|
21.2.2022 |
MT |
Il-Ġurnal Uffiċjali tal-Unjoni Ewropea |
L 40/6 |
REGOLAMENT TA’ IMPLIMENTAZZJONI TAL-KUNSILL (UE) 2022/237
tal-21 ta’ Frar 2022
li jimplimenta r-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 36/2012 tat-18 ta’ Jannar 2012 dwar miżuri restrittivi fid-dawl tas-sitwazzjoni fis-Sirja u li jħassar ir-Regolament (UE) Nru 442/2011 (1), u b’mod partikolari l-Artikolu 32(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-1 ta’ Awwissu 2011, is-Sur Mohammed Makhlouf inżdied mal-lista ta’ persuni fiżiċi u ġuridiċi, entitajiet jew korpi soġġetti għall-miżuri restrittivi skont ir-Regolament ta’ Implimentazzjoni tal-Kunsill (UE) Nru 755/2011 (2). |
|
(2) |
Skont ir-Regolament (UE) Nru 36/2012, is-Sur Mohammed Makhlouf inżamm fuq il-lista ta’ persuni fiżiċi u ġuridiċi, entitajiet jew korpi soġġetti għall-miżuri restrittivi. |
|
(3) |
Fit-12 ta’ Settembru 2020, is-Sur Mohammed Makhlouf miet. Peress li l-werrieta tiegħu huma kollha membri tal-familja Makhlouf, hemm riskju inerenti li l-assi li ntirtu jintużaw biex jiġu appoġġati l-attivitajiet tar-reġim Sirjan u jidħlu direttament fil-pussess tar-reġim, potenzjalment jikkontribwixxu għar-repressjoni vjolenti tar-reġim kontra l-popolazzjoni ċivili. |
|
(4) |
Fid-dawl tal-gravità tas-sitwazzjoni fis-Sirja, u meta jitqies dan t’hawn fuq, jenħtieġ li jinżdiedu ħames membri addizzjonali tal-familja Makhlouf mal-lista ta’ persuni fiżiċi u ġuridiċi, entitajiet jew korpi soġġetti għall-miżuri restrittivi fl-Anness II għar-Regolament (UE) Nru 36/2012. |
|
(5) |
Għalhekk ir-Regolament (UE) Nru 36/2012 jenħtieġ li jiġi emendat skont dan, |
ADOTTA DAN IR-REGOLAMENT:
Artikolu 1
L-Anness II għar-Regolament (UE) Nru 36/2012 huwa emendat kif jinsab fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fid-data tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Frar 2022.
Għall-Kunsill
Il-President
J. BORRELL FONTELLES
(2) Ir-Regolament ta’ Implimentazzjoni tal-Kunsill (UE) Nru 755/2011 tal-1 ta’ Awwissu 2011 li jimplimenta ir-Regolament (UE) Nru 442/2011 dwar miżuri restrittivi fid-dawl tas-sitwazzjoni fis-Sirja (ĠU L 199, 2.8.2011, p. 33).
ANNESS
L-entrati li ġejjin jinżdiedu mal-lista li tinsab fit-Taqsima A (Persuni) tal-Anness II għar-Regolament (UE) Nru 36/2012:
|
|
Isem |
Informazzjoni ta’ identifikazzjoni |
Raġunijiet |
Data tal-elenkar |
|
“318. |
Hala Tarif ALMAGHOUT هلا طريف الماغوط |
Sess: Mara Data tat-twelid: 30.6.1980 jew 30.7.1980 |
Armla ta’ Mohammed Makhlouf. Membru tal-familja Makhlouf. |
21.2.2022 |
|
319. |
Ghada Adib MHANNA غاده أديب مهنا |
Sess: Mara Data tat-twelid: 22.5.1948 |
Armla ta’ Mohammed Makhlouf. Membru tal-familja Makhlouf. |
21.2.2022 |
|
320. |
Shalaa Mohammed MAKHLOUF مخلوف شهلاء محمد |
Sess: Mara Data tat-twelid: 22.3.1967 |
Bint Mohammed Makhlouf .Membru tal-familja Makhlouf. |
21.2.2022 |
|
321. |
Kinda Mohammed MAKHLOUF كندا محمد مخلوف |
Sess: Mara Data tat-twelid: 25.9.1977 |
Bint Mohammed Makhlouf. Membru tal-familja Makhlouf. |
21.2.2022 |
|
322. |
Sara Mohammed MAKHLOUF ساره محمد مخلوف |
Sess: Mara Data tat-twelid: 27.8.1984 |
Bint Mohammed Makhlouf. Membru tal-familja Makhlouf. |
21.2.2022” |