(1)

Shínigh an tAontas an Comhaontú maidir le hiompar lasta de bhóthar idir an tAontas Eorpach agus an Úcráin (1) (‘an Comhaontú’) an 29 Meitheamh 2022 de bhun Chinneadh (AE) 2022/1158 ón gComhairle (2) agus tháinig sé i bhfeidhm go sealadach an dáta sin. Thug an tAontas i gcrích é le Cinneadh (AE) 2022/2435 ón gComhairle (3) agus tháinig sé i bhfeidhm an 5 Nollaig 2022.

(2)

Leasaíodh an Comhaontú leis an gComhaontú idir an tAontas Eorpach agus an Úcráin lena leasaítear an Comhaontú idir an tAontas Eorpach agus an Úcráin maidir le hiompar lasta de bhóthar an 29 Meitheamh 2022 (4), a shínigh an tAontas an 20 Meitheamh 2024 de bhun Chinneadh (AE) 2024/1876 (5) agus tháinig sé i bhfeidhm ar bhonn sealadach an dáta sin.

(3)

De bhun Airteagal 7 den Chomhaontú, tá an Comhchoiste a bhunaítear le mír 1 den Airteagal sin le hathbhreithniú tréimhsiúil a dhéanamh ar fheidhmiú an Chomhaontaithe i bhfianaise na gcuspóirí a ghabhann leis, agus féadfaidh sé cinntí a dhéanamh chuige sin.

(4)

Le linn an tríú cruinniú a bheidh ag an gComhchoiste, tá an Comhchoiste le cinneadh a ghlacadh maidir le haitheantas a thabhairt do thacagraif chliste a úsáideann oibreoirí iompair ón dá Pháirtí sa Chomhaontú a oibríonn faoin gComhaontú, san Aontas agus san Úcráin araon, agus maidir le seirbhísí deimhniúcháin tacagraf cliste a bheith á soláthar ag an gCoimisiún Eorpach don Úcráin.

(5)

Is iomchauíaAn seasamh atá le glacadh thar ceann an Aontais sa Chomhchoistebhunú, ós rud é go mbeidh an Cinneadh ón gComhchoiste ina cheangal ar an Aontas.

(6)

Ó bhí 2019 ann, tá feithiclí atá cláraithe san Aontas le bheith feistithe le tacagraf cliste a chomhlíonann Caibidil II de Rialachán (AE) Uimh 165/2014 ó Pharlaimint na hEorpa agus ón gComhairle (6), agus ó bhí 2010 ann, tá feithiclí a bhíonn ag gabháil d’iompar idirnáisiúnta de bhóthar agus atá cláraithe san Úcráin le bheith feistithe le tacagraif dhigiteacha i gcomhréir leis an gComhaontú Eorpach maidir le hobair foirne feithiclí a bhíonn ag gabháil d’iompar idirnáisiúnta de bhóthar (7) (‘AETR’).

(7)

Tá phríomhfheidhmiúlachtaí breise ag an tacagraf cliste i gcomparáid leis an tacagraf digiteach, mar a leagtar amach in Airteagail 8, 9 agus 10 de Rialachán (AE) Uimh 165/2014, rud a fhágann gur féidir an Comhaontú a fhorfheidhmiú ar bhealach níos fearr. Agus suíomh na feithicle á thaifeadadh, is féidir Airteagal 4 den Chomhaontú a fhorfheidhmiú ar bhealach níos fearr, agus leis an gcumas cian-luathbhrathadóireachta is féidir Airteagal 5D(2), pointe (c)(ii), den Chomhaontú a fhorfheidhmiú ar bhealach níos fearr.

(8)

Chun feidhmiú ceart an Chomhaontaithe a áirithiú i bhfianaise na gcuspóirí a ghabhann leis, ba cheart oibreoirí tarlaithe de bhóthar a bheith in ann gairis rialaithe níos éifeachtaí a úsáid ná na tacagraif dhigiteacha á soláthraíodh faoi AETR mar thoradh ar an gComhaontú, mar mura ndéanfaí sin, d’fhéadfadh sé nach mbeadh an toradh chomh héifeachtach céanna ó thaobh forfheidhmiú de ag na húdaráis inniúla.

(9)

Dá bhrí sin, chuirfeadh taifid tacagraif níos mionsonraithe arna soláthar ag an tacagraf cliste feabhas suntasach ar chur chun feidhme an Chomhaontaithe, trí úsáid údaraithe taifid den sórt sin faoi Airteagal 5B(4) de.

(10)

Dá bhrí sin, chun feidhmiú ceart an Chomhaontaithe a áirithiú i bhfianaise na gcuspóirí a ghabhann leis, ba cheart a cheadú d’fheithiclí a oibríonn faoin gComhaontú tacagraif chliste a shuiteáil agus a úsáid, san Aontas agus san Úcráin, tacagraif chliste a chomhlíonann na ceanglais ábhartha i Rialachán (AE) Uimh. 165/2014 agus Rialachán Cur Chun Feidhme (AE) 2016/799 ón gCoimisiún (8). Ní chuireann sé sin cosc, áfach, ar fheithiclí a oibríonn faoin gComhaontú leanúint de thacagraif dhigiteacha a úsáid i gcomhréir le AETR.

(11)

Ba cheart don Choimisiún Eorpach a bheith freagrach as na deimhnithe agus na heochracha is gá a chur ar fáil don Úcráin chun a bonneagar tacagraf cliste a fhorbairt. Dá bhrí sin, ba cheart don Úcráin aitheantas a thabhairt do ról an Choimisiúin Eorpaigh i bhfeidhmiú an chórais tacagraf cliste.

(12)

Dá bhrí sin, ba cheart seasamh an Aontais sa Chomhchoiste a bheith bunaithe ar an dréachtchinneadh ón gComhchoiste a ghabhann leis an gCinneadh seo,