1.   Iċ-Ċentru ta’ Operazzjonijiet tal-UE għandu jiġi attivat b’appoġġ tal-missjonijiet u l-operazzjoni tal-Politika ta’ Sigurtà u ta’ Difiża Komuni (PSDK) fil-Qarn tal-Afrika, jiġifieri Operazzjoni Atalanta, EUTM Somalia, u l-missjoni ċivili ppjanta tal-PSDK dwar il-Bini tal-Kapaċitajiet Marittimi Reġjonali (RMCB).

2.   L-attivazzjoni taċ-Ċentru ta’ Operazzjonijiet tal-UE għandha tkun mingħajr preġudizzju għal-linji ta’ kmand militari u ċivili rispettivi tal-missjonijiet u l-operazzjoni, imsemmija fil-paragrafu 1.

1.   Iċ-Ċentru ta’ Operazzjonijiet tal-UE għandu jipprovdi appoġġ fil-qasam tal-ippjanar operattiv u t-tmexxija tal-Operazzjoni Atalanta, EUTM Somalia, u l-missjoni ċivili futura tal-PSDK dwar il-Bini tal-Kapaċitajiet Marittimi Reġjonali (RMCB), bil-ħsieb li jiżdiedu l-effiċjenza, il-koerenza u s-sinerġiji. F’dan il-qafas iċ-Ċentru ta’ Operazzjonijiet tal-UE għandu jgħin jiffaċilita l-iskambju ta’ informazzjoni u jtejjeb il-koordinazzjoni u jsaħħaħ is-sinerġiji ċivili-militari.

2.   Iċ-Ċentru ta’ Operazzjonijiet tal-UE għandu jwettaq il-kompiti li ġejjin:

1.   Il-Kaptan (Forza Navali) Ad VAN DER LINDE huwa b’dan maħtur Kap taċ-Ċentru ta’ Operazzjonijiet tal-UE għal perijodu ta’ sentejn, li jista’ jiġġedded jekk il-Kunsill jiddeċiedi hekk.

2.   Il-Kap taċ-Ċentru ta’ Operazzjonijiet tal-UE għandu jwettaq il-funzjonijiet tiegħu taħt il-kontroll politiku u d-direzzjoni strateġika tal-Kumitat Politiku u ta’ Sigurtà (KPS), u, kif opportun, taħt id-direzzjoni militari tal-Kumitat Militari tal-Unjoni Ewropea (EUMC).

3.   Il-Kap taċ-Ċentru ta’ Operazzjonijiet tal-UE għandu jeżerċita l-awtorità fuq il-persunal taċ-Ċentru ta’ Operazzjonijiet tal-UE għall-kwistjonijiet kollha relatati mal-mandat u l-kompiti taċ-Ċentru ta’ Operazzjonijiet tal-UE.

4.   Il-Kap taċ-Ċentru ta’ Operazzjonijiet tal-UE għandu jkun responsabbli li jwieġeb għat-talbiet indirizzati liċ-Ċentru ta’ Operazzjonijiet tal-UE mill-Kmandant tal-Operazzjonijiet Ċivili, il-Kmandant tal-Operazzjonijiet għall-Operazzjoni Atalanta, il-Kmandant tal-Missjoni EUTM, u s-CMPD. Huwa għandu jiżgura l-funzjonament korrett taċ-Ċentru ta’ Operazzjonijiet tal-UE u jikkoordina/tikkordina l-użu effiċjenti tal-kapaċitajiet tiegħu. Ir-responsabbiltà finali għad-dokumenti u d-deċiżjonijiet dwar l-ippjanar operattiv dwar it-twettiq tal-missjonijiet u l-operazzjoni għandha tibqa’ rispettivament tal-Kmandant tal-Operazzjonijiet Ċivili, il-Kmandant tal-Missjoni EUTM, u l-Kmandant tal-Operazzjonijiet għall-Operazzjoni Atalanta.

5.   Fil-limiti tar-responsabbiltà tiegħu, il-Kap taċ-Ċentru ta’ Operazzjonijiet tal-UE għandu jirrapporta regolarment lill-EUMC u lill-KPS.

1.   Ir-riżorsi umani taċ-Ċentru ta’ Operazzjonijiet tal-UE għandu jkun magħmul minn:

2.   Ir-riżorsi umani mqiegħda għad-dispożizzjoni taċ-Ċentru ta’ Operazzjonijiet tal-UE għandhom ikopru l-għarfien espert militari kollu meħtieġ għall-implimentazzjoni korretta tal-mandat u l-kompiti tiegħu abbażi ta’ pjan ta’ implimentazzjoni ppreżentat lill-KPS u għandu jkun soġġett għall-reviżjoni regolari. Id-definizzjoni preċiża tal-għarfien espert meħtieġ għandha tkun ir-responsabbiltà tal-Kap taċ-Ċentru ta’ Operazzjonijiet tal-UE, f’konsultazzjoni mill-qrib mal-Kmandanti tal-Operazzjonijiet u l-Missjonijiet, il-Kmandant tal-Operazzjonijiet Ċivili u l-EUMS.

3.   Il-persunal kollu għandu jirrispetta l-prinċipji ta’ sigurtà u l-istandards minimi stabbiliti bid-Deċiżjoni tal-Kunsill 2011/292/UE tal-31 ta’ Marzu 2011 dwar ir-regoli ta’ sigurtà għall-protezzjoni tal-informazzjoni klassifikata tal-UE (5).

1.   Il-persunal ipprovdut mill-EUMS għandu jkun finanzjat f’konformità mar-regoli applikabbli għall-EUMS.

2.   Il-persunal ipprovdut mill-Istati Membri għandhom ikunu esperti nazzjonali ssekondati bla spejjeż.

3.   L-ispejjeż tal-ivvjaġġar u spejjeż oħrajn mhux koperti mill-baġits tal-missjoni u l-operazzjoni rispettiva tal-PSDK għandhom jitħallsu mill-baġit tas-Servizz Ewropew għall-Azzjoni Esterna, soġġett għar-regoli finanzjarji applikabbli.