12003TN12/06/B2



Official Journal L 236 , 23/09/2003 P. 0883 - 0884


II. REACHTAÍOCHT FITEASLÁINTÍOCHTA

1. 31969 L 0464: Treoir 69/464/CEE ón gComhairle an 8 Nollaig 1969 maidir le Fadharcáin Phrátaí a rialú (IO L 323, 24.12.1969, lch. 1).

(a) Ar feadh tréimhse 10 bliain ó dháta an aontachais, teorannóidh an Pholainn na cineálacha prátaí arna bplandáil sa Pholainn chuig cineálacha atá frithsheasmhach go hiomlán (idir saotharlann agus ar an bhfód) do Synchytrium endobioticum (Schilbersky) Percival atá ina ghníomhaí cúisíoch de na fadharcáin phrátaí. Le linn na tréimhse sin, glacfar bearta cosanta breise sa Pholainn chun an trádáil a choimirciú i bprátaí síl agus prátaí margaidh agus i bplandaí atá ceaptha lena bplandáil de thionscnamh na Polainne, laistigh den Pholainn agus le Ballstáit eile, go dtí go suitear nach bhfuil spóragáin inmharthana de Synchytrium endobioticum (Schilbersky) Percival a thuilleadh sna seanionaid ráige de na fadharcáin phrátaí nó go ndearnadh plásóga a sceidealú go soiléir, is é sin gur líníodh iad mar phlásóga arna bhfabhtú ag Synchytrium endobioticum (Schilbersky) Percival agus go dtí nach gá a thuilleadh forálacha breise nó níos déine a chur chun feidhme ar cothrom le hAirteagal 9 de Threoir 69/464/CEE. Déanfar plásóga a dhísceidealú i gcomhréir le caighdeán de chuid EECP PM 3/59(1) "SYNCHYTRIUM ENDOBIOTICUM: tástálacha ithreach agus plásóga arna bhfabhtú roimhe a dhísceidealú".

(b) Ag féachaint do phrionsabail fhónta eolaíocha, do bhitheolaíocht an orgánaigh dhochraigh i dtrácht agus na conairí féideartha lena fhorleathadh agus go háirithe an córas chun plandaí óstacha an orgánaigh sin a tháirgeadh, a mhargú agus a phróiseáil sa Pholainn, áireofar an méid seo a leanas ar na bearta breise:

(i) I gcás prátaí síl: i dteannta le ceanglais phointe 18(1) d'Iarscríbhinn IV.A.II a ghabhann le Treoir 2000/29/EC [21], áiritheofar comhlíonadh Airteagal 4 de Threoir 69/464/CEE trí fhíorú oifigiúil ag leibhéal na plásóige leithlí inar táirgeadh prátaí síl. Ina theannta sin, déanfar limistéir arb eol go bhfaightear pataitíopaí 2 agus 3 iontu a eisiamh mar limistéir óna bhfuil prátaí síl cáilithe chun gluaiseacht chuig limistéir sa Pholainn arb eol nach bhfaightear Synchytrium endobioticum (Schilbersky) Percival iontu nó chuig Ballstáit eile. Sainmhítear "limistéar" ar leibhéal an cheantair (Powiat);

(ii) I gcás prátaí margaidh:

(aa) déanfar limistéir arb eol go bhfaightear pataitíopaí 2 agus 3 iontu a eisiamh mar limistéir óna bhfuil prátaí den sórt sin cáilithe chun gluaiseacht chuig limistéir sa Pholainn arb eol nach bhfaightear Synchytrium endobioticum (Schilbersky) Percival iontu nó chuig Ballstáit eile;

(bb) i dtaca le prátaí de thionscnamh limistéar seachas iad siúd atá luaite faoi (aa), beidh siad:

- de thionscnamh ceantair arb eol nach bhfaightear Synchytrium endobioticum (Schilbersky) Percival ann. Sainmhítear "limistéar" ar leibhéal an cheantair (Powiat).

nó

- de thionscnamh ionaid táirgeachta arb eol nach bhfaightear Synchytrium endobioticum (Schilbersky) Percival ann,

nó

- de chineál atá frithsheasmhach ar a laghad do phataitíopa 1 de Synchytrium endobioticum (Schilbersky) Percival agus, má chuirtear iad chuig limistéar sa Pholainn arna chinneadh trí shuirbhé mar limistéar atá saor ó Synchytrium endobioticum (Schilbersky) Percival nó chuig Ballstáit eile, atá nite nó glanta ar dhóigh eile, agus saor ó ithir.

(iii) I gcás plandaí le fréamhacha, arna bplandáil nó atá ceaptha lena bplandáil: i dteannta le ceanglais phointe 24 d'Iarscríbhinn IV.A.II a ghabhann le Treoir 2000/29/EC, áiritheofar comhlíonadh Airteagal 4 de Threoir 69/464/CEE trí fhíorú oifigiúil ag leibhéal na plásóige leithlí inar táirgeadh na plandaí sin. Fairis sin, déanfar limistéir arb eol go bhfaightear pataitíopaí 2 agus 3 iontu a eisiamh mar limistéir óna bhfuil na plandaí sin cáilithe chun gluaiseacht chuig limistéir sa Pholainn arb eol nach bhfaightear Synchytrium endobioticum (Schilbersky) Percival iontu nó chuig Ballstáit eile. Sainmhítear "limistéar" ar leibhéal an cheantair (Powiat).

(c) Déanfar tuairisc ar na cineálacha frithsheasmhacha prátaí de réir tástálacha atá bunaithe ar Phrótacal na hEagraíochta Eorpaí agus Meánmhuirí um Chosaint Plandaí (EPPO) maidir le Fungais Choraintín a Shainithint. Beidh aitheantas oifigiúil go bhfuil na limistéir nó na hionaid táirgeachta saor ó Synchytrium endobioticum (Schilbersky) Percival i gcomhréir le Caighdeáin Idirnáisiúnta na hEagraíochta Bia agus Talmhaíochta le haghaidh Bheart Fiteasláintíochta Uimh. 4 maidir le "Ceanglais ar limistéir saor ó lotnaidí a bhunú" nó Uimh. 10 maidir le "Ceanglais ar ionaid táirgeachta saor ó lotnaidí agus suímh tháirgeachta saor ó lotnaidí a bhunú".

(d) In ionaid táirgeachta arb eol nach bhfaightear Synchytrium endobioticum (Schilbersky) Percival iontu, dá dtagraítear sa dara fleasc de mhír (b)(ii)(bb), féadfaidh an Coimisiún a cheadú comhaontuithe leithleacha a thabhairt i gcrích leis na húdaráis Pholannacha inniúla maidir le cineálacha neamh-fhrithsheasmhacha a tháirgeadh.

(e) Áiritheoidh an Pholainn, trí na táirgeoirí prátaí, stórais agus lárionaid dáileacháin uile a chlárú, go bhféadfar bealach gach coinsíneacht phrátaí a aimsiú thar n-ais go dtí a ceantar tionscnaimh. Chuige sin, beidh tagairt do na ceantair ina ndearnadh na prátaí a tháirgeadh, a stóráil, a ghrádú nó a phacáil in uimhir chlárúcháin na dtáirgeoirí, na stóras agus na lárionad seolta sin. Taispeánfar an uimhir chlárúcháin sin ar gach coinsíneacht phrátaí de thionscnamh na Polainne arna gluaiseacht laistigh den Pholainn nó isteach go Ballstáit eile.

(f) Tíolacfaidh an Pholainn tuarascálacha bliantúla ar thorthaí na suirbhéanna arna ndéanamh i leith dháileadh Synchytrium endobioticum (Schilbersky) Percival ar a críoch. Faoi cheann dheireadh na tréimhse 10 bliain, beidh na suirbhéanna críochnaithe agus beidh na plásóga uile iarmharacha uile nó na plásóga uile a d'fhéadfadh a bheith nua-ionfhabhtaithe, maille lena gcrios sábháilteachta atá mór go leor chun cosaint na limistéar máguaird a áirithiú sceidealta. Beidh sna tuarascálacha bliantúla liostaí de na limistéir agus ionaid táirgeachta inarb eol nach bhfaightear Synchytrium endobioticum (Schilbersky) Percival, dá dtagraítear sa chéad fhleasc agus sa dara fleasc de mhír (b)(ii)(bb).

(g) Roimh dheireadh na tréimhse 10 bliain, déanfaidh an Coimisiún, i gcomhar leis na húdaráis Pholannacha, scrúdú ar an staid i bhfianaise na bhforbairtí agus breithniú an bhfuil gá le bearta breise. Glacfar aon bhearta den sórt sin i gcomhréir leis an nós imeachta atá leagtha síos in Airteagal 18 de Threoir 2000/29 CE.

2. 31991 L 0414: Treoir 91/414/CEE ón gComhairle an 15 Iúil 1991 maidir le táirgí cumhdaigh plandaí a chur ar an margadh (IO L 230, 19.8.1991, lch. 1), mar atá arna leasú go deireanach le:

- 32002 L 0081: Treoir 2002/81/CE ón gCoimisiún an 10.10.2002 (IO L 276, 12.10.2002, lch. 28).

De mhaolú ar Airteagal 13(1) de Threoir 91/414/CEE, féadfaidh an Pholainn na teorainneacha ama a chur siar, go dtí an 31 Nollaig 2006 ar a dhéanaí, maidir leis an bhfaisnéis dá dtagraítear in Iarscríbhinn II agus Iarscríbhinn III a ghabhann le Treoir 91/414/CEE a sholáthar i gcás táirgí cumhdaigh plandaí arna dtáirgeadh sa Pholainn agus arna margú go heisiach ar chríoch na Polainne agus ina bhfuil 2,4-D, MCPA, cairbeandaisim nó Mecoprop (MCPP), ar chuntar go bhfuil na comhábhair sin liostaithe an tráth sin in Iarscríbhinn I a ghabhann leis an Treoir sin agus gur thosaigh na cuideachtaí iarrthacha ag obair iarbhír ar na sonraí is gá a ghiniúint nó a fháil roimh an 1 Eanáir 2003.

3. 31999 L 0105: Treoir 1999/105/CE ón gComhairle an 22 Nollaig 1999 maidir le hábhar atáirgthe foraoise a mhargú (IO L 11, 15.1.2000, lch. 17).

De mhaolú ar Airteagal 28(3) de Threoir 1999/105/CE, féadfaidh an Pholainn margú a cheadú, go dtí go ndísceofar stoic, d'ábhar atáirgthe foraoise arna gcnuasú roimh an 1 Eanáir 2004 nach gcomhallann forálacha uile na Treorach.

[21] Treoir 2000/29/CE ón gComhairle maidir le bearta cosanta i gcoinne orgánaigh atá dochrach do phlandaí nó táirgí plandaí a thabhairt isteach sa Chomhphobal agus i gcoinne a leathadh laistigh den Chomhphobal (IO L 169, 10.7.2000, lch. 1). Treoir mar atá arna leasú go deireanach le Treoir 2002/36/CE ón gCoimisiún (IO L 116, 3.5.2002, lch. 16 ).

--------------------------------------------------