|
Iris Oifigiúil |
GA Sraith L |
|
2024/1420 |
13.6.2024 |
CINNEADH Ó CHOMHCHOISTE LEE Uimh. 335/2023
an 8 Nollaig 2023
lena leasaítear Iarscríbhinn XX (An Comhshaol) a ghabhann le Comhaontú LEE [2024/1420]
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,
De bharr an mhéid seo a leanas:
|
(1) |
Rialachán (AE) 2023/957 ó Pharlaimint na hEorpa agus ón gComhairle an 10 Bealtaine 2023 lena leasaítear Rialachán (AE) 2015/757 chun foráil a dhéanamh maidir le gníomhaíochtaí loingseoireachta muirí a áireamh i gCóras Trádála Astaíochtaí an Aontais agus maidir le faireachán, tuairisciú agus fíorú a dhéanamh ar astaíochtaí gás ceaptha teasa breise agus astaíochtaí ó chineálacha breise long (1), tá sé le hionchorprú i gComhaontú LEE. |
|
(2) |
Treoir (AE) 2023/959 ó Pharlaimint na hEorpa agus ón gComhairle an 10 Bealtaine 2023 lena leasaítear Treoir 2003/87/CE lena mbunaítear scéim um liúntais astaíochtaí gás ceaptha teasa a thrádáil laistigh den Aontas, agus Cinneadh (AE) 2015/1814 i ndáil le cúlchiste cobhsaíochta margaidh a bhunú agus a fheidhmiú do scéim trádála an Aontais maidir le hastaíochtaí gás ceaptha teasa (2), tá sí le hionchorprú i gComhaontú LEE. |
|
(3) |
Cinneadh (AE) 2023/852 ó Pharlaimint na hEorpa agus ón gComhairle an 19 Aibreán 2023 lena leasaítear Cinneadh (AE) 2015/1814 a mhéid a bhaineann le líon na lamháltas atá le cur i gcúlchiste cobhsaíochta an mhargaidh le haghaidh chóras trádála an Aontais maidir le hastaíochtaí gás ceaptha teasa go dtí 2030 (3), tá sé le hionchorprú i gComhaontú LEE. |
|
(4) |
Cinneadh (AE) 2023/1575 ón gCoimisiún an 27 Iúil 2023 maidir le cainníocht na lamháltas ar fud an Aontais atá le heisiúint faoi Chóras Trádála Astaíochtaí an Aontais do 2024 (4), tá sé le hionchorprú i gComhaontú LEE. |
|
(5) |
Tá cainníocht iomlán na lamháltas atá le heisiúint don bhliain 2027 faoin gcóras nua trádála astaíochtaí le haghaidh foirgneamh, iompar de bhóthar agus earnálacha breise le foilsiú ag an gCoimisiún faoin 1 Eanáir 2025 agus, fearacht an Chórais Trádála Astaíochtaí atá ann cheana, bunófar an chaidhp mar chainníocht lamháltas do LEE ina iomláine. Ba cheart do Stáit CSTE LEE sonraí ionchuir a sholáthar agus rachfar i gcomhairle leo le linn phróiseas ullmhaithe an Chinnidh ábhartha ón gCoimisiún. |
|
(6) |
Tá ionchorprú Threoir (AE) 2023/959 ó Pharlaimint na hEorpa agus ón gComhairle gan dochar do mheasúnú Stáit CSTE ar Rialachán (AE) 2023/955 ó Pharlaimint na hEorpa agus ón gComhairle an 10 Bealtaine 2023 lena mbunaítear Ciste Aeráide Sóisialta i gcomhthéacs raon feidhme Chomhaontú LEE. |
|
(7) |
Bunaithe ar aontas réigiúnach Lichtinstéin leis an Eilvéis agus i gcomhréir leis an gconradh déthaobhach maidir le muirir chomhshaoil (5), cuirtear cáin ar CO2 i bhfeidhm i Lichtinstéin, agus is iad údaráis agus eintitis na hEilvéise a dhéanann an cháin sin a riar, lena n-áirítear bailiú, faireachán agus tuairisciú. Dá bhrí sin, i gcás Lichtinstéin, i ndáil leis an gcóras nua trádála astaíochtaí le haghaidh foirgneamh, iompar de bhóthar agus earnálacha breise, is iomchuí athbhreithniú a dhéanamh ar dháta deiridh an mhaolaithe de réir Airteagal 30e(3) de Threoir 2003/87/CE agus díolúine a thabhairt ó na rialacha riaracháin gaolmhara go dtí sin agus coigeartuithe comhfhreagracha a dhéanamh ar fhoinsí na sonraí astaíochtaí. |
|
(8) |
Cuirtear Stáit CSTE san áireamh sna figiúirí a fhoilsítear le Cinneadh (AE) 2023/1575 maidir le cainníocht na lamháltas don Aontas ina iomláine le haghaidh 2024 agus sa laghdú bliantúil ar na lamháltais atá le heisiúint mar thoradh ar chur i bhfeidhm an fhachtóra laghdaithe línigh, i gcomhréir le Treoir (AE) 2023/959. |
|
(9) |
Dá bhrí sin, ba cheart Iarscríbhinn XX a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Iarscríbhinn XX a ghabhann le Comhaontú LEE, leasófar í mar a leanas:
|
1. |
Leasaítear 21al (Treoir 2003/87/CE ó Pharlaimint na hEorpa agus ón gComhairle) mar a leanas:
|
|
2. |
Cuirtear na fleasca seo a leanas isteach i bpointe 21alj (Cinneadh (AE) 2015/1814 ó Pharlaimint na hEorpa agus ón gComhairle):
|
|
3. |
Cuirtear an pointe seo a leanas isteach i ndiaidh phointe 21apn (Cinneadh (AE) 2020/1722 ón gCoimisiún):
|
|
4. |
Leasaítear 21aw (Rialachán (AE) 2015/757 ó Pharlaimint na hEorpa agus ón gComhairle) mar a leanas:
|
Airteagal 2
Is téacsanna barántúla a bheidh i dtéacsanna Rialachán (AE) 2023/957, Threoir (AE) 2023/959 agus Cinntí (AE) 2023/852 agus (AE) 2023/1575 san Íoslainnis agus san Ioruais, téacsanna atá le foilsiú i bhForlíonadh LEE d’Iris Oifigiúil an Aontais Eorpaigh.
Airteagal 3
Tiocfaidh an Cinneadh seo i bhfeidhm an 9 Nollaig 2023 nó ar an lá tar éis an fhógra dheireanaigh chuig Comhchoiste LEE faoi Airteagal 103(1) de Chomhaontú LEE, cibé acu is déanaí (*1).
Beidh feidhm aige ón 31 Nollaig 2023.
Airteagal 4
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, an 8 Nollaig 2023.
Thar ceann Chomhchoiste LEE
An tUachtarán
Pascal SCHAFHAUSER
(1) IO L 130, 16.5.2023, lch. 105.
(2) IO L 130, 16.5.2023, lch. 134.
(3) IO L 110, 25.4.2023, lch. 21.
(4) IO L 192, 31.7.2023, lch. 30.
(5) Vertrag zwischen dem Fürstentum Liechtenstein und der Schweizerischen Eidgenossenschaft betreffend die Umweltabgaben im Fürstentum Liechtenstein, abgeschlossen am 29. Januar 2010 (LGBl. 2010 Nr. 12).
(*1) Sonraítear ceanglais bhunreachtúla.
ELI: http://data.europa.eu/eli/dec/2024/1420/oj
ISSN 1977-0839 (electronic edition)