(1)

Le Cinneadh 2013/767/AE ón gCoimisiún (1), cuirtear ar bun creat d’idirphlé sibhialta in ábhair arna gcumhdach leis an gcomhbheartas talmhaíochta, i gcomhréir le hAirteagal 11(2) CAE.

(2)

Ceapadh eagraíochtaí baill na ngrúpaí idirphlé shibhialta (2) le haghaidh sainordú 7 mbliana a théann i léig i mí Iúil 2021. Tá an riachtanas sainordú na n-eagraíochtaí baill sin a athnuachan i gcomhthráth, áfach, le céim dheireanach na caibidlíochta idirinstitiúidí maidir leis an gcomhbheartas talmhaíochta nua a bheidh infheidhme amhail ó 2023. Thairis sin, ba cheart tionchar a bheith ag toradh athchóiriú an chomhbheartais talmhaíochta ar struchtúr nua na ngrúpaí idirphlé shibhialta, athchóiriú a leanfar le sraith gníomhartha cur chun feidhme agus tarmligthe a ghlacfar.

(3)

Tagann córas na ngrúpaí idirphlé shibhialta atá ann cheana le hailtireacht reatha reachtaíocht talmhaíochta an Aontais. Dá bhrí sin, ba cheart síneadh a chur le sainordú na n-eagraíochtaí baill go dtí an 31 Nollaig 2022, i gcomhréir le réasúnaíocht Rialachán (AE) 2020/2220 ó Pharlaimint na hEorpa agus ón gComhairle (3), lena n-áirithítear aistriú i dtreo an chomhbheartais talmhaíochta nua agus lenar cuireadh síneadh leis an gcuid is mó de na rialacha is infheidhme faoi láthair go dtí deireadh 2022.

(4)

Ba cheart do chomhdhéanamh na ngrúpaí idirphlé shibhialta fanacht mar an gcéanna le linn na tréimhse ina gcuirfear síneadh le sainordú a n-eagraíochtaí baill. Ba cheart saoirse a bheith ag na heagraíochtaí baill a chinneadh an mian leo tarraingt siar ar a gcomhaltas le linn na tréimhse sin, áfach.

(5)

Chun inoibritheacht na ngrúpaí idirphlé shibhialta a fheabhsú le linn na tréimhse ina gcuirfear síneadh le sainordú a n-eagraíochtaí baill, agus i gcomhréir leis an ngnáthchleachtas le haghaidh ghrúpaí saineolaithe an Choimisiúin, ba cheart don Choimisiún an ról a ghlacadh mar chathaoirleach na ngrúpaí idirphlé shibhialta. Thairis sin, ba cheart socruithe áirithe maidir leis an gclár oibre agus na miontuairiscí a ailíniú leis an gcleachtas a dhéantar i ngrúpaí eile saineolaithe d’fhonn comhsheasmhacht a áirithiú.

(6)

Ba cheart, dá bhrí sin, Cinneadh 2013/767/AE a leasú dá réir,

(1)

in Airteagal 3, scriostar mír 2;

(2)

in Airteagal 4(5), cuirtear an méid seo a leanas in ionad na foclaíochta réamhráití:

“Rachaidh sainordú na n-eagraíochtaí baill in éag an 31 Nollaig 2022. Féadfar eagraíocht bhaill a ionadú laistigh de ghrúpa i gcás:”;

(3)

leasaítear Airteagal 5 mar a leanas: