(1)

I gcomhréir le hAirteagal 13 de Threoir 2014/30/AE ó Pharlaimint na hEorpa agus ón gComhairle (2), maidir le trealamh leictreach atá i gcomhréir le caighdeáin chomhchuibhithe, nó codanna díobh, a bhfoilsítear na tagairtí dóibh in Iris Oifigiúil an Aontais Eorpaigh, glactar leis go bhfuil siad i gcomhréir leis na ceanglais fhíor-riachtanacha a leagtar amach in Iarscríbhinn I a ghabhann leis an Treoir sin, ceanglais a chumhdaítear faoi na caighdeáin sin nó faoi codanna díobh.

(2)

Trí Chinneadh Cur Chun Feidhme C(2016) 7641 (3), chuir an Coimisiún iarraidh isteach chuig an gCoiste Eorpach um Chaighdeánú (CEN), chuig Coiste Eorpach na gCaighdeán Leictriteicniúil (Cenelec) agus chuig Institiúid Eorpach na gCaighdeán Teileachumarsáide (ETSI) maidir leis na caighdeáin chomhchuibhithe le haghaidh na comhoiriúnachta leictreamaighnéadaí a dhréachtú agus a athbhreithniú chun tacú le Treoir 2014/30/AE.

(3)

Ar bhonn na hiarrata a leagtar amach i gCinneadh Cur Chun Feidhme C(2016) 7641, rinne CEN agus Cenelec an caighdeán comhchuibhithe EN IEC 62053-24:2021 agus an leasú air, EN IEC 62053-24:2021/A11:2021, a dhréachtú maidir le méadair statacha le haghaidh fuinneamh freasaitheach comhpháirteanna bunúsacha (aicmí 0,5S, 1S, 1, 2 agus 3).

(4)

Ar bhonn na hiarrata a leagtar amach i gCinneadh Cur Chun Feidhme C(2016) 7641, rinne CEN agus Cenelec na caighdeáin comhchuibhithe seo a leanas a athbhreithniú, caighdeáin ar foilsíodh na tagairtí dóibh le Teachtaireacht ón gCoimisiún (IO C 173, 13.5.2016) (4): EN 62053-21:2003, EN 62053-22:2003, EN 62053-23:2003 agus EN 61009-1:2012.

(5)

Is é an toradh a bhí air sin gur glacadh na caighdeáin chomhchuibhithe seo a leanas agus na leasuithe orthu, faoi seach: EN IEC 62053-21:2021 agus EN IEC 62053-21:2021/A11:2021 maidir le méadair statacha le haghaidh fuinneamh gníomhach AC (aicmí 0,5, 1 agus 2); EN IEC 62053-22:2021 agus EN IEC 62053-22:2021/A11:2021 maidir le méadair statacha le haghaidh fuinneamh gníomhach AC (aicmí 0,1S, 0,2S agus 0,5S); EN IEC 62053-23:2021 agus EN IEC 62053-23:2021/A11:2021 maidir le méadair statacha le haghaidh fuinneamh freasaitheach (aicmí 2 agus 3); EN 61009-1:2012 agus EN 61009-1:2012/A13:2021 maidir le scoradáin chiorcaid a oibríonn trí shruth iarmharach ag a bhfuil cosaint forshrutha chomhtháite d’úsáidí tí agus úsáidí comhchosúla.

(6)

Caighdeáin chomhchuibhithe EN IEC 62053-24:2021, arna leasú le EN IEC 62053-24:2021/A11:2021, EN IEC 62053-21:2021, arna leasú le EN IEC 62053-21:2021/A11:2021, EN IEC 62053-22:2021, arna leasú le EN IEC 62053-22:2021/A11:2021, EN IEC 62053-23:2021, arna leasú le EN IEC 62053-23:2021/A11:2021 agus EN 61009-1:2012, arna leasú le EN 61009-1:2012/A13:2021, rinne an Coimisiún measúnú, i gcomhar le CEN agus Cenelec, chun féachaint an gcomhlíonann na caighdeáin sin an iarraidh a leagtar amach i gCinneadh Cur Chun Feidhme C(2016) 7641.

(7)

Caighdeáin chomhchuibhithe EN IEC 62053-24:2021, arna leasú le EN IEC 62053-24:2021/A11:2021, EN IEC 62053-21:2021, arna leasú le EN IEC 62053-21:2021/A11:2021, EN IEC 62053-22:2021, arna leasú le EN IEC 62053-22:2021/A11:2021, EN IEC 62053-23:2021, arna leasú le EN IEC 62053-23:2021/A11:2021 agus EN 61009-1:2012, arna leasú le EN 61009-1:2012/A13:2021, comhlíonann siad na ceanglais fhíor-riachtanacha a bhfuil sé d’aidhm acu a chumhdach agus a leagtar amach i dTreoir 2014/30/AE. Dá bhrí sin, is iomchuí na tagairtí do na caighdeáin chomhchuibhithe sin, mar aon leis na caighdeáin leasaitheacha ábhartha a bhaineann leo, a fhoilsiú in Iris Oifigiúil an Aontais Eorpaigh.

(8)

In Iarscríbhinn I a ghabhann le Cinneadh Cur Chun Feidhme (AE) 2019/1326 ón gCoimisiún (5), liostaítear na tagairtí do na caighdeáin chomhchuibhithe lena dtugtar le fios go nglactar leis go bhfuil siad i gcomhréir le Treoir 2014/30/AE. Chun a áirithiú gur in aon ghníomh amháin a liostaítear na tagairtí do na caighdeáin chomhchuibhithe arna ndréachtú chun tacú le Treoir 2014/30/AE, ba cheart na tagairtí sin, mar aon leis na tagairtí do na caighdeáin leasaitheacha ábhartha a bhaineann leo, a chuimsiú san Iarscríbhinn sin.

(9)

Dá bhrí sin, na tagairtí do na caighdeáin chomhchuibhithe seo a leanas a foilsíodh i dTeachtaireacht (IO C 173, 13.5.2016), is gá iad a tharraingt siar ó Iris Oifigiúil an Aontais Eorpaigh: EN 62053-21:2003, EN 62053-22:2003, EN 62053-23:2003 agus EN 61009-1:2012.

(10)

In Iarscríbhinn II a ghabhann le Cinneadh Cur Chun Feidhme (AE) 2019/1326, liostaítear na tagairtí do na caighdeáin chomhchuibhithe arna ndréachtú chun tacú le Treoir 2014/30/AE, tagairtí a tarraingíodh siar as sraith C d’Iris Oifigiúil an Aontais Eorpaigh. Dá bhrí sin, is iomchuí na tagairtí sin a chur leis an Iarscríbhinn sin.

(11)

Chun a ndóthain ama a thabhairt do mhonaróirí ullmhú do chur i bhfeidhm chaighdeáin chomhchuibhithe EN IEC 62053-21:2021, arna leasú le EN IEC 62053-21:2021/A11:2021, EN IEC 62053-22:2021, arna leasú le EN IEC 62053-22:2021/A11:2021, EN IEC 62053-23:2021, arna leasú le EN IEC 62053-23:2021/A11:2021, agus EN 61009-1:2012, arna leasú le EN 61009-1:2012/A13:2021, is gá tarraingt siar na dtagairtí do na caighdeáin chomhchuibhithe seo a leanas a chur siar: EN 62053-21:2003, EN 62053-22:2003, EN 62053-23:2003 agus EN 61009-1:2012.

(12)

Dá bhrí sin, ba cheart Cinneadh Cur Chun Feidhme (AE) 2019/1326 a leasú dá réir.

(13)

Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréireacht ann leis na ceanglais fhíor-riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear an tagairt don chaighdeán sin in Iris Oifigiúil an Aontais Eorpaigh. Dá bhrí sin, ba cheart an Cinneadh seo a theacht i bhfeidhm lá a fhoilsithe,