(1)

Il-Ftehim ta’ Sħubija Komprensiv u Msaħħaħ bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, min-naħa l-waħda, u r-Repubblika tal-Armenja, min-naħa l-oħra (1) (“il-Ftehim”), ilu jiġi applikat b’mod proviżorju mill-1 ta’ Ġunju 2018 u daħal fis-seħħ fl-1 ta’ Marzu 2021.

(2)

L-Artikoli 319(3) u 335(2) tal-Ftehim jirrikjedu li l-Kumitat ta’ Sħubija jadotta, fl-ewwel laqgħa tiegħu wara d-dħul fis-seħħ tal-Ftehim, il-Mekkaniżmu ta’ Medjazzjoni, ir-Regoli ta’ Proċedura u l-Kodiċi ta’ Kondotta għall-proċeduri għas-soluzzjoni tat-tilwim skont il-Kapitolu 13 tat-Titolu VI tal-Ftehim.

(3)

Il-Mekkaniżmu ta’ Medjazzjoni, ir-Regoli ta’ Proċedura u l-Kodiċi ta’ Kondotta ma ġewx adottati mill-ewwel laqgħa tal-Kumitat ta’ Sħubija fil-25 ta’ Settembru 2018.

(4)

Abbozz rivedut tal-Mekkaniżmu ta’ Medjazzjoni, ir-Regoli ta’ Proċedura u l-Kodiċi ta’ Kondotta tħejja mill-Partijiet u għandu jiġi adottat mill-Kumitat ta’ Sħubija.

(5)

Huwa xieraq li tiġi stabbilita l-pożizzjoni li għandha tittieħed f’isem l-Unjoni fi ħdan il-Kumitat ta’ Sħubija fir-rigward tal-adozzjoni tal-Mekkaniżmu ta’ Medjazzjoni, ir-Regoli ta’ Proċedura u l-Kodiċi ta’ Kondotta.

(6)

Għalhekk jenħtieġ li l-pożizzjoni f’isem l-Unjoni fi ħdan il-Kumitat ta’ Sħubija tkun ibbażata fuq l-abbozz tad-Deċiżjoni tal-Kumitat ta’ Sħubijamehmuż. Il-Mekkaniżmu ta’ Medjazzjoni, ir-Regoli ta’ Proċedura u l-Kodiċi ta’ Kondotta ser jikkomplementaw il-Ftehim u jenħtieġ li jiġu ppubblikati f’Il-Ġurnal Uffiċjali tal-Unjoni Ewropea,