|
|
Ainm
|
Faisnéis chéannachta
|
Cúiseanna
|
Dáta an liostaithe
|
|
“17.
|
SOLTANI Hodjatoleslam Seyed Mohammad
|
Inscne: fireann
|
Ó 2018 i leith, tá Hodjatoleslam Seyed Mohammad Soltani ina leas-ionchúisitheoir sa Revolutionary Prosecution Office, Mashhad. Ceannaire ar an Organisation for Islamic Propaganda i gcúige Khorasan-Razavi. Iarbhreitheamh, Mashhad Revolutionary Court (2013-2019). Rinneadh trialacha faoina dhlínse go hachomair agus i seisiún dúnta, gan cloí le cearta bunúsacha an chúisí. Ós rud é gur eisíodh rialuithe básuithe en masse, eisíodh pionóis an bháis gan nósanna imeachta maidir le héisteacht chóir a chomhlíonadh go cuí. Tá sé freagrach as pianbhreitheanna troma príosúnachta a ghearradh ar shaoránaigh mhionlach Baha’is, mar gheall ar a gcreideamh reiligiúnach, trí thrialacha éagóracha a bhfuil easpa próis chuí ag baint leo, agus as nósanna imeachta seachbhreithiúnacha a úsáid.
|
12.4.2011
|
|
19.
|
JAFARI-DOLATABADI Abbas
|
Áit bhreithe: Yazd (an Iaráin)
Dáta breithe: 1953
Inscne: fireann
|
Iarchomhairleoir do Chúirt Uachtarach Araíonachta na mbreithiúna (an 29 Aibreán 2019-2020 ar a laghad). Iar-Ionchúisitheoir Ginearálta Tehran (mí Lúnasa 2009-mí Aibreáin 2019). Chúisigh oifig Abbas Jafari-Dolatabadi líon mór agóideoirí, lena n-áirítear daoine a ghlac páirt in agóidí Lá Ashura i mí na Nollag 2009. D’ordaigh sé go ndúnfaí oifig Karroubi i mí Mheán Fómhair 2009 agus go ngabhfaí roinnt polaiteoirí leasaitheacha, agus chuir sé cosc ar dhá pháirtí pholaitiúla leasaitheacha i mí an Mheithimh 2010. Rinne a oifig agóideoirí a chúiseamh i leith ‘Muharebeh’, nó ‘naimhdeas i gcoinne Dé’, lena ngabhann pionós an bháis, agus dhiúltaigh sé próis chuí dóibh siúd a raibh an pionós sin á bhagairt orthu. Chomh maith leis sin, dhírigh a oifig ar leasaitheoirí, ar ghníomhaithe ar son chearta an duine agus ar bhaill na meán, agus ghabh a oifig daoine den sórt sin, mar chuid de chniogbheartaíocht leathan ar an bhfreasúra polaitiúil.
I mí Dheireadh Fómhair 2018, d’fhógair sé do na meáin go ndéanfaí ceathrar gníomhaithe ar son an chomhshaoil ón Iaráin a coinníodh a chúiseamh i leith ‘an t-éilliú a chur chun cinn ar domhan’, ar cúiseamh é lena ghabhann pionós an bháis.
|
12.4.2011
|
|
21.
|
MOHSENI-EJEI Gholam-Hossein
|
Áit bhreithe: Ejiyeh (an Iaráin)
Dáta breithe: circa 1956
Inscne: fireann
|
An Príomh-Bhreitheamh ó mhí Iúil 2021 i leith. Comhalta den Expediency Council. Ionchúisitheoir Ginearálta na hIaráine ó Mheán Fómhair 2009 go dtí 2014. IarLeas-Cheann na mBreithiúna (2014 go dtí mí Iúil 2021) agus urlabhraí thar ceann na mBreithiúna (2010-2019). An tAire Faisnéise ó 2005 go dtí 2009. Fad a bhí sé ina Aire Faisnéise le linn na dtoghchán in 2009, bhí gníomhairí faisnéise faoina cheannas freagrach as an gcoinneáil agus céasadh agus na hadmhálacha bréagacha faoi bhrú a fháil ó na céadta gníomhaí, iriseoir, easaontóirí agus polaiteoirí leasaitheacha. Ina theannta sin, cuireadh iallach ar phearsana polaitiúla admhálacha bréagacha a dhéanamh faoi cheistiúcháin dhofhulaingthe lenar áiríodh céasadh, mí-úsáid, dúmhál agus bagairt a chur ar a muintir. Le linn agóidí 2022/2023, mhaíomh Gholam-Hossein Mohseni-Ejei go gcaithfí go neamhthrócaireach le hagóideoirí.
|
12.4.2011
|
|
25.
|
SALAVATI Abdolghassem
|
Inscne: fireann
|
Breitheamh den Special Court for Financial Crimes, brainse 4 ó 2019 i leith. Breitheamh, Ceann Tehran Revolutionary Court, brainse 15. Breitheamh Cimithe in Tehran Tribunal. Bhí sé i gceannas ar na cásanna iarthoghcháin, agus ba é an Breitheamh a bhí i gceannas ar na ‘seóthrialacha’ le linn an tsamhraidh in 2009, ghearr sé pionós an bháis ar bheirt mhonarcaithe a bhí i láthair sna seóthrialacha. Tá níos mó ná céad príosúnach polaitiúil, gníomhaí chearta an duine agus léiritheoir curtha faoi théarmaí fada príosúnachta aige.
In 2018, léirigh tuarascálacha gur lean sé air ag gearradh téarmaí príosúnachta comhchosúla gan nósanna imeachta maidir le héisteacht chóir a chomhlíonadh go cuí.
Le linn agóidí 2022, dhaor Abdolghassem Salavati go leor agóideoirí chun báis, lena n-áirítear Mohammad Beroghani agus Saman Seydi.
|
12.4.2011
|
|
43.
|
JAVANI Yadollah
|
Inscne: fireann
Náisiúntacht: Iaránach
Grád: Briogáidireghinearál
|
Leas-Cheannasaí IRGC do ghnóthaí polaitiúla. Tá go leor iarrachtaí déanta aige deireadh a chur le saoirse cainte agus dioscúrsa trína ráitis phoiblí lena dtacaítear le hagóideoirí agus easaontóirí a ghabháil agus a phionósú. Duine de na chéad oifigigh ardchéime a d’éiligh Moussavi, Karroubi agus Khatami a ghabháil in 2009. Thacaigh sé le húsáid a bhaint as teicnící a sháraíonn an ceart chun triail a fháil, lena n-áirítear admhálacha poiblí agus scaoil sé ábhar ceistiúchán roimh an triail. Léiríonn an fhianaise freisin gur ghlac sé le foréigean a úsáid in aghaidh agóideoirí agus mar bhall lárnach den IRGC is rídhócha go raibh sé ar an eolas faoi theicnící diancheistiúcháin a úsáideadh chun brú a chur ar dhaoine coireanna a admháil.
|
10.10.2011
|
|
57.
|
HAJMOHAM- MADI Aziz (dá ngairtear freisin Aziz Hajmohammadi, Noorollah Azizmohammadi)
|
Áit bhreithe: Tehran (an Iaráin)
Dáta breithe: 1948
Inscne: fireann
|
Breitheamh i mbrainse 71 sa Chúirt Choiriúil i gCúige Tehran. Ag obair dó thar ceann na mbreithiúna ó 1971 i leith, bhí sé páirteach i roinnt trialacha d’agóideoirí, inter alia, mar shampla Abdol-Reza Ghanbari, múinteoir a gabhadh i mí Eanáir 2010 agus a daoradh chun báis mar gheall ar a chuid gníomhaíochtaí polaitiúla.
|
10.10.2011
|
|
58.
|
BAGHERI Mohammad-Bagher
|
Inscne: fireann
|
In 2019, ceapadh Mohammad-Bagher Bagheri mar Leas-Cheann na mBreithiúna do Ghnóthaí Idirnáisiúnta agus mar Rúnaí Foirne um Chearta an Duine in ionad Mohammad Javad Larijani sa phost sin le foraithne ó Ebrahim Raisi. Bhí sé ina bhreitheamh sa Chúirt Uachtarach idir mí na Nollag 2015 agus 2019. Iar-leaschathaoirleach ar riarachán breithiúnach chúige South Khorasan, agus é i gceannas ar chosc na coireachta. Chomh maith le 140 bású as cionta caipitil a admháil i mí an Mheithimh 2011, a tharla idir Márta 2010 agus Márta 2011, tuairiscítear gur tharla thart ar 100 bású eile le linn na tréimhse céanna agus sa chúige chéanna, mar atá cúige South Khorasan, gan fógra a thabhairt do na teaghlaigh ná do na dlíodóirí. Bhí sé, dá bhrí sin, comhpháirteach i sárú tromchúiseach ar an gceart chun próise cuí, agus é ag cur le líon ard pionóis an bháis.
|
10.10.2011
|
|
60.
|
HOSSEINI Dr Seyyed Mohammad (dá ngairtear freisin HOSSEYNI Dr Seyyed Mohammad; Seyed, Sayyed agus Sayyid)
دکتر سيد محمد حسيني
|
Áit bhreithe: Rafsanjan, Kerman (an Iaráin)
Dáta breithe: 23.7.1961
Inscne: fireann
|
Leas-Uachtarán gnóthaí parlaiminte faoin Uachtarán Raisi ó mhí Lúnasa 2021 i leith. Comhairleoir don IarUachtarán Mahmoud Ahmadinejad agus urlabhraí don fhaicsean docht polaitiúil YEKTA. An tAire Cultúir agus Treoraíochta Ioslamaí (2009-2013). IarLeas-Stiúrthóir ar an Islamic Republic of Iran Broadcasting (IRIB). Iarchomhairleoir ag Stiúrthóir an Islamic Culture and Relations Organisation (ICRO). Iarchomhalta den IRGC, bhí sé comhpháirteach i gcur faoi chois iriseoirí.
|
10.10.2011
|
|
66.
|
MIRHEJAZI Ali Ashgar
|
Dáta breithe: An 8 Meán Fómhair 1946
Áit bhreithe: Isfahan
Náisiúntacht: Iaránach
Inscne: fireann
|
Comhairleoir faisnéise don Cheannaire Uachtarach. Ar dhuine de chiorcal inmheánach an Cheannaire Uachtaraigh, ar dhuine de na daoine a bhí freagrach as cur faoi chois agóidí a phleanáil, rud atá á chur chun feidhme ó 2009 agus baint aige leo siúd atá freagrach as agóidí a chur faoi chois.
Bhí sé freagrach freisin as cosc a chur le corraíl phoiblí i mí na Nollag 2017/2018 agus i mí na Samhna 2019.
|
23.3.2012
|
|
69.
|
MORTAZAVI Seyyed Solat
|
Áit bhreithe: Farsan, Tchar Mahal-o-Bakhtiari (Theas) – (an Iaráin)
Dáta breithe: 1967
Inscne: fireann
|
Ón 19 Deireadh Fómhair 2022, ina Aire (gníomhach) Comharchumann, Saothair agus Leasa Shóisialaigh. Ó mhí Mheán Fómhair 2021 go dtí mí Dheireadh Fómhair 2022, an Leas-Uachtarán do Ghnóthaí Feidhmiúcháin na hIaráine agus Ceann Oifig an Uachtaráin. Ón 16 Meán Fómhair 2019 go dtí mí Mheán Fómhair 2021, is é ceann bhrainse réadmhaoine an Mostazafan Foundation, a raibh á reáchtáil go díreach ag an Supreme Leader Khamenei. Stiúrthóir ar chraobh Tehran den Foundation Astan Qods Razavi, go dtí mí na Samhna 2019. Iarmhéara Mashhad, an dara cathair is mó san Iaráin, áit a dtarlaíonn básuithe poiblí go rialta. IarLeas-Aire Gnóthaí Baile le freagracht as gnóthaí polaitiúla, a ceapadh in 2009. Sa cháil sin, bhí sé freagrach as daoine a labhair amach mar chosaint ar a gcearta dlisteanacha, lena n-áirítear saoirse chun tuairimí a nochtadh, a chur faoi chois. Ina dhiaidh sin, ceapadh é ina Cheann ar an Iranian Election Committee do thoghcháin pharlaiminteacha in 2012 agus do na toghcháin uachtaránachta in 2013.
|
23.3.2012
|
|
77.
|
JAFARI Reza
|
Dáta breithe: 1967
Inscne: fireann
|
Iarchomhairleoir ag an Disciplinary Court for Judges (2012-2022). Comhalta den ‘Committee for Determining Criminal Web Content’, comhlacht atá freagrach as cinsireacht ar shuíomhanna gréasáin agus ar na meáin shóisialta. Iar-Cheann ionchúisimh speisialta na cibearchoireachta idir 2007 agus 2012. Bhí sé freagrach as saoirse tuairimí a chur faoi chois, lena n-áirítear trí bhlagálaithe agus iriseoirí a ghabháil, a choinneáil agus a ionchúiseamh. Tugadh drochíde do dhaoine ar amhras cibearchoireachta agus bhí siad faoi réir próiseas breithiúnach éagórach.
|
23.3.2012
|
|
81.
|
Moussavi Seyed Mohammad Bagher (dá ngairtear freisin MOUSAVI Ayed Mohammed Baqir)
محمدباقر موسوی
|
Inscne: fireann
|
Ghearr Breitheamh ó Chúirt Réabhlóideach Ahwaz, Brainse 2 (2011-2015), pionóis an bháis ar roinnt daoine, lena n-áirítear cúigear Arabach Ahwazi, Mohammad Ali Amouri, Hashem Sha’bani Amouri, Hadi Rashedi, Sayed Jaber Alboshoka, Sayed Mokhtar Alboshoka an 17 Márta 2012 as ‘gníomhaíochtaí i gcoinne na slándála náisiúnta’ agus ‘naimhdeas i gcoinne Dé’. Sheas Cúirt Uachtarach na hIaráine leis na pianbhreitheanna sin an 9 Eanáir 2013. Gabhadh an cúigear gan chúiseamh agus bhí siad faoi choinneáil ar feadh bliana, rinneadh céasadh orthu agus gearradh pionós orthu gan próis chuí. Cuireadh Hadi Rashedi agus Hashem Sha’bani Amouri chun báis in 2014.
|
12.3.2013
|
|
83.
|
JAFARI Asadollah
|
Inscne: fireann
|
Ard-Aighne Isfahan faoi láthair. Sa phost sin, d’ordaigh sé frithghníomhartha foréigneacha i gcoinne agóideoirí a thug faoi na sráideanna i mí na Samhna 2021 chun agóid a dhéanamh in aghaidh ganntanais uisce. De réir roinnt tuarascálacha, d’fhógair Asadollah Jafari go rabhthas chun oifig speisialta a chur ar bun chun imscrúdú a dhéanamh ar na hagóideoirí a gabhadh.
Ó 2017 go 2021, bhí sé ina Ard-Aighne i gCúige North Khorasan.
Ina cháil mar Iar-Ionchúisitheoir Mazandaran Province (2006-2017), mhol Jafari go ngearrfaí pionós an bháis i gcásanna a thug sé os comhair na cúirte, ar tháinig básuithe iomadúla dá thoradh lena n-áirítear básuithe poiblí ina sáraítear, trí phionós an bháis a ghearradh, cearta idirnáisiúnta an duine, lena n-áirítear trí phionós díréireach iomarcach. Tá Jafari freagrach as gabháil mhídhleathach agus sáruithe ar chearta na gcimí Baha’i ó ghabhtar iad an chéad uair go dtí go gcoinnítear ina n-aonar iad san Intelligence Detention Centre.
|
12.3.2013
|
|
84.
|
EMADI Hamid Reza (dá ngairtear freisin Hamidreza Emadi)
|
Áit bhreithe: Hamedan (an Iaráin)
Dáta breithe: circa 1973
Áit chónaithe: Tehran
Áit oibre: Ceanncheathrú Press TV, Tehran
Inscne: fireann
|
Iar-Stiúrthóir an tSeomra Nuachta le Press TV. Iar–Léiritheoir sinsearach le Press TV.
Freagrach as admhálacha éigeantacha ó chimí a léiriú agus a chraoladh, lena n-áirítear iriseoirí, gníomhaithe polaitiúla agus daoine ar de ghrúpaí mionlaigh Choirdíneacha agus Arabacha iad, lena sáraítear cearta a aithnítear go hidirnáisiúnta maidir le triail chóir agus próis chuí a fháil. Ghearr an rialtóir craolacháin neamhspleách OFCOM fíneáil GBP 100 000 ar Press TV sa Ríocht Aontaithe as admháil éigeantach ón iriseoir agus scannánóir Iaránach-Cheanadach Maziar Bahari a chraoladh in 2011, a scannánaíodh sa phríosún agus Bahari faoi éigeantas. Tá sé tuairiscithe ag ENRanna gur tharla cásanna eile d’admhálacha éigeantacha a chraol Press TV. Tá baint ag Emadi, dá bhrí sin, le sárú a dhéanamh ar an gceart chun próise cuí agus triail chóir a fháil.
In 2016, bhí sé faoi réir nósanna imeachta araíonachta as ciapadh gnéasach ar a chomhghleacaí Sheena Shirani, rud a d’fhág gur cuireadh ar fionraí ón tseirbhís é.
|
12.3.2013
|
|
92.
|
ASHTARI Hossein
|
Áit bhreithe: Isfahan (dá ngairtear freisin Esfahan, Ispahan)
Náisiúntacht: Iaránach
Inscne: fireann
Post: Ardcheannasaí ar an Iranian police force
|
Bhí Hossein Ashtari ina Ardcheannasaí ar fhórsa póilíneachta na hIaráine ó mhí an Mhárta 2015 go dtí mí Eanáir 2023 agus is comhalta den Chomhairle Slándála Náisiúnta é. Áirítear ar an bhfórsa póilíneachta Aonaid Emdad agus na hAonaid Speisialta. D’úsáid gnáthfhórsa póilíneachta na hIaráine, Aonaid Emdad agus na hAonaid Speisialta fórsa marfach chun agóidí mhí na Samhna 2019 san Iaráin a chur faoi chois, rud a d’fhág gur maraíodh agus gur gortaíodh lucht agóide neamh-armtha agus sibhialtaigh eile i gcuid mhór cathracha ar fud na tíre. Agus é ina chomhalta den Chomhairle Slándála Náisiúnta, ghlac Ashtari páirt sna seisiúin a raibh orduithe mar thoradh orthu fórsa marfach a úsáid chun agóidí mhí na Samhna 2019 a chur faoi chois. Tá Ashtari freagrach, dá bhrí sin, as sáruithe tromchúiseacha ar chearta an duine san Iaráin.
|
12.4.2021
|
|
95.
|
VASEGHI Leyla (ar a dtugtar freisin VASEQI Layla, VASEGHI Leila, VASEGHI Layla)
|
Áit bhreithe: Sari, Mazandaran Province (an Iaráin)
Dáta breithe: 1352 (féilire Hijri na hIaráine), 1972 nó 1973 (féilire Ghréagóra)
Inscne: baineann
Post: Iarghobharnóir Shahr-e Qods agus Ceann an City Security Council
|
Mar ghobharnóir Shahr-e Qods agus Ceann an City Security Council ó mhí Mheán Fómhair 2019 go dtí mí na Samhna 2021, d’ordaigh Leyla Vaseghi do na póilíní agus d’fhórsaí armtha eile leas a bhaint as modhanna marfacha le linn agóidí i mí na Samhna 2019, rud a d’fhág gur maraíodh agus gur gortaíodh lucht agóide neamh-armtha agus sibhialtaigh eile. Mar ghobharnóir Shahr-e Qods agus Ceann an City Security Council, tá Vaseghi freagrach as sáruithe tromchúiseacha ar chearta an duine san Iaráin. I gcomhthéacs agóidí 2022/2023, cuimhníonn muintir na hIaráine uirthi fós mar dhuine a raibh ceann de na príomhróil aici i gcur faoi chois foréigneach, agus comparáid á déanamh idir a ndeir sí go poiblí agus an cur faoi chois atá ar bun faoi láthair.
|
12.4.2021”
|
|
137.
|
REZVANI Ali (ar a dtugtar REZWANI Ali freisin)
رضوانی علی
|
Dáta breithe: 1984
Náisiúntacht: Iaránach
Inscne: fireann
Feidhm: Tuairisceoir agus príomhláithreoir/láithreoir nuachta de chuid Islamic Republic of Iran Broadcasting (IRIB) maidir le cúrsaí polaitíochta agus slándála
|
Tá Ali Rezvani ina thuairisceoir don Islamic Republic of Iran Broadcasting (IRIB) agus tá sé ina phríomhláithreoir/láithreoir nuachta ar an gclár nuachta 20.30 a bhíonn ar IRIB gach oíche.
Is eagraíocht meáin státrialaithe de chuid na hIaráine é IRIB agus cuirtear de chúram air faisnéis an rialtais a scaipeadh. Is é clár nuachta 20.30 IRIB, a bhíonn ar siúl gach oíche ar Channel 2, príomchlár nuachta na tíre, agus meastar gurb é príomhardán IRIB chun cláir oibre na bhfórsaí slándála a chur chun feidhme, lena n-áirítear an Ministry of Intelligence (MOIS) agus an Islamic Revolutionary Guard Corps (IRGC). Léirítear i gcásanna a bhfuil taifead déanta orthu go gcraolann nuacht 20.30 admhálacha éigeantacha.
Ina cháil mar thuarascóir IRIB, glacann Ali Rezvani páirt i gceistiúcháin as a dtagann admhálacha éigeantacha, agus dá dheasca sin, tá baint dhíreach aige i sáruithe tromchúiseacha ar chearta an duine agus sna sarúithe sin a éascú. Ina cháil mar phríomhláithreoir ar chlár nuachta 20.30, cuireann Rezvani chun cinn clár oibre fhórsaí slándála na hIaráine, clár a bhfuil glacadh aige le sáruithe tromchúiseacha ar chearta an duine, amhail céasadh, gabhálacha treallacha agus coinneáil. Chomh maith leis sin, scaipeann sé bolscaireacht i gcoinne lucht cáinte d’fhonn imeagla a chur orthu sin agus údar a thabhairt ar a ndrochíde agus an drochíde sin a mholadh, rud a sháraíonn a gceart chun saoirse tuairimí a nochtadh.
Tá sé freagrach, dá bhrí sin, as sáruithe tromchúiseacha ar chearta an duine san Iaráin.
|
12.12.2022
|
|
142.
|
BORMAHANI Mohsen (ar a dtugtar BARMAHANI Mohsen)
محسن برمهانی
|
Dáta breithe: 24.5.1979
Áit bhreithe: Neishabur, Iran
Náisiúntacht: Iaránach
Inscne: fireann
Uimh. Pas: A54062245 (an Iaráin), a rachaidh in éag an 12 Iúil 2026
Uimh. Cárta Aitheantais Náisiúnta: 1063893488 (an Iaráin)
Feidhm: Leas-Stiúrthóir ar an Islamic Republic of Iran Broadcasting (IRIB)
|
Tá Mohsen Bormahani ina Leas-Stiúrthóir ar an Islamic Republic of Iran Broadcasting (IRIB), a bhíonn ag bolscaireacht ar son an réimis atá i gcumhacht.
Sa cháil atá aige, tá Bormahani freagrach as inneachar IRIB. Cuireann IRIB srian daingean le saorghluaiseacht faisnéise, agus séanann sé an tsaorghluaiseacht faisnéise sin ar mhuintir na hIaráine. Anuas air sin, tá IRIB páirteach go gníomhach in ‘admhálacha’ éigeantacha bhaintear as lucht cáinte an réimis a eagrú agus a chraoladh, agus iad bainte astu trí imeaglú agus foréigean fíorghéar. Is minic a chraoltar na ‘hadmhálacha’ seo tar éis agóidí poiblí, nó roimh bhású mar bhealach le frithfhreagairt an phobail a laghdú.
Cé gur éirigh roinnt de phearsanra ardphróifíle craolacháin an stáit as a bpost le déanaí agus gur shéan siad freagairt fhoréigneach réimeas na hIaráine ar agóidí 2022 san Iaráin, leanann Bormahani dá chúram mar Leas-Stiúrthóir agus tá cosaint déanta aige ar an réimeas sna ráitis is déanaí uaidh.
Tá sé freagrach, dá bhrí sin, as sáruithe tromchúiseacha ar chearta an duine san Iaráin.
|
12.12.2022
|