L_202500335GA.000101.fmx.xml

TÁ COMHAIRLE AN AONTAIS EORPAIGH,

Ag féachaint don Chonradh ar an Aontas Eorpach, agus go háirithe Airteagal 29 de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)	An 15 Feabhra 2011, ghlac an Chomhairle Cinneadh 2011/101/CBES (1), a bhaineann le bearta sriantacha i bhfianaise na staide sa tSiombáib.

(2)

Ar bhonn athbhreithniú ar Chinneadh 2011/101/CBES, ba cheart na bearta sriantacha a leagtar amach ann a athnuachan go dtí an 20 Feabhra 2026. Ba cheart don Chomhairle leanúint d’fhaireachán a dhéanamh ar an staid pholaitiúil agus slándála sa tSiombáib agus athbhreithniú leanúnach a dhéanamh ar na bearta sin i bhfianaise forbairtí.

(3)	Measann an Chomhairle gur cheart an t-eintiteas atá fágtha a scriosadh ó liosta na ndaoine agus na n-eintiteas atá faoi réir bearta sriantacha mar a leagtar amach in Iarscríbhinn I a ghabhann le Cinneadh 2011/101/CBES iad, agus leis sin ní bheidh aon duine ná eintiteas faoi réir bearta sriantacha.

(4)	Ba cheart, dá bhrí sin, Cinneadh 2011/101/CBES a leasú dá réir sin,

TAR ÉIS AN CINNEADH SEO A GHLACADH:

Airteagal 1

Leasaítear Cinneadh 2011/101/CBES mar seo a leanas:

(1)	in Airteagal 10, cuirtear an méid seo a leanas in ionad mhír 2: ‘2. Beidh feidhm ag an gCinneadh seo go dtí an 20 Feabhra 2026.’ ;

(2)	leasaítear Iarscríbhinn I i gcomhréir leis an Iarscríbhinn a ghabhann leis an gCinneadh seo.

Airteagal 2

Tiocfaidh an Cinneadh seo i bhfeidhm tar éis lá a fhoilsithe in Iris Oifigiúil an Aontais Eorpaigh.

Arna dhéanamh sa Bhruiséil, an 18 Feabhra 2025.

Thar ceann na Comhairle

An tUachtarán

A. DOMAŃSKI

(1) Cinneadh 2011/101/CBES ón gComhairle an 15 Feabhra 2011 a bhaineann le bearta sriantacha i bhfianaise na staide sa tSiombáib (IO L 42, 16.2.2011, lch. 6, ELI: http://data.europa.eu/eli/dec/2011/101(1)/oj).