European flag

Iris Oifigiúil
an Aontais Eorpaigh

GA

Sraith L

2026/2191

29.9.2026

RIALACHÁN CUR CHUN FEIDHME (AE) 2026/2191 ÓN gCOMHAIRLE

an 28 Meán Fómhair 2026

lena gcuirtear chun feidhme Rialachán (CE) Uimh. 1183/2005 a bhaineann le bearta sriantacha i bhfianaise na staide i bPoblacht Dhaonlathach an Chongó

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1183/2005 ón gComhairle an 18 Iúil 2005 a bhaineann le bearta sriantacha i bhfianaise na staide i bPoblacht Dhaonlathach an Chongó (1), agus go háirithe Airteagal 9(1) agus (2) de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)

An 18 Iúil 2005, ghlac an Chomhairle Rialachán (CE) Uimh. 1183/2005.

(2)

An 14 Iúil 2026, chuir an Coiste Chomhairle Slándála na Náisiún Aontaithe (CSNA) arna bhunú de bhun Rún 1533 (2004) ó CSNA seisear agus dhá eintiteas le liosta na ndaoine agus na n-eintiteas atá faoi réir bearta sriantacha. Tá ceathrar de na daoine sin agus ceann amháin de na heintitis sin liostaithe cheana féin in Iarscríbhinn Ia a ghabhann le Rialachán (CE) Uimh. 1183/2005. Ba cheart, dá bhrí sin, iad a bhaint d’Iarscríbhinn Ia agus iad a áireamh in Iarscríbhinn I a ghabhann leis an Rialachán sin.

(3)

Dá bhrí sin, ba cheart Rialachán (CE) Uimh. 1183/2005 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Rialachán (CE) Uimh. 1183/2005 mar a leanas:

(1)

leasaítear Iarscríbhinn I i gcomhréir le hIarscríbhinn I a ghabhann leis an Rialachán seo;

(2)

leasaítear Iarscríbhinn Ia i gcomhréir le hIarscríbhinn II a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 28 Meán Fómhair 2026.

Thar ceann na Comhairle

An tUachtarán

K. KALLAS

(1)   IO L 193, 23.7.2005, lch. 1, ELI: http://data.europa.eu/eli/reg/2005/1183/oj.

IARSCRÍBHINN I

Leasaítear Iarscríbhinn I a ghabhann le Rialachán (CE) Uimh. 1183/2005 mar a leanas:

(1)

cuirtear na hiontrálacha seo a leanas isteach faoin gceannteideal ‘(a) Liosta na ndaoine dá dtagraítear in Airteagail 2 agus 2a’:

‘47.

Charles SEMATAMA

(ar a dtugtar freisin: Sebanyana)

Ainmniúchán: (a) Coirnéal; (b) Ceannasaí agus ceannaire míleata Twirwaneho.

Dáta Breithe: 1975.

Áit bhreithe: Kalunyo Village, Kamombo Localities, South Kivu, Poblacht Dhaonlathach an Chongó.

Náisiúntacht: Poblacht Dhaonlathach an Chongó.

Seoladh: Hauts Plateaux, South Kivu, Poblacht Dhaonlathach an Chongó.

Inscne: fireann.

Dáta ainmniúcháin na Náisiún Aontaithe: an 14 Iúil 2026.

Faisnéis eile: Is é Charles SEMATAMA ceannasaí agus ceannaire míleata Twirwaneho, grúpa armtha Congólach a bhfuil baint aige le hainghníomhartha i gcúige South-Kivu Phoblacht Dhaonlathach an Chongó, lena n-áirítear sibhialtaigh a mharú, leanaí a earcú agus gníomhaíochtaí a chuireann síocháin agus slándáil mhuintir Phoblacht Dhaonlathach an Chongó i mbaol. Nasc gréasáin chuig Fógra Speisialta INTERPOL-Comhairle Slándála na Náisiún Aontaithe: https://www.interpol.int/en/How-we-work/Notices/View-UN-Notices-Individuals.

48.

Gustave KUBWAYO

(ar a dtugtar freisin: (a) Sirkoof; (b) Surcouf; (c) Surkof)

Ainmniúchán: (a) Coirnéal; (b) Ceannasaí FDLR-FOCA.

Dáta Breithe: 1969.

Áit bhreithe: (a) Karago municipality, Gisenyi prefecture, Ruanda; (b) Nyabihu District, Western province, Ruanda.

Náisiúntacht: Ruanda.

Seoladh: Poblacht Dhaonlathach an Chongó.

Inscne: fireann.

Dáta ainmniúcháin na Náisiún Aontaithe: an 14 Iúil 2026.

Faisnéis eile: Mar dhuine de na príomhcheannasaithe ar Democratic Forces for the Liberation of Rwanda “Forces Combattantes Abacunguzi” (FDLR-FOCA) agus mar cheannasaí nua “Commando de Recherche et d’Action en Profondeur” (CRAP), tá baint ag Gustave KUBWAYO, ar a dtugtar freisin Sirkoof, le gníomhaíochtaí an ghrúpa armtha a phleanáil, a chur chun cinn agus tacú leo, lena n-áirítear díriú ar shibhialtaigh, fuadach i gcomhair airgead fuascailte agus acmhainní nádúrtha a shaothrú go neamhdhleathach. Nasc gréasáin chuig Fógra Speisialta INTERPOL – Comhairle Slándála na Náisiún Aontaithe: https://www.interpol.int/en/How-we-work/Notices/View-UN-Notices-Individuals.

49.

Corneille NANGAA YOBELUO

(ar a dtugtar freisin: (a) Corneille Nangaa; (b) Corneille Yobeluo)

Ainmniúchán: Ceannaire Alliance Fleuve Congo (AFC).

Dáta Breithe: an 9 Iúil 1970.

Áit bhreithe: Bagboya, Haut-Uele, Poblacht Dhaonlathach an Chongó.

Náisiúntacht: Poblacht Dhaonlathach an Chongó.

Pasuimhir: (a) Poblacht Dhaonlathach an Chongó darb uimhir OP1097934; (b) Poblacht Dhaonlathach an Chongó darb uimhir DP0000149; (c) Poblacht Dhaonlathach an Chongó darb uimhir DP0003850.

Seoladh: (a) Boulevard Biangala, No. 36 Q, Salongo Sud C, Lemba, Kinshasa, Poblacht Dhaonlathach an Chongó; (b) North Kivu, Poblacht Dhaonlathach an Chongó.

Inscne: fireann.

Dáta ainmniúcháin na Náisiún Aontaithe: an 14 Iúil 2026.

Faisnéis eile: Is é Corneille NANGAA YOBELUO ceannaire “Alliance Fleuve Congo” (AFC), gluaiseacht pholaitiúil-mhíleata atá mar chomhghuaillí ag March 23 Movement/Congolese Revolutionary Army (M23/ARC) atá faoi smachtbhannaí na Náisiún Aontaithe (CDe.006). Nasc gréasáin chuig Fógra Speisialta INTERPOL – Comhairle Slándála na Náisiún Aontaithe: https://www.interpol.int/en/How-we-work/Notices/View-UN-Notices-Individuals.

50.

John Imani NZENZE

Ainmniúchán: (a) Coirnéal; (b) ceann faisnéise M23.

Dáta Breithe: an 6 Lúnasa 1978.

Náisiúntacht: (a) Poblacht Dhaonlathach an Chongó; (b) Ruanda.

Pasuimhir: (a) Poblacht Dhaonlathach an Chongó darb uimhir OP0204168, a rachaidh in éag an 5 Iúil 2022; (b) Poblacht Dhaonlathach an Chongó darb uimhir OB0072391, a rachaidh in éag an 28 Nollaig 2014.

Uimhir Aitheantais Náisiúnta: Ruanda darb uimhir 1 1978 8 0137555 3 27.

Seoladh: North Kivu, Poblacht Dhaonlathach an Chongó.

Inscne: fireann.

Dáta ainmniúcháin na Náisiún Aontaithe: an 14 Iúil 2026.

Faisnéis eile: Mar cheannaire M23, tá baint ag John Imani NZENZE le gníomhaíochtaí an ghrúpa armtha a phleanáil, a chur chun cinn agus tacú leo. Nasc gréasáin chuig Fógra Speisialta INTERPOL – Comhairle Slándála na Náisiún Aontaithe: https://www.interpol.int/en/How-we-work/Notices/View-UN-Notices-Individuals.’;

(2)

cuirtear an iontráil seo a leanas isteach faoin gceannteideal ‘(b) Liosta na n-eintiteas dá dtagraítear in Airteagail 2 agus 2a’:

‘11.

ALLIANCE FLEUVE CONGO (AFC)

Seoladh: oirthear Phoblacht Dhaonlathach an Chongó.

Dáta ainmniúcháin na Náisiún Aontaithe: an 14 Iúil 2026.

Faisnéis eile: Is gluaiseacht pholaitiúil-mhíleata é Alliance Fleuve Congo (AFC) a oibríonn in oirthear Phoblacht Dhaonlathach an Chongó agus atá mar chomhghuaillí ag March 23 Movement/Congolese Revolutionary Army (M23/ARC) atá faoi smachtbhannaí na Náisiún Aontaithe. Bunaíodh in 2023 é. Nasc gréasáin chuig Fógra Speisialta INTERPOL – Comhairle Slándála na Náisiún Aontaithe: https://www.interpol.int/en/How-we-work/Notices/View-UN-Notices-Entities.’.

IARSCRÍBHINN II

Leasaítear Iarscríbhinn Ia a ghabhann le Rialachán (CE) Uimh. 1183/2005 mar a leanas:

(1)

sa roinn ‘A. Daoine’, scriostar na hiontrálacha a bhaineann leis na daoine seo a leanas:

‘20.

Charles SEMATAMA;

30.

Gustave KUBWAYO;

35.

Corneille NANGAA YOBELUO;

39.

John Imani NZENZE.’

(2)

sa roinn ‘B. Eintitis’, scriostar an iontráil maidir leis an eintiteas seo a leanas:

‘1.

Alliance Fleuve Congo (AFC).’.

ELI: http://data.europa.eu/eli/reg_impl/2026/2191/oj

ISSN 1977-0839 (electronic edition)