bhrí sin, ba cheart Rialachán (CE) Uimh. 1333/2008 a leasú dá réir sin. |
|
(11) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn II a ghabhann le Rialachán (CE) Uimh. 1333/2008 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 24 Eanáir 2024.
Thar ceann an Choimisiúin
An tUachtarán
Ursula VON DER LEYEN
(1) IO L 354, 31.12.2008, lch. 16.
(2) IO L 354, 31.12.2008, lch. 1.
(3) Dziennik Ustaw - rok 2022 poz. 24.
(4) Dziennik Urzędowy z 2011 r. Nr 120, poz. 690.
(5) Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagraíocht na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72. (CEE) Uimh. 234/79, (CE) Uimh. 1037/2001, agus (CE) Uimh. 1234/2007 ón gComhairle (IO L 347 20.12.2013, lch. 671).
(6) Rialachán (CE) Uimh. 110/2008 ó Pharlaimint na hEorpa agus ón gComhairle an 15 Eanáir 2008 maidir le sainmhíniú, tuairisc, cur i láthair, lipéadú agus cosaint tásc geografach deochanna biotáilleacha agus lena n-aisghairtear Rialachán (CEE) Uimh. 1576/89 ón gComhairle (IO L 39, 13.2.2008, lch. 16).
(7) Rialachán (AE) 2019/787 ó Pharlaimint na hEorpa agus ón gComhairle an 17 Aibreán 2019 maidir le sainmhíniú, tuairisc, cur i láthair agus lipéadú deochanna biotáilleacha, úsáid ainmneacha deochanna biotáilleacha i gcur i láthair agus lipéadú earraí bia eile, agus cosaint tásc geografach le haghaidh deochanna biotáilleacha, úsáid alcól eitile agus driogáití de thionscnamh talmhaíochta i ndeochanna alcólacha, agus lena n-aisghairtear Rialachán (CE) Uimh. 110/2008 (IO L 130, 17.5.2019, lch. 1).
(8) Rialachán (AE) Uimh. 251/2014 ó Pharlaimint na hEorpa agus ón gComhairle an 26 Feabhra 2014 maidir le sainmhíniú, tuairisc, cur i láthair agus lipéadú táirgí fíona cumhraithe agus lena n-aisghairtear Rialachán (CEE) Uimh. 1601/91 ón gComhairle (IO L 084, 20.3.2014, lch. 14).
IARSCRÍBHINN
Leasaítear Iarscríbhinn II a ghabhann le Rialachán (CE) Uimh. 1333/2008 mar a leanas:
|
(1) |
I gCuid A, cuirtear an méid seo a leanas in ionad na n-iontrálacha i bpointí 26 go 29 de Thábla 2:
|
|
(2) |
I gCuid D, cuirtear an méid seo a leanas in ionad na n-iontrálacha le haghaidh na gcatagóirí i bpointí 14.2.2, 14.2.6, 14.2.7 agus 14.2.8:
|
|
(3) |
leasaítear Cuid E mar a leanas:
|
(*1) IO L 347 20.12.2013, lch. 671.
(*2) IO L 130, 17.5.2019, lch. 1.
ELI: http://data.europa.eu/eli/reg/2024/374/oj
ISSN 1977-0839 (electronic edition)