AN COIMISIÚN EORPACH
An Bhruiséil,16.4.2025
COM(2025) 171 final
TUARASCÁIL ÓN gCOIMISIÚN CHUIG PARLAIMINT NA hEORPA, CHUIG AN gCOMHAIRLE AGUS CHUIG AN gCÚIRT INIÚCHÓIRÍ
Meastóireacht ar an nGníomhaireacht Feidhmiúcháin um Thomhaltóirí, Sláinte, Talmhaíocht agus Bia, ar an nGníomhaireacht Feidhmiúcháin Oideachais, Closamhairc agus Cultúir, ar an nGníomhaireacht Feidhmiúcháin um Fhiontair Bheaga agus Mheánmhéide, ar Ghníomhaireacht Feidhmiúcháin na Comhairle Eorpaí um Thaighde, ar an nGníomhaireacht Feidhmiúcháin um Nuálaíocht agus Gréasáin agus ar an nGníomhaireacht Feidhmiúcháin Taighde
{SWD(2025) 87 final} - {SWD(2025) 88 final} - {SWD(2025) 89 final} - {SWD(2025) 90 final} - {SWD(2025) 91 final} - {SWD(2025) 92 final}
Gluais
|
Téarma nó acrainm
|
An bhrí nó an míniú
|
|
Gníomhaireachtaí
|
Gníomhaireachtaí feidhmiúcháin
|
|
CBA
|
Anailís costais is tairbhe
|
|
CHAFEA
|
An Ghníomhaireacht Feidhmiúcháin um Thomhaltóirí, Sláinte, Talmhaíocht agus Bia
|
|
CINEA
|
An Ghníomhaireacht Feidhmiúcháin Eorpach um an Aeráid, Bonneagar agus Comhshaol
|
|
An Coimisiún
|
An Coimisiún Eorpach
|
|
EACEA
|
An Ghníomhaireacht Feidhmiúcháin Oideachais, Closamhairc agus Cultúir
|
|
EASME
|
An Ghníomhaireacht Feidhmiúcháin um Fhiontair Bheaga agus Mheánmhéide
|
|
EISMEA
|
Gníomhaireacht Feidhmiúcháin na Comhairle Nuálaíochta Eorpaí agus na bhFiontar Beag agus Meánmhéide
|
|
ERCEA
|
Gníomhaireacht Feidhmiúcháin na Comhairle Eorpaí um Thaighde
|
|
AE
|
An tAontas Eorpach
|
|
HADEA
|
An Ghníomhaireacht Feidhmiúcháin Eorpach um an tSláinte agus an Digitiú
|
|
AD
|
Acmhainní daonna
|
|
INEA
|
An Ghníomhaireacht Feidhmiúcháin um Nuálaíocht agus Gréasáin
|
|
TF
|
Teicneolaíocht Faisnéise
|
|
REA
|
An Ghníomhaireacht Feidhmiúcháin Taighde
|
|
SFS
|
Ráiteas airgeadais sonrach
|
|
CFAE
|
An Conradh ar Fheidhmiú an Aontais Eorpaigh
|
1.RÉAMHRÁ
Chun a chuid spriocanna a bhaint amach, tacaíonn an tAontas Eorpach le réimse leathan réimsí beartais trí raon clár maoiniúcháin. Leis na cláir soláthraítear deontais agus cineálacha eile cistiúcháin do na Ballstáit, do ghnólachtaí, do thaighdeoirí, d’eagraíochtaí neamhrialtasacha agus do dhaoine eile.
I gcomhréir le hAirteagal 317 den Chonradh ar Fheidhmiú an Aontais Eorpaigh (CFAE), is é an Coimisiún atá freagrach as buiséad an Aontais a chur chun feidhme. I gcomhréir le hAirteagal 62 den Rialachán Airgeadais, cuireann an Coimisiún an buiséad chun feidhme ar bhealaí éagsúla: go díreach, faoi bhainistíocht chomhroinnte leis na Ballstáit nó go hindíreach trí chúraimí a bhaineann le cur chun feidhme an bhuiséid a chur ar thríú páirtithe (amhail tíortha nach Ballstáit den Aontas iad, eagraíochtaí de chuid na mBallstát, eagraíochtaí idirnáisiúnta, comhlachtaí comhpháirtíochta príobháidí poiblí).
Tar éis Rialachán 58/2003 a ghlacadh, chinn an Coimisiún go mbeadh sé níos éifeachtaí agus níos éifeachtúla bainistiú cúraimí áirithe cur chun feidhme le haghaidh roinnt clár a bhainistítear go díreach a tharmligean chuig a ghníomhaireachtaí feidhmiúcháin. Le himeacht ama, tharmlig an Coimisiún líon méadaitheach de chláir chistiúcháin de chuid an Aontais chuig na gníomhaireachtaí sin. Leis sin cuireadh ar a chumas dó díriú ar na príomhchúraimí institiúideacha atá aige.
Is éard is gníomhaireachtaí feidhmiúcháin ann comhlachtaí de chuid an Aontais le pearsantacht dhlítheanach a chuireann cláir chistiúcháin an Aontais chun feidhme, a bhainistíonn cuid de na céimeanna nó na céimeanna uile de shaolré tionscadal, a dhéanann na seiceálacha is gá chuige sin agus a chuireann na buiséid ghaolmhara chun feidhme. Is comhlachtaí uathrialacha faoi mhaoirseacht an Choimisiúin iad.
Mar sin féin, ní mór seachfhoinsiú cúraimí bainistíochta chuig na gníomhaireachtaí feidhmiúcháin a choimeád laistigh de na teorainneacha a leagtar síos leis an gcóras institiúideach mar a leagtar amach in CFAE. Ciallaíonn sé sin nach féidir na cúraimí a shanntar do na hinstitiúidí le CFAE, lena n‑éilítear cumhachtaí lánroghnacha chun roghanna polaitiúla a chur i ngníomh, a sheachfhoinsiú. Thairis sin, ba cheart an seachfhoinsiú a bheith faoi réir anailís costais is tairbhe.
Déantar meastóireacht ar fheidhmiú gach gníomhaireachta feidhmiúcháin gach 3 bliana chun a mheas an bhfeidhmíonn sí go maith agus an bhfuil na torthaí a bhfuil coinne leo san anailís costais is tairbhe ex ante bainte amach. Cumhdaítear sa tuarascáil sin na meastóireachtaí ar na sé ghníomhaireacht feidhmiúcháin ar chuir an Coimisiún de chúram orthu cláir a chur chun feidhme faoi chreat airgeadais ilbhliantúil 2014-2020:
·An Ghníomhaireacht Feidhmiúcháin um Thomhaltóirí, Sláinte, Talmhaíocht agus Bia (CHAFEA)
·An Ghníomhaireacht Feidhmiúcháin Oideachais, Closamhairc agus Cultúir (EACEA)
·An Ghníomhaireacht Feidhmiúcháin um Fhiontair Bheaga agus Mheánmhéide (EASME)
·Gníomhaireacht Feidhmiúcháin na Comhairle Eorpaí um Thaighde (ERCEA)
·An Ghníomhaireacht Feidhmiúcháin um Nuálaíocht agus Gréasáin (INEA)
·An Ghníomhaireacht Feidhmiúcháin um Thaighde (REA)
Tá an tréimhse mheastóireachta bheacht éagsúil i dáil le gach gníomhaireacht toisc gur cruthaíodh iad ar dhátaí éagsúla. I gcás CHAFEA, INEA agus EASME, cumhdaítear leis na meastóireachtaí aonair an tréimhse ó 2017 go 2021, agus i gcás EACEA, ERCEA agus REA cumhdaítear leo an tréimhse ó 2018 go 2021.
Sna meastóireachtaí rinneadh measúnú ar ar chomhlíon gach gníomhaireacht a cúraimí ar bhealach éifeachtach agus éifeachtúil, agus ar an raibh forluí, bearnaí nó neamhréireachtaí i mbainistiú a punainne. Rinneadh scrúdú leo freisin ar an raibh teorainn shoiléir leis na cúraimí idir an ghníomhaireacht agus a máthair-Ardstiúrthóireacht nó gníomhaireachtaí feidhmiúcháin eile.
Cuimsíodh sna meastóireachtaí anailís chúlghabhálach costais is tairbhe ina ndearnadh comparáid idir an fheidhmíocht iarbhír le linn na tréimhse meastóireachta 3 bliana agus an fheidhmíocht ionchasach san anailís costais agus tairbhe ex ante. Tacaíodh leis na meastóireachtaí uile le staidéir sheachtracha a lean an mhodheolaíocht chéanna agus a chuir prionsabail an Choimisiúin maidir le rialáil níos fearr i bhfeidhm.
Le paindéim COVID-19 rinneadh dochar d’oibríochtaí na ngníomhaireachtaí feidhmiúcháin uile i dtreo dheireadh a sainordaithe. Cé gur lean siad treoirlínte an Choimisiúin maidir le déileáil leis an bpaindéim, b’éigean a ngníomhaíochtaí a choigeartú ó thaobh socruithe oibre laethúla de (e.g. digitiú próiseas, obair ón mbaile agus cian‑chomhoibriú) agus bainistiú tionscadal (e.g. síntí nó fionraíochtaí tionscadail as ar eascair leasú agus athsceidealú athbhreithnithe agus íocaíochtaí). Tráth ríthábhachtach a bhí ann freisin chun an chéad chreat airgeadais ilbhliantúil eile a ullmhú.
Ar an iomlán, tugadh aghaidh cheana féin ar go leor de na réimsí feabhais a moladh sna staidéir a thacaíonn leis an meastóireacht ó bhí an phaindéim ann, agus moladh dáileadh nua clár tarmligthe i measc na ngníomhaireachtaí, arb é is aidhm dó níos mó comhsheasmhachta a áirithiú agus sineirgí agus éifeachtúlachtaí a éascú.
Ón 1 Aibreán 2021, cruthaíodh gníomhaireachtaí nua faoi chreat airgeadais ilbhliantúil2021-2027 mar chomharbaí na ngníomhaireachtaí INEA, EACEA, EASME, REA agus ERCEA. Foirceannadh CHAFEA an tráth céanna agus cruthaíodh gníomhaireacht nua, an Ghníomhaireacht Feidhmiúcháin Eorpach um an tSláinte agus an Digitiú (HADEA).
Leis an meastóireacht ar na sé ghníomhaireacht feidhmiúcháin, bhíothas in ann anailís chomparáideach a dhéanamh bunaithe ar thacar táscairí cáilíochtúla agus cainníochtúla, mar a shonraítear a thuilleadh thíos.
2.FEIDHMÍOCHT FHORIOMLÁN
Ar an iomlán, chuir na gníomhaireachtaí uile a gclár tarmligthe chun feidhme go héifeachtúil agus bhain siad torthaí maithe amach i bhformhór na n‑eochairtháscairí feidhmíochta, agus buiséid oibriúcháin mhéadaithe á gcur i bhfeidhm acu an tráth céanna. Rinne gníomhaireachtaí gnóthachain éifeachtúlachta a shaothrú agus baineadh amach iad trí raon leathan gníomhaíochta, ó bhearta inmheánacha (atheagrúcháin, simpliú próiseas agus nósanna imeachta) go gníomhaíochtaí níos corparáidí agus níos trasearnála, amhail comhdhlúthú seirbhísí bailíochtaithe le haghaidh na gclár uile in REA agus rialacha agus nósanna imeachta simplithe a thabhairt isteach le haghaidh Fís 2020. Leis an bhfeabhas leanúnach ar uirlisí TF áitiúla agus corparáideacha araon, cuireadh feabhas ar éifeachtúlacht na ngníomhaireachtaí freisin.
An méadú ar bhuiséid oibríochtúla na ngníomhaireachtaí le linn na tréimhse a ndearnadh anailís uirthi, cuirtear i láthair thíos é. Tharla an fás ba mhó idir 2017 agus 2021 in INEA (62 %) agus in CHAFEA (42 %), agus ba in EASME a bhí an méadú ba lú (17 %).
Buiséad oibríochtúil (EUR milliún) i dtéarmaí íocaíochtaí ar fud na ngníomhaireachtaí le linn 2017-2020
Foinse: Staidéar a thacaíonn leis na meastóireachtaí tríbhliantúla ar ghníomhaireachtaí feidhmiúcháin
Baineann na táscairí do ghníomhaireachtaí feidhmiúcháin le bainistíocht airgeadais, go háirithe le meastóireacht thráthúil ar na tograí agus le tabhairt chun críche deontas (aga chun eolas a thabhairt, aga chun deontas a thabhairt agus forghníomhú tráthúil íocaíochtaí). Chomhlíon gníomhaireachtaí fórmhór na dtáscairí a bhaineann le bainistiú deontas agus bainistíocht airgeadais cé gur cláraíodh roinnt dialltaí, mar a shonraítear a thuilleadh sna doiciméid inmheánacha oibre a ghabhann leis an tuarascáil seo.
De dheasca phaindéim COVID-19, bhí dúshláin bhreise ann maidir le bainistiú tionscadal agus léirigh na gníomhaireachtaí solúbthacht ina bhfreagairt, trí fhaireachán leanúnach a dhéanamh ar a nósanna imeachta, trína nósanna imeachta a choigeartú agus trí bhearta cistiúcháin nua a chur chun feidhme chun freagairt do na riachtanais a d’eascair as an bpaindéim.
In imthosca den sórt sin, d’éirigh le roinnt gníomhaireachtaí feabhas a chur ar a bhfeidhmíocht i dtaca le roinnt gnéithe sonracha. Mar shampla, mhéadaigh REA agus INEA sciar na n‑íocaíochtaí a rinneadh faoin sprioc-am conarthach agus shimpligh ERCEA a nós imeachta um leasú deontas.
Tugadh faoi deara freisin go raibh moilleanna beaga ar ghníomhaíochtaí tarmligthe a chur chun feidhme mar gheall ar ráig na paindéime. I gcás REA, tháinig laghdú 2 phointe céatadáin ar sciar na ndeontas a tugadh i gcrích laistigh den sprioc maidir le ham chun deontas a thabhairt in 2020 chun 98 % a bhaint amach, toisc gur iarr iarratasóirí am breise dá gcuibhreannais chun na hoibleagáidí riaracháin is gá a chomhlíonadh sular síníodh an comhaontú deontais. I gcás EASME, bhain roinnt samplaí de na moilleanna sin le síneadh a chur le dátaí seachadta tionscadal nó coigeartú a dhéanamh ar tháirgí insoláthartha i gcás ina raibh sé dodhéanta seachadadh a dhéanamh de bharr na srianta paindéime. Cuireadh gníomhaíochtaí eile leis agus bhí tionchar acu ar an ualach oibre, amhail Haiceatón uile-Eorpach CNE chun aghaidh a thabhairt ar dhúshláin COVID-19, nó slabhra soláthair na seirbhísí comhairleacha a chuir an Líonra Fiontar Eorpach i bhfeidhm. I gcás EACEA, tá nasc idir na moilleanna de bharr na paindéime agus nádúr intreach na gclár (daoine óga a dhéanann staidéar thar lear nó tionscadail chultúir/chlosamhairc).
I dtéarmaí buiséid in aghaidh an bhaill foirne oibríochtúil, tá an luach is airde bainte amach ag INEA i gcomparáid le gníomhaireachtaí eile. Tharla sé sin toisc go raibh deontais níos mó aige ar an meán faoi chlár na Saoráide um Chónascadh na hEorpa (SCE). Bhain na gníomhaireachtaí a chuireann cláir thaighde chun feidhme torthaí níos fearr amach ná EACEA agus CHAFEA. I gcás EACEA, ba é ba chúis leis sin castacht agus éagsúlacht phunann a chláir, cineál éagsúil a iarratasóirí agus a tairbhithe, líon ard iarratas agus deontas, chomh maith lena meánmhéid beag. I gcás CHAFEA, ba é ba chúis leis sin méid beag na gníomhaireachta, éagsúlacht a punainne cláir, easpa gníomhaíochtaí comhlántacha agus sineirgí.
Buiséad in aghaidh an bhaill foirne oibríochtúil (coibhéis lánaimseartha) i ngealltanais (EUR milliún) ar fud na ngníomhaireachtaí, 2018-2020
Foinse: Staidéar a thacaíonn leis na meastóireachtaí tríbhliantúla ar ghníomhaireachtaí feidhmiúcháin
Bhí cáilíocht fhoriomlán na seirbhísí arna soláthar ag gníomhaireachtaí rátáilte go dearfach ag tairbhithe (idir 86 % agus 94 %) agus saineolaithe (idir 92 % agus 99 %) agus ar bhonn níos lú ag iarratasóirí nár éirigh leo (idir 55 % agus 79 %), mar a shonraítear a thuilleadh thíos:
Ráta sástachta na n‑iarratasóirí agus na dtairbhithe nár éirigh leo ar fudna ngníomhaireachtaí uile
■■■■■■ Sástacht na n‑iarratasóirí nár éirigh leo
■■■■■■·· Sástacht na dtairbhithe
■■■■■■ Sástacht na n‑iarratasóirí agus na dtairbhithe nár éirigh leo
■■ ■■ ■■ Meánluach shástacht chomhcheangailte na n‑iarratasóirí agus na dtairbhithe nár éirigh leo ar fud na ngníomhaireachtaí Eorpacha
Foinse: Staidéar a thacaíonn leis na meastóireachtaí tríbhliantúla ar ghníomhaireachtaí feidhmiúcháin
Maidir le dlíthiúlacht agus rialtacht na n‑idirbheart, bunaíonn an Coimisiún na creatchláir thaighde agus na straitéisí rialaithe inmheánaigh agus tá sé i gceannas ar roghnú na rannpháirtíochtaí a bhfuil iniúchadh le déanamh orthu chomh maith le déine na dtástálacha iniúchóireachta ex post atá le déanamh a shainmhíniú. Bhí na rátaí earráidí iarmharacha faoi bhun na tairsí i bhformhór na gcodanna de na cláir tharmligthe. Mar sin féin, chláraigh roinnt gníomhaireachtaí rátaí earráide os cionn na tairsí le haghaidh codanna áirithe de na cláir – amhail REA le haghaidh gníomhaíochtaí spáis, slándála agus FBManna faoin Seachtú Clár Réime, ar féidir iad a chur i leith chastacht na scéime seo den chuid is mó.
I gcás EASME, sáraíodh an tairseach don ráta earráidí iarmharacha go córasach i gcás an Chláir Réime Iomaíochais-an Chláir Eorpaigh um Stuamacht Fuinnimh II agus an Chláir Réime Iomaíochais agus Nuálaíochta-Éiceanuálaíochta, agus i gcás an Chláir um Iomaíochas na bhFiontar agus um fhiontair bheaga agus mheánmhéide in 2018 agus 2020. Mar sin féin, glacadh gníomhaíochtaí maolaitheacha, amhail eolas níos fearr a thabhairt do thairbhithe agus feabhas a chur ar shásraí rialaithe ex ante.
I gcás INEA, sháraigh rátaí earráidí iarmharacha na spriocanna réamhshocraithe do Theileachumarsáid SCE in 2019 agus 2020, mar gheall ar mhinicíocht ard rannpháirtíochta eagraíochtaí neamhrialtasacha agus FBManna, céatadán ard de chostais phearsanra i measc na gcostas dearbhaithe agus úsáid theoranta deimhnithe ar ráitis airgeadais.
Bhí ráta ard earráidí iarmharacha ag CHAFEA don Chlár Sláinte Poiblí in 2019 mar thoradh ar iniúchadh ex post amháin as ar tháinig méid ard aisghabhála (thart ar EUR 75 000 agus os cionn 50 % de ranníocaíocht an Aontais) a cuireadh san áireamh sa sampla. Ní raibh ráta earráidí iarmharacha os cionn na tairsí ag ERCEA ná ag EACEA le linn na tréimhse meastóireachta.
Bhunaigh na gníomhaireachtaí uile a bpróisis rialaithe inmheánaigh agus thug siad cothrom le dáta ar bhonn leanúnach iad chun a áirithiú go ndearnadh aon riosca a bhaineann le dlíthiúlacht agus rialtacht na mbun‑idirbheart a bhainistiú go leordhóthanach. Bhunaigh INEA straitéis rialaithe uileghabhálach lena ngabhann líon mór sásraí rialaithe agus tuairiscithe. Leis sin, bhíothas in ann dlúthfhaireachán a dhéanamh ar an dul chun cinn in aghaidh cuspóirí agus rioscaí a d’fhéadfadh a bheith ann dá oibríochtaí a chosc agus a mhaolú ar bhealach tráthúil agus éifeachtach. Chuir REA agus ERCEA feabhas ar a n‑oibríochtaí freisin agus rinne siad bearta feabhais chun aghaidh a thabhairt ar na barúlacha nó na moltaí a rinneadh i dtuarascálacha bliantúla Chúirt Iniúchóirí na hEorpa agus in aon tuarascáil iniúchóireachta eile.
Sheol EACEA athbhreithniú domhain ar a chóras rialaithe inmheánaigh agus rinne sé feabhsuithe comhsheasmhacha le linn na tréimhse meastóireachta chun aghaidh a thabhairt ar na moltaí iniúchóireachta a fuarthas. I ndáil leis sin, chuir EACEA ‘Tionscadal Claochlaithe EACEA’ chun feidhme freisin agus bhain sé sineirgí inmheánacha amach trí phróisis agus nósanna imeachta áirithe gnó a lárú ar fud na gclár in aonaid tacaíochta chothrománacha. Tugadh deis leis sin cleachtadh soghluaisteachta inmheánach substaintiúil a dhéanamh chun tacú le forbairt gairme agus leis an úsáid is fearr a bhaint as inniúlachtaí foirne. Faoi dheireadh na tréimhse meastóireachta, léirigh EACEA córas rialaithe inmheánaigh éifeachtach agus iontaofa atá ailínithe le prionsabail na bainistíochta fónta airgeadais.
Thug EASME aghaidh go hiomchuí ar aon ábhar a sainaithníodh le linn na tréimhse meastóireachta, amhail a bheartas maidir le poist íogaire
a thabhairt cothrom le dáta agus thug sé tuairisc air sin i dtuarascálacha bliantúla ar ghníomhaíochtaí ina dhiaidh sin
.
Rinne CHAFEA scrúdú córasach ar na torthaí agus táscairí rialaithe a bhí ar fáil, agus thug sé aghaidh ar na barúlacha agus ar na moltaí iniúchóireachta. Chuir sé feabhas leanúnach ar a bhainistíocht airgeadais le linn na tréimhse meastóireachta, trí straitéis rialaithe ilbhliantúil chomhdhlúite a thiomsú ar idirbhearta, scagchuarda airgeadais a athbhreithniú, rialuithe agus sreafaí oibre a chuíchóiriú, a straitéis frithchalaoise féin a fhorbairt agus a chur chun feidhme.
Le linn na tréimhse meastóireachta, tháinig méadú ar an líon iomlán post a líonadh i ngach gníomhaireacht (seachas in EACEA). Tugadh an méadú foirne is airde faoi deara in HAFEA (ó 61 in 2017 go 77 in 2020, nó 26 %) agus in INEA (ó 249 in 2017 go 312 in 2020, nó 25 %). Leithdháileadh formhór mór fhoireann na ngníomhaireachtaí ar chur chun feidhme an chláir agus ar fheidhmeanna tacaíochta amháin ar bhonn teoranta.
An líon post (atá líonta go hiarbhír) ar fud na ngníomhaireachtaí uile in 2017-2020
2017
2018
2019
2020 ---An meánlíon ball foirne ar fud na ngníomhaireachtaí Eorpacha uile, 2020
Foinse: Staidéar a thacaíonn leis na meastóireachtaí tríbhliantúla ar ghníomhaireachtaí feidhmiúcháin
Tháinig méadú ar an mbuiséad riaracháin le haghaidh na ngníomhaireachtaí uile le linn na tréimhse a ndearnadh meastóireacht uirthi, i gcomhréir leis an bhfás ar an mbuiséad oibríochtúil. Ba in CHAFEA (34 %) agus INEA (27 %) a bhí na méaduithe ba mhó, agus ba in EASME (5 %) agus EACEA (8 %) a bhí na méaduithe ba lú.
Buiséad riaracháin (EUR milliún) i dtéarmaí íocaíochtaí ar fud na ngníomhaireachtaí, 2017-2020
Foinse: Staidéar a thacaíonn leis na meastóireachtaí tríbhliantúla ar na gníomhaireachtaí feidhmiúcháin
3.COSTÉIFEACHTACHT
Rinneadh anailís san anailís chúlghabhálach costais is tairbhe ar a mhéid a bhain gach gníomhaireacht a torthaí amach ar chostas níos ísle ná mar a bheadh dá ndéanfadh an Coimisiún bainistiú inmheánach.
Léiríodh san anailís go raibh costais iarbhír chás na gníomhaireachta feidhmiúcháin i bhfad níos ísle ná costais mheasta an cháis inmheánaigh. Mar a bhí sa mheastóireacht roimhe seo, sháraigh na coigiltis iarbhír d’fhormhór na ngníomhaireachtaí (cé is moite de CHAFEA) na meastacháin coigiltis tosaigh den chuid is mó. EUR 74,5 milliún a bhí sa mheánchoigilteas iarbhír ar fud na ngníomhaireachtaí.
Bhain CHAFEA coigilteas níos ísle amach ná mar a measadh ar dtús (EUR 4,1 milliún i gcomparáid le EUR 7,37 milliún sa ráiteas airgeadais sonrach agus EUR 9,88 milliún san anailís costais is tairbhe). Is é is cúis leis sin costais foirne CHAFEA a bhí níos airde ná mar a measadh, costais nár fritháiríodh go hiomlán le forchostais a bhí níos ísle ná mar a bhí coinne leo (caiteachas bonneagair agus oibriúcháin agus caiteachas tacaíochta cláir).
Coigilteas le linn thréimhse mheastóireachta 2017/2018-2021, coigilteas measta vs coigilteas iarbhír (EUR milliún)
Meastachán ón Anailís costais agus tairbhe
Meastachán ón Ráiteas airgeadais sonrach
Iarbhír---Meánchostas iarbhír ar fud na ngníomhaireachtaí Eorpacha
Foinse: Staidéar a thacaíonn leis na meastóireachtaí tríbhliantúla ar ghníomhaireachtaí feidhmiúcháin
Mar sin féin, léiríodh sa staidéar a thacaíonn leis an meastóireacht freisin go raibh an costas iarbhír níos airde faoi chaiteachas a bhaineann leis an bhfoireann (Teideal I) i gcomparáid leis na meastacháin tosaigh mar ghné choiteann ar fud na ngníomhaireachtaí. Tharla sé sin d’ainneoin líon iarbhír na foirne agus chomhdhéanamh na foirne a mhaoinítear ó ranníocaíocht an Aontais a bheith laistigh de mheastacháin shonracha ar ráitis airgeadais.
Is é is cúis leis an méadú sin, i bpáirt, nach raibh coinne sna meastacháin ar chostais tosaigh go hiomlán leis an innéacsú tuarastail, leis an ardú céime agus leis an méadú ar riachtanais foirne. Ina theannta sin, bhí meánchostas foirne iarbhír na ngníomhaireachtaí níos airde ná an meánchostas foirne a measadh, i bpáirt mar gheall ar fhoireann níos airde a bheith acu (a bhfuil níos mó scileanna TF acu), rud a chuir ar a gcumas do na gníomhaireachtaí acmhainní a dhíriú ar chúraimí a bhaineann le níos mó ábhair (rud a fheictear i meastóireacht REA) nó mar gheall ar an ngá le foireann speisialaithe roinnt clár a bhainistiú go comhthreomhar (in CHAFEA) nó go simplí chun tarraingteacht na hoibre ag an ngníomhaireacht a choinneáil ar bun, mar gheall ar na costais mhaireachtála níos airde i Lucsamburg (i gcás CHAFEA).
Rinneadh an caiteachas foirne níos airde faoi Theideal I a fhritháireamh le caiteachas iarbhír níos ísle faoi Theideal II – Caiteachas bonneagair agus oibríochtúil agus Teideal III – Caiteachas tacaíochta cláir.
Táscaire eile lenar tomhaiseadh cost‑éifeachtúlacht na ngníomhaireachtaí is ea costas bainistíochta na gclár arb ionann é agus an cóimheas idir an buiséad riaracháin agus an buiséad oibríochtúil i dtéarmaí gealltanas forghníomhaithe. Léiríodh sa mheastóireacht gur éirigh formhór na ngníomhaireachtaí níos costéifeachtaí le himeacht ama – cé is moite de EASME, ar tháinig méadú ar an gcóimheas ina leith ó 3,11 % in 2017 go 3,46 % in 2020 ach a d’fhan gar don mheánchóimheas 3,39 % agus faoi bhun na sprice 5,5 %.
Tharla an feabhas ba mhó ar chostais bhainistíocht na gclár in EACEA agus CHAFEA, gníomhaireachtaí inar tháinig feabhas 1,76 pointe céatadáin ar an gcóimheas (ó 6,97 % in 2017 go 5,21 % in 2020) agus 1,26 pointe céatadáin (ó 7,24 % go 5,98 % le linn na tréimhse céanna). Mar sin féin, bhí costas bainistíochta clár níos airde ag na gníomhaireachtaí sin i gcomparáid leis an meánchóimheas 3,39 % ar fud na ngníomhaireachtaí uile in 2020.
Costas bainistíochta clár (cóimheas idir an buiséad riaracháin agus oibríochtúil i dtéarmaí gealltanas) ar fud na ngníomhaireachtaí uile, 2017-2020
Foinse: Staidéar a thacaíonn leis na meastóireachtaí tríbhliantúla ar ghníomhaireachtaí feidhmiúcháin
4.COMHLEANÚNACHAS
Mar a luadh thuas, measadh gur struchtúir chostéifeachtacha iad gníomhaireachtaí chun cur chun feidhme an chláir a bhainistiú, i gcomparáid le cás inmheánach. Mar sin féin, bhí cláir éagsúla i bpunann roinnt gníomhaireachtaí (EACEA, EASME, INEA, CHAFEA) nó na cláir chéanna, ach thar speictream ábhair éagsúil (REA, ERCEA).
Cruthaíodh leis sin timpeallacht oibre chasta (ualach oibre ard agus ualach riaracháin, rialacha agus nósanna imeachta éagsúla, comhordú le líon ard máthair-Ardstiúrthóireachtaí) agus chuir sé teorainn leis na féidearthachtaí chun feabhas a chur ar bhainistiú clár agus ar shaothrú sineirgí agus comhlántachtaí. Mar thoradh air sin, bhí gá freisin le leithead a bpunann a laghdúmar a rinneadh sa chreat airgeadais ilbhliantúil atá ann faoi láthair.
Ar an iomlán, i gcás na ngníomhaireachtaí uile agus na gclár tarmligthe uile, léiríodh sa mheastóireacht teorannú soiléir agus iomchuí ar na róil idir iad agus a máthair-Ardstiúrthóireachtaí agus níor sainaithníodh aon fhorluí, i gcomhréir leis an gcreat dlíthiúil agus leis an meabhrán tuisceana.
I gcás CHAFEA, sa tuarascáil ón tseirbhís um iniúchóireacht inmheánach, sainaithníodh go bhféadfaí feabhas a chur ar leagan amach na gcúraimí a bhaineann le misin ardleibhéil. Tugadh aghaidh air sin in 2018 le treoir inmheánach arna forbairt ag CHAFEA agus Ard‑Stiúrthóireacht na Talmhaíochta agus na Forbartha Tuaithe. Cuireadh bearta breise i bhfeidhm le linn aistriú na punainne le haghaidh an Chláir um Tháirgí Talmhaíochta a Chur Chun Cinn ó CHAFEA go REA, trí threoirlínte comhair athbhreithnithe agus trí mheabhrán tuisceana tiomnaithe a fhorbairt ina bhfuil ceanglais shonracha maidir le (i) soláthar faisnéise agus (ii) bearta cur chun cinn le haghaidh táirgí talmhaíochta a chur chun feidhme.
I dtéarmaí saincheisteanna coiteanna trasearnálacha, sainaithníodh sa mheastóireacht an gá atá le creat struchtúrtha a fhorbairt chun aiseolas ar bheartas a sholáthar go córasach, in éineacht le sásra chun aghaidh a thabhairt ar iarrataí beartais aonair. Tugadh aghaidh ar an ábhar sin faoin gcreat airgeadais ilbhliantúil atá ann faoi láthair.
5.CONCLÚID AGUS CEACHTANNA A FOGHLAIMÍODH
Ar an iomlán, tá sé cruthaithe gur struchtúir chostéifeachtacha iad na gníomhaireachtaí chun cláir chistiúcháin an Aontais a chur chun feidhme, rud a ghineann coigilteas mór i gcomparáid leis an gcás inmheánach. Tá a bpríomhchuspóirí bainte amach acu agus tá formhór na bpríomhtháscairí feidhmíochta bainte amach acu. Ba mhór ag a bpríomhpháirtithe leasmhara a gcuid seirbhísí, mar a léiríodh lena leibhéal ard sástachta.
Sainaithníodh roinnt ceachtanna a foghlaimíodh agus réimsí a bhféadfaí feabhas a chur orthu i gcás gach gníomhaireachta mar a shonraítear a thuilleadh sna doiciméid inmheánacha oibre a ghabhann leis an tuarascáil seo. Tugadh aghaidh ar fhormhór na gceachtanna a foghlaimíodh i dtarmligean chur chun feidhme an chláir faoichreat airgeadais ilbhliantúil 2021-2027 agus déanfar measúnú orthu sa chéad mheastóireacht thríbhliantúil eile ar na gníomhaireachtaí atá le teacht i gcomharba le haghaidh na tréimhse 2021-2024.